Wednesday, November 11, 2009

စစ်အစိုးရ အကျဉ်းထောင်အတွင်း ကျနော်ကြုံခဲ့ရသမျှ တစိတ်တဒေသ(၆)







စစ်အစိုးရ အကျဉ်းထောင်အတွင်း ကျနော်ကြုံခဲ့ရသမျှ တစိတ်တဒေသ (၆)

တနေ့ ငယ်သူငယ်ချင်းကျောင်းနေဖက် အောင်မြင့်ရောက်လာသည် ဒီကောင်ပျောက်နေတာ
ကြာပီ အောင်မြင့်က “စိုးဦးရေ တို့လဖက်ရည်ဆိုင်သွားရအောင်ကွာ” ဟုလာခေါ်၍ သူလည်း
အမေ့ကို ပြော၍ စိုးဦး ဆိုင်ကယ်နောက်က လိုက်သွားသည်။ နောက်သူတို့ကျောင်းတုန်းက အ
ကြောင်းတွေပြော၍ ဟားကြသည်။ အောင်မြင့်က စီးပွားရေးအဆင်ပြေနေသူ ဈေးထဲမှာ ကွမ်း
ပွဲရုံဖွင့်ထားသည်။

မတွေ့တာကြာ၍ စကားလည်းကောင်းသည် တကယ်က စိုးဦးကအိမ်မှ အပြင်မထွက်ဖြစ်၍သာ
မတွေ့ခြင်းဖြစ်သည်။ ပြန်ခါနီး စိုးဦးကို အောင်မြင့်ကအကူအညီတခုတောင်းသည် “ စိုးဦးငါ့မှာ
ပြဿနာတခုရှိတယ်ကွာ ငါ့ကိုကူညီပါလား” ဟုပြောသည် “ငါဘာကူညီပေးရမလဲ ငါကူညီနိူင်
တာမျိူးလားကွာ” “ အေး ဒီလိုကွာ ငါပြီးခဲ့တဲ့ရက်က ချဲ (၁၀၀)ကျပ်ဖိုးပေါက်တယ်ကွာ အဲ့ဒါဒိုင်
လုပ်တဲ့သူကမလျှော်ဘူး ငါ့ကိုရှောင်နေတာနဲ့ နောက်ရက်ချိန်းတာနဲ့ ဒီနေ့ ငါ့ကိုချိန်းထားတယ်
ငါအဲ့ဒါသွားတောင်းချင်တယ်ကွာ မင်းလိုက်လာပေးပါလား ငါ့မှာအဖေါ်မပါလို့” လက်ဖက်ရည်
တခွက် တကျပ်ခေတ်က ငွေ ငါးသိန်းသည် နည်းသည့်ငွေကြေးမဟုတ် ငါတောင်းလို့ရရင် မင်း
ကျေးဇူးလည်း မမေ့ပါဘူးကွာ” “ အေးဒါဆိုလည်းသွားကွာ ငါ့ကိုတော့ကျေးဇူးမတင်ပါနဲ့ ငါတို့
သူငယ်ချင်းတွေပဲကွာ” ဟုစိုးဦးကပြောသည်။

သူတို့ ချဲဒိုင်အိမ်သို့ ဆိုင်ကယ်လေးနှင့်ရောက်သွားသည် ချဲဒိုင်က အိမ်ထဲမှာအဆင်သင့် တခုပဲ
ပြောသည် “ကိုအောင်မြင့်ရယ် ကျနော်က ဒိုင်လက်ခွဲပါ ပင်မဒိုင်ကြီးက မလျှော်တော့ ကျနော်
စိုက်လျှော်နေရတာပါ ဒီတော့ သုံးသိန်းနဲ့ကျေနပ်ပါ” “ဟာ မရဘူးဗျာ အစထဲက သူများတွေက
အဆ ၅၅၀ လျှော်တယ် ခင်ဗျားက ၅၀၀ ပဲလျှော်တယ် ဒါပေမဲ့ ခင်ဗျားကအလျှော်အစားမှန်
တယ်ဆိုလို့ထိုးတာ ကျနော်တို့ သည်းမခံနိုင်တော့ဘူး ခင်ဗျားလျှော်မလား မလျှော်ဘူးလား
ဒီနှစ်ခုပဲပြော ခုသုံးသိန်းကို ပေး ကျန်တာကိုတပါတ်အတွင်း ခင်ဗျားရှာပေး မရရင် ခင်ဗျားသိ
မယ် ခု အိမ်ရှေ့မှာ စောင့်နေတဲ့လူကိုသိလား အဲ့ဒါ လူမိုက်စိန်ဦးကို ဓါးနဲ့တချက်ထဲ ထိုးသတ်
လိုက်တဲ့ စိုးဦးပဲ” “ဟာ.ကျနော်သိပါတယ်ဗျာ.ကိုစိုးဦးလက်ယဉ်တာကို သိပါတယ် ကျနော်
ကြိုးစားပါ့မယ်” ထိုဒိုင်ပေးသော ငွေသုံးသိန်းကို စိုးဦးကို ကိုင်ခိုင်း၍ အိမ်ရောက်အောင် လိုက်
ပို့ပေးသွားသည်။ စိုးဦးကို“နောက်တပါတ်အကြာ မင်းလိုက်ပေးဦးကွာ မင်းက လဒ်ကောင်း
တယ်” ဟုပြောသည်။ စိုးဦးကလည်း သူငယ်ချင်း အလျှော်ရလာ၍ ၀မ်းသာသည်။ ကျန်တာ
တော့သူမသိ။

နောက်သိပ်ကြာခင် သိလာရသည်။ သူကအမေ့ဆိုင်အတွက် ကုန်စိမ်းတွေကို ပုသိမ်ဘူတာ သို့ လာရောက်ရောင်းချသော ခြံထွက်ရောင်းသော ကုန်စိမ်းတန်းလေးမှ သူစက်ဘီးဖြင့် သွား၍ ၀ယ်ပေးသည် ထိုဈေးတန်းလေးက ဈေးချိူသည် သူထိုဈေးတန်းလေးသို့ ရောက်ခါနီး အရပ်
ထောင်ထောင်မောင်းမောင်း (၆)ပေ ခန့် ဗလကောင်းကောင်း အသားညိုညို လူတယောက်က စိုးဦး စက်ဘီးဂိုက်ကို ကိုင်လိုက်သည်။

သူကြည့်လိုက်တော့ နေ၀င်း ပုသိမ်ဘူတာတ၀ိုက် ကျက်စားသောလူမိုက် နေ၀င်း သူနှင့် မရင်း
နှီး သူက “ မင်းစိုးဦးမှလား” “ဟုတ်ကဲ့ပါ” “မင်းလူမိုက်လား” “ မဟုတ်ပါဘူးဗျာ” “ဘာဖြစ်လို့ပါ
လည်း” ထိုအချိန်တွင် သူကုန်စိမ်းဝယ်ရန် ထည့်လာသော ငွေစက္ကူ ငါးဆယ်ကို သူ့ရှပ်အကျီထဲ
က အကုန်နှိုက်လိုက်သည် “ မင်းကျေနပ်လား” “ မင်းဟိုနေ့က ငါ့အကို ချဲဒိုင်မှာသွားရင့်လာတယ်
ဆို မင်းဘာကောင်လဲ မင်းစိန်ဦးလိုလူကို သတ်ဖူးတယ်ဆိုပြီး လူပါးဝတာလား ဟေ့ကောင်
စိုးဦး လူသတ်တယ်ဆိုတာ မပေါ်အောင်သတ်ရတယ်ကွ” “ ရင့်တယ်ဆိုလည်း ငါ့လိုရင့်ရတယ်
မင်းပိုက်ဆံပြန်မတောင်းနဲ့ တောင်းရင် မင်းစက်ဘီးပါ ယူထားလိုက်မှာ သွားတော့” ဟု ပြော
သည်။ သူပြန်လာခဲ့သည် ဈေးဝယ်စရာပိုက်ဆံမရှိတော့။ အမေစိတ်ပူနေမှာ စိုး၍ မပြော
သူစုထားတဲ ပိုက်ဆံကို ပြန်ယူ၍ ဈေးဝယ်လိုက်သည်။

စိုးဦးစိတ်ထဲမခံချင် ဘာဖြစ်တာလဲ ငါ ချဲဒိုင်အိမ်သို့ လိုက်သွားမိတာတော့ မှန်သည် သို့သော် သူမရင့်ခဲ့ အိမ်ထဲကို အောင်မြင့်မ၀င်ခိုင်း၍ သူမ၀င် အ၀မှာပဲစောင့်နေခဲ့သည်။ သူအောင်မြင့်
ကိုမေးတော့ အောင်မြင့်က ငါမရင့်ခဲ့ပါဘူး မင်းတွေ့တဲ့အတိုင်း ငါအေးဆေးတောင်းတယ် သုံး
သိန်းရလာတယ် တို့ပြန်လာတယ် နောက်တပါတ်ထပ်ချိန်းထားတယ်။ ဒါပဲလေ။ ဒါဆို လူမိုက်
နေ၀င်းက ဘာလို့ ရင့်တယ်လို့ကျနော့်ကိုစွတ်စွဲတာလဲ။

ဒါကတော့ကွာ မင်းကသူနယ်မြေထဲမှာဆိုတော့ ကျောထားတာနေမှာ နောက်ဒီကောင်နဲ့ အဲ့ဒီ
ချဲဒိုင်နဲ့ကလည်း ညီအကို သုံးဝမ်းကွဲဆိုလားတော်သေးတာ ဒီချဲဒိုင်က မလျှော်ရအောင် နေ၀င်း
နဲ့ခြောက်နေကျလေ မင်းဒီလိုဖြစ်တယ်ဆိုလည်း ငါကျန်တဲ့ နှစ်သိန်းကို ထားလိုက်တော့မယ်
ကွာ ဟုပြောသွားသည်။ စိုးဦးလည်း ဘာမှမပြောတော့။

ထိုသို့ဖြစ်ပြီး နောက်ကြားတရက်ကျော်မှာ ညနေဖက်သူဗွီဒီယိုသွားကြည့်သည်။ တယောက်ကို
(၁)ကျပ် ကလေး(၅၀)ပြား ဗွီဒီယိုဇာတ်ကားက ကောင်းသည် တရုတ်သိုင်းကား သူလည်းတ
ရုတ်သိုင်းကားကြိုက်သည် ထို့ကြောင့် ည(၇)နာရီပွဲ ကြည့်ဖို့သူထွက်လာပြီး သူတို့အိမ်ခန်းများ
နှင့် မဝေးသော ဗွီဒီယိုရုပ်ရှင်ရုံလေးတွင် ဗွီဒီယိုဝင်ကြည့်သည်။ သူခုလိုနေသည်ကို အမေသ
ဘောကျသည်။ ဖဲဝိုင်းမသွား အရက်လည်းမသောက်တော့ အလုပ်ကတော့ ပြုတ်သွားသည်။
သို့သော်ပြန်ရချင်လည်း ရနိူင်သည် အထက်လူကြီးများကို အကူအညီတောင်းထားသည်။ သူ
ကပြစ်ဒါဏ်ကျခံရသေးခြင်းမှ မဟုတ်တာ။

ဗွီဒီယို ပြပြီးသိပ်မကြာ ရုံဝမှာ ဆူဆူညံညံကြားရသည် “ဟေ့ကောင် စိုးဦး မင်းထွက်လာခဲ့ မင်း
ဘာခုမှ ပုန်းနေတာလဲ မင်းပါးကို ရိုက်ရမယ် အောင်မြင့်ပါးကိုရိုက်ပြီးပြီ မင်းလိုကောင်ကို -ီး ပဲ
ထင်တယ် ထွက်လာခဲ့” ဗွီဒီယို ဆက်မပြနိူင်အောင်ဆူညံ့နေသည်။ သူမထွက်လျှင်လည်း မဖြစ်
တော့ တိတ်တိတ်လေးထွက်သွားရင်လည်း ကျန်သူများကို ရစ်နေဦးမည် ထို့ကြောင့်သူထွက်
သွားသည်။ ထွက်ထွက်ခြင်း သူ့ကိုတွေ့တွေခြင်း ပြုံးသည် “ဟေ့ကောင် စိုးဦး မင်းဆီက ငါအ
ကြွေးလာတောင်းတာ ဟိုနေ့က ငါပိုက်ဆံပဲရင့်လိုက်ရတယ် ပါးမရိုက်ခဲ့ရဘူး ဒီမှာ ဒီလက်ဝါး”
ဘယ်လက်ဝါးကိုပြ၍ “ဒီလက်ဝါးနဲ့ ခုန အောင်မြင့်ပါးကိုရိုက်ပြီးပြီ ခုမင်း” ပြောလိုမဆုံးခင် သူ့
မျက်နှာကို ဖြတ်ရိုက်ချလိုက်သည်။ သူ့နှာခေါင်းထဲကသွေးတွေထွက်လာ မျက်နှာတခုလုံးပူထူ
သွားသည်။ “အေး ဒါပဏာမ ပဲရှိသေးတယ် နောက်ဒီထက်နာမယ်” ဟုပြော၍ ပြန်သွားသည်။
ဗွီဒီယို တရုံလုံးလည်း ရုတ်ရုတ်သဲသဲဖြစ်ကုန်သည်။

သူလည်း ဗွီဒီယို ဆက်ကြည့်ဦးမည် စဉ်းစားသည် သို့သော်သွေးက အတော်ထွက်သည်။ သူ
အိမ်ကိုပြန်လာသည်။ သူမခံနိုင်တော့ သူစိတ်ဆတ်၍ သူများအနိုင်ကျင့်ခြင်းကို မခံရအောင်
သူ လူမသိအောင် ဓါးဆောင်လေ့ရှိသည် ထောင်ကထွက်လာထဲက သူဓါးကို မဆောင် ဓါးရှိ
လျှင်သွေးကြွမှာစိုး၍ သူမဆောင် သို့သော်ထိုသို့ ရင့်သွားသည်က နှစ်ခါရှိပြီ စိတ်ထဲက မခံချင်
မခံနိုင် နောက်သူဆုံးဖြတ်လိုက်သည်။ အိမ်သို့ အမေမသိအောင် တိတ်တိတ်ခိုးဝင်သည် အမေ
မသိ နောက်ကြက်သွန်လှီးသည့် ဓါးပါးလေးကိုယူပြီး စက်ဘီးဖြင့် နေ၀င်း အိမ်ပြန်လမ်းကို
လိုက်သည်။

ရထားလမ်းပေါ်မှာ ဒယိမ်းဒယိုင်နှင့် လျှောက်နေသည် နောက်က ခပ်သွက်သွက်လိုက်သွား
လိုက်သည် နောက်ကနေမထိုးချင် ထို့ကြောင့်ခေါ်လိုက်သည် ဒီဖက်အလှည့်မှာ ထိုးချလိုက်
သည် “ဟေ့ကောင်နေ၀င်း ဒီမှာငါ့အကြွေး”။ ကြက်သွန်လှီးတဲ့ ဓါးက ဆေးထွက်ချက်မှာနှလုံး
အညှာကို တိတိကျကျ ဖြတ်ဝင်သွားသည်။ အပြင်မှာတော့ လှဲကျသွားသည်။ မျက်နှာကို နှစ်
ချက် သုံးချက် ကန်ပစ်မိသည်။

အိမ်ပြန်လာသည် သက်သေခံဓါးကို အိမ်ရှေ့မှာထားလိုက်သည် အမေ့ကိုမတွေ့ ဒီတခါတော့
သူ ရဲအလာကို မစောင့်တော့ ရဲစခန်းသို့ သွားအဖမ်းခံလိုက်သည်။ အမှုတွဲမှာ ပုဒ်မ ၃၀၂
(က) အပြင် နောက်ပုဒ်မ (……) ထပ်တွဲသည်။ ထပ်တွဲသည့်ပုဒ်မက သေဒါဏ်အထိကျနိုင်
သည်။ ထောင်အခေါ် လူသတ်ကျွမ်းကျင်မှု သူက ပုရွက်ဆိတ်တောင်သတ်တဲ့သူမဟုတ် သူ့
မဟုတ်မခံစိတ်က ထိမ်းမရ ထို့ကြောင့် လူသတ်မှုအထိဖြစ်သွားသည်။ ပုသိမ်ထောင်တွင်း ၀င်
လိုက်ထွက်လိုက် လုပ်နေသော နာမည်ကြီးလူမိုက် နှစ်ယောက်ကို ခပ်ကုတ်ကုတ် ပျော်တတ်
သော လူငယ်လေးတယောကက (၅)လ အတွင်း သတ်ပစ်လိုက်သည် ထိုစိုးဦးကို ထောင်က
နေရာပေးသည်။ သို့သော် အနိုင့်ကျင့်ခြင်းကို မကြိုက်သော သူသည် ဘယ်နေရာမှ မလုပ် အ
လုပ်မရှိ အလုပ်ပေးထားသော ဥယာဉ်စောင့်အလုပ်ပြထားသည်။

နောက် ခင်ဝင်းအောင် ကျနော်တို့က တခါတလေ သူ့ကို လင်ကွန်း ဟုခေါ်သည် အမေရိကန်
သမ္မတကြီးလင်ကွန်းလို မျက်နှာကျ ကိုယ်လုံးက အရပ်နှင့်စာလျှင် သေးလို့ ပိန်သည်ဟု ထင်
ရသည်။ သူကအရပ်ရှည်ရှည် သူကအဲ့လိုခေါ်သည်ကို မကြိုက် သူ့ကိုရွဲ့ခေါ်သည်ဟု ထင်သည်
ကျနော်တို့နှင့် မရင်းနှီးခင်က ပေါင်းရခက်သည့်သူ သို့သော်လမ်းတူတော့ ပေါင်းဖြစ်သွားသည်။
သူနှင့်ကျနော်က အသက်တူ စိုးဦးက ငယ်သည်။ နောက်သူက အိမ်ထောင်နှင့် သမီး(၂)
ယောက်နှင့် သမီးကြီးကအဲ့ဒီတုန်းက သူငယ်တန်းတက်နေပြီ သမီးငယ်က မူကြို သူ့မိန်းမ မြ
ကြီးနှင့် တခါတလေ(၂) ယောက်စလုံး ပါလာတတ်သည်။ သမီးကြီးက သူနှင့်တူသည် စကား
ပြော တတ်တာက သူ့အမေနှင့်တူတာ ဖြစ်မည်။ အငယ်မလေးက ပိုသွက်သည်။ နောင်သောအ
ခါ သမီး(၂) ယောက်အကြောင်းသည် ကျနော်တို့ ၏ အိပ်ယာဝင် ပုံပြင်များဖြစ်လာသည်။

သူက ပုသိမ်ရန်ကုန် ကားလမ်းမကြီးဘေးရှိ ရွာတရွာနေထိုင်သူ ပန်းပဲလုပ်ငန်းဖြင့် သက်မွေးမှု
လုပ်သူ သူရော ခင်ကြီးရောက ဂီတအနုပညာ ၀ါသနာထုံသူတွေ သူတို့ရွာတီးဝိုင်းမှာ ခင်ဝင်း
အောင်က ခေါင်းဆောင် မြကြီးက သီချင်းဆိုသူ တရွာထဲသားခြင်း သူတို့ရွာ သတင်းကျွတ်ပွဲ
မင်္ဂလာဆောင်တွေမှာ သူတို့ဝိုင်းက ကိုယ့်စရိတ်ကိုယ်စိုက် ဖြေဖျော်ကြသူတွေ ခင်ဝင်းအောင်
က မိသားစုထဲမှာ အကြီးဆုံး နှမ(၄)ယောက်ရှိသည်။ သူ (၈)တန်းကျတော့ အဖေရဲ့ ပန်းပဲလုပ်
ငန်းကို ၀င်လုပ်ပြီး ကျောင်းဆက်မတက်တော့ ဂီတာတီးသင်သည် ဂီတာတီးသည်။

သူ ဂီတာတီးရင်း ထုံးစံအတိုင်း နည်းနည်းသောက်တတ်လာသည် နောက် မြကြီးနှင့် ခိုးပြေး
သည်။ အဲ့ဒီတုန်းက သူက(၁၈)နှစ် မြ ကြီးက(၁၇)နှစ် သူတို့ နှစ်ယောက်အိမ်ထောင်ကျပြီး
သော်လည်း ဂီတာတီးခြင်း သီချင်းဆိုခြင်းမပျက် စီးပွားရေးအခြေအနေကတော့ လက်မှုသမား
များဖြစ်တော့ အများကြီးမပိုလျှံ နေဖို့စားဖို့ ကတော့ဖူလုံသည်။ ခင်ဝင်းအောင်အဖေက ထိုနယ်
တ၀ိုက် အောင်မြင်သည့် ပန်းပဲဆရာ အပ်ထည်ကမပြတ် အဖေက အလုပ်တချိူ့ကို ခွဲပေး
သည်။ ထို့ကြောင့် သူတို့ နှစ်ဦး အိမ်ထောင်ရေးမှာ ပူပင်စရာမရှိ သမီးလေး (၂) ယောက်ရ
သည် ။

ပြဿနာက ခင်ဝင်းအောင် အိမ်မှာနေတော့ သားအကြီးဆုံး အဖေက အားကိုးရသူ နှမများက
လည်း အကို တယောက်ထဲရှိလို့ ချစ်ကြသည်။ အိမ်ထောင်ကျတော့လည်း မြကြီးက ဆက်ဆံ
ရေးကောင်းသည် မိသားစုအားလုံးနှင့်တည့်သည်။ မြကြီးက ခင်မင်အောင်ပေါင်းတတ်သည်။
ပန်းပဲအလုပ်ကိစ္စ လာသမျှကို မြကြီးက ကလေးတဖက်နှင့် ပစ္စည်းအပ်သူများ အဆင်ပြေ
အောင် ၀င်လုပ်ပေးတတ်သည်။ ခင်ဝင်းအောင်က လူဖြောင့်စိတ်တိုသမျှကို မြကြီး နှင့်တွေ့
လျှင်ကျေနပ်စေရသည်။ မြကြီးက စကားပြောကောင်းတာသာမက စာလည်းအရေးကောင်းသည်
ခင်ဝင်းအောင်ဆီရေးသမျှ စာ ကျနော်နှင့်စိုးဦး ဖတ်ရသည်။

ခင်ဝင်းအောင် စိတ်တိုတတ်တာက ပြဿနာမဟုတ်သေးသော်လည်း သောက်တတ်လာသည့်
အခါမှာတော့ ပြဿနာဖြစ်လာသည် မဟုတ်ဘူးထင်လျှင် ၀င်ပြောသည် ၀င်ရန်ဖြစ်သည် စိတ်
ကောင်းသော ရက်ရောသော ခင်ဝင်းအောင်ကို အားလုံးက ခင်မင်ကြပါသည်။ သို့သော် အ
ရက် မူးလာလျှင်တော့ ပြောမရတော့ သူများလို ၀ုန်းဒိုင်းကျဲ နေတာလည်းမဟုတ် သူလုပ်ချင်ပြီ
ဆို ဖြစ်အောင်လုပ်တော့သည်။

ပြဿနာအစက ဘာမှမဟုတ် သူ့အိမ်က ပစ္စည်းလေးများ ခဏခဏပျောက်သည် ပန်းပဲရုံဆို
တော့ ပစ္စည်းတော်တော်များများက သံထည်များဆိုတော့ ရုံထဲမှာ ဒီတိုင်းပဲထားရသည်။ သို့
သော် သူတို့အိမ်ဘေးနားက အိမ်သို့ လူသစ်တွေ ရောက်လာပြီးကတည်းက ဓါးလေးပျောက်
ဆောက်လေးပျောက် တခါတခါ သူများပစ္စည်း အပ်ထည်များထဲက ပျောက်သည်။ တန်ကြေး
အားဖြင့်တော့ များများစားစား ကြီးမားတာမျိူးလည်း မဟုတ်။ စိတ်အနှောက်အယှက် ဖြစ်ရ
သည်။

နောက် ပန်းပဲရုံကို လုံလုံခြုံခြုံ လုပ်လိုက်ပြန်တော့ အ၀တ်လျှော်ပြီးလှမ်းထားသော ပုဆိုး အ
င်္ကျိပျောက် သည်။ ဆပ်ပြာခွက်က အစပျောက်သည် သူ သူခိုးကိုတော့ မမိ။ ထို့ကြောင့်သူ သူ
ခိုးစောင့်ဖမ်းရန် သူခိုးချောင်းရန် စီစဉ်ရသည်။ သူခိုးကလည်း လည်သည်။ သူစောင့်ဖမ်းသည့်
ရက်တွင် မခိုး နောက်တော့ မက်လောက်အောင် မျှားရသည်။ ဆပ်ပြာခွက် ကအစ ခိုးသောသူ
ခိုးသည် ပုဆိုး အသစ်ဆို မျက်စေ့ကျမည် ဖြစ်သည် ထိုကြောင့် ပုဆိုးအသစ်ဖြင့် မျှားထားသည်
သို့သော် သူမျှားထားစဉ် ပုဆိုးကပါသွားသည်။ မမိ မိမည့် မိတော့လည်း လွယ်သည်။

3 comments:

ကဗျာဦး November 11, 2009 at 11:35 PM  

စာကြွေးတွေလာဖတ်သွားပါတယ်အစ်ကိုချစ်ဖေ

Anonymous,  November 12, 2009 at 6:40 AM  

ကိုရီးယားကားကြည့်ရသလိုပဲဗျို့
ကောင်းခန်းလေးရောက်မှ ပြတ်သွားတယ်....။
အကိုရေ.. မီးမလာရင်တောင် မီးစက်လေးရှိတဲ့
အိမ် သွားကြည့်ဖို့ စောင့်နေရသလိုပဲဗျာ....။
ဆက်ရန်ကို မျှော်နေပါ၏.....။

ရွှေရတုမှတ်တမ်း November 12, 2009 at 5:02 PM  

အလျင်မီအောင်မနဲဖတ်နေရတယ်..ဇတ်ကောင်တွေ
အများကြီးနဲ့ ဝတ္တုဇတ်လမ်းရှည်ဖတ်နေရသလိုပါပဲ..

ကျနော့်အရောင်က အစိမ်းရောင်ပါ ခင်ဗျားတို့ကကော.

GREEN

You are a very calm and contemplative person. Others are drawn to your peaceful, nurturing nature.

Find out your color at QuizMeme.com!

  © Blogger templates Newspaper III by Ourblogtemplates.com 2008

Back to TOP