အတွေ့အကြုံ
တခါတုန်းက ရွာတရွာမှာ ရိုးသားတဲ့ နာမည်ကလဲ ကိုရိုးဆိုတဲ့သူရှိတယ်တဲ့ မိဘတွေဆုံးပါးသွားတော့ အမွေအသင့်အတင့်
ရလိုက်သတဲ့ ငွေကြေးပြေလည်တယ်ပေါ့ဗျာ မိဘတွေလက်ဆက်ပေးထားတဲ့ ဇနီးမယားလည်းရှိတယ်တဲ့
ကိုရိုးက ရိုးလည်းရိုး အ လည်း အ တော့ သူ့မှာရှိတဲ့ လယ်တွေ အတွင်းပစ္စည်းတွေကို သူများတွေက လိမ်လည်လှည့်
ဖျားပြီးယူလိုက်ကြတာ နှစ်အနည်းအတွင်းမှာပဲ ပစ္စည်းဥစ္စာတွေနဲ့ ဇနီးသားသမီးကိုပါ သူများတွေ လိမ်သွားကြတာကုန်
ပါရောတဲ့ ခက်တာက ကိုရိုးက သူတခါအလိမ်ခံရတိုင်း “အော်.အတွေ့အကြုံ အတွေ့အကြုံ.အတွေ့အကြုံရတာပေါ့ဗျာ”
လို့အမြဲပြောသတဲ့ သူကအတွေ့အကြုံလည်းလိုချင်နေသူကိုး အဲ့ဒီလိုနဲ့ သူမှာနောက်ဆုံးနေတဲ့အိမ်လေးပါ ပြောင်သွား
တယ် ကိုရိုးကတော့ အေးအေးပဲ ဆေးတံလေးခဲပြီး နေတာပါပဲ သူအိမ်ပေါ်ကဆင်းရတော့မဲ့အချိန်မှာတော့
အမြင်မတော်တဲ့ ရွာသူကြီးက “ကိုရိုးကတော့ခက်ပြီ ဘာမှလည်းမလုပ်တတ် မကိုင်တတ်နဲ့ တော်ကြာလူပါ
လိမ်ပြီးသူများခိုင်းတာလုပ်ရတော့မယ်”တဲ့ ဒီတော့အိမ်ခေါ်ထားမှ ဆိုပြီးတွေးမိသတဲ့ အဲ့ဒါနဲ့ သူကြီးက သူ့ရွာက ကာလသားခေါင်း ကိုမောင်တင်ကို ကိုရိုးကိုသွားခေါ်ခိုင်းတယ်တဲ့ ကိုရိုးကိုသူ့အိမ်မှာလာနေဖို့ ကာလသားခေါင်းကို
မောင်တင်ကိုလွှတ်လိုက်သတဲ့ ကိုမောင်တင်လည်း ကိုရိုးကိုသွားခေါ်တာပေါ့ အကျိူးအကြောင်းလည်းပြောပြတာပေါ့ ကိုရိုးလည်း သူ့မှာကျန်တဲ့ ပစ္စည်းလေးတွေကို
စုပြီးကိုမောင်တင်နောက်လိုက်လာသတဲ့ လမ်းကျတော့ကိုမောင်တင်က တခုစဉ်းစားမိသတဲ့“ကို
ရိုးကို ရွာကလူတွေ တော်တော်များများလိမ်လိုက်ကြတာ အကုန်လုံးပါသွားပြီ ငါကတခုမှမလိမ်
ရသေးဘူး ငါလည်းလိမ်မှပဲ ”လို့တွေးမိသတဲ့ အဲ့ဒါနဲ့ ကိုမောင်တင်က “ ဟာ ကိုရိုးခင်ဗျားကိုပြော
ရဦးမယ် မေ့နေတာ ခု ခင်ဗျားဆီကလိမ်သွားတဲ့သူတွေက တချိူ့စီးပွားဖြစ်ကုန်ပြီး ရွာကိုပြန်
လာကြတယ် ရွာထိပ်ကညောင်ပင်ကြီးအောက်မှာ သူတို့လူစုပြီး ခင်ဗျားကိုကျေးဇူးပြန်ဆပ်ဖို့
တိုင်ပင်နေကြတယ် ခုခင်ဗျားသွားတွေ့လိုက်ရင် သူတို့အတော်ဝမ်းသာသွားမှာ”လို့ပြောသတဲ့
ကိုရိုးလည်း “ဟာ.ဟုတ်လား ခွင့်လွှတ်ပါတယ်ဗျာ ခွင့်လွှတ်ပါတယ် ကျနော်လည်းအတွေ့အ
ကြုံတွေရတာပေါ့”တဲ့ ခုပဲသွားလိုက်မယ်ဗျာတဲ့ ပြောပြီးကိုရိုးက သူ့အထုပ်လေးဆွဲပြီးသွားမလို့
ပြင်တာပေါ့ဗျာ ဒီတော့ ကိုမောင်တင်က “ဟေ့လူ ကိုရိုးခင်ဗျားအထုပ်က လေးပါတယ်ဗျာထား
ခဲ့ထားခဲ့ ကျနော်ဒီကစောင့်နေမယ်”လို့ပြောတော့ ကိုရိုးက “အော် ဟုတ်သားပဲ ပြီးတော့မှသူ
ကြီးကို ကျနော်ကျေးဇူးတင်ကြောင်းလည်းလာပြောရဦးမယ်ခင်ဗျားသွားနှင့်ဗျာ”လို့ပြောပြီးရွာ
ထိပ်ကညောင်ပင်ကြီးဆီကိုပြေးသတဲ့ ဟိုရောက်တော့ဘယ်သူ့မှမတွေ့မှ သူအတွေ့အကြုံတခု
ထပ်ရပြီဆိုတာသိတယ်လေ ကိုရိုးကတော့အေးအေးပါပဲ သူကြီးအိမ်ကိုလိုက်လာပြီး“သူကြီး
ရာ ကျနော်ခုတခါ ကျနော်ရတဲ့အတွေ့အကြုံကတော့တော်တော်ပညာသားပါတယ် ကျနော်
လည်းအတွေ့အကြုံ အတော်များနေပါပြီ ခုကာလသားခေါင်းကိုမောင်တင်လိမ်သွားတာက
တော့ပညာသားအပါဆုံးပဲဗျာ ကျနော့်အတွေ့အကြုံတွေကြားထဲက လိမ်သွားတာပညာပါ
သဗျာ”လို့ပြောပြီးဆေးတံလေးထိုင်သောက်နေသတဲ့.ဗျာ သူကြီးလည်းအဲ့ဒါနဲ့စိတ်ဆိုးပြီး
“ပညာလိုချင်ဦးကွာ အတွေ့အကြုံလိုချင်ဦးကွာ” ဆိုပြီးထရိုက်တော့တယ်တယ်တဲ့။
မှတ်ချက်။ ။ကိုချစ်ဖေသူငယ်ချင်းအကိုတယောက်က ကိုချစ်ဖေက တခုခုခံရတိုင်း
အတွေ့အကြုံရတာပေါ့အကိုရယ် အတွေ့အကြုံရတာပေါ့အကိုရယ် ပြောလွန်းလို့ ပြောပြ
ခဲ့သောပုံပြင်လေးပါ ခုလည်းခုရက်ပိုင်းအတွင်းကိုချစ်ဖေ အတွေ့အကြုံတွေထပ်ထပ်ရနေ
လေရဲ့ဗျာ။
2 comments:
ဟေ့လူ ....နောက်ထပ်အတွေ့ အကြုံတွေ အများကြီးရှိသေးတယ်။ ယူဦးမလား။
မှားတတ်ပလေ... ကိုချစ်ဖေရေ...ဟီးဟီး...
Post a Comment