စစ်အစိုရအကျဉ်းထောင်အတွင်း ကျနော်ကြုံခဲ့ရသမျှ တစိတ်တဒေသ (၃)

စစ်အစိုးရအကျဉ်းထောင်အတွင်း ကျနော်ကြုံခဲ့ရသမျှ တစိတ်တဒေသ(၃)

ကျနော် ၀င်းမောင်အတွက် စိတ်မကောင်းတာရော မခံချင်စိတ်ရော မွန်ထွန်နေသည်။ ၀င်း
မောင်ကတော့ ဘာမှမပြော တခုပဲပြောသည် “သူပုန် ဒါ မင်းထောင်မှာ အစကြုံရတာပဲရှိသေး
တယ်နောက် ဒီထက်ဆိုးတာတွေ ရှိသေးတယ်” လို့ပြောသည်။ ကျနော်နောက်တပါတ် ၀ယ်
လာပေးလျှင် အခြားတယောက်က ထပ်ပြီးသိမ်းသွားနိူင်သေးသည် ကျနော်ထိုသို့သိမ်းယူခွင့်
လုပ်ချင်ရာလုပ်နိူင်ခွင့်ရနေသော အခြေအနေကြီးကို မကြိုက်။ တချိူ့ကပြောသည် ထောင်
တွေမရှိရင် ရာဇ၀တ်မှုတွေတိုးလာမည်။ ထောင်ထဲမှာ ညှင်းပမ်းနှိပ်စက်မှုတွေမရှိရင် လူတွေ
ဟာ ထောင်ထဲမှာ အိပ်လိုက်စားလိုက်နဲ့နေကြမှာပေါ့ အပြင်မှာဘယ်နေတော့မလဲတဲ့ ကျနော်
ကတော့ ထိုအယူအဆကို သဘောမတူ။

အကျဉ်းကျလာသော အကျဉ်းသားတို့ကို တရားရုံးမှ ပြစ်မှုနှင့်ပြစ်ဒါဏ် ထိုက်သင့်သောပြစ်
ဒါဏ်ကိုသာပေးသင့်သည်ဟုမြင်သည်။ ကြံလေးတချောင်းခိုးစားမိရုံနဲ့ ကလေး တယောက်
ကို ထိုဆိုးရွားလှသောအကျဉ်းထောင်သို့ (၆)လ (၁)နှစ် မပို့သင့် လူအခွင့်ရေးအတွက် တိုက်ပွဲ
ဝင်နေပါသည်ဆိုသော သူများသည်ပင်လျှင် အကျဉ်းထောင်ဆိုတာ ပြစ်ဒါဏ်ကြွေးဆပ်ရာ
နောင်တရအောင် နှိပ်စက်ညှင်းပမ်းပေးရာနေရာ ကြောက်ရွံရိုကျိူးသွားစရာ နေရာဖြစ်သင့်
သည် ဟုသဘောထားကြသော သူများရှိသည်။ ဒီမိုကရေစီရပါက ရန်သူများ ရန်သူ့လူများကို
ပြန်ပြီး အာဏာဖြင့် ကလဲ့စားချေလိုက်မည် သို့မဟုတ် အခွင့်ရေးရပါကလည်း ရန်သူကဲ့သို့ပင်
ကျင့်ကြံသည်။ မိမိသည် ရန်သူကဲ့သို့ ပြုမူကျင့်ကြံပါက မည်သို့မည်ပုံ လူအဖွဲ့စည်းကြီးသည်
တိုးတက်ယဉ်ကျေးလာပါတော့မည်နည်း။ ရိုးရိုးရာဇ၀တ်အကျဉ်းသားတို့သည် ထိုသို့မနှိပ်ကွပ်
ပါက လွတ်လာသည့်အခါ ပို၍ဆိုးလာလိမ့်မည်ဟုလည်း ပြောကြသည်။ ကျနော်ကတော့ သ
ဘောမတူ။

အုပ်ချူပ်သူအစိုးရ၏ တရားစီရင်ရေးယန္တယားကြီးကနေ ထိုရာဇ၀တ်မှုကျူးလွန်ခဲ့သူကို လူအဖွဲ့
စည်းအတွင်း နောက်ထပ်မကျူးလွန်စေရန် ခေတ္တထိမ်းသိမ်းထားခြင်းသာဖြစ်သင့်သည်။ ထိုရာ
ဇ၀တ်အကျဉ်းသားသည် တချိန်တွင်လူလောကကြီးအတွင်းသို့ပြန်ဝင်ရသောအခါ အကြောက်
တရားဖြင့်မဟုတ်ပဲ အသိတရားဖြင့်နားလည်လက်ခံပြီး နောက်တဖန် ပြစ်မှုမဖြစ်အောင် ထိမ်း
သိမ်းစောင့်ရှောက်တတ်သူ ဖြစ်အောင် ပြုပြင်ပေးသင့်သည်။ နှိပ်စက်၍ကြောက်ရွံအောင်လုပ်
ခြင်းဖြင့် ဘယ်သောအခါမှ ပြစ်မှုမကျူးလွန်ခြင်းသည် ကျူးလွန်ခွင့် အခွင့်အရေးမရသေး၍ မ
ကျူးလွန်ခြင်းသာဖြစ်သည် ကျူးလွန်ခွင့်ရပါက ကျူးလွန်မည်ဖြစ်သည်။

ထိုသဘောကို စစ်အစိုးရက မသိ၍မဟုတ် သိမြင်နိူင်ပါသည် သို့သော် လူတွေအားလုံးကို
ကြောက်ရွံနေစေချင်ချင်သည် ထိုကြောက်ရွံနေမှသာလျှင် အထက်မှ လူနည်းစုလေးက အား
လုံးကို ချယ်လှယ်အုပ်ချူပ်နိုင်မည် ဖြစ်သည်။ သို့သော် အကျဉ်းထောင်အတွင်း လူမဆန်သော
ဖိနှိပ်ရက်စက်မှုများသည် ရှိနေဆဲ။

ကျနော်အကျဉ်းထောင်အတွင်းနေထိုင်ရသော (၁၉၈၉-၁၉၉၄) ကာလများကို ကျနော်ကြုံတွေ့
ခဲ့ရသည် များကို သာပြန်ရေးခြင်းဖြစ်ပါသည်။ အခြားသောပြောင်းလည်းလာမှုများကို ကျနော်မ
သိနိူင်တော့ပါ ကျနော်ကြုံခဲ့ရသည်များကိုတော့ဖြစ်ရပ်မှန်အတိုင်း တင်ပြသွားပါမည်။

၁၉၈၉ ခုနှစ် ဇူလိုင်လ တတိယအပတ်အတွင်း အကျဉ်းသားများအတွက် အထွေထွေလွတ်ငြိမ်း
ချမ်းသာခွင့်ကဲ့သို့သော ခံစားခွင့်များရရှိလိုက်သလိုအာဇာနည်နေ့အခန်းအနားကျင်းပမှုကြောင့်
အကြောင်းအမျိူးမျိူးပြ၍ နိုင်ငံရေးလှုပ်လျားမှုတွင် ပါဝင်ခဲ့သော လူငယ် များ နိုင်ငံရေးပါတီ
ခေါင်းဆောင်များကို ဆက်တိုက်အပြစ်ရှာ၍ ဖမ်းဆီးခဲ့ပါသည်။ ကျနော်တို့ ဧရာဝတီတိုင်း တိုင်း
မှုး ဗိုလ်ချူပ်မြင့်အောင်သည်စစ်အာဏာရှင်စနစ်ဖြင့် တိုင်းပြည်တိုးတက်အောင်ပြုလုပ်နိူင်သည်
ဟု ယုံကြည်သူဖြစ်သည်။ သူ့ကြွေးကြော်သံမှာ “မြန်မာပြည်မှာ ဒီမိုကရေစီသာရရင် ရသွားမယ်
ဧရာဝတီတိုင်းမှာ မရစေရဘူး” ဖြစ်သည်။ တကယ်တော့ကိုယ်ကျိူးရှာသမားသာဖြစ်သည်။

ထို့ကြောင့် နိူင်ငံရေးပါတီများ နိူင်ငံရေးလှုပ်လျားသူများကို နည်းမျိူးစုံဖြင့် ဖိနှိပ်သည်။ ကြောက်
ရွံတုန်လှုပ်သွားအောင် စိတ်ဓါတ်ရေးရာအရသိမ်ငယ်သွားအောင် နည်းပေါင်းစုံဖြင့် ပြုလုပ်ခဲ့
သည်။ ထိုကဲ့သို့ဖိနှိပ်မှုများကို (၁၉၉၀) ရွေးကောက်ပွဲမတိုင်မီ နှင့် ရွေးကောက်ပွဲတွင် ဒီမိုကရေ
စီ ဘက်တော်သားများဘက်က အနိူင်ရခဲ့ပြီးချိန်အထိလည်း ဖိနှိပ်ခဲ့သည်။ ရွေးကောက်ပွဲမတိုင်
ခင်အင်အားချည့်နဲ့သွားစေရန် ရည်ရွယ်၍ အမျိူးသားဒီမိုကရေစီအဖွဲ့ချူပ်ဗဟိုခေါင်းဆောင်များ တိုင်းခေါင်းဆောင်များ မြို့နယ်ခေါင်းဆောင်များ ရပ်ကျေးခေါင်းဆောင်များ ကိုပါ အဆင့်တိုင်း၌
အကြောင်းရှာ၍ ဖမ်းဆီးနေသောအချိန်လည်းဖြစ်သည်။ ဒေါ်အောင်ဆန်းစုကြည်ကိုယ်တိုင် နေ
အိမ်အကျယ်ချူပ် ပထမဆုံးအကြိမ်စတင်ဖမ်းခံရသော ကာလလည်းဖြစ်သည်။

ထောင်အပြင်ဖက်က နိုင်ငံရေးလှုပ်ရှားသူများ ဘက်က အားကောင်းလာလျှင် လှုပ်ရှားမှုများ
လာလျှင် အကျဉ်းထောင်အတွင်း အနည်းငယ်သက်သာချောင်ချိမှုရလာသည် နိုင်ငံရေး ပုဒ်မ
သမားများကို သိပ်မဖိနှိပ်တော့ အားနည်းနေသောအချိန်တွင်တော့ နိူင်ငံရေးသမားများကိုဖိနှိပ်
မှုက ပိုများလာသည်။ နိူင်ငံရေးလှုပ်ရှားမှု အားကောင်းခြင်းနှင့် ထောင်တွင်းဖိနှိပ်မှုလျှော့ကျ
ခြင်းတို့သည် တိုက်ရိုက်ပတ်သက်နေသည်။

ထိုကာလများအတွင်း အကျဉ်းထောင်များအတွင်း အကြောင်းအမျိူးမျိူးပြ ဖမ်းဆီးခံရသူများ
များသည်။ ထိုသို့သောအခြေအနေတွင် ဖိနှိပ်မှုရက်စက်မှုများ ထောင်တွင်းပိုမိုလာသည် တင်း
ကြပ်မှုတွေ များပြားလာခဲ့သည်။ ထိုအချိန်များအတွင်း သီးခြားတိုက်ထဲမှ ပြစ်ဒါဏ်တိုက်ပိတ်
များ လွတ်သွားသည်။ ယခင်ပြစ်ဒါဏ်တိုက်ကို အပူတပြင်းပြန်ပြင်သည်။ ကျနော်တို့နှင့်ရောမ
ထားတော့ ထိုရက်ပိုင်းအတွင်း ပြစ်ဒါဏ်တိုက်ပြင်ဆင်မပြီးသေးသောအချိန်တွင်သာ ခဏထား
ခြင်းဖြစ်သည်။

တနေ့ကျနော် ထမင်းစားအပြီးအခန်းထဲမှာ ၀င်အိပ်နေစဉ် အော်ဟစ်ဆဲဆိုသံများ ကြိမ်လုံးဖြင့်
ရိုက်သံများကြောင့်လန့်နိူးလာသည်။ ထောင်ဝန်ထမ်း လေးငါးယောက် နောက်ဝင်းမောင် လူတ
ယောက်က ဆောင့်ကြောင့်ထိုင် လက်ကိုအပေါ်တင်ထား၍ ဖားခုန် ခုန်လာရသည်။ ထိုသူက
တေက်လျှောက်ခုန်လာရသည် ထိုသို့ခုန်နေရင်းက နောက်ကကျောသို့ ကြိမ်လုံးဖြင့် အသား
ကုန်လွဲရိုက်ခြင်းကိုလည်းခံရသည်။ ထိုသူသည်အနည်းငယ်ဝသော အသက်သုံးဆယ်ကျော်အ
ရွယ်ဖြစ်သည်။ သူမျက်နှာမှာ ချွေးသီးချွေးပေါက်ကျနေသည်။ ထို့သို့ရှေ့သို့ ဆက်မခုန်နိုင်ပါက
ပိုပြီးရိုက်သည်။ သူ့ခြေထောက်တွင်လည်း ခြေကျင်းနှစ်ခုအလည်ကို သံချောင်းခံထားသော
လမ်းသွားရင် ဘဲသွားသွားနေရသည့် ဒေါက် ကိုထည့်ထားသေးသည်။ ထိုဒေါက်ကြောင့်ဖားခုန်
ခုန်ရတာ မလွယ်ထိုသူမှာ ဘာကြောင့်ထိုကဲ့သို့ အရိုက်ခံနေရသည် ကိုတော့ကျနော်မသိ ၀င်
ရောက်မေးမြန်းပါက အမှုတွဲသွားမည်။ မေးသူပါထပ်အရိုက်ခံရမည် “မင်းအကြောင်း ဘာပါလဲ
မင်းအမေလင်မို့လို့လား ငါ -ိုး မသား မအေxxxxxx နှမ” ဆဲဆို၍ အရိုက်ခံရမည်။

ထောင်တွင်းသွေးခွဲ အုပ်ချူပ်နည်းများစွာထဲက တနည်းဖြစ်သည် “ကိုယ့်အကြောင်းကိုယ်ပြော
သူများအကြောင်း ဘာမှပြောနဲ့ ဒါထောင်” ဆိုသည်မှာ အကျဉ်းထောင် လက်သုံးစကား ဖြစ်
သည်။ ထိုသို့ ထိုအကျဉ်းသားကို ကြိမ်ဖြင့် တောက်လျှောက်နောက်ကနေ ရိုက်လာသူမှာ ကျ
နော့်သူငယ်ချင်း ၀င်းမောင် ဖြစ်သည်။ ဘာလို့ အဲ့လို လူမဆန်စွာ ရိုက်ရသနည်း တရိစ္ဆာန်တ
ကောင်ပေါ်မှာတောင် တော်ရုံလူက ထိုကဲ့သို့မရက်စက် ထောင်ဝန်ထမ်းများကလည်း ၀င်ရိုက်
ဝင်ဆဲကြသေးသည်။ ထိုသူကို အခန်းနံပါတ်(၁၁)အခန်းတွင် ပိတ်ထားလိုက်သည်။ သူမလာ
ခင်ကတည်းက နှီးကျောဖျာ တချပ် မိလ္လာသုံးဂံဖလားတအိုး လာထည့်ထားပြီးပြီ။ ကျနော်တို့
သီးခြားတိုက်ထဲမှာ တိုက်ပိတ်ပြစ်ဒါဏ်ကျ ထိုလူသစ် ကျနော်နှင့် အပက(၃) အမှု (၃၉)မှု
ဖြင့် တိုက်ထဲလာထားသော ညွန်းမှုးအပ်ထည် (တနည်းညွန်းမှုးကို လဒ်ပေး၍ လာထားသောအ
ချူပ်အကျဉ်းသား) နှစ်ဦးသာရှိသည်။ ကျနော် ၀င်းမောင်ကို မေးချင်နေသည်။ ဘာဖြစ်တာ
လဲ ဘာဖြစ်လို့လဲ။

ညနေထမင်းပုံး လာထိုးအပြီး ထိုထမင်းပုံးမှာ တိုင်ကီပေပါကို တ၀က်ဖြတ်၍ လက်ကိုင်ကွင်း
ကြီးတပ်ထားသည်။ ထိုလက်ကိုင်ကွင်းထဲသို့ ၀ါးပိုးဝါး လှိုထည့်၍ ရှေ့နောက်အကျဉ်းသားနှစ်
ယောက်ကထမ်းရသည်။ မနက်ပိုင်း ပဲဟင်းတပုံး ထမင်းတပုံး ငါးပိတပုဂံဖြင့် ကျနော်တို့ကိုလာ
ပေးသည်။ ကျနော်တို့က ထောင်းတွင်းသုံး ပလပ်စတစ်ဇလုံဖြင့် ထမင်း ပဲဟင်း ငပိတို့ကိုသူတို့
ကော်ပေးသော ခပ်ထည့်ပေးသော ထမင်းကို လက်ခံယူရသည် ပဲဟင်းသည်လည်း ထိုကဲ့သို့
ခွက်ရှိပါက ခွက်ဖြင့်သီးခြားခံရသည် သီးခြား ခွက်မရှိပါက ထမင်းနှင့်ရောပြီးထည့်ယူရသည်။
ကိုယ့်စိတ်ကြိုက်တောင်းယူလို့မရ သို့သော်ထမင်းလာပို့သော ထမင်းရုံတန်းစီး နှင့်ပိုင်လျှင်
တော့လိုသလောက် သူပေးသလောက်ရသည်။ သူကလည်းသူ့အတွက် တောင်းယူတတ်သည်
မနက်တခါ ညနေတခါ တိုက်ထဲသို့လာပေးသည်။ ထမင်းက လောက်သလောက်ယူနိုင်ပြီး ပဲ
ဟင်းကတော့ နို့ဆီဘူးတဗူးရသည်။ ထောင်စစ်ဆေးမှု အရာရှိကြီးများလာသောအခါ နည်း
နည်းပိုကောင်းချင်ယောင်ဆောင်ပြီး ကျန်သောအချိန်များမှာ အရည်ကျဲသည်။

ထိုညနေထမင်းပုံး လာထိုးအပြီး ၀င်းမောင် ကျနော့်အခန်းသို့ ရောက်လာသည် သူပုံစံအတိုင်း
စကားတော့မပြော ကျနော်က ဘာဖြစ်တာလဲ ဘာပြစ်မှုနဲ့ အဲ့လိုရိုက်ပြီးတိုက်ပိတ်တာလည်းဆို
တာကိုမေးဖြစ်သည် သူကတော့တိုတိုပါပဲ “ဆေးလိပ်သောက်လို့တဲ့” “တို့လည်းသောက်တယ်
လေကွာ အဲ့လောက်အရိုက်ခံရတာပဲလား” လို့ကျနော်ပြောတော့ “ ဒီကောင်က ရပ်ကွက်လူ
ကြီး ထောင်ကျတော့ ထောင်မှုးလိုင်းသမား မိန်းဂျေးအဆောင်က စည်းကမ်းထိမ်းသိမ်းရေး ဒီ
ကောင်ဗိုလ်ကျနေတာကြာပီ အခြင်းခြင်းအထာမထားဘူး ထောက်ကျတွေလည်း စွတ်ရိုက်နဲ့
ငါဒီကောင့်ကိုကြည့်မရတာကြာပီ ခုငါ့အလှည့် ဒီတိုက်ကငါတန်းစီးလေ အဆောင်မှုးလေငါလုပ်
ချင်တာ လုပ်တယ်ကွာ” တဲ့ ဆေးလိပ်ကို ထောင်ဝန်ထမ်း ထောင်ဝါဒါတွေက သွင်းပေးတာပါ။

ဆေးလိပ်တင်မကပါဘူး အခြားမူယစ်ဆေးဝါး ဆေးခြောက် ဘိန်း ဘိန်းဖြူ အကုန်ရပါတယ်။
အရက်လည်း ရပါတယ် လူကြည့်ဝယ်ပေးတယ်ပေါ့ သိုသိုသိပ်သိပ်သောက်တတ်တယ် ပြဿ
နာမဖြစ်ဘူးဆို ၀ယ်ပေးပါတယ် ဈေးကတော့ကြီးပါတယ်။ မူးယစ်ဆေးဝါးကတော့ အနံ့မထွက်
တော့ ပိုသုံးကြပါတယ်။ ထောင်ထဲမှာ အုပ်ချူပ်သူတွေနဲ့အဆင်ပြေရင် ဘိန်းဖြူထိုးသော်လည်း
ပြဿနာမဖြစ် ဖြစ်ချင်ရင် ဆေးလိပ်သောက်တာနဲ့တင် အပြစ်က ကြီးသည်။ တခါတလေပြစ်မှု
တခုကို နှစ်ယောက်အတူကျူးလွန်သော်လည်း တယောက်ကိုပဲအရေးယူသည်။ တယောက်ကို
အရေးမယူ ဗြောင်လွှတ်သည်လည်းရှိသည်။ ပစ္စည်းကို သွင်းပေးတာက ထောင်ဝန်ထမ်း ပြ
ဿနာရှင်းရရင်တော့ ကိုယ့်ဘာသာရှင်းပေတော့။

နောက် ဇူလိုင်နောက်ဆုံးပတ်မှာတော့ ကျနော့်ကို အပြင်အချူပ်ဆောင်သို့ ပြောင်းထားပါသည်
ညနေတန်းပိတ်ခါနီး ၀န်ထမ်းတယောက်လာခေါ်ပါသည်“ မင်းပစ္စည်းတွေသိမ်းထား အဆောင်
ပြောရမယ်” ဟုလာပြောသွားပါသည်။ ထိုအချိန်တုန်းက ပုသိမ်ထောင်တွင် ပုသိမ်မြို့ခံလူများ
အရေးအခင်းတွင်းတက်ကြွစွာလှုပ်လျားသူများကို တိုင်းမှုးအမိန့်ဖြင့် ပုဒ်မ ၁၀(က) တပ်၍ အ
ဆောင်တခုတွင် ထိမ်းသိမ်းထားသည် ကျနော့်အထင် ထိုအဆောင်သို့ပြောင်းရွေ့ထားလိမ့်မည်
ဟုထင်သည်။ ထိုသို့ကိုယ်နှင့်ဝါသနာတူ ဘ၀တူသူများနှင့်အတူနေရရင် စိတ်ကျဉ်းကြပ်မှုတစုံ
တရာတော့သက်သာမည် ဟုထင်နေသည်။ သို့သော်ကျနော်ထင်ထားသလို မဟုတ် ကျနော်
ကို ရိုးရိုးရာဇ၀တ်အကျဉ်းသားများ ချူပ်ထားသည် အချူပ်ပုံစံခန်းသို့ ပြောင်းလိုက်ခြင်းသာဖြစ်
သည်။

ထိုအချူပ်ပုံစံခန်းမှာ အကျဉ်းထောင်အတွင်းသို့ ရဲစခန်းအချူပ်မှ ပြောင်းရွေ့ချူပ်နှောင်ထားခြင်း
ခံရသူများ အကျဉ်းထောင်သို့အရောက် အကျဉ်းထောင်စည်းကမ်းများ သင်ပေးပုံစံချသောအ
ခန်းဖြစ်သည် တနည်း ဦးချိူးသော နှိပ်ကွပ်သောအခန်းဖြစ်သည်။ ကျနော်ထိုအခန်းသို့ရောက်
သောအခါ ထုံးစံအတိုင်း အချူပ်သစ်များကိုထားသော အခန်းခြေရင်း မိလ္လာအိုးနှင့်နီးသောနေ
ရာတွင် နေရာချထားပေးသည်။ ဘာပဲဖြစ်ဖြစ် တယောက်ထဲနေရခြင်းထက် လူအများနှင့်နေရ
ခြင်းက ပိုကောင်းသည်ဟု ကျနော်မြင်သည်။ ကျနော်လူအများကြားတွင်ရှိနေခြင်းဖြင့် ကျနော်
ယုံကြည်သည့် စစ်အာဏာရှင်ဆန့်ကျင်ရေးကို တနည်းနည်းဖြင့်လုပ်ခွင့်သာသေးသည်ဟု ကျ
နော်သဘောထားသည်။

ကျနော်ထိုအခန်းကို ရောက်ရှိပြီးမကြမီ ၀င်းမောင်အပါအ၀င် ကျနော်နှင့်အခန်းခြင်းဘေးခြင်း
ကပ်ပြစ်ဒါဏ်တိုက်ပိုတ်ခံရသော ကျနော်ဆေးလိပ်မျှဝေသောက်ခဲ့သော ရေပတ်တိုက်နိုင်ရန်
ကူညီပေးခဲ့သော ဟင်းဝေမျှစားခဲ့သော နှစ်ကြီးသမား ထောင်ကျများဖြစ်သည့် ကိုဇော်နိုင်
ခင်စိန်တို့ရောက်လာသည်။ ခင်စိန်ကဖေါက်ထွင်း မှု အများကြီး ထောင်ခဏခဏ လည်းကျ
ဖူးသူ ထောင်ထဲဝင်လိုက်ထွက်လိုက် ခုနောက်ဆုံး ဖေါက်ထွင်းမှု(၇)မှုဖြင့်ရုံးထွက်နေရသူ။

ကျနော့်သတင်းကြား၍ လာတွေ့ကြခြင်းပါ။ ကိုဇော်နိုင်နှင့်ကျနော်က သီးခြားတိုက်ထဲမှာထဲ
က ပို၍ခင်မင်သည် ကိုဇော်နိုင်ထောင်မည်မျှကျသည် ဘာမှု့ဖြစ်သည်ကိုမျှ မသိပဲကျနော်က
တတ်နိုင်သလောက်ကူညီပေးခဲ့၍ ဇော်နိုင်ကကျနော့်ကိုခင်သွားတာလည်းဖြစ်နိုင်သည်။အ
ဆောင်ထဲစ၀င်လာထဲက ကျနော့်နာမည်အော်၍ ၀င်လာသည်။ လက်ထဲတွင်လည်း ကြိမ်လုံး
များနှင့်တန်းစီးကအစ ထပြီးမေးသည်။

ကျနော်တို့ အချူပ်ပုံစံခန်းတန်းစီးက ကိုတင်သောင်းတသက်တကျွန်းကျနှစ်ကြီးသမားယောက်
ခမများကိုသတ်၍ ထောင်တသက်တကျွန်းကျလာသူ ထောင်တွင်းနေသည့်နှစ်(၁၀)နှစ်နီးပါး
တသက်တကျွန်းမှ အထွေထွေလွတ်ငြိမ်းချမ်းသာခွင့်ဖြင့် (၁၀)နှစ်ပြစ်ဒါဏ်ပြောင်းလဲသတ်မှတ်
ခံစားခွင့်ရသည်မှာ မကြာသေး ထောင်အပြင်ဘက် လက်သမားဘုတ်တွင် ဘုတ်ကိုင် လက်သ
မားလုပ်ငန်းကျွမ်းကျင်သော လက်သမားဆရာတဦး။

ကိုတင်သောင်းနှင့် ကိုဇော်နိုင် ၀င်းမောင် တို့က ဘ၀တူနှစ်ရှည်အကျဉ်းသမားတွေ တယောက်
နှင့်တယောက်အလွန် ချစ်ခင်သူတွေ ငတ်အတူ ဆင်းရဲအတူ ပြောမနာဆိုမနာသူငယ်ချင်းတွေ
တယောက်ထိတယောက်မခံသူတွေ ဇော်နိုင်က ပုသိမ်သားပန်းတင်ကုန်းသား နာမည်ကြီးလူ
မိုက် အကင်းပါးသူ လက်မြန်ခြေမြန်သူ သတ်ခြင်းဖြတ်ခြင်းမှာ လက်ယဉ်သူ နာမည်ကြီး ပုသိမ်
မှာပန်းတင်ကုန်းလူမိုက် ဇော်နိုင်ဆို ကြောက်ရသည် သူတမင်တကာ အနိုင်ကျင့်တာလည်းမ
တွေ့ သို့သော်သူက အခြေခံပညာအားနည်းသည် သူမှာထွေထွေထူးထူးစဉ်းစားတာမရှိ သူက
တမျိူး သီချင်းဆိုကောင်းသည် သီချင်းတွေတော်တော်များများရသည် သီချင်းလေးတအေး
အေး နှင့်လည်းနေတတ်သည်။

သူ့ကို ၀င်းမောင်က သူကျိူးလို့ခေါ်သည် ကိုဇော်နိုင်ထောင်ကျခံနီး ရန်ဖြစ်ရင်းသူများအုတ်ခဲ့နှင့်
ထု၍ရှေ့သွားများမရှိတော့ ထို့ကြောင့် ၀င်းမောင်က သူကျိူးလို့ခေါ်သည် ကိုဇော်နိုင်က ၀င်းမောင်
ကို အရူးလို့ခေါ်သည် ၀င်းမောင်က စကားနည်းသည် သူလုပ်ချင်ရာလုပ်သည် ထို့ကြောင့် အရူး
လို့ချစ်စနိုးခေါ်ခြင်းဖြစ်သည်။ ၀င်းမောင်ရော ကိုဇော်နိုင်ကိုပါ ဘယ်သူမှ ထိုသို့မခေါ်ရဲ ထောင်ဝန်
ထမ်း အသစ်လေးများသည်ပင်လျှင် မခေါ်ရဲ။

ထိုသို့သော သူများက နာမည်တခုအော်၍ လိုက်ရှာတော့ တန်းစီးများက တခုခုလို့ထင်သည
သူ တို့က ကျနော်အပြင်ဆောင်ရောက်ပြီ သတင်းကြား၍ လိုက်ရှာခြင်းဖြစ်သည်။ ကျနော့်ကို
တွေ့တော့ တန်းစီးကိုတင်သောင်း ဒုတန်းစီး မော်စီတုန်းတို့ကိုအပ်သည်။ သူတို့နှစ်ယောက်
အပ်ပုံအပ်နည်းကလည်းရှင်းသည်။ သူတို့ကျနော့်ပစ္စည်းတွေသယ်လာ၍ တန်းစီးနှစ်ယောက်
ဘေးမှာ နေရာယူခိုင်းသည်။ ဒါပါပဲ။ ကျနော်က ထိုခေါင်းရင်းနေရာမှာ မနေတတ်မလွတ်လပ်
သလိုလိုခံစားရသည်။ နောက်ထိုနေရာသို့ နေချင်သူတွေက ခပ်များများ ကျနော်ရောက်
ရောက်ခြင်းမို့ဘာမှပြောမနေတော့။ ကျနော်လည်း အခန်းထဲမှာ သိသူတယောက်မှ မရှိသေး။

နောက်တော့ ကိုဇော်နိူင်ကကျနော့်ကို ပြောသည်။ ခင်ဗျားကို မနက်ဖန် အချူပ်သစ်တွေနဲ့အတူ
အလုပ်ခိုင်းရင်ခိုင်းလိမ့်မယ် တပါတ်လောက်တော့လုပ်လိုက် နောက်ကျနော်တို့လာခေါ်မယ်။
ထိုအချိန်က မီးရှို့ခံရသော မိန်းဂျေးအဆောင်များကို အသစ်ဝင်လာသော လူသစ်များ ဖြင့်ပြန်၍
ရှင်းလင်းတည်ဆောက်နေရသော အချိန်ဖြစ်သည်။

(ဆက်ပါဦးမည်)