နှစ်သက်ခြင်းအကြောင်းများ

နှစ်သက်ခြင်းအကြောင်းများ

နှစ်သက်ခြင်းအကြောင်းကို ကျနော် တွေးကြည့်ပါသည် နှစ်သက်ခြင်းက နှစ်သက်ခြင်း အ
ကြောင်း မတွေးပဲ ကျနော်က နှစ်သက်ခြင်း အကြောင်း အရာကို ၀င်တွေးတာ ကျူးကျော်မှု
တခု မဟုတ်ကြောင်း ကျနော်ရှင်းပါ ရစေ။

ကျနော်က နှစ်သက်ခြင်းအကြောင်းကို ပြောရာမှာ မနှစ်သက်မှာ စိုးလို့ ကျနော်ရှင်းပြနေခြင်း
လည်း ဖြစ်နိုင်ပါသည်။

သိပ်တော့မရေရာပါ။ ထိုမရေရာမှုတွေပဲ ရေရာနေခဲ့တယ်ဆိုတာတော့ ဆီသည်မ လက်သုတ်
လို လူတကာလည်း ပြောခဲ့ပြီးပြီ ဆိုတာ ခင်ဗျားလည်းသိတဲ့အတိုင်းပါပဲ။

တခါတလေမှာ နှစ်သက်ခြင်းအကြောင်းကို တွေးရတာ တကယ်ပဲ နှစ်သက်ဖို့ရှိပါသည်။

နှစ်သက်ခြင်းက အကန့်အသတ်မဲ့လွန်းပြီး စည်းကမ်းလည်း မရှိပါ။ လူကြီးလူကောင်းယောင်
ဆောင်မှုနဲ့ သနားကြင်နာခြင်းတွေကိုလည်း ဖေါ်ဖေါ်ပြတတ် သေးသည်။

ထိုအရာတွေကို တကယ်ဟု ခင်ဗျားခံစားမိပါသလား ခင်ဗျားခံစားမိခြင်း မမိခြင်းထက် အမှန်
တကယ်တော့ ရှိခဲ့ပါသည်။ ထိုသို့ခံစားမိခြင်းသည် မမှားယွင်းကြောင်း ဒီနေ့မနက်ခင်းမှာ ကျ
နော်သက်သေပြချင် နေပါသည်။

ကောင်မလေးတယောက်သည် ရေနှောက်ကျိနေသော ရေကန်တခုဘေး၌ ထိုင်၍ ရှိုက်ကြီး တ
ငင်ငိုနေသည်ကို ကျနော်ကြည့်နေသည်မှာ အချိန်ဘယ်လောက်ကြာသွားခဲ့ပြီဆိုတာတော့ ကျ
နော်မသိပါ။ ကျနော်မှာ နာရီမရှိသောကြောင့်လည်း ဖြစ်နိူင်ပါသည်။

ထိုကောင်မလေး၏ ပုံသဏ္ဌာန်ကို အမျိူးမျိူး တွေးတော ကြည့်နိူင်ပါသည်။

ထိုကောင်မလေးသည် အသားဖြူဖြူ နက်မှောင်သော ဆံပင်ရှည်များကို စုစည်းထားပြီး ရှည်
လျား သွယ်ပြောင်းသော လက်ချောင်းကလေးများရဲ့ပိုင်ရှင်လည်း ဖြစ်နိုင်ပါသည်။ သို့မဟုတ်
အသားညိုညို ဆံပင်မတိုမရှည်နှင့် ပိန်ပိန် ရွက်ကြမ်းရေကြို ရုပ်ရည်ရှိသော ကောင်မလေးလဲ
ဖြစ်နိူင်ပါသည်။

ဘယ်လိုပဲဖြစ်ဖြစ် ထိုကောင်မလေးသည် ခပ်နွမ်းနွမ်း ဂျင်းဘောင်းဘီအဟောင်းလေး တထည်
ကို ၀တ်ဆင်ထားပါသည်။ ထိုသို့ဝတ်ဆင်မှုများ၌ ဂဏန်းသင်္ချာသဘောများ ပါဝင်နေသည်ကို
တော့ ထိုကောင်းမလေးပဲ ပိုသိပါလိမ့်မည်။

ထိုဘောင်းဘီလေးသည် ဂျင်းဘောင်းဘီ ဖြစ်နေခဲ့သောကြောင့် ဟောင်းနွမ်းသွားသော်လည်း
ထိုကောင်မလေးအတွက် သိက္ခာမကျပါ။ သို့သော် သူမ ထိုဂျင်းဘောင်းဘီလေးကို နှစ်သက်ခဲ့
ရခြင်းကိုက သူမကို သူမ နောက်ပြောင် ကျီစယ်စရာ ဖြစ်နေခဲ့ပါသည်။ သူမသည် ဂျင်းဘောင်း
ဘီကို ဘယ်တုန်းကမှ မနှစ်သက်ခဲ့ပါ။

ကျနော် ထိုကောင်မလေးကို ဆက်မကြည့်ချင်တော့ ကြည့်ဖို့ရန် အားအင်မရှိသော ကြောင့်
လည်း ဖြစ်ပါသည်။ ထိုကောင်မလေးသည် အချိန်မည်မျှကြာအောင် ဆက်လက် ငိုကြွေးနေဦး
မည် ဆိုတာကို တော့မသိပါ။

ကျနော်အရက်ကို မနှစ်သက်ပါ နှစ်သက်စရာလည်းမလိုပါ သို့သော် အရက်သည် မကောင်း
ဆိုးရွား မိစ္ဆာဒိဌိတကောင်လည်း ကျနော့်အတွက် မဟုတ်ပါ ကျနော်သည် အရက်ဖြတ် ဆေးရုံ
ကြီးမှ ပုံမှန်ခွက်ပုန်းသောက်လေ့ သောက်ထ ရှိ၍ အရက်ဆိုတာ သောက်တတ်လျှင်ဆေး မ
သောက်တတ်လျှင်ဘေး ဟုလည်း ကိုယ့်ကိုကိုယ်ကာကွယ်ရင်း အခြားသော အရက်သမားများ
ကို ဆုံးမတတ်သူ ဆရာဝန်လည်း မဟုတ်ပါ။

အဘယ့်ကြောင့်ဆိုသော် ဆုံးမခြင်းကို ကျနော် မနှစ်သက်၍ ဖြစ်ပါသည်။ သို့သော် ကျနော့်ကို
ဆုံးမသူများကိုလည်း ကျေးဇူးတင်ပါသည်။ သူတို့မှာအကြောင်း အမျိူးမျိူးရှိနိူင်ပါသည်။ သူတို့
ဆိုဆုံးမလျှင် သူတို့ မနှစ်သက်သော အရာများကို ကျနော်လုပ်ခြင်းမှ ရပ်တန့်သွားမည်ဟု ထင်
သောကြောင့် ဆုံးမခြင်းဖြစ်သလို ဆုံးမရန် ၀တ္တရားတခုအနေဖြင့် ဆုံးမခဲ့ခြင်းလည်းဖြစ်ပါလိမ့်
မည်။ ဘာပဲဖြစ်ဖြစ် ထိုဆုံးမသူများ၏ ဆုံးမမှု အားလုံးကို ကျနော် မနှစ်သက်သော်လည်း ကျ
နော် ကျေးဇူးတင်ပါသည်။

ထိုကျေးဇူးတင်ခြင်းမှာလည်း ကျနော်က မနှစ်သက်ခဲ့သော်လည်း နှစ်သက်မှု တခုအဖြစ် လက်
ခံခဲ့ ရခြင်းကြောင့်လည်း ဖြစ်ပါလိမ့်မည်။ ထို့ကြောင့် ကျနော် မနှစ်သက်ခဲ့သော အရက်ကို နှစ်
သက်ချင်ယောင်ဆောင်၍ လည်းမသောက်ပါ။ ကျနော် နှစ်သက်ချင်ယောင်ဆောင်၍ သောက်
သော အခါ၌ ဆုံးမခဲ့သူများကိုလည်း ကျနော်မနှစ်သက်ပါ။

အချိူ့သောညများ၌ အရက်ကို ကျနော်နှစ်ခြိုက်ပါသည်။ ရာသီဥတုကောင်းမွန်သော ပင်လယ်
ကမ်းခြေတခုရဲ့ ည၌ အရက်သောက်၍ စောင်ပါးပါးတထည်ခြုံအိပ်ရခြင်းကို ကျနော်နှစ်သက်၍
လည်းဖြစ်ပါသည်။ ကံကောင်းလျှင် နံနက်ခင်း အိပ်တန်းပြန်သော ညဥ့်ငှက်ကလေး တကောင်
၏ ကြင်ကြင်နာနာ အနမ်းလေးတခုကို လည်း နှစ်သက်ဖွယ် ကျနော်ရရှိနိူင်ပါသေးသည်။

ထို့ကြောင့် နှစ်သက်ခြင်းများသည် အကန့်အသတ်ရှိ၍ စည်းမဲ့ကမ်းမဲ့နိူင်လှ သည်ဟု ကျနော်
ပြောခဲ့ခြင်းဖြစ်ပါသည်။ အခြားသူများသည်လည်း နှစ်သက်ခြင်းများစွာ ရှိနေနိူင်ပါသေးသည်။

(ပြီးပါပြီ)
တောလူသစ်

တောလူသစ်၏ စာနှင် ဂူးဂလ်ဓါတ်ပုံပိုင်ရှင်၏ ခွင့်ပြုချက်မပါ အမည်မသိ ကူးတင်မိပါသည်