သဘောကောင်းခြင်းသဘောဆိုးခြင်းနှင့် ပတ်သက်၍

သဘောကောင်းခြင်း သဘောဆိုးခြင်းနှင့် ပတ်သက်၍

ကျနော်ခုရက်ပိုင်းခဏခဏတွေးဖြစ်နေတာရှိတယ်ဗျာ လူကနားနေရတော့ပိုတွေးမိနေတာ
လည်းဖြစ်မယ် သဘောကောင်းတယ် သဘောကောင်းတယ် ဆိုတာ ဘာကိုပြောနေတာလဲလို့
ပေါ့ဗျာ သဘောကောင်းဖို့ ဆိုတာ လေ့ကျင့်မွေးမြူအပ်တဲ့စိတ်ထား စိတ်ရင်းကောင်းဖို့ မနော
ကောင်းဖို့လိုတယ် ကောင်းတာလုပ်မှကောင်းတာဖြစ်မယ် စသည်ဖြင့်ပေါ့ ကျနော်တွေးမိနေ
တာလည်း အဲ့ဒါပါပဲ။

လူတွေမှာ သဘောကောင်းတယ် ဆိုတာတကယ်ကောရှိလို့လား သဘောကောင်းတဲ့အချိန်မှာ
ကောင်းပြီး သဘောမကောင်းတဲ့အချိန်မှာမကောင်းကြတာ အခြေအနေနဲ့ကောဆိုင်နေမလား
လို့ ကျနော်ကိုကျနော်မူတည်ပြီးစဉ်းစားမိတာပါ။ အခြားသူတွေရဲ့စိတ်အခြေအနေကိုတော့ကျ
နော်မသိပါဘူး။

တချိူ့အချိန်တွေမှာသဘောကောင်းပြီး တချိူ့အချိန်တွေမှာသဘောမကောင်းတာ သဘောဆိုး
တာလည်းဖြစ်ကောင်းဖြစ်မလားလို့ပါ။ဥပမာပေါ့..ကျနော့်မှာ ပိုက်ဆံ (၁၀၀) ရှိတယ်ဆိုပါစို့
ကျနော် (၁) ကျပ်ဖိုးကို လွယ်လွယ်ကူကူ သဘောကောင်းနိုင်ပါတယ်။ (၈၀)ကျပ်ဖိုး သဘော
ကောင်းဖို့ကတော့မလွယ်ကူတော့ပါ။ ဒါမှမဟုတ် ကျနော့်မှာ ပိုက်ဆံ (၂၀) ကျပ်ပဲရှိတယ်ဆိုပါ
တော့( ၁) ကျပ်ဖိုးကို ကျနော်လွယ်လွယ်ကူကူ သဘောကောင်းနိူင်ပါတော့မလား။

နောက်တခါ ကျနော်က ကျနော်ချစ်ရတဲ့သူကို ကျနော်မှာရှိတဲ့(၁၀၀)ကျပ်ဖိုးလုံးလွယ်လွယ်ကူ
ကူကောင်းနိုင်ပါတယ်လို့ ကျနော့်ကိုယ် ကျနော်ထင်တယ် တကယ်လို့ ကျနော်ချစ်ရတဲ့သူက
ကျနော့်အပေါ် (၁)ကျပ်ဖိုးလောက်တောင် မကောင်းတော့ဘူးလို့ ကျနော်ထင်မိတဲ့အခါ ကျ
နော်(၁၀၀)ဖိုးကောင်းခဲ့တာတွေအတွက် ယူကျူံးမရဖြစ်မှာပါ။ ဘာလို့အဲ့လိုဖြစ်ရတာလဲ ကျ
နော် အစထဲက လွယ်လွယ်ကူကူ(၁၀၀)ဖိုး လုံးကောင်းနိုင်တယ် လို့ထင်မြင်ခဲ့ပြီးမှ နောက်တ
ချိန်မှာ ကျနော်ဘာလို့ယူကျူံးမရဖြစ်ရတာလည်း ကျနော်က(၁၀၀)ဖိုးကောင်းခဲ့ချိန်က ကျနော်
က (၁၀)ဖိုးလောက်တော့ ကျနော့်ကိုပြန်ကောင်းစေချင်တာကို မရခဲ့လို့လည်းဖြစ်မှာပါ။

အဲ့ဒါဆို ကျနော့်ရဲ့(၁၀၀)ဖိုးကောင်းတယ်ဆိုတာရော မှန်ပါ့ဦးမလား အဲ့ဒီကောင်းနေစဉ်ကာလ
အတွက်ကိုပဲ သဘောကောင်းတာရယ်လို့ မသတ်မှတ်နိုင်ဘူးလား။ နောက်(၁၀၀)ကျပ်ကျနော့်
ဆီမှာရှိနေစဉ်မှာ (၁)ကျပ်ဖိုးလွယ်လွယ်ကူကူကောင်းနိုင်တာ ကိုရော အထင်ကြီးစရာလေးစား
အားကျစရာကောင်းပါ့မလား။ (၁)ကျပ်ထဲပဲပိုင်ဆိုင်သူက(၁)ကျပ်ဖိုး ကိုလွယ်လွယ်ကူကူပေး
နိုင်တဲ့ စိတ်ကောင်းသဘောကောင်းဟာ (၁၀၀)ကျပ်ဖိုးရှိလို့ (၁)ကျပ်ဖိုးလွယ်လွယ်ကူကူးပေး
နိုင်တဲ့သူထက် ပိုမစွန့်လွှတ်ရဘူးလား ပိုကောင်းတာမဟုတ်ဘူးလား။

သဘောကောင်းတယ်ဆိုတာ ကျနော်တွေးမိနေတာပါ။ ကျနော်တို့တွေမျှော်တလင့်လင့်နဲ့သ
ဘောကောင်းမိနေကြသလား ပြန်တွေးမိတာပါ။ကျနော့်အပေါ်မှာ သဘောကောင်းသူတွေက
ရော ဘာလို့သဘောကောင်းခဲ့ကြပြီး ဘယ်အချိန်မှာသဘောမကောင်းကြတော့မှာလည်ဲး
တွေးနေမိတယ်။သဘောကောင်းတယ်ဆိုတာရောအမှန်တရားလား အခြေအနေတခုပေါ်မှာ
ဖြစ်ပေါ်လာတာလား။

ကျနော်တို့တွေ အသက်ရှင်သန်နေစဉ်မှာ ကိုယ့်ကိုကိုယ် ကိုယ့်ပတ်ဝန်းကျင်ကို ကိုယ့်မိသား
စုကို တတ်နိုင်သမျှတော့ ကောင်းကျိူးဆောင်ကြရမှာပါ။ ဒီလိုကောင်းကျိူးဆောင်တာကို
တောင်ဖြူစင်တဲ့ကောင်းကျိူးဆောင်မှုရောဖြစ်ပါ့မလား။ လူတဖက်သားနစ်နာအောင်လုပ်ခဲ့
ထိခိုက်အောင်လုပ်ခဲ့မှ အသက်ရှည်ရပ်တည်ရတဲ့ ကောင်းကျိူးဆောင်ရတယ်ဆိုရင်ကောကျ
နော်တို့ ဘ၀အဓိပါယ်က ပြည်စုံပါ့မလား။ ကုသိုလ်တပဲ ငရဲတပိဿာ ဖြစ်နေခဲ့ရင်ကော အဲဒီ
ကောင်းမှုက အဓိပါယ်ရှိပါ့ဦးမလား။

တခါတုန်းက ကျနော့်ကို ပုံပြောကောင်းတဲ့အကို ပြောပြခဲ့တဲ့ပုံပြင်လေးလို “ကံကောင်းလို့လေ
ယာဉ်ပျံအလကားစီးရ ကံဆိုးတော့လေယာဉ်ပျံပျက်ကျ ကံကောင်းတော့လေထီးရ ကံဆိုး
တော့လေထီးကမပွင့် ကံကောင်းတော့ကောက်ရိုးပုံပေါ်ကျ ကံဆိုးတော့ကောက်ရိုးပုံပေါ်က
မြွေကိုက် ကံကောင်းတော့ ဆေးခန်းကဆရာမလေးနဲ့တွေ့ ကံဆိုးတော့ အသည်းကွဲ” တဲ့ကျ
နော်တို့တွေရဲ့ ကံကောင်းတယ်ဆိုးတယ်ဆိုတာက ကို ပလုံးပထွေးနဲ့ ဘယ်ဟာက တကယ်ကံ
ကောင်းတာလို့ပြောလို့မရပဲ အခြေအနေတခုမှာ အမှန်ဖြစ်နေတာလို့ ကျနော်တွေးနေမိတယ်။
မှားရင်လည်းမှားမှာပါ နောက်တချိန်ကျရင်မှန်ရင်လည်းမှန်လာမှာ။

ကျနော်တို့ပြုခဲ့ကြတဲ့ကံတွေကိုက ကောင်းတယ်ထင် ကောင်းတာလုပ်တယ်ဆိုပြီး မှားယွင်းခဲ့
သမျှ ပြန်ဖြစ်နေကြရတာပဲလားမသိပါဘူး ကျနော်ကတော့ ကောင်းမှုတွေကို သံသယရှိနေခဲ့
ပြီလား ဒီလိုသံသယရှိတာကိုက မကောင်းမှုလား။ တခါတလေမှာကောင်းမှုတွေကို လုပ်နေ
တယ်လို့ထင်နေရင်းက အခြားသူတွေက ငါ့လိုကောင်းမှုမလုပ်နိုင်ဘူး ငါတို့ဂေါပက အဖွဲ့ ငါတို့
ပါတီ ငါတို့တပ်မတော် ငါတို့ ဆွမ်းလောင်းအသင်း ငါတို့ကျောင်း လိုကောင်းမှုမလုပ်နိုင်တဲ့သူ
တွေလို့ အထင်သေးအမြင်သေးဖြစ်နေခဲ့ရင်ရော ကောင်းမှုနဲ့ရောထွေးနေတဲ့ မကောင်းမှုပြန်
ဖြစ်တာမဟုတ်ဘူးလားဗျာ။

ကျနော်အရင်တုန်းက “အကုသိုလ် ဥပဒါန် ကုသိုလ်ဥပဒါန် မကောင်းမှုကိုစွဲလန်းခြင်း ကောင်း
မှုကိုစွဲလန်းခြင်း မရှိကြကုန်လင့်” ဆိုတဲ့စကားကို လက်မခံနိုင်ခဲ့ပါ မကောင်းမှုကိုစွဲလန်းတာ
မကောင်းဘူးဆိုတာတော့လက်ခံနိုင်ပါတယ် ကောင်းမှုကိုစွဲလန်းတာကိုတော့မကောင်းဘူးဆို
တာကိုလက်မခံနိူင်ပါ။ ခုတော့ကျနော်နည်းနည်းသဘောပေါက်လာခဲ့ပါပြီ။

ဘာပဲဖြစ်ဖြစ် ကောင်းတာကတော့လုပ်သင့်တဲ့ကိစ္စပါပဲ ကိစ္စဆိုးမဟုတ်ပါ။ အခြေအနေအချိန်
အခါအရ ကောင်းကြတာလည်းဖြစ်ကောင်းဖြစ်နိုင်တာပါပဲ ဘယ်လိုပဲဖြစ်ဖြစ်မင်္ဂလာဖြစ်ထွန်း
စေတယ်ဆို လုပ်ကောင်းနေမှာ လုပ်နေကြရဦးမှာပါ။ ဘယ်သူလုပ်လုပ်မလုပ်လုပ် ကိုယ်တော့
လုပ်နေသင့်တယ် လို့လည်းထင်ပါတယ်။ စွဲလန်းမှုမဖြစ်အောင်တော့ သတိထားရတော့မှာပါ။
ကျနော့်သူငယ်ချင်း ကဗျာဆရာမိုးမြင့်ချိူပြောသလို ကိုချစ်ဖေရယ် “လူတာ လူလောက်ပဲမှန်ခဲ့
ပြီး လူလိုပဲမှားခဲ့မှာပါ” တဲ့ ဟုတ်ပါတယ် ကျနော့်ကိုယ် ကျနော်ခွင့်လွှတ်လို့ရသလို အခြားသူ
တွေကိုလည်း ခွင့်လွှတ်ချင်ပါတယ် ခွင့်လွှတ်သင့်တယ်လို့လည်းမြင်နေပါတယ်။ ဒါပေမဲ့ကျ
နော် ရင်ထဲက ဒါဏ်ရာနက်နက်တွေကိုတော့ မဖုံးဖိနိုင် မကျေအေးနိုင်သေးဘူးလည်းဖြစ်နေရ
ပါတယ်။ကျနော့်ကို အခြားသူတွေက ခွင့်မလွှတ်နိုင်သလို။

ခုခွင့်မလွှတ်နိုင်သေးရင်လည်း တချိန်ချိန်မှာ ခွင့်လွှတ်နိုင်မယ်လို့ ထင်ပါတယ် အရာရာအားလုံး
အချိန်တွေက ကုစားပေးခဲ့တာချည်းပါ မြတ်စွာဘုရား အကြိမ်ကြိမ်ဟောကြားခဲ့တဲ့နောက်ဆုံး
ပြောကြားခဲ့တဲ့ “သဗ္ဗေသင်္ခါရာ အနိစ္စ၀တ သင်္ခါရာ အပ္မမာဒေထ သမ္မဒေထ” စကားကိုပဲ ကျ
နော် နားလည်သဘောပေါက်ချင်နေမိပါတော့တယ်။

အားလုံးရွှင်လန်းချမ်းမြေ့ကြပါစေ