Wednesday, November 4, 2009

စစ်အစိုးရအကျဉ်းထောင်အတွင်း ကျနော်ကြုံခဲ့ရသမျှ တစိတ်တဒေသ(၂)














စစ်အစိုးရအကျဉ်းထောင်အတွင်း ကျနော်ကြုံခဲ့ရသမျှ တစိတ်တဒေသ(၂)

အဲ့ဒီအချိန်တုန်းက ကျနော်ကသူ့ကို သံသယတ၀က်နှင့်ခင်မင်ပြီးသူကတော့ သူပုံစံအတိုင်းသူ
နေခဲ့ခြင်းသာဖြစ်သည်။ ကျနော်တို့တိုက်ထဲတွင်ရှိနေစဉ်မှာပင် အထွေထွေလွတ်ငြိမ်းချမ်းသာ
ခွင့်ကြေငြာသည်။ ည(၈)နာရီသတင်းလာချိန်။ထောင်တထောင်လုံး ဝေး ဝေးနဲ့အော်သံတွေ
ကြားနေရသည် တခုခုတော့ထူးနေပြီလို့ထင်သည်။ ထို့နောက်ကျနော်တို့ ပြစ်ဒါဏ်ကျ တိုက်
ပိတ်ဆောင် သီးခြားတိုက်သို့လည်း တာဝန်ကျတာဝန်မှုးထောင်မှုးနှင့်ထောင်ပိုင်ကြီးကိုယ်တိုင်
လိုက်ပြောသည်။ တိုက်ပိတ်ပြစ်ဒါဏ်ကျနေသူများအားလုံးလည်းပျော်ကြသည်။ထောင်ပိုင်ကြီး
ကဦးဝင်းမြင့် ထောင်ပိုင်ကြီးက ပင်ကိုယ်စိတ်ရင်းကောင်းသူ အားလုံးကိုလွတ်စေချင်သည်။

သူကိုယ်တိုင်လည်းပျော်နေသည်။ကျနော်ကိုတော့ ဦးဝင်းမြင့်ကပြောသည်“ခင်ဗျားတို့ နိူင်ငံ
ရေးအမှုတွေကတော့ အကြုံးဝင်မ၀င်မသိသေးဘူး ရိုးရိုးအမှုတွေကတော့ အချူပ်အကျဉ်းသား
တွေလည်း ကွင်းလုံးကျွတ်ခံစားခွင့်ရှိကြောင်း တထောင်လုံးနီးပါးလွတ်မှာ” ဟုပြောသွားပါ
သည်။

တကယ်က ထောင်တထောင်လုံးမှာရှိသော ကြိုးမိန့်သေဒါဏ်ကျအကျဉ်းသားများ အပါအ၀င်
တထောင်လုံးနီးပါးလွတ်သွားကြသည်။ ထောင်ထဲမှာသေဒါဏ်မှ နှစ်(၂၀)ပြောင်းလဲပြစ်ဒါဏ်ခံ
ကြိုးသမားများအပါအ၀င် အကျဉ်းသားစုစုပေါင်း (၉၂)ယောက်သာကျန်တော့သည်။ ကျနော်
အခန်းဘေးမှ ပြစ်ဒါဏ်ကျတိုက်ပိတ်အကျဉ်းသားအားလုံး တိုက်ပိတ်ပြစ်ဒါဏ်မှလွတ်လိုက်
သည်။သူတို့အားလုံးသည် နှစ်ကြီးသမားများ လူသတ်မှု ဓါးမြမှု လုယှက်မှုများနှင့် နှစ်ကြီးကျ
နေသူများသာဖြစ်သည်။ကျနော်လို လူသစ်များကို စလို၍သာ အမှုသေးများလိုက်ပြောချင်းဖြစ်
သည်။

အမှုကြီးများဖြစ်သော လူသတ်မှု ဓါးမြမှု မုဒိန်းမှုဖြစ်သော အချူပ်သမားများပါ လွတ်သည်။ အ
ချူပ်အကျဉ်းသားအားလုံးလွတ်သည်။ အမှုကြီးများကို တရားလိုဖက်က ပြန်လည်တရားမစွဲပါ
က (၄၅)ရက်ကျော်လျှင် အပြီးလွတ်သည်။ထို့ကြောင့်အမှုကြီး(၂)မှု (၃)မှုဖြစ်လာခဲ့သော်လည်း
အချူပ်အကျဉ်းသားဖြစ်ပါက လွတ်သည်။ကျနော်တို့ နိုင်ငံရေးပုဒ်မနှင့်အချူပ်ခံထားရသူများခံ
စားခွင့်မရပါ။အခြားသောရာဇ၀တ်မှုခင်းများကိုသာရွေးလွတ်ခြင်းဖြစ်သည်။ ထိုလွတ်ငြိမ်းချမ်း
သာခွင့်ကြေငြာသောနေ့သည် ထိုနှစ်(၁၉၈၉)ခု ဇူလိုင်လ အာဇာနည်နေ့ မတိုင်ခင်မှာဖြစ်သည်
ထင်သည်။

ထိုလွတ်ငြိမ်းချမ်းသာခံစားခွင့်အရ ၀င်းမောင် သုံးပုံနှစ်ပုံပြစ်ဒါဏ်လျှော့သွားသည်။သို့သော်သူ့
ထုံးစံအတိုင်းဝမ်းသာပုံမပြ။ သူ့ရဲဘက်ပြေးအမှုနှင့်ပေါင်းလျှင် စုစုပေါင်း(၃၆)နှစ် သူခံစားခွင့်အ
ရ(၁၂)နှစ်သာကျန်တော့သည်။ ထောင်ထဲတွင်(၆)နှစ်ခန့်နေထိုင်ပြီးပြီ သူထပ်နေရရင်အလွန်
ဆုံး(၆)နှစ်သာ သူကိုကြည့်ရသည်မှာ ၀မ်းသာပုံလည်းမပြ။ ကျနော်ကတော့ထောင်ထဲမှာ တ
ရက်မှမနေချင်သူ သူကျနော့်ကို တခုပြောသည် “သူပုန်ငါအခြေအနေပေးရင် ပြေးဦးမယ် ငါ
သတ်ရမဲ့ကောင်ရှိသေးတယ် ငါပြေးရင်မင်းလိုက်မလား” ဟုမေးသည်။ သူဘယ်လိုပြေးမည်
ဘယ်လိုစီစဉ်ထားသည်ကိုတော့ မပြော နောက်ထောင်ကလွတ်ရင်ထပ်သတ်ဦးမည့်သူသည်
ဘယ်သူဖြစ်၍ သူဘယ်လိုနာကျည်းခဲ့ရသည်လည်းမပြော ကျနော်မေးလည်းငြိမ်နေသည် မ
ပြော။

ထောင်ထဲတွင် ထောင်ဖေါက်ပြေးရန်ကြံစဉ်မှုသည် ထောင်တွင်းတွင် မကျေနပ်၍ လူထပ်သတ်
သည့်အမှုထက်အပြစ်ကြီးသည်။ ထောင်ဖေါက်ပြေးဖို့ရန်မှာ လုံးဝမလွယ်ကူ သေချာကျနစွာစီ
စဉ်စောင့်ကြပ်ထားသည်။ ထိုအကြံအစီကို ကျနော့်ကိုဖွင့်ပြောပြခြင်းမှာ အလွန်ယုံကြည်၍ဖြစ်
သည်။ ကျနော်က ချွန်တွန်းလုပ်လျှင် သူနှစ်နှင့်ချီ၍ တိုက်ပိတ်ပြစ်ဒါဏ်ခံသွားရနိူင်သည်။ သေ
ကောင်းပေါင်းလဲသူ အရိုက်ခံသွားရနိူင်သည် ထိုသို့သူပြောသည့်အချိန်တုန်းကတော့ကျနော်အ
နေနှင့်သာမာန်ဟုသာသဘောထားသည်။ထောင်အကြောင်းနှောကြေနေသော သူတယောက်
အတွက် အလွန်အန္တရာယ်ကြီးသောဖွင့်ဟမှုဖြစ်ကြောင်း နောက်တချိန်သူထောင်ဖေါက်ပြေး
သောအခါမှသိရသည်။

ထိုရက်များအတွင်းလွတ်ရန်စောင့်စားနေသော မိသားစုနှင့်ပြန်လည်ဆုံတွေ့ရန်စောင့်နေသော
အကျဉ်းသားများကို ကြည့်၍ပျော်လာသည်။ကိုယ့်အမှုက ထောင်ဒါဏ်(၂)နှစ်သို့မဟုတ်(၃)နှစ်
ကျမည် (၂)နှစ်ဖြစ်ဖို့ ရဲသတင်းတပ်ဖွဲ့နှင့် ဆက်သွယ်ထားသောရှေ့နေကို ငှါးခိုင်းသည်။ ၀န်ခံ
သည်ဖြစ်စေ ၀န်မခံသည်ဖြစ်စေ ထောင်တော့ကျမည်။ သေချာပြောပြပြီးသား။ ကျနော်ကမငှါး
မြန်မာနိုင်ငံရှေ့နေများကောင်စီမှ ဦးသန်းညွန့်(မုံရွာ)(ကွယ်လွန်)က ကျနော်မိတ်ဆွေများ အကူ
အညီဖြင့် အခမဲ့လိုက်လံကူညီပေးသည်။ ဦးသန်းညွန့်သည် ထိုအချိန်က လူဘောင်သစ်ဒီမိုက
ရက်တစ်ပါတီဝင်တဦးလည်းဖြစ်သည်။ အမှုထွက်ချက်များကို အသေအချာမှတ်တမ်းပြုထားလို
သည် ထို့ကြောင့်ကျနော်ထောင်ကျသည်ဖြစ်စေ မတရားချမှတ်သည်ကို ပေါ်လွင်ရန်သူကျနော့်
အမှုကို အခမဲ့လိုက်ပေးခဲ့ခြင်းဖြစ်သည်။ ကျနော်ကတော့ ထောင်ကျမှာသေချာသည်အတွက်
ရှေ့နေပဲရှိရှိမရှိရှိ ကိစ္စမရှိ မြန်မာနိူင်ငံတွင်ဥပဒေဆိုတာအယောင်ပြလူကြားကောင်းအောင်လေ
သံကောင်းလွှင့်သည်ဟုသဘောထားသည်။ ရဲသတင်းတပ်ဖွဲ့၏ အမြီးစားဖက် ခေါင်းစားဖက်
ရှေ့နေကိုတော့ မငှါးလို။

ကျနော့်အတွက်ကျမည့်ပြစ်ဒါဏ်သည် ကျနော့်အတွက်မများလို့ ကျနော်ထင်သည်။ ကျနော်
ဝမ်းသာစွာလက်ခံသည် ကျနော်ရဲဘော်များလွတ်နေသေး၍ဖြစ်သည်။ ကျနော့်ထွက်ချက်များ
တွင်ရှောင်၍ထွက်နိုင်ခဲ့သည် သို့သော် စစ်ထောက်လှမ်းရေးမှ မကျေနပ် ကျနော့်ထံမှရလိုသေး
သည် ကျနော်ဖွင့်ပြောမှသိနိုင်သော သက်သေအထောက်အထားမရှိသော အခြေအနေအရ
ကျနော်ကျ နိုင်သည့်ပြစ်ဒါဏ်သည် နည်းနေသေးသည်။ထောင်သို့ရောက်ပြီး (၂)ပတ်အကြာ
တွင် ပထမဦးဆုံးရုံးထွက်ရသည်။ ကျနော့်ကိုအခြားသူများနှင့်ဆက်သွယ်ခွင့်မပေးသေး။ ဖမ်း
ထားပြီးစောင့်ကြည့်နေဆဲ တရားရုံးထွက်ခါနီး ရဲသတင်းတပ်ဖွဲ့မှ ဂျစ်ကားဖြင့်လာခေါ်သည်။

မိသားစုနှင့်တွေ့ခွင့်ပေးသည်။ ကျနော်မိဘများ ကျနော့်အဒေါ် လိုက်လာ၍တွေ့သည်။ စကား
ပြောလျှင် အနားမှာ ဘာစကားပြောသည်ကို သေချာစွာစောင့်နားထောင်သည်။ လုံးဝအလစ်မ
ပေး ကျနော်ကလည်း မလွတ်ကင်းတာဘာမှမပြော တခုခု မလွတ်ကင်းတာပါသည်ထင်လျှင်
ချက်ခြင်းဝင်ကန့်ကွက်သည် မမေးရ မပြောရ။ မိသားစုပင်လျှင် မှတ်ပုံတင်နံပါတ်ပေးထားရ
သည်။ သေချာစွာစိစစ်သည်။ ကျနော့်မှာလည်း မိသားစုကိုပြောစရာ နိုင်ငံရေးအကြောင်းမရှိ
သူတို့က ကျနော်နိုင်ငံရေးလုပ်နေတာထက် စီးပွားရေးကြီးပွားရေး သမီးရည်းစားရေးကို လုပ်
စေချင်သူများဖြစ်သည်။ ကျနော့်ကိုပြောမရ၍ သာလုပ်ချင်ရာလုပ်ခွင့်ပေးထားရခြင်းဖြစ်သည်။

ထိုအချိန်က ကျနော်နှင့်ပတ်သက်နေသော ကျနော့်ကောင်မလေး မသောင်းညွန့်ကို အမြန်
လက်ထပ်ပြီး စီးပွားရေးအလုပ်တခုခုလုပ်စေချင်သည်။ ကျနော်က မသောင်းညွန့်ကို အရေးအ
ခင်းမတိုင်ခင်ကာလများက စွဲစွဲလန်းလန်းရှိခဲ့သော်လည်း ရှစ်လေးလုံးအရေးတော်ပုံစခဲ့ချိန်မှစ
၍ ဂရုမစိုက်နိူင် ထိုအချိန်ကသူ့အိမ်မှ ယောက်ကျားပေးစားရန်စီစဉ်နေချိန် သူကကျနော်နှင့်
လက်ထပ်လိုသည်။ ကျနော့်ကိုပြောသည် ကျနော်ပါဝင်ဆောင်ရွက်နေသော လူဘောင်သစ်ဒီမို
ကရက်တစ်ပါတီမှာ လစာပေးလားဟုမေးသည် ကျနော်အကျယ်ကြီးရယ်မိသည်။ လူတွေ
တောင်ဘယ်တော့အဖမ်းခံရမည် အသတ်ခံရမည်မသိ လုပ်သင့်လုပ်ထိုက်သောအလုပ်ဟုယုံ
ကြည်သောကြောင့်သာဝင်လုပ်နေခြင်းဖြစ်သည်။ ပိုက်ဆံရဖို့နေနေသာသာ လူအသက်ရှင်နေ
သေးလျှင်မရှုံး။

သူကတော့မသိ ကျနော်ဘာလုပ်နေသည်ဟုသူနားမလည် ကျနော့်ထက်လည်းငယ်ပါသည်။သူ
ကတကယ့်ကလေးငယ်တဦးလို ကျနော်ကအိမ်ထောင်ကျ၍မဖြစ် လိုအပ်လျှင်လုပ်စရာများက
ရှိနေသေးသည်။ အိမ်ထောင်တဖက်နှင့်ဆိုလျှင် သူ့ကိုဒုက္ခပေးရာရောက်မည်။ ထို့ကြောင့်သူ့ကို
သနားပေမဲ့ ကံမကုန်လျှင်ပြန်ဆုံမည်ဟုသာသဘောထားနိူင်သည်။ သူနှင့်ကျနော်နောက်ဆုံး
တွေ့ဖြစ်သည့်နေက သူ့ဘုရားကျောင်းလေးရှေ့မှာ ကျနော်အဖမ်းမခံရမှီ(၄)ရက်အလို (၁၀.၄.
၈၉)ခုနှစ် သူက၀ထ္ထုတွေထဲကလို မျက်ရည်ဝိုင်းနေသောမျက်လုံးများနှင့်မကြိုကျနော့်ကို နားမ
လည် နိူင်ပေမဲ့ သူစိတ်မဆိုး မျှော်လင့်သည်။ ထိုဘုရားကျောင်းလေးမှာ အလုံမြို့နယ်အတွင်း
မှာရှိသည့် ဘုရားကျောင်းလေး သခင်မြပန်းခြံနှင့် နီးသည်။ ကျနော့်ဘ၀ကလည်း မရေရာ ကျ
နော်သူနှင့်တွေ့ပြီး ကျနော့်မြို့လေးသို့အပြန်မှာ အဖမ်းခံရခြင်းဖြစ်သည်။ ထိုနေ့က သင်္ကြန်အ
ကြပ်နေ့ည (၁၄.၄.၈၉)ခုနှစ်။

ထိုအချိန်ထဲကကျနော်နှင့် မသောင်းညွန့်ပြန်မဆုံတော့ ကျနော်ထောင်ထဲရောက်ပြီး(၂)နှစ်ခန့်
မှာ ကျနော်အိမ်သို့စာတစောင်လာသည်။ ကျနော်အဖမ်းခံရသည်ကို သိကြောင်း ဘာလို့အဖမ်း
ခံရသည်ကိုမသိကြောင်း ခုသူ့အိမ်ကသဘောတူသည့်သူနှင့်သူလက်ထပ်တော့မည့်အကြောင်း
ရေးထားသည့်စာဖြစ်သည်။ ကျနော်စိတ်မကောင်းမှာစိုး၍အမေက သိမ်းထားသည် ကျနော်
ထောင်ကလွတ်လာမှဖတ်ရသည်။ သူ့လက်ရေး သူ့စာစစ်စစ်သူ့အိမ်က သဘောတူသည့်သူမှာ
လည်း ၀ထ္ထုများထဲကလို သူဌေးသား ဘာညာမဟုတ်ပါ သူတို့နှင့် ဘာသာတူသော်ရုံးဝန်ထမ်း
လေးပါ သို့သော်သူဘ၀တခုတည်ဖြစ်သွားပြီ။ အဲ့ဒီနေ့ကတော့ ကျနော်မရယ်ချင်ပဲနှင့် စာဖတ်
ပြီးရယ်နေမိသည်။ အမေကသိသည် လိုက်မရယ် ကျနော့်ကိုကြည့်နေခဲ့သည်။ တကယ်တော့
အဆီအငြော်မတည့်သည့် ကျနော့်ကိုကျနော်ရယ်မိခြင်းရယ်ပါ။ ကျနော်သူရှိနိူင်ရာနေရာသို့
သွားသေးသည် သူ့ကိုမတွေ့။

စစ်ထောက်လှမ်းရေး စစ်ကြောရေးစခန်းရောက်တော့ ကျနော့်ကို သူနှင့်ဘုရားကျောင်းလေး
ရှေ့မှာတွေ့ဆုံခဲ့သည့်အကြောင်းပြော၍ သူတို့အကုန်သိထားပါတယ်ဆိုသည့် သဘောနှင့်အစ်
သေးသည်။ ဆက်သွယ်ရေးယန္တယား အာဏာငွေကြေးလုပ်ပိုင်ခွင့်ရှိသူများအဖို့ ကျနော်သိ
အောင် ကျနော်မသိအောင်ကျနော့်အကြောင်းလိုက်ရန် ခဲယဉ်းခက်ခဲသောအလုပ် မဟုတ်၍
ကျနော်မအံ့သြ။ ကျနော်တို့လူငယ်တရပ်လုံးက ထိုအချိန်စစ်ချီသီချင်းဖြစ်သော “မခင်တွယ်မ
ကြင်တယ်ချစ်သူစွန့်လို့ရယ် တိုက်ပွဲကိုပင်တွေ့အောင်ရှာတော့မယ်” စိတ်များဝင်နေချိန်ချစ်သူ
နှင့်ချော့သော်မပျော့ကြ တပြည်လုံးတိုက်ပွဲအရှိန်ကမြင့်နေသည်။ လူငယ်များ၏စိတ်ထဲတွင်
“ပြည်သူတွေအတွက် အလုပ်လုပ်ကြ ပြည်သူတွေအတွက်တိုက်ပွဲဝင်ကြ” စိတ်ဓါတ်များပြည့်
လျှံနေသည်။ ပြန်တွေးကြည့်တော့လည်း ထိုလူငယ်ဘ၀လေးကို လွမ်းပါသည်။

ထိုနေ့တရားရုံးမှအပြန် အနွေးထည် အကျီအပို စောင် အကုန်ထပ်ရသည်။ ကျနော့်ကိုဖမ်းသွား
ပြီးနောက် ပထမဦးဆုံး အစားအသောက် အ၀တ်အစားများရရှိခြင်း ဖြစ်သည်။ ရုံးအပြန်ကို
လည်း ရဲသတင်းတပ်ဖွဲ့မှ လိုက်ပို့ပေးသည်။ ကျနော်ရုံးကပြန်အ၀င် ၀င်းမောင်ထောင်ဗူးဝကြီး
မှာလာစောင့်သည်။ ကျနော်ရုံးသွားခါနီး “မင်းလိုချင်တာ စားချင်တာကိုပြောကွာ ငါဝယ်လာခဲ့
မယ်”လို့မေးသည့်အခါ သူဘာမှမပြော ငြိမ်ပဲနေသည်။ ကျနော်က“ မင်းအားမနာနဲ့ကွာ ငါ့အိမ်
က ဒီနေ့လာဖို့များတယ် ငါ ရဲကိုမှာထားခဲ့တယ်အိမ်ကိုအကြောင်းကြားပေးဖို့ ငါ့အိမ်ကလာရင်
ငါလိုတာကို ၀ယ်ခိုင်းလို့ရတယ် မင်းဘာလိုမလဲ” မေးတော့လည်းဘာမှမပြော ပြုံး၍ပဲနေသည်။
အတော်ကြီးကြာမှ “ငါခေါက်ဆွဲကြော်စားချင်တယ်ကွာ မင်းအဆင်ပြေရင်ဝယ်လာခဲ့” တဲ့။ ထို
နေ့က ၀င်းမောင်မှာလိုက်သော ခေါက်ဆွဲကြော်ကို ကျနော်သေသေချာချာ အိမ်ကိုဝယ်ခိုင်းပြီး
ထုတ်ယူလာခဲ့သည်။

ကျနော်က အပြင်မှာအခြားစာချင်ရာများမှာစားလာခဲ့ပြီး သူ့အတွက် ကြက်သားနှင့်ကျော်ထား
သောခေါက်ဆွဲကြော်တထုပ် ကျနော်ဝယ်လာခဲ့သည်။ ကျနော်ရှာဖွေရေးအလုပ်ခံရသော်လည်း
များများမလုပ် ၀င်းမောင်နှင့်အတူ ပြန်လာခဲ့သည်။ သူက ကျနော်ဘေးမှကျနော်တို့ သီးခြား
တိုက်ထိပ်(၄)တံကားသို့အရောက် ကျနော့်ကိုရှာဖွေရေးထပ်လုပ်သည်။ ကျနော်ဆီမှာက စားစ
ရာ အခြောက်များသာပါသည်။ ထမင်းနှင့်တွဲစားစရာ ငါးခြောက်ထောင်းကြော် ငပိကြော် ငံပြာ
ရည်ကြော် အမဲခြောက်ကြော်တို့သာပါသည်။ လေးတံကား တာဝန်ကျ တပ်ကြပ်ကြီးက ကျ
နော်သယ်လာသော ပစ္စည်းများကို ရှာဖွေအပြီး ခေါက်ဆွဲကြော်ထုတ်ကို “ ဒါငါစားဖို့ယူထား
မယ်” ဟုပြောသည် ၀င်းမောင်လည်း အနားမှာပါသည်။

ကျနော်က “ဆရာကြီး ဒါကျနော်ဝင်းမောင်အတွက်ဝယ်လာတာပါ သူမှာလိုက်တာပါ ဆရာကြီး
ယူချင်ရင် ကျန်တာတွေယူပါ” လို့ပြောတော့ “ ဟုတ်လား အေး ၀င်းမောင်ကို မင်းနောက်တ
ပါတ်ဝယ်ပေးလိုက်” တဲ့ ခပ်တည်တည်ပဲယူထားပါသည်။ ကျနော်ကလည်း မလျှော့ချင် “ဆရာ
ကြီး ဒါ ကျနော်ဝင်းမောင်အတွက်ပဲ ၀ယ်လာတာ ဆရာကြီးလိုချင်ရင် ကျနော်နောက်အပတ်တ
ရားရုံးအထွက်မှာ ၀ယ်လာပေးမယ်” လို့ပြောတော့ တပ်ကြပ်ကြီးက“ဟေ့ကောင်ဒါထောင် မင်း
အမေလင်အိမ်မဟုတ်ဘူး ငါသိမ်းချင်ရင် အကုန်သိမ်းလို့ရတယ် ကိုယ့်ပစ္စည်းနဲ့ ကိုယ်အမုန်းမခံ
နဲ့” တဲ့ ကျနော် ဘာမှမတတ်နိုင် ဆက်ပြောရင် ကျနော့်ကို ရိုက်ဖို့ ကြိမ်လုံးတဆဆလုပ်နေပြီ။ စိတ်ထဲကလည်းတော်တော်ကြီးကို ခံပြင်းနေသည်။

တကယ်က အနိုင်ကျင့်ခြင်းဖြစ်သည် လူတယောက်ကို မိမိသဘောနှင့်မိမိ လုပ်ချင်ရာကို တခု
ခု အပြစ်ရှာပြီးလုပ်နိုင်ခွင့်ရထားသောနေရာတွင် အထက်လူကြီးကိုတိုင်မည်လို့တော့မစဉ်းစား
ပါနှင့် ထိုအထက်လူကြီးသည် ထိုအောက်ခြေမှလုပ်နေသည်များကို အကုန်သိပါသည်။ သို့
သော် သူ့ကိုလည်းရှာဖွေပေးနေသောကြောင့် မပြော အကယ်၍ကျနော်က မကျေနပ်၍ထောင်
မှုးလေး(ကြယ်တပွင့်) ကိုတိုင်လျှင် တိုင်တဲ့သူ အရိုက်ခံရသည်။ ပြစ်မှုက ကလန်ကဆန်လုပ်မှု
ထားရာနေ စေရာသွား ခိုင်းတာလုပ် ခံမပြောနဲ့ ခါးဖုသွား မယ် ခသုံးလုံးက ထောင်တွင်းတရား
သို့သော် လူကြည့်လုပ်ခြင်းဖြစ်သည်။ အနိုင်ကျင့်လို့ရရင်ရသလောက် အနိူင်ကျင့်မည် မရလျှင်
အနိူင်မကျင့်သေး မကျင့်ဘူးဟုတော့မထင်လိုက်လေနှင့် ပိုက်ဆံရှိသောသူ ညွန်မှုးထောင်ပိုင်
ထောင်မှုးနှင့်ပိုင်သော အပ်ထည်ဖြစ်ပါစေ သူတို့ ခွင်ထဲက အနိူင်ကျင့်လို့ရသည်။လူတယောက်
သို့မဟုတ် လူအဖွဲ့အစည်းတခုခုကို လုပ်ချင်ရာလုပ်ပိုင်ခွင့်ပေးထားလေလေ ပိုမိုအနိူင်ကျင့် နှိပ်
စက်နိူင်လေသာဖြစ်သည်။

အားလုံး လုပ်ချင်ရာလုပ်နိုင်ခွင့်အောက်မှာ မတရားမှုက အလိုလိုမွေးဖွားလာခြင်း ဖြစ်သည် ထို
ကဲ့သို့လုပ်ခွင့်သည် ကျနော်တို့မြန်မာပြည် အကျဉ်းထောင်များတွင်သာမက တိုင်းရင်းသားနယ်
မြေ ဒေသများ တွင်အဖြစ်များသည်။ မြို့ပေါ်တွင် လူအဖွဲ့စည်းကြားထဲတွင်တော့ လုပ်ချင်တိုင်း
လုပ်ဖို့ အခြေအနေမပေး သို့သော် သူတို့အာဏာကို ထိပါးလာလျှင်တော့ ဘာကိုမှမရှောင် သံ
ဃာတော်များကိုပင် နှိပ်စက်ဖို့ ညှင်းပမ်းဖို့ သတ်ဖြတ်ဖို့ဝန်မလေး ထောင်သည်မြန်မာပြည်အ
ငယ်စားလေးသာဖြစ်သည်။ မြန်မာပြည်ကို မိတ္တူကူးစက်ဖြင့် ချူံ့လို့ရပါက ထောင်ဖြစ်သွားမည်။
သို့သော်ထိုထောင်သည်ပင်လျှင် ရဲဘက်အကျဉ်းစခန်းလောက်မဆိုး ထောင့်အပြင်တန်းမရှိစ
ကားသည် ပြောင်းသွားလေပြီ ထောင့်အပြင် ရဲဘက်စခန်းရှိလာပြီ။
(ဆက်ရေးပါဦးမည်)

4 comments:

Sein Lyan November 4, 2009 at 9:52 PM  

ကိုဝင်းမောင် ခေါက်ဆွဲကြော် ပါသွားတယ်ဆိုတော့
ကိုဝင်းမောင်တစ်ယောက်သွေးအေးအေးနဲ့ ဓားသွေးနေမှာ မြင်ယောင်မိတယ်..

အတွေ့အကြုံတွေ ပြောရင် ဖတ်ရရင် သဘောကျတယ်..

အရသာရှိတယ်..

အချိန်ရရင်မြန်မြန်ဆက်ပါခင်ဗျာ


ချစ်ခင်လေးစားစွာဖြင့်


ဖိုးစိန်

yawnetthan November 5, 2009 at 1:49 PM  

လာရောက်ဖတ်ရူသွားပါတယ်...နောက်ဆက်တင်မယ့်အပိုင်းကိုလည်းမျှော်နေပါကြောင်း...

Ko Toe Gyi ( Multiply Boo Boo Gyi ) November 5, 2009 at 2:57 PM  

ကျတော်လာဖတ်သွားခဲ့ပါတယ် ဦးချစ်ဖေကြီး

ရွှေရတုမှတ်တမ်း November 5, 2009 at 5:57 PM  

ဗျို့ ကိုချစ်ဖေကြီး..
ဝင်းမောင်ဇတ်လမ်းကကိုဝတ္တု တပုဒ်ဖြစ်နေပြီ..
တကယ့်ဖြစ်ရပ်တွေက..စိတ်ကူးယဉ်ထက်ပိုစိတ်စားဖို့ကောင်းတယ်

ကျနော့်အရောင်က အစိမ်းရောင်ပါ ခင်ဗျားတို့ကကော.

GREEN

You are a very calm and contemplative person. Others are drawn to your peaceful, nurturing nature.

Find out your color at QuizMeme.com!

  © Blogger templates Newspaper III by Ourblogtemplates.com 2008

Back to TOP