ပြန်ပေး
ပြန်ပေး
ဘာမှမဟုတ်ပါဘူး.
၂၀၁၀
ရွေးကောက်ပွဲ
ရွေးကောက်ပွဲနဲ့
မုဆိုးရာသီ
တိမ်တောက်ချိန်မှ
လှတဲ့ အကျဉ်းတန်မပါ။
တဆောင်းဝင် တဆောင်းထွက်
ခေတ်အဆက်ဆက်
နိုင်ငံရေးမှာ
လင်ကောင်မပေါ်ပဲ
သားလျှောမွေးတဲ့ကောင်မ
ခု..
ဒီမိုကရေစီပြုံး ပြုံးတယ်
အရပ်တကာလည် ကြာပစ်တယ်
အမြီးမကျက်ခင် အမြီးစားတယ်
သရေပေါ်အိပ် သရေနားစားတယ်
မုဆိုးနားမနီးပဲ တောလည်ထွက်တယ်
မသူတော်ချင်းချင်း သတင်းမွေ့တယ်
အဲ့ဒီအရပ်ပျက်မ
အဲ့ဒီစစ်အစိုးရ
အယုတ်တမာမ.
ခေတ်ပျက် သူဌေးမ
အပျိုရည်ပျက်သွားတဲ့ ငါတို့ရဲ့တောင်ယာခင်းလေးပြန်ပေး
ကလေးစစ်သားလေးရဲ့ ပြတ်သွားတဲ့ ခြေတဖက်ပြန်ပေး
မိသားစုအတူ ညစာစားခွင့်တွေကို ပြန်ပေး
တက္ကသိုလ်ကျောင်းက ငွေလမင်းကို ပြန်ပေး
နိုင်ငံရေးအကျဉ်းသားလေးရဲ့ အမေကိုပြန်ပေး
နွမ်းလျအိမ်ပြန်လမ်းတွေကိုပြန်ပေး
ရွှေ့ပြောင်းအလုပ်သမ ဖြစ်သွားတဲ့
မူလတန်းဆရာမလေးကိုပြန်ပေး
မီးတောက်အရက်တလုံးနဲ့ ကောက်သစ်စားပွဲတွေကိုပြန်ပေး
ပြန်မပေးမှု့များအားလုံးကို ပြန်ပေးပါ.
ခင်ဗျားလုယူသွားတဲ့
လောကပါလနတ်မင်းကြီးကိုလဲပြန်ပေးပါ
ဒါဟာ
တိုင်းပြည်ကြီးတပြည်လုံးလုံးနာဖျားတာ
ခြေသလုံးအိမ်တိုင်သမားတယောက်
အဆုပ်အအေးမိတာမဟုတ်လို့.
ပြန်ပေးပါ.
ပြန်မရနိုင်တဲ့ ညနေခင်းတွေထဲ
ခင်ဗျားခင်းတဲ့ ဇာတ်က နာလွန်းတယ်
၂၀၁၀
ရွေးကောက်ပွဲတွေအစား
ပြန်ပေးပါ..
မိုးစဲနေ..
