Monday, June 14, 2010

သဘောကျမိတဲ့ ကာတွန်းအတွေး

သဘောကျမိတဲ့ ကာတွန်းအတွေး

ကိုချစ်ဖေ မနက်စောစောသတင်းဖတ်လိုက်ရတာ တော်တော်ပဲမင်္ဂလာရှိပါတယ် အမြဲတမ်းပဲ
မီးမလာ မီးမလာလို့ ရေပြတ် မီးမလာလို့မီးစက်မောင်း အသံဆူ လေထုညစ်ညမ်း မီးပွိုင့်များလဲ
မီးမလာ မီးလာခဲ့တယ်ဆိုတာကိုက အထူးအဆန်းသတင်းရယ် ဖြစ်နေခဲ့တာလဲကြာပါပြီ ဗိုလ်
သန်းရွှေတို့ရဲ့ ကြပ်ပြေးနေပြည်တော်ကြီးမှာတော့ မီးတွေတထိန်ထိန်ဖြစ်လို့ဆိုပဲ မြန်မာပြည်
သူတွေအတွက် မီးဒုက္ခရေဒုက္ခနဲ့ နောက်ဆက်တွဲဒုက္ခတွေကို သတင်းထဲမှာ ဖတ်နေခဲ့ရတာ
လဲကြာပါပြီ။

ကိုယ်ကိုတိုင် မီး၂၄ နာရီမပြတ်တဲ့အရပ်မှာနေရပေမဲ့ မီးပြတ်တဲ့ ပြည်သူတွေ မီးကိုမရနိုင်တဲ့
ပြည်သူတွေအတွက် စားဝတ်နေရေးအခက်အခဲတွေကြားထဲက ဆင့်ပိုးတဲ့ဒုက္ခအဖြစ် အမြဲပဲ
စိတ်မကောင်းဖြစ်ရပါတယ်။ ဘာမှလဲမတတ်နိုင်တဲ့အခြေအနေမျိုးပါ။ အားလုံးကတော့မီး
ပြတ်တာကိုပဲ ဓလေ့ထုံးတမ်းစဉ်လာလိုလဲဖြစ်လို့ပေါ့ဗျာ။

ဒီနေ့တော့ သတင်းဝက်ဆိုဒ်တခုဖြစ်တဲ့ ခေတ်ပြိုင်ဝက်ဆိုဒ်ကိုဖတ်လိုက်ရတဲ့အခါ ရန်ကုန်မြို့
ကြီးမှာ မီးမလာ လာပြန်တော့လဲ နာရီပိုင်းဖြစ်နေရတဲ့အခြေအနေမှာ မီးတွေ ၁၂ နာရီလောက်
လာနေတာကို ဖတ်ရတော့ တော်တော်ပဲစိတ်ချမ်းသာပါတယ်။ ကိုရီးယားကားကြိုက်တဲ့အမေ
တော့တော်တော်ဝမ်းသာတော့မှာပဲလဲတွေးမိပါတယ်။ အခြားသော မီးကြောင့်ဖြစ်ရတဲ့ ဒုက္ခသု
က္ခတွေလဲ နည်းသွားတော့မှာမို့ အမြဲတမ်းမီးမှန်ပါစေ ရေလာပါစေလို့ ဆုတောင်းနေမိရင်း ကို
ချစ်ဖေ ၀မ်းသာနေမိပါတယ်။

အဲ့ဒီလိုမီးလာနေတာကို ၀မ်းသာမိနေတုန်း ဗြုံးဆို ကိုချစ်ဖေသဘောကျခဲ့တဲ့ ဆရာအော်ပီ
ကျယ်ရဲ့ ကာတွန်းလေးကို သွားပြေးသတိရမိတယ် အော်..ငါလဲအဲ့ဒီလိုဖြစ်နေပါလား တို့မြန်
မာပြည်သူပြည်သားတွေဆိုလဲ အဲ့ဒီလိုပဲ ဖြစ်ကြမှာ လို့ တွေးမိပါတယ်။ တော်တော်များများလဲ
အဲ့ဒီကာတွန်းလေးကို သိကြမှာပါ။ ဒီနေရာမှာ ကိုချစ်ဖေထံမှာလဲ မိတ္တူ ကာတွန်းကွက်လေးက
မရှိ ပြန်လဲမဆွဲပြတတ်လို့ ရေးပဲပြရတော့မှာ။

ကာတွန်းက လူတယောက်က ကျောက်တုံး(သို့) အထုတ်တထုတ်ကို ပင်ပင်ပမ်းပမ်း ထမ်းလာ
တဲ့ပုံဗျာ “လေးလိုက်တာ လေးလိုက်တာ” လို့လဲ ညီးညူနေသေးတယ် အဲ့ဒီလူရဲ့ကျေက်တုံးပေါ်
ကိုနောက်လူတယောက်က နောက်ထပ် ကျောက်တုံး တခုကို တင်ပေးလိုက်တယ်။ အဲ့ဒီအခါ အဲ့ဒီလူက “ဟာ..ပိုလေးသွားပြီ ပိုလေးသွားပြီ” လို့ အော်နေတယ် ပိုပင်ပမ်းသွားတဲ့ပုံကိုလဲ ဆွဲ
ထားတယ်ပေါ့ နောက် တပုံမှာတော့ ထပ်တင်ထားတဲ့ ကျောက်တုံးကို ပြန်ချပေးလိုက်တဲ့အခါ
ကျမှ “အင်း..ခုမှပဲပေါ့သွားတော့တယ်” တဲ့ ကျောက်တုံးကတော့ အစတုန်းထဲက ပင်ပင်ပမ်း
ပမ်း ထမ်းလာတဲ့ကျောက်တုံးကို ထမ်းထားတုန်းပါပဲ။

ကိုချစ်ဖေတို့ မြန်မာပြည်သူပြည်သားတွေလဲ အခက်အခဲမျိုးစုံကြားက ခုလို မီးလေးပြန်လာ
တာကိုပဲ တော်တော်ကြီးကို အဆင်ပြေသွား ၀မ်းသာသွားကြ ကျေးဇူးတင်သွားကြနေမှာပါ ကျ
နော်တို့လူမျိုးကလဲ သူများတွေလို ပါးစပ်ကလေးနဲ့ပဲ ကျေးဇူးတင်တတ်တဲ့လူမျိုးမဟုတ်တော့ တကယ့်ကိုပဲကျေးဇူးတင်မိကြမှာပါ သြ..ဒီလောက်သဘောကောင်းတဲ့ အကောင်းမြင်တတ်တဲ့
ကူညီရိုင်းပင်းချင်ကြတဲ့ တို့ မြန်မာလူမျိုးတိုင်းရင်းသားအားလုံးကိုမှ ဘာဝဋ်ကြွေးကြောင့် လူသ
ဘာဝ ရှက်ရမဲ့ အရာတွေမရှက် ကြောက်ရမဲ့အရာတွေကို မကြောက်တဲ့ လူနည်းစု လူတစုက ထင်သလို ချယ်လှယ်ခွင့်ရနေရပါလိမ့် လို့လဲ စိတ်မကောင်းဖြစ်နေမိပါတယ်။

ဘာပဲဖြစ်ဖြစ် မြန်မာပြည်သူတွေဆိုတာ ခံနိုင်ရည်ရှိတယ် အခက်အခဲကြားထဲက ရုန်းကန်ရှင်
သန်တတ်ပါပေတကား လို့လဲ တွေးနေမိပါတယ်။

6 comments:

ကလူသစ် June 14, 2010 at 9:01 PM  

ခံနိုင်ရည်ရှိတာ နဲနဲများသွားလားမသိဘူး။

ချစ်ကြည်အေး June 14, 2010 at 11:13 PM  

ဟုတ်ပ အကို ချစ်ဖေရယ် ကျမတို့တွေ ခန္တီစ နိူင်လွန်းတယ်....ဪ ခုနေတော့ ဘာများ တတ်နိူင်အုံးမလဲ

ယောနက်သန် June 14, 2010 at 11:25 PM  

ထုသား ပေသား ကျနေလို့ ထင်ပါရဲ့။

ရွှေရတုမှတ်တမ်း June 15, 2010 at 6:21 AM  

ခံနိုင်ရည်ရှိတာများတယ်လို့ ဘာကိုကြည့်ပြီးပြောတာလဲ
ကလူသစ်ရဲ့...........
အနှိပ်ခန်းတွေများလာတာပြောချင်တာလား..
ကိုချစ်ဖေရေ...ကျွဲလိုနွားလို အရေထူခဲ့တာကြာပါပေါ့..
မဆလခေတ်ကထဲက..ကျနော်တို့တောင်ခုမှ အရေပါးသွားတာ..

ကိုအောင် June 15, 2010 at 6:25 AM  

အားနားတတ်လို့၊ အလွယ်တကူ ခွင့်လွှတ်တတ်လို့၊
အယဉ်ကျေးလွန်လို့ ထင်တာပဲ အကိုကြီးရေ။

သဒ္ဓါလှိုင်း June 21, 2010 at 11:39 PM  

ပထမဆုံးအကြိမ်လာရောက်လည်ပတ်ခဲ့ပါတယ်အကိုရေ.
နောက်နေ့စာတွေလာဖတ်ပါမယ်..။

ခင်မင်စွာ
သဒ္ဓါလှိုင်း

ကျနော့်အရောင်က အစိမ်းရောင်ပါ ခင်ဗျားတို့ကကော.

GREEN

You are a very calm and contemplative person. Others are drawn to your peaceful, nurturing nature.

Find out your color at QuizMeme.com!

  © Blogger templates Newspaper III by Ourblogtemplates.com 2008

Back to TOP