Tuesday, October 13, 2009

သွေးရိုးသားရိုး အရှုံးများ


















သွေးရိုးသားရိုးအရှုံးများ


ဘ၀ဟာ
ဘ၀လိုရွေးချယ်ခွင့်မရဘူး
ဘ၀ဟာ အရောင်းအ၀ယ်ဆန်ဆန်လာတယ်
ဘ၀ဟာ နောက်ဆုံးအလုပ်လက်မဲ့
ဘ၀ဟာ ကုန်တင်ကားတစီးကို တက်စီးရင်း
ရေမျောကမ်းတင် ဆန်လာတယ်.

ဘ၀ဟာ ရောက်လာတော့မဲ့
နှင်းမြားတွေကိုခုခံဖို့
သင်္ကာမကင်းမှုတွေ
အထင်သေးစော်ကားတဲ့မျက်လုံးတွေ ကပ်ညှိနေတဲ့
အနွေးထည်အဟောင်းလေးနဲ့အံတုတယ်

ဘ၀ဟာ
ဘ၀လိုပဲ အကြွေးထူပြောလာတယ်
ထွက်မပြေးတဲ့သူတွေ ခြေထောက်အတွက်
ပင်နီအကျီလေးတထည်အတွက်
အကသ*ကျောင်းသားလေးတယောက်အတွက်
အမေနဲ့အတူထိုင်နေတဲ့
အမေတွေအတွက်
ဆယ်ရက်စာခရီးအတွက်
တသက်စာလုပ်အားခနဲ့ ဆပ်မကုန်နိုင်တဲ့အကြွေးတွေအတွက်
သန်သန်စွမ်းစွမ်းမဟုတ်တော့တဲ့
နှလုံးသားတစုံအတွက်
နယ်စပ်မြို့လေးမှာ သောက်ခဲ့တဲ့အရက်တခွက်အတွက်
ဖြစ်ချင်တာတွေမဖြစ်လို့ မိုက်မိုက်ရိုင်းရိုင်းကောင်ဖြစ်ခဲ့မှုတွေအတွက်
ပြန်ပြောမပြရဲတော့တဲ့ အခြားအကြွေးတွေအတွက်
ဘ၀ဟာ
ဘ၀လိုပဲ အကြွေးထူပြောလာတယ်.

ဘ၀ဟာတားမြစ်နယ်မြေထဲမှာ
အချစ်ကိုကန့်သတ်ခံရတယ်.
ဘ၀ဟာ သရိုးသရီပြုံးတတ်လာတယ်.
ဘ၀ဟာ ဘ၀နဲ့မျက်နှာချင်းဆိုင်တွေ့ပြီး
ဘ၀ရဲ့ပါးနှစ်ဖက်ကို ဘယ်ပြန်ညာပြန်ရိုက်ခဲ့တယ်

ဘ၀ဟာလုပ်ထုံးလုပ်နည်းဆန်လာတယ်
ဘ၀ဟာ လူကြီးလူကောင်းတွေအစည်းအဝေးခန်းထဲက
လက်ခုပ်သံဆန်လာတယ်.
ဘ၀ဟာ အမျိူးသမီးကောင်းလေးတယောက်နဲ့
တွဲကချင်လာတယ်.
ဘ၀ဟာစိမ်းစိမ်းလန်းလန်းအိပ်မက်ဆန်ချင်လာတယ်.


ခုတော့ ဘ၀ဟာခပ်တည်တည်ပဲ
သူမဟုတ်သလိုပါပဲ
ဂျင်းဘောင်းဘီအိပ်လေးထဲ လက်နှစ်ဖက်ကိုထည့်
မာဘိုရိုစီးကရက်တလိပ်ကို ဟန်ပါပါခဲ့ပြီး
စတားဘတ် ကော်ဖီဆိုင်ဖက်လမ်းလျှောက်ထွက်ခဲ့တယ်
ပြီးတော့ပြောသေးတယ် ဘ၀ဟာ ဘ၀ဆန်ခဲ့ပြီတဲ့။ ။


မိုးစဲနေ
၁၀။၁၄။၂၀၀၉
နံနက် ၇း၄၄ မီးနစ်

* ဗမာနိူင်ငံလုံးဆိုင်ရာ အခြေခံပညာကျောင်းသားများသမဂ္ဂ

ပန်းချီကိုထိန်လင်းထံမှ ခွင့်ပြုချက်မတောင်းခံနိုင်ခဲ့ပါ

1 comments:

k2tmaung October 14, 2009 at 3:29 PM  

ဘဝဟာ ဘဝဆန်ဆန်လာတယ်...
တစ်ထောင်တန်တောင် များများမကိုင်နိုင်သေးဘူး...
ငါးထောင်တန်တွေ ထပ်ထွက်လာပြီ...
ဟီးဟီး..... (ဘာမှ မပြောဘူးနော်... ရိုးရိုးတွေးကြပါ... :P )

ကျနော့်အရောင်က အစိမ်းရောင်ပါ ခင်ဗျားတို့ကကော.

GREEN

You are a very calm and contemplative person. Others are drawn to your peaceful, nurturing nature.

Find out your color at QuizMeme.com!

  © Blogger templates Newspaper III by Ourblogtemplates.com 2008

Back to TOP