Tuesday, October 20, 2009

ကိုချစ်ဖေခရီး(၁)

ကိုချစ်ဖေ မိတ်ဆွေရဲဘော်များ သင်တန်းဆင်းပွဲ


လမ်းခွဲလေးတခုရောက်တော့ ကျနော့်ကို ကိုချစ်ဖေဒီရဲဘော်တွေနဲ့ ခဏလိုက်သွားကျနော်
နောက်ကလိုက်လာခဲ့မယ်တဲ့ ရဲဘော်(၂)ယောက်က ကျနော်ကို နေရာချထားပေးမဲ့နေရာကို
ဦးဆောင်ခေါ်လာပါ။နောက် အဲ့ဒီစခန်းကုန်းက ပိုလုံခြုံတယ်တဲ့ သင်တန်းဆင်းပွဲကလည်း အဲ့
ဒီတောင်ကုန်းစခန်းခွဲလေးမှာလုပ်မှာ ကျနော်တို့ (၁၀)မီးနစ်လောက်လမ်းလျှောက်လိုက်တယ်
ဆို ကမ္မဌါန်းကျောင်းလေးတွေနဲ့ ဆင်ဆင်တူတဲ့ အင်ဖက်မိုးရင်ကွဲတဲလေးတွေ (၆)လုံးလောက်
ကိုတွေ့လိုက်ရပါတယ်. ဆင်တူဆောက်ထားသလိုပါပဲ။ ရဲဘော်တွေနေကြတာတဲ့။

နောက်အဲဒီတဲတန်းလေးရဲ့ထိပ်မှာတော့ အတော်အသင့်ကြီးမားတဲ့ တဲကြီးတလုံး ဘေးနားက
အနည်းငယ်သေးတဲ့ ထမင်းစားဆောင် ကိုတွေ့ပါတယ် အားလုံးကို ၀ါးတွေအင်ဖက်တွေနဲ့
ယာယီဆောက်လုပ်ထားတာဆိုပေမဲ့သေသေသပ်သပ် ထိုတဲကြီးကသင်တန်းခန်းမပါ။ကျနော်
တို့ရောက်လာတော့ တဲထဲကရော ထမင်းစားဆောင်ထဲကရော သင်တန်းခန်းမထဲကရောရဲ
ဘော်တွေ ထွက်လာကြတယ်အားလုံး လက်နက်ကိုယ်စီနဲ့ သွားလေရာရာ“ကျနော်တို့ကိုလည်း
လှမ်းမေးပါတယ် တပ်ရင်းမှုးကော ပါလာတယ်ဆို”တဲ့ သူတို့အခေါ်ကာကင်းကုန်းကိုတက်သွား
တယ် လိုက်လာမည်လို့ ရဲဘော်လေးတွေက ပြန်ဖြေလိုက်ပါတယ်။ သူတို့ကိုကြည့်ရတာ တပ်
ရင်းမှုးကိုမျှော်နေကြတာမှန်းသိသာပါတယ်။

နောက်သူတို့တင်မဟုတ်ပါဘူး သင်တန်းခမ်းမထဲက ကိုလွမ်းဏီ(ဗဟိုအလုပ်အမှုဆောင်ကော်
မတီဝင် ကဗျာဆရာ) ကိုပုည( ကဗျာဆရာနေဇော်နိုင် ဒီမိုကရက်တစ်မြန်မာ့အသံ) ကိုထက်မိုး (၂၀၀၅ ခုနှစ်တွင်ကွယ်လွန် ဗဟိုကော်မတီဝင်-ကဗျာဆရာ) တို့နဲ့အတူ ဂျပန်ကျောင်းသူအမျိူး
သမီး နောက်ပြင်သစ်သူ တို့လည်း ထွက်လာကြပါတယ်။ သူတို့က ကျနော်တို့ တပ်မဟာ(ရ)
ဖက်ကမ်းကို ကူးပြီးသိပ်မကြာခင် ကူးလာခဲ့ပြီး စခန်းကိုရောက်နေတာပါ။ကိုလွမ်းဏီနဲ့ကိုပုည
က ကြိုရောက်နေတာပါ။ ကိုထက်မိုးက ဗဟိုစည်းရုံးရေးဌါနကနေ သင်တန်းမှုးတာဝန်ရှိသူ
နောက်တဖြေးဖြေးလည်း မှောင်လာပါပြီ သိပ်မကြာခင်မှာပဲ ကိုစောမိုး ရဲဘော်(၅)လောက်နဲ့
ရောက်လာပါတယ်။ မှောင်လာပြီမို့ သူတို့တပ်စည်းကမ်းအရ လုပ်သင့်တာတွေအကုန်လုပ်နေ
ပါတယ် ကျနော်တော့ မသိပါ။ ကင်းလည်းချထားပြီးပါပြီ။

ကိုစောမိုးနဲ့အတူပါလာတဲ့ ရဲဘော်လေးတွေက ချက်ပြီးသားဆိတ်သားဟင်းအိုးကိုပါသယ် လာ
ကြပါတယ်။ သူတို့ကာကင်းကုန်းမှာချက်တာတဲ့ ရဲဘော်လေးတွေ မျက်နှာအားလုံးကလန်း
လန်းဆန်းဆန်း ပျော်ပျော်ရွှင်ရွှင် စစ်အာဏာရှင်စနစ်ကို လက်နက်နဲ့ လူထု
တိုက်ပွဲနဲ့ နည်းပေါင်းစုံ တိုက်ပွဲဝင်ရမှ စစ်ကျွန်ဘ၀က လွတ်မြောက်မယ်လို့ ယုံကြည်တဲ့သူတွေ
အခြားဖွံ့ဖြိုးပြီးနိုင်ငံတွေမှာ သွားရောက်အခြေချ နေထိုင်မယ်ဆိုရင်လည်း နေထိုင်နိုင်တဲ့သူတွေ
ဒါပေမဲ့ သူတို့က သူတို့ကိုင်ထားတဲ့သေနတ်နဲ့ ပြည်သူကိုနှိပ်စက်ညှင်းပန်းနေသူတွေကို တော်
လှန်မှဖြစ်နိုင်မယ်လို့ ယုံကြည်ထားလို့ သူတို့ ယုံကြည်ချက်ကိုမစွန့် သူတွေပါ။

ဒီနေရာမှာတချိူသောသူများနှင့် သဘောကွဲလွဲစရာတော့ရှိပါတယ်။ တချိူ့ကပြောပါတယ်နှစ်
ပေါင်းများစွာ လက်နက်ကိုင်နည်းလမ်းနဲ့လုပ်လာတာမအောင်မြင်ပါဘူး။ တချိူ့ကတော့အင်
အားများတုန်းကတောင်မနိုင်တာ ခုအင်အားနဲ့ ဘယ်လိုလုပ်နိုင်မှာလဲ။ နောက်တချိူ့ကတော့အ
ကြောင်းအမျိူးမျိူးကြောင့် အခြားကွဲလွဲစရာတွေလည်း ရှိပါဦးမည်။ ကျနော့်အမြင်တော့ သ
ဘောကွဲမည် ဆိုလည်းကွဲလွဲခွင့်ရှိပါသည်။ ဘယ်သူတဦးတယောက်ကိုမှ မကွဲလွဲရဘူးလို့ အ
တင်းဆွဲခေါ်ထားကြတာလည်းမဟုတ်ပါ။ လက်နက်ကိုင်တိုက်ပွဲဝင်မှရမည်လို့ ယုံကြည်ခဲ့လို့
လက်နက်ကိုင်တိုက်ပွဲဝင်ခဲ့ကြပါတယ် မယုံကြည်လောက်စရာအခြေအနေတွေ ဖြစ်လာရင်
လည်း မယုံကြည်တော့တာ သဘာဝကျပါတယ်။ အင်အားနည်းတာများတာကတော့ များတဲ့
အခါများလာပြီး နည်းတဲ့အခါလည်း နည်းနေမှာပါ နည်းရာကနေများလာတာလည်းရှိမှာပါပဲ။

ဘာပဲဖြစ်ဖြစ် လက်နက်ကိုင်နည်းလမ်းနဲ့ တိုက်ပွဲဝင်သူတွေရဲ့ အခက်အခဲအခြေအနေကို ကျ
နော်နားလည်စာနာပါတယ်။ မှန်တယ်ရယ်လို့လည်းမြင်ပါတယ် အင်အားကြီးမားတဲ့ရန်သူကို
တိုက်ရတဲ့အခါ ရက်စက်ကြမ်းကြုပ်တဲ့ရန်သူကို ရင်ဆိုင်ရတဲ့အခါ နည်းလမ်းမျိူးစုံကိုသုံးကြရ
မှာပါ။ အခက်အခဲတွေမခံနိုင်လို့ ပုဂ္ဂိုလ်ရေးအရ ခေါင်းဆောင်တွေကိုမယုံကြည်တော့လို့ ထွက်
ခွါသွားခဲ့သူတွေလည်း ရှိနေမှာပါပဲ။ အခြေအနေတွေ ဘယ်လိုပြောင်းပြောင်း ကိုယ့်ယုံကြည်မှု
ကိုစွန့်လွှတ်မသွားတဲ့သူတွေ ကို ကျနော်သဘောကျနေတာပါ။ ကျနော်ကိုယ်တိုင် သူတို့လိုယုံ
ကြည်ပေမဲ့ သူတို့လို မကျင့်ကြံနိူင်တာလည်းဖြစ်မှာပါ။ လက်နက်အားကိုးပြီးအနိုင်ကျင့်လာတဲ့
သူကို လက်နက်စွဲကိုင်ပြီးခုခံရင် အနိုင်ကျင့်ချင်တိုင်းကျင့်လို့ မရတော့တာတော့ လက်တွေ့မှာ
အများကြီးတွေ့ကြရမှာပါ။ အကြမ်းမဖက်တဲ့ အနုနည်းလမ်းကို သုံးလိုသူတွေလည်းသုံးနိုင်ပါ
တယ် ကိုယ်နှစ်သက်သလို ကျင့်သုံးနိုင်သလို ကျင့်သုံးကြရမှာပါ။ တိုက်ပွဲဝင်ချင်ယောင်ဆောင်
နေသူတွေကို ဒီမိုကရေစီကို ထောက်ခံချင်ယောင်ဆောင်နေတဲ့ ဒီမိုကရေစီကိုအယောင်ပြပြီး
ကိုယ့်အိပ်ထဲထည့်တဲ့ သူတွေကိုပဲ ကျနော်မထောက်ခံတာပါ။

ကျနော်တို့ ညလေးရောက်လာတော့ အပြင်ထွက်ပြီး ရှာထားတဲ့ ထင်းတွေနဲ့ မီးပုံပွဲအသေးလေး
လုပ်ပါတယ်။ ထမင်းနဲ့ဟင်းကိုတော့ အဆင်သင့် စားလိုတဲ့သူလည်းစားနိုင်ပါတယ်။ကျနော်တို့
က အသောက်ဖက်ပိုတော့ သောက်ပဲသောက်ပါတယ်။ အရက်ကတော့တောအရက်ပါပဲ မြို့
ပေါ်က ပါလာတဲ့အရက်လည်း သောက်ကြတာပါပဲ ပင်တိုင်ကတော့ တောအရက်ပါပဲ တောအ
ရက်ပေမဲ့ တောအရက်ကောင်းကောင်းပါ ကျနော်တို့တွေ ရဲဘော်တွေနဲ့အားလုံး ၀ိုင်းလိုက်ကြ
တာပါ။ နီးစပ်ရာကို ခွက်သေးသေးလေးတွေနဲ့ ခွက်လှည့်ကြလို့ သိပ်လည်းမမူးကြပါဘူး။ ဧည့်
သည် ပြင်သစ်အမျိူးသမီးလေးကတော့ နည်းနည်းလေးသောက်ပါတယ် သောက်တယ်ဆိုရုံ
လေး ဂျပန်အမျိူးသမီးလေးကတော့မသောက်ပါဘူး ရီစရာတွေပဲပြောနေပါတယ်။နောက်ကို
ပေါက် (ကဗျာဆရာ-ကမာပုလဲ)လည်းရောက်လာပါတယ်။

ကျနော်တို့ ရောက်နေတဲ့စခန်းကုန်းလေးပေါ်မှာ အဲ့လိုမီးပုံပွဲလေးလုပ်ပြီး လွတ်လွတ်လပ်လပ်
ပျော်ပျော်ပါးပါး တဦးချင်းစီမိတ်ဆက်ကြ ပြောချင်တာလေးတွေပြောကြပေါ့ အခန်းအနားမ
ဆန်ပါဘူး သူငယ်ချင်းတွေပြန်တွေ့ကြသလိုပါပဲ။ နောက်ရဲဘော်လေးတွေက ဂီတာနဲ့ သီချင်း
တွေဆိုကြပါတယ်။စုပေါင်းဆိုလို့ရတဲ့ တော်လှန်ရေးသီချင်းတွေလည်းဆိုကြပါတယ်။တကယ်
ကိုနွေးထွေးတဲ့ညလေးပါပဲ။ နောက်ကျနော်တို့တွေ များများလည်းမသောက်ကြပါဘူး ရန်သူ့စ
ခန်းကုန်းနဲ့က နီးနီးလေးပါ။ အားလုံး အဲ့လိုဝိုင်းထိုင်နေတာတောင် သေနတ်ကိုအနားမှာထား
ကြတာပါ။

မှတ်မှတ်ရရ ကျနော်တို့ တွေ အားလုံးထမင်းစားနေတုန်း ကိုလွမ်းဏီဖုန်းက အသံမြည်လာပါ
တယ် တကယ်ဆို ပုံမှန် ဖုန်းမရတဲ့နေရာပါ။ ဆက်သွယ်ရေးစက်ပဲ အားကိုးကြရတာပါ။ခုလိုဖုန်း
သံမြည်လာတော့ ထူးဆန်းနေတာ ကိုလွမ်းဏီက ဖုန်းကိုင်လိုက်တော့ ဥရောပနိုင်ငံတခုက သူ
ငယ်ချင်းတယောက် ဆက်လိုက်တဲ့ဖုန်း ပါ ကိုလွမ်းဏီက“ ငါတို့မြန်မာပြည်ထဲပြန်ရောက်နေ
တယ် မင်းမယုံရင်နားထောင်ဆိုပြီး ကျနော်တို့ကို ရဲဘော်တို့ ကျယ်ကျယ်အော်ကြမယ် အရေး
တော်ပုံ-အောင်ရမည် အရေးတော်ပုံ-အောင်ရမည်- အရေးတော်ပုံ-အောင်ရမည်”လို့ကျနော်
တို့ အသံကုန်အော်ကြတယ် ကျနော်တို့စိတ်ထဲအဲ့လို အော်ချင်နေခဲ့တာကြာပါပြီ ဘယ်နေရာ
ရာမှ အော်ဖို့ အခွင့်မကြုံတော့တာလည်း (၁၉၈၈)(၈)လေးလုံးအရေးအခင်းပြီးထဲကပါပဲ တ
ဖက်က သူငယ်ချင်းလည်း တော်တော်အားကြသွားပါတယ်။ “ခုပြေးလာချင်လိုက်တာဗျာ” လို့
ဖုန်းကနေ ပြောသွားတာ မိုက်ဖွင့်ထားလို့ အကုန်ကြားနေရပါတယ်။အဲ့လိုပြေးလာချင်တဲ့ ရဲ
ဘော်သူငယ်ချင်းတွေလည်း အများအပြားရှိနေမှာပါ။

နောက်ကျနော်တို့ ညနက်လာတော့ အိပ်ဖို့နေရာတွေချပေးကြပါတယ် ကျနော့်ကို ကိုစောမိုးက
သူနဲ့တတဲ့ထဲ နေရာချပေးပါတယ် အမျိူးသမီးဧည့်သည်တွေကိုတော့ အတွင်းပိုင်းကျတဲ့ လုံခြုံ
တဲ့ အဆင်ပြေမဲ့နေရာတဲလေးမှာချထားပေးပါတယ်။ ကင်းလှည့်ချထားတဲ့ထဲရဲဘော်လေးတွေ
ထဲက တယောက်က “အကိုညစာရပြီလား”တဲ့ ကျနော်က“ ညစာ စားပြီးပြီ”ပြီလို့ပြောလို့ ရယ်
လိုက်တာ ဟုတ်ဘူးအကိုရ ညစာဆိုတာ ညဖက် “အပေါ့အပါးတွေဘာတွေသွားတဲ့အခါ ကင်း
သမားက အကို့ကို ရန်သူလားမိတ်ဆွေလားခွဲခြားအောင် မေးရတဲ့ စကားဝှက်လေအကို”ဆိုမှ
သဘောပေါက်သွားတယ် “အကိုမရသေးပါဘူး” ဆိုတော့ ကျနော့်ကို “တိုးတိုးကပ်ပြောတယ်
ကရင်လိုပေးထားတဲ့ နာမည်” ကျနော်လည်းမှတ်လိုက်တာပေါ့။

နောက်တပ်ရင်းမှုးနဲ့လိုက်သွားတော့ တပ်ရင်းမှုးက ကာဘိုင်တလက်ယူလာတယ် ကျနော်ကို
သူကိုင်တဲ့ပစ္စတိုတလက်ပေးထားတယ် “ကိုချစ်ဖေ အရေးအကြောင်းဆို ပစ်ရအောင်တဲ့ ဖြစ်
တော့မဖြစ်ပါဘူးတဲ့ ရန်သူနဲ့အပစ်ရပ်ထားတယ် ထုံးစံအတိုင်း ပေးထားတာပါ အရေးပေါ်သုံးရ
အောင်”လို့ပြောပါတယ်။ ကျနော်ကလည်း သေနတ်ကိုတခါမှမကိုင်ဘူးတာဆိုတော့“ဘယ်လို
ပစ်ရမလဲ တပ်ရင်းမှုး” လို့ပြန်မေးတော့ “မနက်ကျမှ ကျနော်ပြပေးမယ် မပြန်မချင်းခင်ဗျားကိုင်
ထားဗျာ ခုတော့ညနက်ပီ ခုတော့ အိပ်မှ မနက်ကို သင်တန်းဆင်းပွဲ လုပ်ကြရမယ်” လို့ပြောလိုို့ ကျနော်လည်းဆက်မမေးတော့ပါဘူး အရေးအကြောင်းဆိုလည်း တကယ်ပဲ သေနတ်နဲ့ ပစ်
ပေါက်ရတော့မှာပဲ။

ကျနော်လည်း သိပ်မကြာခင်မှာပဲအိပ်ပျော်သွားပါတယ်။ တရေးပြန်နိုးလာတော့ နာရီကြည့်
လိုက်တော့(၃) နာရီခွဲတော့မယ် ကင်းအလှည့်ကျနေတဲ့ ရဲဘော်လေးက သီချင်းတအေးအေးနဲ့ လမ်းလျှောက်နေတယ် ကျနော်လည်း အိမ်သာသွားချင်လာတာနဲ့ သွားဖို့ထပြီးမှ ညစာစကား
ဝှက်ကမေ့နေတယ် တကယ်လို့ကင်းသမားရဲဘော်လေးက ဘယ်သူလဲလို့ မေးရင်စကားဝှက်
ကိုပြောရမှာလေ ကျနော်ကမေ့နေပြီ တပ်ရင်းမှုးကိုနှိုးမေးရရင်လည်း အားနာစရာ အဲ့ဒါနဲ့မနည်း
ကြာပါတယ် နောက်တော့ မဖြစ်တော့ပါဘူး ရဲဘော်လေးကတော့ ခပ်လှမ်းလှမ်းမှာ လမ်း
လျှောက်ပြီးကင်းစောင့်နေပါတယ်။ ကျနော်က “ညီလေး”လို့ လှမ်းခေါ်ပြီး “အကိုညစာမေ့နေပြီ
သွားလို့ရမလား” ဆိုတော့ “ဟာ..အကိုသွားလေ အကိုလှုပ်လှုပ် လှုပ်လှုပ်နဲ့ နိုးနေတာ ကျနော်
သိတယ်ပြောရောပေါ့ အကိုရာ” တဲ့ ကျနော်က စစ်ဓလေ့တွေ ဘာတွေမသိဘူးလေ။

ကျနော်လည်းပြန်အိပ်မရတာနဲ့ ရေနွေးထကြိုတဲ့ရဲဘော်လေးနဲ့ စကားပြောရင်း မီးလှုံနေလိုက်
တယ် နောက်မိုးလင်းလာတော့ ထမင်းကြော်နဲ့ ကော်ဖီမစ်နဲ့ မနက်စာ စားကြတာပေါ့ဗျာသင်
တန်းဆင်းပွဲက မနက်(၉) နာရီမှ စပါတယ် တပ်ရင်း(၉) က တပ်ရင်းမှုး ကိုသိုက်လည်းရောက်
လာပါတယ် မနက်(၈)နာရီလောက် နောက် မဟာမိတ်တပ်က ကေအန်ယူ တပ်မှုးတချိူ့လည်း
တက်ပါတယ်။ သင်တန်းမှုးကိုထက်မိုး ကိုသိုက် ကိုစောမိုး တို့နဲ့ မဟာမိတ်တပ်မှုးအချိူ့ အမှာစ
ကားပြောပါတယ်။ အခန်းအနားထုံးစံအတိုင်း အလေးပြုတာ အစီအစဉ်အစဉ်ကြေငြာတာ အ
ခန်းအနားပြီးဆုံးတာအထိပါပဲ။ရဲဘော်တဦးချင်း သင်တန်းဆင်းလက်မှတ် ဂုဏ်ပြုဆုလည်းပေး
ပါတယ်။ခရစ်သက္ကရာဇ်(၂၀၀၄)ခုနှစ်ဇူလိုင်လတတိယပါတ် ဇူလိုင်(၁၉)မတိုင်ခင်ရက်မှာပါ။

သင်တန်းဆင်းပွဲပြီးတော့ ဧည့်သည်တွေ မနက်စာစားပြီးပြန်သွားကြပါတယ်။ တချိူ့လည်းကား
အခြေအနေအရ မစားကြတော့ပါဘူး ကျနော်က ကိုစောမိုးနဲ့နေခဲ့မဲ့သူဆိုတော့ လိုက်မသွား
တော့ပါဘူး ကိုထက်မိုးလည်းကျန်နေခဲ့ပါတယ်။

အဲ့ဒီလိုလူစုမခွဲခင် အမှတ်တယဓါတ်ပုံတွေရိုက်ကြပါတယ်။အမှတ်တယ တဦးချင်းသေနတ်နဲ့
ယူနီဖေါင်းနဲ့ရိုက်ကြတာလည်းရှိပါတယ် ရဲဘော်လေးတွေခင်မင်ရာတွဲရိုက်ကြတာလည်းရှိပါ
တယ် နောက်ရဲဘော်တွေနဲ့အားလုံးပါတဲ့ အုပ်စုဓါတ်ပုံလည်းရိုက်ကြပါတယ်။ကျောင်းသားတပ်
မတော်အလံနဲ့တကွပါ။ကျနော်ကိုနေရာချထားပေးတဲ့နေရာမှာ ကျနော်ရပ်နေတုန်း တပ်ရင်းမှုး
က အေကေ(၄၇)သေနတ်တလက်လာပေးပါတယ်။ဓါတ်ပုံထဲမှာသေနတ်ကိုင်ထားတဲ့ဓါတ်ပုံပါ
စေချင်လို့ပါ။ ကျနော့်မှာတပ်ရင်းမှုးပေးထားတဲ့ ပစ္စတိုရှိပေမဲ့ ခါးကြားထဲမှာဆိုတော့မပေါ်ပါဘူး။
ကျနော်ဝတ်ထားတာလဲ စစ်ဘောင်းဘီ အနွေးထည်က တပ်ရင်းမှုးပေးထားတဲ့ ပျောက်ကျားဖီး
လ်ဂျက်ကက် ဆိုတော့ ယူနီဖေါင်းဝတ်ထားသလိုပါပဲ တပ်ရင်းမှုးလာပေးတဲ့သေနတ်ကို ပုံမကြ
ပန်းမကျကိုင်ပြီး အုပ်စုလိုက်ဓါတ်ပုံရိုက်ခဲ့ကြပါတယ်။

ကိုစောမိုးကိုယ်တိုင်က ကျနော့်ကိုရဲဘော်တယောက်လို အသိအမှတ်ပြုတဲ့သဘောမို့ ခုချိန်ထိ
ကျနော်ကျနော်ပြန်တွေးမိတိုင်းဂုဏ်ယူပါတယ်။ ကိုချစ်ဖေလည်းပြောမယ်ဆိုရင်ဓါတ်ပုံရိုက်တဲ့
အချိန်(၅)မီးနစ်လောက်အတွင်း လက်နက်ကိုင်တော်လှန်ရေးထဲလုပ်ခဲ့ဘူးပါတယ်လို့ပြောရမ
လားပါပဲ။ဓါတ်ပုံကအုပ်စုပုံတွေထဲမှာ တော်တော်လေးကောင်းပါတယ် အလင်းအမှောင်ရဲဘော်
တွေမျက်နှာ အားလုံးကြည့်လို့ကောင်းပါတယ်။ကျနော့်မှာဓါတ်ပုံမရှိပါ။ တပ်ရင်းရုံးမှာပြန်ရှာရင်
တော့ရနိုင်မယ်ထင်ပါတယ်။ကျနော်လည်းခု အဲ့ဒီဓါတ်ပုံလေးလိုချင်နေပါတယ်။

ကျနော် (၁၉၈၉)ခုနှစ်မှာ အဖမ်းခံရတုန်းက မတရားအသင်းအက်ဥပဒေပုဒ်မ(၁၇)(၁)။နိုင်ငံ
တော်ငြိမ်ဝပ်ပိပြားမှုကိုနှောက်ယှက်ဖျက်ဆီးသူများ၏ဘေးအန္တရာယ်မှ ကာကွယ်သောဥပဒေ
ပုဒ်မ(၅)(ည) နဲ့ပစ်ဒါဏ်ကျခဲ့တာပါ။ ထောင်ထဲမှာကျနော်ကို နိုင်ငံရေးသမားတွေထားတဲ့
(၅)(ည) တိုက်မှာမထားပါဘူး။ကျနော့်ကို ရိုးရိုးရာဇ၀တ်မှုအကျဉ်းသားတွေနဲ့ အတူထားတာ
ပါ။အဲဒီတုန်းက ကျနော့်ပုဒ်မ(၁၇)(၁)က မတရားအသင်းကြေငြာခံထားရတဲ့လက်နက်ကိုင်
တော်လှန်ရေးအဖွဲ့အစည်းများနှင့်ဆက်သွယ်မှုလို့လည်း အဓိပါယ်ထွက်တော့ ကျနော့်ကိုသူ
ငယ်ချင်းတွေက သူပုန် လို့ခေါ်ပါတယ်။

ကျနော်ကလည်းသဘောကျပါတယ်။ မတရားတဲ့အစိုးရ ပြည်သူလူထုဆန္ဒမပါပဲအုပ်ချူပ်တဲ့အ
စိုးရ လက်နက်အားကိုးနဲ့ဖိနှိပ်တဲ့အစိုးရကိုပြည်သူပြည်သားတိုင်းလက်နက်စွဲကိုင်ပုန်ကန်ခွင့်ရှိ
တယ် ပုန်ကန်သင့်တယ်လို့ကျနော်ယုံကြည်ပါတယ်။ဒါကြောင့် သူပုန်လို့ခေါ်တာကျနော်ဝမ်း
သာပါတယ်။ သူပုန်တွေဟာ ပြည်သူတွေကိုဘယ်လောက်ချစ်တတ်တယ် တရားမျှတမှုကို
ဘယ်လောက်မြတ်နိုးတယ်ဆိုတာကို ပုဂ္ဂိုလ်ရေးအရ ကျနော်ဖေါ်ပြခွင့်ရနေခဲ့တာလို့တွေးမိနေ
လို့ပါ။အခြေအနေအရလက်နက်ကိုကိုင်ဆောင်ထားကြသူတွေက လက်တွေ့ကျကျတိုက်ပွဲတွေ
ထဲမှာအသက်ကို ချထားပြီးတိုက်ပွဲဝင်ကြရတာပါ။အင်အားခြင်း ဆက်သွယ်မှုခြင်းထောက်ပံ့မှု
ခြင်းအလွန်ကွာပါတယ်။ဒါပေမဲ့စိတ်ဓါတ်ရေးရာအရတော့ ကိုယ်တိုင်မတရားမှု့ကိုတော်လှန်ချင်
လို့ တိုက်ပွဲဝင်လာခဲ့သူတွေမို့ ရန်သူတပ်နဲ့တော့ အများကြီးကွာပါတယ်။

ကျနော်တို့လိုမြို့ပေါ်ကနေထောက်ခံတဲ့သူ ပူးပေါင်းတဲ့သူတွေကို သူပုန်ကျောရိုးတွေ သူပုန်
ဒေါက်တိုင်တွေလို့ အစိုးရကနှိမ်ခေါ်ပါတယ် ဖိနှိပ်ပါတယ် သူငယ်ချင်းတွေကကျနော့်ကိုသူပုန်
လို့ခေါ်တာ ရာထူးတက်ပေးတယ်လို့ ကျနော်ထင်တာပါ။ ပြည်သူတွေကိုဖိနှိပ်တဲ့ ရက်စက်တဲ့
အစိုးရစစ်တပ်မှာ ဗိုလ်ချူပ်လုပ်ရတာထက် မတရားမှုကိုတွန်းလှန်ကြတဲ့သူပုန်တပ်မှာတပ်သား
လေးဖြစ်ရတာ ဂုဏ်ယူပါတယ်။အဲ့ဒီလိုသဘောထားခုထိလည်းရှိပါတယ်။တပ်ရင်းမှုးကိုစောမိုး
က ကျနော့်ကို သူ့ရဲဘော်အဖြစ် အသိအမှတ်ပြုခဲ့လို့သာ ယူနီဖေါင်းနဲ့သေနတ်နဲ့ ဓါတ်ပုံရိုက်ခွင့်
ရတာပါ။ပြန်တွေးကြည့်တော့ကြည်နူးစရာ (၁၉၈၈)ခုမတ်လ တံတားနီအရေးအခင်းထဲကနေ
ဒီမိုကရေစီရေးတိုက်ပွဲထဲပါလာခဲ့တာခု(၂၀၀၉)ခုနှစ်အထိ လက်နက်ကိုင်တော်လှန်ရေးကိုလို
အပ်သည်လို့ယုံကြည်ခဲ့သလို အင်အားကြီးမားစေချင်မှုလည်းစိတ်ထဲမှာရှိပါတယ်။ဒါပေမဲ့ခုချိန်
ထိသေနတ်တချက်မှမပစ်ခဲ့ဘူးပါဘူး။ခုလည်း လက်နက်ကိုင်တော်လှန်ရေးရဲ့အဝေးမှာရောက်
နေတာပါ။သူများတွေပြောသလို တတိယနိုင်ငံတွေမှာ ချစရာလက်နက်လည်းမရှိခဲ့ဘူးသလို။
ခုချိန်ထိလည်းထောက်ခံအားပေးမှုသဘောထား ထားရှိတာလည်းကျနော့်လူ့အခွင့်အရေးလို့
သဘောထားပါတယ်။မြန်မာပြည်သူတယောက်အနေနဲ့ သဘောထားရှိခွင့်ရှိပါတယ်။

ကျနော်သဘောထားတွေပြောရင်းနဲ့ တရားဝင်ဝင်ဟောသလိုဖြစ်နေပါပြီ။ အားလုံးလူစုခွဲသွား
ကြပြီးတဲ့အခါကြတော့မှ ကျနော်တို့ ကာကင်းကုန်းဖက်ကိုသွားကြပါတယ်။ကာကင်းကုန်းကအ
တော်အတန်လေးမြင့်ပြီး ရန်သူစခန်းကို လှမ်းမြင်ရတဲ့နေရာပါ။ ကိုစောမိုးကမှန်ပြောင်းတလက်
ပါ ပါလာတော့ ကျနော်တို့ကုန်းလေးအရှေ့က ကတုတ်ကျင်းထဲကနေ နအဖရန်သူတပ်စခန်း
ကုန်းကိုလှမ်းကြည့်ကြပါသေးတယ်။ရာသီဥတုက မြူတွေဆိုင်းနေခဲ့လို့ ရန်သူ့စခန်းတွင်းကိုမ
မြင်ရပါ။ တပ်ရင်းမှုးက “အဲ့ဒီကုန်းက ကျနော်တို့အရင်ထိုင်ထားတာ ရန်သူကခုရသွားတာ ကျ
နော်တို့ အဲ့ဒီစခန်းမှာတုန်းက အစုံစိုက်ထားကြတာ ခုထက်ရိက္ခာပိုလျှံတယ် စခန်းကိုမကျသွား
ဖို့ကျနော်တို့ တပါတ်လောက်ခံပစ်သေးတာ ကျည်အင်အားနည်းလာတာရယ်ကြောင့် ရဲဘော်
တွေအထိအခိုက်လုံးဝမရှိပါဘူး ရန်သူနဲ့ ဒီကေဘီအေပဲနာသွားတာ” လို့ပြောပြပါတယ်။

တကယ်ပြန်တွေးကြည့်တော့ ကျနော့်သူငယ်ချင်း တပ်ထွက်ရဲဘော်တယောက်ပြောသလို“စစ်
ဆိုတာကို စစ်သားတွေက ပိုမုန်းပါတယ် ငြိမ်းချမ်းရေးကိုလည်း လိုလားကြပါတယ် တဖက်နဲ့တ
ဖက် ပုဂ္ဂလိက အမုန်းအညိုးတွေမရှိပဲနဲ့ သတ်နေကြရတာ ပြဿနာတွေကို ဆွေးနွေးညှိနှိုင်းအ
ဖြေရှာမှပဲ ပြေလည်မှာပါ အပြုတ်တိုက်ရေးနဲ့ဆိုရင် အောင်ပွဲတော့ခံရင်ခံနိုင်မယ် ငြိမ်းချမ်းရေး
တော့မရနိုင်ပါဘူး တချိန်ပြန် ပြဿာဖြစ်မှာပါ” တဲ့ စစ်အုပ်စုက သူပုန်သောင်းကျန်းသူနှိမ်နင်း
ရေးဆိုပြီး လူအင်အား လက်နက်အင်အား ငွေအင်အား သုံးပြီးနှိမ်နင်းလာခဲ့တာ နှစ်ပေါင်းများ
စွာကြာခဲ့ပါပြီ။ သူပုန်တွေကိုလည်းနည်းလမ်းပေါင်းစုံနဲ့ အင်အားဖြိုခွင်း ချေမှုန်းခဲ့ကြတာအစိုးရ
အဆက်ဆက်ပါပဲ။ သို့သော်လည်း သူပုန်ဖြစ်လာစေတဲ့ မတရားမှုတွေ မမှန်ကန်မှုတွေ အနိုင်
ကျင့်ညင်းဆဲမှုတွေကို တော့မရပ်ခဲ့ပါ။ ဘယ်သူကမှ စစ်ကိုမမက်မောပါဘူး ခုခံဖို့ တွန်းလှန်ဖို့
ရသင့်ရထိုက်တဲ့အခွင့်အရေးရဖို့သာ လက်နက်စွဲကိုင်သူပုန်ရယ်ဖြစ်လာကြတာပါ။အကြောင်း
တရားကို မရှင်းသ၍ အကျိူးတရားတွေလည်းရှိနေဦးမှာပါ။

ကျနော်တို့ စခန်းမှာ နောက်ထပ်တညအိပ်ရင်း ကားကြုံကိုစောင့်ကြပါတယ်။ကိုစောမိုး ကို
သိုက် ကိုထက်မိုး ကျနော်နဲ့ရဲဘော်တွေစကားပြောကြ ထမင်းစားကြ စမ်းချောင်းလေးထဲရေ
သွားချိူးကြ ပေါ့ နောက်နေ့ မနက်တော့ကားနဲ့ ကျနော်တို့ပြန်လာခဲ့ကြပါတယ်။ရဲဘော်လေး
တွေလည်း ကျနော်တို့ကိုလိုက်ပို့ပေးပြီးကျန်နေခဲ့ကြပါတယ်။ကိုစောမိုးကတော့ ခင်ဗျားမြင်ခဲ့ရ
တဲ့ ရွာကြီးကို ၀င်လည်ကြမယ်တဲ့ ကိုသိုက်နဲ့ ကိုထက်မိုးနဲ့ကပြုံးနေတယ်။ကိုစောမိုးပြောတာ
ကျနော်သိချင်နေတဲ့ ဒုက္ခသည်စခန်းကြီး ကိုပြောနေတာပါ။

1 comments:

k2tmaung October 22, 2009 at 10:31 PM  

လာဖတ်သွားပါကြောင်း... :)

ကျနော့်အရောင်က အစိမ်းရောင်ပါ ခင်ဗျားတို့ကကော.

GREEN

You are a very calm and contemplative person. Others are drawn to your peaceful, nurturing nature.

Find out your color at QuizMeme.com!

  © Blogger templates Newspaper III by Ourblogtemplates.com 2008

Back to TOP