ကိုချစ်ဖေ ၏ မရေးမနေနိူင်ခြင်းများ

မျက်ရည်နှင့် ရင်းခဲ့ရသော သောက်ရေချိုတခွက်

2011-11-01T14:57:00.000-07:00

မျက်ရည်နှင့် ရင်းခဲ့ရသော သောက်ရေချိုတခွက်"ဒကာကြီးတို့ တွင်းတူးအဖွဲ့တွေ လာမယ်ဆိုလို့ ဘုန်းကြီး ၀မ်းသာလိုက်တာဗျာ။ ညကတညလုံး အိပ်မပျော်ဘူး" ဘုန်းတော်ကြီး ဦးကောသလ္လ၏ မျက်လုံးအိမ်ထဲတွင် အပြုံးရိပ်တို့ ၀င်းလျက်။ နှလုံးသားထဲမှ မေတ္တာဓါတ်တို့ဖြင့် ယိုစိမ့်ထွက်ကျလာသော စကားများက စမ်းရေစီးသလို တသွင်သွင် စီးဆင်းနေလျက်။ ၁၅ ပေ ပတ်လည်ခန့် ရှိမည့် သိမ်ကျောင်းလေးထဲတွင် ဖျာအစုတ်လေုးတချပ် ခုတင်အိုလေးတလုံးနှင့် ယိုင်နဲ့နဲ့ ဆက်တီထိုင်ခုံ အကြမ်းလေး တလုံး။ တကယ့် တောကျောင်း သင်္ခမ်းလေးပါပဲ။ှထိုအချိန်တွင် ကျနော်တို့ ရိုက်ကူးရေး အဖွဲ့သားများက အချိန်မဖြုန်းနိုင်။ ဆရာတော်နှင့် တွေ့ ဆုံခန်း ရိုက်ဖို့ ပြင်ဆင်ကြသည်။ အရှေ့တိုင်း စောဘဦး၊ ဂွမ်းဂွမ်း ဒစ်ဂျစ်တယ် ကွန်ပြူတာမှ ဗွီဒီယိုကင်မရာဆရာ ကိုသိန်းလွင်တို့က ရိုက်ကွင်းကို ပြင်ဆင်ကြသည်။ “ဆရာတော် အနေနဲ့ ဒီအရပ်ဒေသမှာ ရေသန့် စက်ရေတွင်းဖြစ်ပေါ်လာအောင် ကြိုးစားခဲ့တဲ့ အပိုင်းလေး မိန့်တော်မူပါဘုရား"ကျနော်၏ လျှောက်ထားချက်။ “ဒီလိုဗျာ။ ကျုပ်တို့ အရပ်မှာ မြစ်ဝကျွန်းပေါ်ဆိုပေမဲ့ နွေအခါ ရေငန်တက်လာရင် မြစ်တွေ ချောင်းတွေက ရေတွေ အားလုံး ငန်တူးကုန်တော့တာ သောက်ရေအတွက် လေးငါးမိုင်လောက်ဝေးတဲ့အရပ်ကို လှေလှော်ပြီး သွားသယ်ကြရတယ်။ဆင်းရဲတဲ့သူ အများစုကတော့ ဒီရေငန်ကိုပဲ ကြိတ်မှိတ်သောက်ကြ ရတာကလား။ မြန်မာလို ၁၃၆၀ ပြည့်နှစ်က ကျုပ်တပည့် မိန်းကလေးတယောက်ဆို အဲ့ဒီရေငန်ရေပျက် သောက်ပြီး ၀မ်းလျှောရောဂါကြောင့် အသက်ဆုံးခဲ့ရတယ်။ အလွန်လိမ္မာတဲ့ ကလေး၊ ဆရာသမားမိဘအပေါ် အလွန်အလိုက်သိတဲ့ ကလေးဗျ။ သူ အခုရှိနေရင် ကိုးတန်းလောက် ရောက်ပြီပေါ့။ အဲ့ဒီတုန်းက စိတ်မကောင်းလွန်း လို့ ဘုန်းကြီးတန်မဲ့ မျက်ရည်တောင် ကျမိတယ်ဗျာ" သက်တော်(ရ၀)နီးပါးခန့် ဆရာတော်၏ စကားရိပ်များတွင် ကြေကွဲသံတို့ ရောယှက်။ မျက်နှာတော် ညိုးလျှော့။ “ဒီလိုနဲ့ တနှစ်ကို တယောက် နှစ်ယောက် ကတော့ ဒီရေငန်ကြောင့် ၀မ်းပျက် ၀မ်းလျှေလျှောဖြစ်ပြီး ပျက်စီးကြရတာကိုး။ ဒါနဲ့ ဘုန်းကြီးစဉ်းစားတယ် အခုပေ ၄၀၀ လောက်တူးးတဲ့ အ၀ီစိတွင်းတွေမှာ ရေချိုထွက်တယ်လို့ ကြားဖူးတယ်။ မော်ကျွန်းက သိကျွမ်းတဲ့ ဒကာ ဒကာမတွေကို ပြောကြည့် အလှုခံရရင် ကောင်းမလားပေါ့ ။ နောက် မော်ကျွန်းရောက်တဲ့အခါ ဟာဂျီ ဦးသောကြာ စတိုးက ဦးသောကြာသမီးတွေကို ပြောကြည့်တယ်။ သူတို့က သုံးသောင်းလှုပါမယ်။ ဒါပေမဲ့ ဒီလုပ်ငန်းမျိုးလုပ်တာ ၀ါသနာပါတဲ့ ဒကာကြီးဆီသွားပါဆိုလို့ ဒကာကြီးဆီ လာခဲ့တာလေ။ ဒကာကြီးက တပည့်တော် အလုပ်တွေ မအားလို့ တလလောက်အချိန်ပေးပါ ဆိုပြီး နောက် ဈေးကွက်ဂျာနယ်မှာ ဘကြီးထွန်း(မော်ကျွန်း) နာမည်နဲ့ သတင်းတိုလေးရေးပြီး အလှုခံတယ်။ ရန်ကုန်က တခါမှ မတွေ့ဘူး မမြင်ဘူးတဲ့ ယောမင်းကြီးလမ်းက ဦးကြူးတို့ အေ၀မ်းဝမ်း ၀က်အူချောင်းလုပ်ငန်းတို့ ၊ ဦးတူး ဒေါ်တင်တင်ရီတို့က နှစ်သိန်းကျော်လှုတယ် မဟုတ်လား" မှန်ပါသည် ကျနော်၏ ဂျာနယ်သတင်းကို ဖတ်ပြီး လူချင်း တခါမှ မတွေ့ဖူး မသိဖူးပါပဲလျက် ကျနော်ထံ ဖုန်းဆက်ခေါ် ကျနော်လူကိုယ်တိုင်သွားတော့လဲ သိန်းဂဏန်းငွေကို ယုံကြည်စွာ လှုလိုက်ပုံမှာ အံ့သြစရာ၊ သို့သော် တကယ်တော့လဲ ဆင်းရဲ ချို့ တဲ့တဲ့ အရပ်ဒေသရှိ လူအများအပေါ် ၌ ထားရှိသော ဖြူစင်သန့်ရှင်းသည့် စေတနာ ဆန္ဒ ကုသိုလ်ဓါတ်လှိုင်း တို့က အလှုရှင်တို့၏ သဒ္ဒါတရားကို လှုံ့ဆော် ကူညီပေးခြင်းသာ ဖြစ်ပေမည်။ “ဒကာကြီးတို့က လှုဖြစ်တယ်လို့ ကတိပေးတာကို ရွာကလူကြီးတွေ၊ ရာအိမ်မှုးတို့ ၊ ကာလသားအဖွဲ့တို့ကို ပြောပြတော့ သူတို့က မယုံဘူးဗျ။ ဆယ့်တသိန်း ဆယ်နှစ်သိန်းလောက် ကုန်တာဆိုတော့ စဉ်းစားတာပေါ့ဗျာ။ ဒကာကြီးဆီက ဂျာနယ်မှာ ပါတဲ့ သတင်းဖြတ်ပိုင်းလေး နဲ့ စာကို ထပ်ပြီးထုတ်ပြတာတောင်မှ မယုံတ၀က် ယုံ တ၀က်ပဲ ရှိသေးတာ" “ဒါပေမဲ့ ကျုပ်ကတော့ ယုံကြည်တယ်။ အများ ကောင်းကျိုး လုပ်တဲ့ လုပ်ငန်းဆိုတာ လူနတ်ဗြဟ္မာချစ်တဲ့ အလုပ်ပဲဗျာ။ အားလုံး ၀ိုင်းကူကြမှာပေါ့ တနေ့ ကတောင် ဟိုဖက်ရွာကို တရားပွဲကြွတော့ 'ငါတို့တော့ ရေချိုသောက်ရပြီဟေ့' ဆိုပြီး မိုက်နဲ့ ကို အော်ပြောလိုက်တာဗျ" “အဲ့ဒီ ပေါင်တချောင်း ကျူချောင်း ကနစိုချောင်းက ရွာသားတွေကလဲ ၀မ်းသာလို့ သူတို့လဲ နီးနီးနားနားလာခပ်လို့ ရပြီပေါ့ဗျာ။ ရေချို တစည်ကို ၁၅၀၀ကျပ်နဲ့ သူတို့ လဲ ၀ယ်မသောက်နိုင်ဘူးလေ အားလုံးကောင်းကျိုး ပါဗျာ" ဆရာတော်၏ ကျေကျေနပ်နပ် ချမ်းချမ်းသာသာ ကြီး ပြုံးနေသော မျက်နှာကို ဖူးမြင်ရင်းက ကျနော်၏ စိတ်ထဲတွင် အအေးဓာတ်များ ပြည့်လာလေသည်။ ကျောင်းတော်ရာ၊ အောင်လှိုင်ကျေးရွာမှာ မော်ကျွန်းမှ နှစ်နာရီကျော်ကျော် မောင်နှင်မှ ရသည်။ မနက် ရ နာရီခန့် ထွက်ရာ ၁၀ နာရီ ခန့်တွင် ရွာသို့ ရောက်၏ ကျနော်တို့ ကိုမြင်သည်နှင့် ရွာသူရွာသားများ လာကြိုကြ၏ အ၀ီစိတွင်း တူးအဖွဲ့က အားကြိုးမာန်တက် တူးနေဆဲ။ သူတို့က ကျနော်တို့ ထက် တရက်ကြိုရောက်သည်။ ကမ်းနံဘေး ကျောင်းပေါ်တွင် ခဏထိုင်ပြီး ဆရာတော်ရှိရာ သိမ်ကျောင်းငယ်သို့ တွေ့ဆုံမေးမြန်းရန် သွားကြ၏။ မသွားခင် ရွာသားတဦးက လွန်ခဲ့သော တလက ခုနှစ်နှစ် သမီးငယ်လေး တဦး ၀မ်းပျက်ဝမ်းလျှောရောဂါဖြင့် ဆုံးပါးသွားပုံကို စိတ်မကောင်းစွာ ပြောပြလေသည်။ ထိုအကြောင်းအရာကို မေးလိုသဖြင့် ကလေးမိခင်ကို ခေါ်ပေးဖို့ ပြောထား၏။ ဆရာတော်က စကားပြောနေရင်း ခဏရပ်သွားကာ တံခါးဝ သို့ ကြည့်လျက် "ဟဲ့ မဌေးလား" ဟုမေးသည်။ “ တင်ပါ့ဘုရား" “ကျတော့် နဘေးတွင့် ထိုင်ရင်း ဆရာတော်ကို ၀တ် ဖြည့်နေသော ထိုအမျိုးသမီးမှာ အသက် ၅၅နှစ်လောက် ထင်ရသည်။ သို့သော် ကျနော်သေချာကြည့်တော့ အသက် ၄၀ကျော်ပဲ ရှိမည်။ ဆင်းရဲပင်ပန်းမှုများကြောင့် အသက် ၁၅နှစ်စာခန့် ပို၍ အိုစာနေပုံရ၏။ လည်ပင်းတွင် စတီးကြိုး ဆွဲထားသော သူ့ပုံမှာ ကျေးလက်၏ သဘာဝရုပ်ပုံလွှာပေလား။ “ သမီးလေး ဆုံးသွားတဲ့ ကလေး အမေလား" “ဟုတ်ကဲ့" သူ့ပုံသဏ္ဍာန်မှာ ကျနော်နှင့်တကွ ရိုက်ကူးရေးအဖွဲ့ ကို ကြောက်ရွံ့ စိုးရိမ်နေဟန်ပင်။ “ဒီလိုပါ ကျနော်တို့ က အ၀ီစိတွင်း အလှုရှင်တွေပါ။ မဌေးသမီးလေး ဆုံးပါးသွားတဲ့ အကြောင်းသိချင်လို့ပါ။ ကလေးက အသက် ဘယ်လောက်ရှိပြီလဲ" “သမီးက အသက် ခုနှစ်နှစ်၊ ကလေးငါးယောက်မှာ သူက နို့ညှာ အဲ့ဒီနေ့က ကျမတို့ ရွာမှာ မရှိဘူး။ ကွင်းထဲမှာ အလုပ်သွားလုပ်တယ်။ သူကနေ့လည်ခင်း သရက်သီးတွေ စားတယ် ပြောတာပဲ။ရေကလဲ သောက်စရာမရှိတော့ ချောင်းထဲကရေပဲ ခပ်သောက်ရတာပေါ့။ ည ၁၀နာရီလောက်ကြ တော့ ၀မ်းလဲသွားတယ် အန်လည်း အန်တယ်။ အဲ့ဒီညနေ အိမ်ပြန်ရောက်တော့ သူကောင်းသေးတယ်။ ကျမက ငရုတ်သီး ထောင်းခိုင်းတော့ တချက်နှစ်ချက် ထောင်းပြီး ဆက်မထောင်းနိုင်ဘူး။ ကျမကလဲ ဘယ်သိမလ၊ ခေါင်းကိုတောင် တချက် ခေါက်လိုက်မိသေးတယ်” ထိုစကား အရောက်တွင် မဌေး စကားသံ တိမ်ဝင်သွား လေသည်။ “ သေတော့မယ့် ကလေးကိုလေ၊ ကျမခေါင်းခေါက်မိလိုက်တာ" စကားသံ ဆို့နင့် ကြေကွဲဖွယ်၊ စိတ်နှလုံး ထိခိုက်ဖွယ် ကောင်းလှသော ထိုမြင်ကွင်းကို ငေးကြည့်နေရင်းကပင် ကျနော်သည်လဲ မျက်ရည်ဝိုင်းမိ ခဲ့၏။ မဌေးသည် ဆို့ဆို့ နင့်နင့်ကြီး ရှိုက်လျက် အသံမထွက်ဘဲ သောကပရိဒေ၀တို့ လောက်မြိုက်ခြင်းကို တင်းခံလျက်က မျက်ရည်တို့ စီးကျလာလေသည်။ ကျနော်လဲ ဘာဆက်ပြောရမှန်းမသိ။ ရိုက်ကူးရေး တဖွဲ့ လုံးမှာလဲ စိတ်ထိခိုက်စွာ ငြိမ်သက်နေလျက်၊ မဌေးသည် တုန်တုန်ရီရီဖြင့် ခေါင်းမှ နွမ်းဖပ်နေသော တဘက်အပိုင်းအစ ညစ်ထေးထေးဖြင့် မျက်နှာကို အုပ်ကာ ရှိုက်ငင် နေလေသည်။ “ ည ၁၁ နာရီမှာ ၀မ်း သုံးခါသွားတယ်။ ၁၂ နာရီလောက်ကျတော့ အဖေတို့ာအမေတိုို့ ငါ သေတော့မယ် ထင်တယ်လို့ ပြောတယ်။ ခဏလေး ကြာတော့ ဘုရား ဘုရား ဘုရား လို့ သုံးခါရွတ်ပြီး ဆုံးတာပဲ" မဌေး၏ စိတ်ထဲတွင် သမီးလေး၏ နောက်ဆုံးအချိန် ပြကွက်များ ပြန်ပေါ်လာပြန်ပြီ။ ဒုတိယအကြိမ် သည်းထန်စွာ ရှိုက်ငင်ပြန်၏။ “ အေးဗျာ မဌေးရယ် စိတ်မကောင်းပါဘူး။ နောင် ဒီလို သောက်ရေကြောင့်ဝမ်းပျက် ၀မ်းလျှော အသက် အန္တရာယ် ထိုခိုက်တာမျိုး မဖြစ်ရအောင် ကျနော်တို့ လာလှုဒါန်းးတာပါ ။သမီးလေး ကောင်းရာသုဂတိလားပါစေလို့ ဆုတောင်းပါတယ်ဗျာ" ကျနော်လဲ တတ်သမျှ မှတ်သမျှ အားပေးနှစ်သိမ့်မိ၏ “ ဒါဆို ကျမ ပြန်တော့မယ် “ ဆရာတော်ကို ၀တ်ဖြည့်ပြီး မဌေးပြန်သွားသော်လည်း သူ ဆို့ နင့်စွာ ပြောခဲ့သော စကားသံကကျနော်တို့၏ နှလုံးသားအတွင်း အဆိပ်ပြင်းပြင်း ဆူးတချောင်း စိုက်ထည့်သွားသလို စိတ်နှလုံး ထိခိုက်ဖွယ်ကောင်းလှ၏။ “ သေတော့မယ့် ကလေးကိုလေ ကျမခေါင်းခေါက်မိလိုက်တာ” ဆရာတော်နှင့် တွေ့ဆုံပြီး တွင်းတူးအဖွဲ့ ရှိရာသို့ ရိုက်ကူးရေးအဖွဲ့ သွားသည်။ ကျနော်တို့ ခဏ နားကြတော့ ၁၂ နာရီထိုးပြီ အားလုံး ခဏ နားချိန်တွင် ကျနော်ကဆရာတော် သီတင်းသုံးရာ သိမ်ကျောင်းလေးသို့ ပြန်သွားပြီး ဆရာတော်ကို ခွင့်ပန်ကာ ခတ္တ တရားအာရုံပြုသည်။ ပြီးတော့ ဆရာသမားများ ဖြစ်ကြသော ကျေးဇူးရှင် လယ်တီဆရာတော်၊ ဆရာကြီးဦးဘခင် ဆရာကြီးဦးဂိုအင်ကာနှင့် တကွ သာသနာတော်စောင့် သမ္မာဒေ၀ နတ်အပေါင်းတို့အား ဤ ကောင်းမြတ်သော အများအကျိုး ဆောင်ရွက်သည့် အလှုဒါနကို အောင်မြင်အောင် ဆောင်ရွက်နိုင်ရေးအတွက် လိုအပ်သောအား လိုအပ်သောအကူအညီ လိုအပ်သော အစောင့်အရှောက်တို့ကို ပေးတော်မူကြပါရန် တိုင်တည်သည်။ ပြီးတော့မှာ ဤကျေးရွာနှင့် တကွ အနီး ပတ်ဝန်းကျင်ရှိ မြင်အပ် မမြင်အပ်သော လူနတ် သတ္တ၀ါအပေါင်းတို့ ကျမ်းမာ ချမ်းသာကြပါစေဟု မေတ္တာပို့သည်။ မေတ္တာပို့ပြီးသည်နှင့် နှလုံးအိမ်၌ အလွန်အေးသော ခံစားချက်တခု ဖြစ်ပေါ်လာခဲ့၏ ထို့ကြောင့်် ပင် ပြုဖွယ်ကိစ္စများ ပြီးသည်နှင့် ဆရာတော်အား ဤရေတွင်းမှာ ရေအောင်မည်ဖြစ်ကြောင်း လျှောက်ထားမိ၏။ ပေ ၄၀၀ အထက်တွင်းတူးရာတွင် တခါတရံ ရေမထွက်ခြင်း၊ ထွက်သောရေ မသန့်ခြင်း ရေနောက်ပဲထွက်ခြင်းများ ရှိတတ်၏ ထိုအခါ နှစ်ကြိမ်ပြန်တူးရလျှင် အနည်းဆုံး ပိုက်ဖိုး နှစ်သိန်းခွဲခန့် ထပ်မံ ကုန်ကျတတ်ပါသည်။ ကျနော်ထင်သည့် အတိုင်းပင် ၂၉ရက်နေ့က စတူးသော တွင်းမှာ ၀၃၀.၄.၂၀၀၇ မနက်ပိုင်း၌ ရေအောင်သည်။ ပေ ၄၆၀။ ရေထွက်လည်း သန်၏။ ရေလဲချို၏။ “ရေချိုထွက်ပြီ" ဆိုသော သတင်းမှာ နှစ်နာရီခန့်အတွင်း အိမ်နီးချင်းရွာများသို့ ပျံ့နှံ့သွားပြီး လှေငယ်ကလေးများပေါ်တွင် အိုးခွက်များ တင်လျက် လာရောက် သယ်ယူကြလေတော့သည်။ ကြည်နူးဖွယ်ကောင်းလေစွ။ ၈၆၀×၄၀၀×၅ ပေ ရေကန်ကြီး တခုပါ လှုဒါန်းရာ ရေကန်က မပြီးသေးသဖြင့် နီးစပ်ရာကျောက်စည်ပိုင်း တခုထဲ ထည့်၍ ပေးရသည်။ ကျနော့်စိတ်ထဲတွင် ပိုက်ဆံ ငါးသိန်း ဆယ်သိန်းခန့်ကို ထမင်းစားဝိုင်း တ၀ိုင်င်း ပျော်ပွဲတပွဲလောက်ဖြင့် သုံးဖြုံးပစ်နိုင်သော ပုဂ္ဂိုလ်များ ဤစာကို ဖတ်ရှုမိပြီး လှုဒါန်းကြလျှင် ဘယ်လောက်ကောင်းမလဲဟု တွေးကာ မချင့်မရဲ ဖြစ်မိလေသည်။ နောက်တနေ့တွင် မော်ကျွန်းမြို့ ရွှေဒင်္ဂါးလက်ဖက်ရည်ဆိုင်၌ သူငယ်ချင်းများနှင့် စကားပြောကြရင်းထို စိတ်မကောင်းစရာ ဖြစ်ရပ်လေးကို ပြန်ပြောမိသည်။ ထို့နောက် ကျနော်၏ စိတ်ကူးတွင် "မေတ္တာရေစင် ဖောင်ဒေးရှင်း" ဟူသော အမည်ဖြင့် မြစ်ဝကျွန်းပေါ်ရှိ ရေငန်ထိုးသော အရပ်များတွင် နှစ်လက်မ အ၀ီစိတွင်းအား တူးဖော်မည့် အစီအစဉ် ရှိလာကြောင်း ဖွင့်ပြောပြ၏။ ရေမြင်ပါလျက် ရေမသောက်ရသော ဘ၀များ၊ ရေပတ်လည်ဝိုင်းလျက် ရေငတ်ဆာလောင်နေသောဘ၀များစွာ၏ တစိတ်တဒေသကိုမျှပင် ဖြစ်စေ သောက်ရေ မွတ်သိပ်နေသော ဆန္ဒများကို ဖြည့်စွမ်းနိုင်ကြပါစေ၊ ချမ်းသာမှု့ ရကြပါစေဟု ဆန္ဒပြင်းစွာ ဖြစ်မိကြောင်းကိုလည်း ပြောမိလေသည်။ “မေတ္တာ ရေစင်" ထိုစကားလုံးလေးများကို ရွတ်လိုက်လျှင်ပင် နှလုံးသားထဲ အေးမြသွားသည်။ “ မေတ္တာရေစင်ဖောင်ဒေးရှင်း” လူသားအချင်းချင်း ချမ်းသာမှု ရစေချင်သောစေတနာမှန် ရှိကြသည့် အလှုရှင်များ၏ စွမ်းအားဖြင့် ဆိုလျှင် တနှစ်ကို သုံးတွင်းတော့ တူးနိုင်မည်ဟု ယုံကြည်သည်။ လက်ဖက်ရည်ဆိုင်တွင် သူငယ်ချင်းတယောက်က “ ဒီ အလုပ်လောက် ကိုများကွာ ဒီလောက် ကြီးကြီးကျယ်ကျယ်လို့ မင်း ထင်နေသလား” ဟု အထေ့အငေါ့ ပြောသည်။ ခါတိုင်းစကားနိုင်လုပြောနေကြ ဖြစ်သဖြင့် ကျနော်လုပ်သော အလုပ်တိုင်း ဒီလိုပဲ ပြောနေကြ ကျနော်ကလဲ သူ့ကို ပြောနေကြ။ သို့သော် ယခုကိစ္စတွင်တော့ မတူပါ။ ငွေကြေးပမာဏအားဖြင့် တဆယ့်နှစ်သိန်းဟု ဆိုနိုင်သော်လည်း ကျနော်တို့၏ နှလုံးသား အတွင်းရှိ အများကို ချမ်းသာစေချင်သည့် မေတ္တာတရာ၏ မမာဏကို မည်သို့ တိုင်းတာမည်နည်း။ ယခုလောလောဆယ်တွင်တော့ ကျနော့်ဆိုင်ဝန်ထမ်းများက “မေတ္တာရေစင် ဖောင်ဒေးရှင်း” ၏ ၀န်ထမ်းများ အလှုရှင်များ ထည့်ဝင်သော ရန်ပုံငွေကို စုစည်းကာ တနှစ်ကို သုံးတွင်း တူးမည်။ တတွင်းတူးပြီးတိုင်း ၄င်းတွင်း အမှတ်စဉ်တွင် ပါဝင်လှုဒါန်းသော အလှုရှင်အမည်များကို ရေကန်တွင်တပ်ထားခဲ့မည်။ အလှုရှင်များထံသို့ ငွေစာရင်းရှင်းတမ်း ဂုဏ်ပြုလွှာ။ ရွာသူရွာသားများ သောက်ရေချိုကို ပျော်ရွှင်စွာ သုံးစွဲကာနေသည့် ဓါတ်ပုံတပုံ၊ ကမ္ပည်းကျောက်ပြား ဓာတ်ပုံတပုံတို့ ပြန်ပို့ ပေးမည်။ တွေးနေရင်းကပင် ကျနော်လည်း စိတ်နှလုံး ပျော်ရွှင်ကြည်နူးလာမိလေသည်။ “မေတ္တာရေစင် ဖေါင်ဒေးရှင်း" တွင် မည်သည့် ဘာသာဝင် မည်သည့်လူမျိုးမဆို အလှုငွေ ထည့်ဝင်နိုင်သည်။ တကယ်တော့ ဘယ်ဘာသာ ဘယ်လူမျိုးမဆို လူဟာလူပါပဲ။ လူတယောက်မှာ လောဘဒေါသ မောဟ ရှိတတ်သလို ကရုဏာတရား၊ မေတ္တာစိတ်၊ ကိုယ်ချင်းစာစိတ် လည်းရှိသည်။ လူအများချမ်းသာမှု ရစေချင်သော ကြည်လင်အေးမြသည့် စေတနာလည်း ရှိသည်ဟု ယုံကြည်သည်။ ထို မေတ္တာတရား အလင်းရောင်တို့ တစစီပြန့်ကျဲနေရာမှ စုစည်းလိုက်သောအခါ အင်မတန်အားကောင်းသည့် ကြီးမားကျယ်ပြန့်သော အအေးဓာတ် အလင်းအားကြီး ဖြစ်မလာနိုင်ဘူးလား။ အခုတော့ ထိုအအေးဓါတ် အလင်းဓါတ်ကြီး၏ အကျိုးသက်ရောက်မှု အဖြစ် မေတ္တာရေစင် ဖောင်ဒေးရှင်း စီမံကိန်း တွင်းအမှတ် ၁ ကို မော်လမြိုင်ကျွန်းမြို့နယ် နတ်မှုးကျေးရွာအုပ်စု၊ ကျောင်းတော်ရာ အောင်လှိုင် ကျေးရွာလေးတွင် တူးဖေါ်အောင်မြင်ခဲ့ပါပြီ။ ကျနော့် စိတ်အာရုံထဲတွင် ရေချိုစက်ရေတွင်း ဖွင့်ပွဲနေ့က ပျော်လွန်း၍ ငိုကြရရှာသော သက်ကြီးရွယ်အို ဘိုးဘွားနှစ်ဦး၊ အားရကျေနပ်လွန်း၍ အပြုံးပန်းဝေနေသော ဆရာတော် အိမ်တွင်ရှိသမျှ ရေပုံးရေခွက်၊ အိုးခွက်ပါမကျန် လှေပေါ်တင်၍ ရေချိုလာသယ်ကြသော ရွာသူရွာသားများ၊ ထိုမှ "သေတော့မယ့်ကလေးကို လေ ကျမခေါင်းခေါက်မိတာ" ဟု မချိတင်ကဲ ဆို့နင့်စွာ ရေရွတ်ရရှာသော ကလေးအမေ မဌေးတို့၏ မျက်နှာများကို ရုပ်ရှင်အနှေး ပြကွက်များ သဖွယ် ပြန်မြင်မိပြန်၏။ သြော်... “မျက်ရည်နဲ့ ရင်းခဲ့ရသော သောက်ရေချို တခွက်" ပေတကား။ဘကြီးထွန်း(မော်ကျွန်း)ဖုန်း-၀၄၂-၅၀၁၈၂

မွေးနေ့နဲ့ အော်သံ

2011-10-18T09:56:00.000-07:00

ကိုမင်းကိုနိုင် ၄၉ နှစ်မြောက် မွေးနေ့မှသည် အသက်ရာကျော်ရှည်၍ ပြည်သူများ၏ အကျိုး တိုင်းပြည်အကျိုးကို သယ်ပိုးနိုင်ပါစေ..လို့..ဆုတောင်းပေးပါတယ်။ ဆုတောင်းပေးသာပေးရပါတယ်ဗျာ ကိုမင်းကိုနိုင် အသက်ရာကျော်ရှည်ပြီး ပြည်သူ့အကျိုးကို သယ်ပိုးနေခဲ့ရင် ၂၀၀၈ ဖွဲ့စည်းပုံကြီးကလဲ ဆက်လက်တည်မြဲနေဦးမယ်ဆိုရင် ကိုမင်းကိုနိုင် ဆက်ပြီး ထောင်ထဲမှာနေရဦးမလားလို့လဲ တွေးနေမိပါတယ်။ ကျနော်တို့တွေ ဖမ်းဆီးခံနိူင်ငံရေးသမားတွေ လွတ်မြောက်ရေး ဆိုပြီးအော်လိုက် အော်တဲ့သူတွေက ဖမ်းခံရတဲ့နိုင်ငံရေးသမားတွေဖြစ်လိုက် ထပ်အော်လိုက်ကြ နောက် ဒေါ်အောင်ဆန်းစုကြည် အဖမ်းခံရတော့ ဒေါ်အောင်ဆန်းစုကြည်လွတ်မြောက်ရေး ဒို့အေ၇း အော်ကြရပြန်ကော အော်တာက ဒို့အလုပ် လွှတ်တာက သူတို့အလုပ် ဆိုပြီးအော်ကြရတာကိုးဗျာ။ တကယ့်တကယ်ဒေါ်စု ကိုလွှတ်ပေးပြီး ဘာဆက်အော်ရမှန်းမသိ ကြောင်တောင်တောင်တောင်ဖြစ်ရမလားမသိ ဒေါ်စုကလဲ လွှတ်လာလိုက် ပြန်ဖမ်းခံရလိုက် ပြန်အော်လိုက်ကြ ပြန်လွတ်လာလိုက် ကိုး ဒေါ်စုလွတ်လာပေမဲ့ မလွတ်သေးတဲ့ ကိုမင်းကိုနိုင် ဦးခွန်ထွန်းဦးနဲ့ အခြား အညတ နိုင်ငံရေးအကျဉ်းသားတွေ နိုင်ငံရေးအကျဉ်းသား ပုဒ်မ အတတ်မခံရတဲ့သူတွေလဲ ရှိသေးတော့ တခါလွတ်မြောက်ရေး အော်ရပြန်ကောဗျာ။ ကျနော်တို့က အမြဲပဲ အော်နေရမှာလား အော်ရင်ကော သူတို့က လွှတ်ပေးလို့လား လွှတ်လွှတ်မလွှတ်လွှတ် အော်ရမှာပဲလား လွှတ်တာဟာ အော်တာနဲ့ တိုက်ရိုက်ပတ်သက်နေသလား။ ကျနော်လဲ စဉ်းစားနေမိပါတယ်။ ကျနော်တို့ အော်တိုင်းတော့ လွှတ်ပေးတယ်ရယ်တော့ မရှိပါဘူး။ သူတို့ လွှတ်ပေးချင်လို့သာ လွတ်တယ်ပဲ ရှိတာပါ။ သူတို့ကကော လွှတ်ပေးချင်သလား ဆိုတော့ လွှတ်မပေးချင်ပါဘူး မလွှတ်ရင် မဖြစ်တဲ့အခြေအနေမျိုးမှာ လွှတ်ပေးတာမျိုးပါ။ တကယ်က အကုန်လုံးကို ချွင်းချက်မရှိလွှတ်ပြီး မြန်မာပြည်ရဲ့ပြဿနာအရပ်ရပ်ကို စုပေါင်းဝိုင်းဝန်းဖြေရှင်းကြမယ်ဆို ပြေလည်မှာပါ။ ခုတော့ မလွှတ်မဖြစ်မှ လွှတ် မတွေ့မဖြစ်မှ တွေ့ ဆိုတာအမြဲတမ်း ပါပဲ လွတ်ခါနီးလူတွေကို လွှတ် တာမျိုး မလွှတ်တာထက်စာရင် နည်းနည်းလွှတ်တာ မဆိုးဘူး ကောင်းပါတယ် ဆိုတာမျိုး ကျနော်တို့ ဖက်က အမြဲပြောနေရတော့တာပါပဲ။ အဲ့ဒီလိုပြောတော့ မင်းက လွှတ်တာ မကြိုက်လို့လား မကျေနပ်လို့ လားလို့ မေးရင် ကျနော်သဘောနဲ့ဆို မကျေနပ်ပါဘူး အစထဲက ဖမ်းဖို့ မကောင်းတဲ့သူတွေကို နှစ်ရှည်ဖမ်းထားပြီးမှ ပြန်လွှတ်တယ်ဆိုရင်တောင်ဒါ..အရင်းပဲ ပြန်ရသေးတာ..ဖိနပ်တို့ လက်နှိပ်ဓါတ်မီးတို့ ဦးထုတ်တို့ငှါးထားတာ သုံးလို့ဝမှ ပြန်ရတဲ့ သူရဲ့ အရင်းပြန်ရခြင်းမျိုးပဲ ခံစားရတာပါ။ခုတော့ ဖိနပ်ဟောင်းတော့ပြန်ပေးတယ် လက်နှိပ်ဓါတ်မိးနဲ့ ဦးထုတ်ဆက်ယူထားဦးမယ် မင်းဖိနပ်အသစ်လေး စီးသွားဦးမယ်လို့ ဗိုလ်ကျတဲ့ အပေါက်မျိုးပါ ဗိုလ်တွေဆိုတော့လဲ ဗိုလ်ကျတာနေမှာပေါ့လေ။ ဒါပေမဲ့လဲ ကျနော်တို့တွေ အပေါ်သာ ဗိုလ်ကျနိုင်တာပါလက်နက်ကိုင်ထားသူချင်း အပေါ်မှာတော့ ဗိုလ်မကျနိုင်ပါဘူး။ ဒါပေမဲ့လဲဗျာ ကမ္ဘာကြီးပေါ်မှာ စီးပွါးပျက်လို့ ရာသီဥတုဖေါက်ပြန်လို့ ဒုက္ခသုက္ခတွေရောက်ပါတယ် ဆိုကာမှ ကိုယ့်အခြင်းခြင်း ညီညွတ်ဖို့က အူလှိုက်သည်းလှိုက်မဖြစ်တာ ဆိုးပါတယ်။ ဒါပေမဲ့လဲ ဘာတတ်နိုင်မှာလဲလေ။ ဒါမေမဲ့ လူများစုကြီးရဲ့ ကိုယ်စား တကယ်ပဲ လူထုကို ကိုယ်ခြင်းစာနာပြီး လူထုနဲ့အတူ လူထုရှေ့က ရပ်တည်ခဲ့ကြတဲ့ နိုင်ငံရေးအကျဉ်းသားဆိုတာ လွှတ်ချင်လို့ အကုန်လွှတ်လိုက်တယ်ပဲထားဦး။ တကယ်လွတ်လပ်မှု့ မရှိတဲ့ ကျနော်တို့ နိုင်ငံမှာ နောက်ထပ်ဖိနှိပ်မှုတွေရှိတိုင်း နောက်ထပ်တွန်းလှန်ပုန်ကန်မှုတွေရှိနေဦးမှာပါ။ ဒါဆို နိုင်ငံရေးအကျဉ်းသားတွေ ထပ်ပေါ်လာဦးမှာပေါ့။ ကျနော်တို့ကလဲ ထပ်အော်ရဦးမှာပေါ့လေ။ အဲ့ဒီလို မအော်ရင် မင်းက ဘာလုပ်မလဲဆိုလဲ ကိုယ်က စွမ်းတဲ့သူမှ မဟုတ်ပဲလေ။ ဘာတတ်နိုင်မှာလဲ။ အော်တာကိုက ဒို့အလုပ်ရယ်လိုဖြစ်နေပါပြီ တခါတလေတော့လဲ အော်ရတာကိုလဲ ရှက်လာပါပြီ။ ဒါပေမဲ့လဲ အော်ကြရဦးမှာပါ။ အော်တယ်ဆိုရင်တောင်ကျနော်တို့က ကျည်ကွယ်မျက်ကွယ်မှာ သူသေသေ ကိုယ်ကျေကျေ အော်လို့ရတဲ့သူတွေပါ။ ပြည်တွင်းထဲက နိုင်ငံရေးအကျဉ်းသားအကုန်လွှတ် စာတန်းပါတီရှပ်ဝတ်ထားသူတွေလို မဟုတ်ပါဘူး။ ဒီလူတွေ က အကျဉ်းထောင်နဲ့ရင်းပြီး( အော်နည်းတမျိုးနဲ့)လုပ်ကြတာပါ။ဒီလူတွေက ပျော်လို့ ဗွီဒီယိုအရိုက်ခံရချင်လို့ မရင့်ကျက်လို့တော့ ဟုတ်မယ်မထင်ပါဘူး။ အမျိုးသား သွေးစည်းညီညွတ်ရေးကိုဖျက်လို့ ဖျက်ဆီး လုပ်တာလဲမဟုတ်ပါဘူး။သံဃာတော်တွေနဲ့ ကျောင်းသားပြည်သူတွေရဲ့ ငြိမ်းချမ်းစွာ ဆန္ဒပြ အမျိုးသားရင်ကြားစေ့ရေးတောင်းဆိုမှု့ကို အကြမ်းဖက်နှိမ်နင်းခံရခြင်းနှစ်ပတ်လည်နေ့ ရွှေဝါရောင်တော်လှန်ရေးနှစ်ပတ်လည်နေ့ လုပ်တာ မလုပ်သင့်ဘူးလားဗျာ။ သေဆုံးသွားရသူတွေ အဖမ်းဆီးခံရသူတွေက ပျော်လို့ လုပ်ကြတာမှ မဟုတ်တာပဲလေ။ မိသားစုတွေ ချစ်သူတွေရဲ့ရင်တွေ ကြေမွလို့။ကျနော်တို့မှာ လူစုပြီး ကျနော်တို့ ဆန္ဒကို မဖေါ်ထုတ်ရင် ဘယ်လို ဖေါ်ထုတ်ရပါမလဲ။ ခဏလောက်တော့ စောင့်ကြည့်ပါဦးတဲ့။စောင့်ရတာလဲ မောပါ့ အော်ရတာလဲ မောပါ့ မောတော့မောတာပေါ့ ဒါပေမဲ့ အော်တော့လဲ အော်ကြရဦးမယ်ထင်တာပါပဲ။ ဒီတော့ကိုမင်းကိုနိုင်နဲ့ ၈၈ ခေါင်းဆောင်တွေကိုလဲ အပြင်မှာ အမြဲလွတ်လွတ်လပ်လပ်နဲ့ နိုင်ငံအကျိုး တိုင်းပြည်အကျိုးကို အမြန်ဆုံးလွတ်မြောက်လာပြီး နောက်ထပ်လဲ အမြဲလွတ်လပ်နေပြီး လုပ်နိုင်ကိုင်နိုင်ကြပါစေလို့ ဆုတောင်းပေးပါတယ်ဗျာ။ ပြဿနာရဲ့အရင်းအမြစ်ကို မရှင်းပဲ အကိုင်းအခက်လောက်ပဲ ပြုပြင်ရှင်းလင်းလုပ်နေသ၍တော့ နောက်နှစ်ပေါင်း ဆယ်ချီရာချီ ကျနော်တို့ မျိုးဆက်အလိုက် အော်နေကြရဦးမှာပါပဲ မအော်ပါနဲ့လို့ တားလို့ ရတာမျိုးမှ မဟုတ်တာ ဒါလူထုအသံ လူထုရှေ့က မားမားရပ်သူတွေရဲ့ အသံကိုး နိုင်ငံရေးအကျဉ်းသားဆိုတာ မိုးပေါ်ကကျလာတဲ့သူတွေမှ မဟုတ်တာကိုးလေ။ ဒီတော့ မအော်ချင်ပေမဲ့လဲ အော်ဖို့တော့ပြင်ထားကြရဦးမှာပါပဲ။ နောက်နှစ်မှ သည် တသက်လုံး ကိုမင်းကိုနိုင်မွေးနေ့နှင့် ကိုမင်းကိုနိုင်အမြန်ဆုံး ပြန်လည်လွတ်မြောက်ပါစေ လို့ မအော်ရပါစေနဲ့တော့ဗျာ။

ခွေးသားစားကြရာဝယ်

2011-09-21T21:06:00.001-07:00

တခါတလေတော့လဲ ရေများရေနိုင် မီးများမီးနိုင်ခေတ်ကြီးမှာ မျက်နှာငယ်ရပါတယ်ဗျာ ဒီအချိန်မှာ ဒီလိုပြောနေကြတာတွေဟာ
နောက်တချိန်မှာ ကြတော့ မမှန်တော့ပြန်ပါဘူး လူများစုကြီးက လူများစုကြီးကဖြင့် သဘောတူကြတယ်ဆိုရင်ဖြင့် ပြီးသွားတော့
တဲ့ဟာကိုး ဒါကြောင့်မို့လို့လဲ ဒီလူများစုကြီးကို လူများစုကြီးရဲ့ ဆန္ဒကို မနှစ်သက်နိုင်ပဲ ငါတကော ကောချင်တဲ့သူတွေ ကိုချစ်
ဖေတို့ နိုင်ငံတော်ကြီးမှာ များမှများ ဖြစ်နေရသလား ပဲ။ ဒါပေမဲ့လဲ လူများစုကြီးရဲ့ဆန္ဒကို အသိအမှတ်ပြုရသလို လူနည်းစုကြီးရဲ့
ဆန္ဒသဘောသဘာဝကိုလဲ အလေးထား လေ့လာသင့်တာပဲ အသိအမှတ်ပြုသင့်တာပဲ မဟုတ်လား။

သြော်..ကိုချစ်ဖေလဲ ကြီးကြီးကျယ်ကျယ်တွေ လျှောက်ပြောနေမိပြန်ပါပြီ ဘာမှမဟုတ်ပါဘူး အခုရက်ထဲ ငယ်ငယ်တုန်းက အ
ကြောင်းလေးတွေ ပြန်တွေးမိနေလို့ပါ ကိုချစ်ဖေတို့ ငယ်ငယ်က ကိုချစ်ဖေတို့ နေတဲ့မြို့က ကရင်နဲ့ ဗမာနဲ့ အတူတွဲနေကြတဲ့မြို့
မြို့ပေါ်ရပ်ကွက် ၁၀ ရပ်ကွက်မပါသေးပဲ။ ကျေးရွာအုပ်စု ၁၁၅ အုပ်စုမှာ ၆၅ အုပ်စုက ကရင်စကားပဲ ပြောကြတဲ့ရွာ အခြားရွာတွေ က ကရင်တ၀က်
ဗမာတ၀က်နေကြတဲ့ရွာတွေ ဗမာရွာတွေကြားမှာ ကရင်ရွာလေးတရွာ ကရင်ရွာလေးတွေကြားမှာ ဗမာရွာလေးတရွာ အဲ့ဒီလို အ
တူနေကြ သူ့စကားကိုယ်တတ် ကိုယ့်စကား သူနားလည် ကြတာကိုးဗျ။

ဗမာရွာလေးတွေက နည်းနည်းကြီးလို့ ကရင်ရွာလေးတွေက ကျောင်းသွားတက်ကြရတယ်ဆို ကရင်ကလေးတွေက အလိုလို ဗမာ
လိုတတ်ကုန်ကြရော ကရင်ရွာလေးက နည်းနည်းကြီးလို့ ဗမာကလေးတွေက ကျောင်းသွားတက်ကြတယ်ဆို ကရင်စကား အကုန်
တတ်ကုန်ကြ ဆိုသလို နေကြတာကိုး ဟိုးလွတ်လပ်ရေးမရခင် အင်္ဂလိပ်အပြေး ဂျပန်အ၀င် ကရင်ဗမာ အထိကရုန်းဖြစ်ကြတုန်းက
တောင် တချို့နယ်တွေမှာ အခြင်းခြင်း အကာအကွယ်ပေးကြ ကူညီကြနဲ့ နေကြတာပါ တရွာနဲ့ တရွာ သတ်ကြ ဖြတ်ကြတာတွေ
လဲ ရှိတော့ ရှိတာပေါ့ ဒါပေမဲ့ သေသေချာချာ စာရင်းချကြည့်ရင် လူဦးရေနဲ့စာရင် ဒေသတခုလုံးနဲ့စာရင် အတော်ကို နည်းပါတယ်
ဒါပေမဲ့လဲ နောက်ပိုင်းမှာ လူမျိုးတမျိုးရဲ့ စရိုက် အားနည်းချက် အားသာချက်လေးတွေအပေါ်မှာ အနိုင်ယူ အသာစီးယူပြီးပြောကြ ဆိုကြတာတွေတော့လဲ ရှိကြပါတယ်။

တကယ့်တကယ်သေသေချာချာ နားလည်သဘောပေါက်လာတဲ့အခါမှာတော့ လူမျိုးတမျိုးရဲ့ ဓလေ့ထုံးစံ နဲ့ အင်္ဂလိပ်ကို
လိုနီဖြစ်ခဲ့ရတဲ့အချိန် နယ်ချဲ့တွေရဲ့ သွေးခွဲအုပ်ချုပ်ရေးက စခဲ့တဲ့ ပြဿနာတွေပါ တဦးနဲ့တဦး ညှိနှိုင်းရင် နားလည်မှုရှိရင် အဲ့ဒီပြ
ဿနာတွေ ဟာ ဘာမှ မဟုတ်တော့ဘူး ထင်တာပါပဲ။ ခက်တာက အင်အားကြီးတဲ့ လူမျိုးစုက လူနည်းစုကို လက်နက်အားကိုး
နဲ့ အနိုင်ကျင့်ပြီး ပြဿနာတွေကို မရှင်းပဲ ငြိမ်းချမ်းညီညွတ်စွာ အတူတကွပူးတွဲ မနေထိုင်ပဲ နေရင်တော့ အနိုင်ပဲ ရမှာပါ ငြိမ်းချမ်း
ရေးတော့ မရနိုင်ပါ ငြိမ်းချမ်းရေးမရရင် ဖွံဖြိုး တိုးတက်မှုတော့ မရနိုင်ပါဘူး လူမျိုးစုကြီးတခုလုံး အိမ်ပြောင်းသလို ကိုယ့်ဘိုးဘွားမိဘ ဓါးမဦးချနေထိုင်လာတဲ့ နေရာကနေ အားလုံးပြောင်းရွေ့ထွက်ခွါသွားဖို့ ဆိုတာ
မဖြစ်နိုင်ပါဘူး မဖြစ်လဲ မဖြစ်ကောင်းပါဘူး။ ငြိမ်းငြိမ်းချမ်းချမ်းရှိဖို့ ညီညီညွတ်ညွတ် တန်းတူရည်တူရှိမှဖြစ်မှာ မဟုတ်ပါလား။

သြော်..ဘယ်ရောက်ကုန်ပါလိမ့် ခုတလောငြိမ်းချမ်းရေးအသံတွေ ကြားပါများလို့ သံယောင်လိုက်သွားမိတာ ကိုချစ်ဖေပြောချင်တာ
က ဒါမဟုတ်ပါ ခွေးသားအကြောင်း ကိုချစ်ဖေတို့ ငယ်ငယ်တုန်းက ၀က်သားဈေးက တပိဿာ ၁၄ ကျပ် အမဲသားက ၁၂ ကျပ် လက်ဖက်ရည်တခွက်
တကျပ် အဲ့ဒီအချိန်တုန်းက ခွေး သားက တပိဿာကို ၆ ကျပ်ရယ်ပါ ခွေးသားကို မင်းတို့ မြို့ကလဲ အဲ့ဒီလို ပေါ်ပြီးရောင်းကြသ
လား ဆိုတော့ မရောင်းကြပါဘူး မရောင်းကြဘူးလားဆိုတော့လဲ ရောင်းကြပါတယ်။ အဲ ခိုးရောင်းကြတာပါ။ ဒီတုန်းက ကိုချစ်ဖေ
နဲ့ ခင်မင်တဲ့ သူငယ်ချင်းတွေ မိသားစုတစုက ခွေးသားစားပါတယ် ခွေးသားစားတယ်ဆိုတာ အဲ့ဒီတုန်းက မစားကောင်းဘူး ရွံစရာ
ကောင်းတယ် ခွေသားစားတယ်ဆိုတာ ဒီ.....တွေပဲစားတာ ပြောကြဆိုကြတော့ ဗြောင်တော့မစားကြဘူးပေါ့ဗျာ ဒါပေမဲ့လဲ ရရင်တော့ ဆေးဖက်ဝင်တယ် အပူနိုင်တယ် ဒူလာကောင်းတယ် မီးယပ်ကောင်းတယ် ဘာညာဆိုပြီးစားကြတာပါပဲ။

မသိလို့ စားတာရှိကြသလို စားမိပြီးမှ ကြိုက်လို့ ဆက်စားကြတဲ့သူတွေလဲ ရှိပါတယ် အဲ့ဒီလူတွေထဲမှာ ကိုချစ်ဖေလဲ ပါပေါ့ အစကတော့ ကြောက်ကြောက်ရွံရွံနဲ့စားတာပါ နောက်တော့ အခြောက်လှမ်း အချဉ်ထည့် အချိုချက် အစပ်ချက် တရုတ်ချက် ကု
လားချက် ကာလသားချက် အကုန်ချက် ကိုစားတော့တာပါ။ စားပေမဲ့ သိုသိုသိပ်သိပ်ပေါ့ဗျာ။ မစားတဲ့လူများစုကြီးက အများစုကိုး
စားပြန်ရင် ပြောကြတော့မှာကိုး ဒါပေမဲ့ ထူးဆန်းတာက ကိုချစ်ဖေတို့ မြို့ကနေ ခဏထွက်သွားတဲ့ ငါးနှစ်တာ ကာလအတွင်းမှာ
ပြောင်းလဲသွားတာကို ပြောရရင် ယုံကြပါ့မလားမသိ ကိုချစ်ဖေ ၁၉၉၄ ခုနှစ် နှစ်ဆန်းပိုင်း အိမ်ပြန်ရောက်တော့ ခွေးသားအတူ
တ၀တပြဲ စားခဲ့တဲ့ သူငယ်ချင်းက လာခေါ်ပါတယ် ချစ်ဖေ မင်းကို ငါစပါယ်ရှယ်ဧည့်ခံဖို့ ငါ ဆိတ်ကတုံးသားရှာထားတယ် ခုရက်
ထဲရရင် မဆုံရတာကြာပြီ မကျွေးရတာကြာလို့ မင်းကို ငါလာခေါ်မယ်လို့ ပြောရှာပါတယ် ဒါပေမဲ့ ကိုချစ်ဖေက စိတ်ပြောင်းသွားပါ
ပြီ ဘာဖြစ်လို့လဲ မသိဘူး ကိုယ်က အနိုင်ကျင့်ခံရတာတွေ များလာလို့လားမသိ သခင့်အပေါ် သခင်လို့ သူက သတ်မှတ်ထားတဲ့
သခင်က သူ့ခွေးလို့ သတ်မှတ်မှတ် မမှတ်မှတ် သခင့်အပေါ်သစ္စာရှိတဲ့ သခင်ပြုသမျှ လည်စင်းခံတဲ့ ခွေးလေးတွေအသက်ကို နိုင်ထက်စီးနင်းသတ်ဖြတ်ပြီး မစားချင်တော့ပါဘူး။

ဒါကြောင့် သူငယ်ချင်းကို ငါအခု ခွေးသားမစားတော့ဘူး လို့ ပြောတော့ သူက "မနောက်နဲ့ဟေ့ကောင် မင်းဘာမှတ်လို့ လဲ ခွေး
သားကို ဟိုတုန်းက ဒို့.....တွေ ခွေးသားစားတုန်းက အမဲသားဈေးရဲ့ တ၀က်ပဲ ရှိတယ်ကွ ခု .....တွေ ပါ ခွေးသားစားလာ
တော့ ..အမဲသားဈေးထက် ၂ ဆ ပိုဈေးကြီးသွားပြီ ဟေ့ကောင်ရေ" တဲ့.."တို့.....တွေ ခွေးသားစားတယ် ခွေးသားစားတယ်
နဲ့..မင်းတို့.....တွေ ခွေးသားလဲစားရော ဈေးက ၂ ဆပေးတောင် ရက်စောင့်ရတယ် ဟေ့ကောင်ရေ"..တဲ့.ခွေးစား စားတယ်
ဓလေ့ကလဲ သိပ်မထူးဆန်းကြတော့ဘူးဆိုပဲ။

လူများစုကြီးက စားလာကြတာကိုး လူများစုကြီးက မစားတုန်းကတော့ဖြင့် ဘာဖြစ်သလေး ညာဖြစ်သလေးနဲ့ ပြောပါတယ် တခါတလေ တော့လဲ လူများရင် အမှန်များ ဖြစ်သွားသလား လူညီရင် ဤ ကိုတောင် ကျွဲ ဖတ်လို့ ရတယ်ပြောကြသကိုးဗျ။

ဒါကြောင့်ပြောပါတယ် ရေများရေနိုင် မီးများမီးနိုင် လို့ပြောကြတာထင်တယ် ဒါပေမဲ့ ရေများရေနိုင်မီးများမီးနိုင် ဆိုပေမဲ့လဲ အနည်း
စု ကိုတော့ အင်အားနည်းတဲ့သူတွေ လက်နက်မဲ့တဲ့သူတွေအပေါ်မှာ အနိုင်အထက် အဓမ္မ မလုပ်မနေရ အတင်းအကြပ် လုပ်ရမဲ့ နတ်ပြည်ရောက်အောင် ဇိကုတ်တင်သင့် တင်ရမှာပဲ ဆိုတဲ့ အာဏာရှင် စနစ်ကြီးကိုတော့ မကြိုက်တော့တာ မရှိစေချင်တော့တာ အမှန်ပါပဲဗျို့..ခွေးသားစားကြမယ်ဆိုလဲ ညီညီညွတ်ညွတ် မစားကြဘူးဆိုလဲ ညီညီညွတ်ညွတ်ပေါ့ နောက်ဆုံး မညီညွတ်ရင်တောင်မှ
ဒုတ်ဆွဲ ဓါးဆွဲ မလုပ်ကြကြေးပေါ့နော်..။ အသက်တွေလဲ ရလာကြမှပဲ။ အန္တရယ်မရှိဘူးဆို သူများကို မထိခိုက်ဘူးဆို စားချင်သူ
တွေ စားကြတာ စားကြပါစေပေါ့ဗျာ။.

လက်မှတ်

2011-06-18T04:47:00.001-07:00

လက်မှတ်
ကိုချစ်ဖေတို့ ငယ်ငယ်က ကိုချစ်ဖေတို့ ကျောင်းပိတ်ရက် အဖိုး ရေချိုးတဲ့အချိန်ဆို
အဖိုးအကျီအိပ်ကပ်ထဲမှာ အမြဲတမ်းထည့်ထားတတ်တဲ့ အဖိုးက သူ့အိပ်ထဲက နေ
ဘယ်တော့မှ ဘယ်သူ့ကိုမှ ပေးမကိုင်တဲ့ ပိုက်ဆံအိပ်ကလေးကို မောင်နှစ်မသုံးယောက်
တိတ်တိတ်ကလေး ယူ့ ပြီးရင် ပိတ်ဆံအိပ်ကလေးကို အဖိုးခေါင်းအုံးအောက် ဒါမှမ
ဟုတ် ပက်လက်ကုလားထိုင်ပေါ် နေရာရွေ့ထား အဖိုးက ရေချိုးပြီးလို့ ပြန်လာပြီး သူ့
အကျီအိပ်ကပ်ထဲမှာ ပိုက်ဆံအိပ်မတွေ့တော့ဘူးဆိုရင် ပြာပြာသလဲဖြစ်ပြီ ပြီးအနီး အ
နားကို စိုးရိမ်တကြီးလိုက်ရှာ နောက်ပြန်တွေ့ပေါ့။

ကျနော်တို့ မောင်နှမသုံးယောက်က အမြဲပြုံးပြုံး ပြုံးပြုံးနေတတ်တဲ့အဖိုး အဲ့ဒီလို ပြာပြာ
သလဲ ဖြစ်ပြီဆို ကလေးတွေ သဘာဝပျော်လို့ နောက်တော့ အဖိုးကကျနော်တို့ လက်
ချက်မှန်း ရိပ်မိသွားပြီး ရေချိုးသွားတဲ့နားအထိ ယူသွားရရှာပါတယ်။

မျက်စေ့အောက်ကလဲ အပျောက်မခံတော့ပါ ဒါပေမဲ့ ကျနော်တို့ မောင်နှမတွေက ဘာ
ကြောင့် အဖိုး(မေမေရဲ့ အဖေ)ခုလို ပြာပြာသလဲ ဖြစ်ရတာလဲ ဆိုတာကို မသိပါဘူး အဖိုး
ကျနော်တို့ကို မုန့် ၀ယ်ကျွေးတိုင်း သူကိုယ်တိုင် မမြင်မစမ်းနဲ့ ပိုက်ဆံကို ရှင်းပေးတာ
ရယ် ပိုက်ဆံအိပ်ကို အကိုင်မခံတာရယ် အမြဲတမ်း တစမ်းစမ်း လုပ်တတ်တာရယ် လောက် ပဲသိပြီး အဖိုးကို စ နောက်တာပါ။ တကယ်တော့ ကျနော်တို့ ငယ်ငယ် မူလ
တန်း ကျောင်းသား အရွယ် မဆလ(စစ်တပ်ပါတီ) ခေတ်မှာ လူမျိုးခြား တရုတ်လူမျိုး
အဖိုးကို မဆလ လူဝင်မှုကြီးကြပ်ရေးက ၀န်ထမ်းတွေက နည်းအမျိုးမျိုးနဲ့ ဒုက္ခပေးနေခဲ့တာပါ။

နည်းအမျိုးမျိုးနဲ့ ဒုက္ခပေးတယ်ဆိုတဲ့နေရာမှာ စိတ်ညစ်ပြီး မြန်မာပြည်ကနေ အပြီးပြန်
ထွက်ခွာသွားအောင် စနစ်တကျလုပ်ခဲ့တယ်လို့ ထင်ပါတယ် အသက် ၄၀ ကျော်ကထဲ
မြန်မာပြည်ကို ရောက်ခဲ့တဲ့ အသက် ၇၀ ကျော်အဖိုးကို လူဝင်မှု့ ကြီးကြပ်ရေးရုံးကို ခဏ
ခဏခေါ် ခရီးသွားသေးလား တိုင်းရင်းသားမှတ်ပုံတင်ကို ဘယ်လို ရည်ရွယ်ချက်နဲ့ လုပ်
ခဲ့တာလဲ ခုဘုံကျောင်းကို မှန်မှန်သွားလား ဘယ်သူ့ ထောက်ပံ့မှု့နဲ့ ရပ်တည်နေသလဲ
လက်ရှိ တရုတ်ပြည်အစိုးရကို နှစ်သက်သလား စသဖြင့် အမြဲ ခေါ်ခေါ်မေးမြန်း စစ်ဆေး
လေ့ရှိပါတယ်။ အဲ့ဒီလို ခေါ်စစ်ဆေးနေရုံတင်မက တခါမှာ အဖိုးရဲ့ မှတ်ပုံတင်ကိုပါ စစ်
ဆေးစရာရှိလို့ဆိုပြီး သိမ်းယူထားလိုက်ပါတယ်။

မြန်မာပြည်မှာ အနှစ် ၃၀ ကျော် ဘာရာဇ၀တ်မှုကိုမှ မကျူးလွန်ပဲ ရိုးရိုးမြန်မာ ပြည်သား
တဦးလို နေထိုင်လာခဲ့ပြီးမှ အသက် ၇၀ ကျော်ဝန်းကျင်ကြမှ မှတ်ပုံတင်ကို သိမ်းယူခံရ
တယ်ဆိုတော့ အဖိုး စားမ၀င်အိပ်မပျော်တော့ပါ လူဝင်မှု့ကြီးကြပ်ရေးရုံးကို သွား မပီက
လာပီကလာနဲ့ မှတ်ပုံတင်ပြန်တောင်း ရုံးက ဟိုရက်ရွေ့ ဒီရက်ရွေ့နဲ့ နောက်ဆုံး အဖိုး
တော်တော်ကို စိတ်ဆင်းရဲပါတယ်။ သူဘာအပြစ်လုပ်မိလုပ်လဲ အဲ့ဒီလိုလုပ်မိလို့ အပြစ်
ရှိတယ်ဆို တခါထဲသာ သေနတ်နဲ့ ပစ်သတ်လိုက်ပါ ကျည်ဆံတတောင့်မှ ငါးကျပ်ပဲ တန်ပါတယ် ဆိုပြီး အဖိုးက လ၀ကအရာရှိတွေကို ပြောလဲ ပြန်မပေးပါဘူး အဖိုးအနေနဲ့
အတော်ပဲ စိတ်ဆင်းရဲခဲ့မှာပါ။ နောက်တော့ ကိုချစ်ဖေတို့ အဖေ ဦးလေးတွေကလဲ လိုက်အာမခံ အသက်လဲကြီးပါပြီ ဘယ်ခရီးမှလဲ မသွားပါဘူး ဘယ်သူတွေနဲ့မှလဲ အဆက်အသွယ်မလုပ်ပါဘူး ဆိုပြီး လိုက်ပြောမှ အဖိုးရဲ့ မှတ်ပုံတင်လေးပြန်ရပါတယ် အဲ့ဒီမှတ်ပုံတင်လေးကိုလဲ သူ့လက်ထဲက အဖိုးဆုံးသည့်အထိ အပျောက်မခံတော့ပါ။

လွတ်လပ်ရေးမရခင် ၁၉၃၂ ခုနှစ် ၀န်းကျင်လောက်ကတည်းက မြန်မာပြည်ကို အလုပ်
လာလုပ် ရတဲ့ပိုက်ဆံလေး တရုတ်ပြည်ကို ပြန်ပို့ လုပ်ခဲ့တဲ့အဖိုးဟာ ၁၉၄၈ မြန်မာပြည်
လွတ်လပ်ရေးရပြီးကတည်းက မြန်မာပြည်မှာပဲ အပြီးနေထိုင်တော့မယ် ဆုံးဖြတ်ပြီး တိုင်းရင်းသား မှတ်ပုံတင်ကို လုပ်ထားခဲ့တာပါ အဖိုးတို့တုန်းက တိုင်းရင်းသားမှတ်ပုံ
တင်နဲ့ နိုင်ငံခြားသားမှတ်ပုံတင် နှစ်သက်ရာနှစ်မျိုးစလုံးလုပ်ခွင့်ရှိတဲ့အထဲက မြန်မာပြည်
မှာပဲ နေထိုင်တော့မယ်လို့ ဆုံးဖြတ်ထားတဲ့ အဖိုးက တိုင်းရင်းသားမှတ်ပုံတင်ပဲ လုပ်ခဲ့ပြီး
တိုင်းရင်းသားမှတ်ပုံတင်ရရှိခဲ့တာပါ ။

ကိုချစ်ဖေတို့ အဖွားရွာမှာ ရိုးရိုးရွာသားတယောက်လိုပဲ ရှာဖွေစားသောက် သားသမီး
တွေ အိမ်ထောင်ကျ အသက်ကြီးပြီး အလုပ်မလုပ်နိုင်တော့မှ အမေတို့ အဒေါ်တို့နဲ့ အတူ နေထိုင်တာပါ အဖိုးက အသက်ကြီးလာပေမဲ့ အမြဲတမ်း အလုပ်ကို ရိုးရိုးသား
သားလုပ် ဖြောင့်ဖြောင့်မတ်မတ်နေ ကြိုးကြိုးစားစားလုပ် ဆင်းရဲရင် ဆင်းရဲပါစေ သား
သမီးတွေကို မတရားရှာဖွေ မကျွေးနဲ့ ဆိုတာ အဖိုးရဲ့ တရားပါ။ အိမ်မှာလဲ အဖိုးလုပ်နိုင်
တဲ့အလုပ်တွေကို အဖိုးက ကိုယ်တိုင်ပဲ လုပ်ပါတယ် အဖိုးရဲ့ အကျီဘောင်းဘီ(အဖိုးက
တရုတ်ဘောင်းဘီပဲ အမြဲဝတ်ပါတယ်)ကို ကိုယ်တိုင်ပဲ လျှော်ဖွတ်တာပါ သားသမီးတွေ
လျှော်ပေးတာတောင် မကြိုက်ပါဘူး။

အဲ့ဒီလို ရိုးရိုးသားသားနေထိုင်လာခဲ့ အဖိုးအတွက် လက်ထဲက အမြဲ မချတဲ့ ပိုက်ဆံအိပ်
လေးထဲမှာ အဖိုးရဲ့ မြန်မာတိုင်းရင်းသားမှတ်ပုံတင်လေးရှိနေတာပါ။ ကိုချစ်ဖေတို့ နိုင်ငံရဲ့ လူဝင်မှု့ ကြီးကြပ်ရေး ဥပဒေအရ တရားမ၀င် ၀င်ရောက်လာတဲ့ နိုင်ငံခြားသားကို လွတ်
ရက်မရှိ ထောင်အကျဉ်းချထားတာမျိုးတွေလဲ ရှိတော့ အဖိုးအနေနဲ့ ထိတ်လန့်တာမျိုး ဖြစ်မှာပါ။

အရင်တုန်းကတော့ တရားဝင်နေထိုင်ခွင့်နဲ့ တရားဝင်လက်မှတ်ဆိုတာမျိုးကို ပြောသံ
ကြားနေကြုံနေပေမဲ့ သိပ်စိတ်ဝင်တစားရယ်မဖြစ်ခဲ့ပါဘူး ကိုချစ်ဖေတို့ ကိုယ်တိုင် အိမ်
နီးချင်းနိုင်ငံမှာ တရားမ၀င်နေထိုင်ရတော့မှ တိုင်းတပါးနိုင်ငံမှာ တရားဝင်နေထိုင်ခွင့်
လက်မှတ်တခုခုဟာ အရေးပါတယ်ဆိုတာ ပိုခံစားမိလာတာပါ။ ကိုယ်လဲ ခုတော့ ကိုယ့်
မှာရှိတဲ့ လက်မှတ်လေးကို တစမ်းစမ်း ပိုက်ဆံအိပ်လေး ထဲက မထုတ်တမ်းထည့်ထား
ပေမဲ့ ခဏခဏ ထုတ်ကြည့်နေတတ်ပါပြီ ပျောက်သွားခဲ့ရင်လို့ စိုးရိမ်တတ်နေပါပြီ။

ကိုချစ်ဖေတို့ တရားဝင်နေထိုင်ခွင့်ရတဲ့ နိုင်ငံသားမှတ်ပုံတင်ရထားတဲ့ မြန်မာပြည်မှာဆို
ရင်တော့ ကိုချစ်ဖေတို့ အတွက် ဘာပူစရာလိုမလဲ လို့တော့လဲ မထင်ပါနဲ့ မြစ်ဝကျွန်း
ပေါ်မှတ်ပုံတင်နဲ့ ရန်ကုန်သွားရင် ဧည့်စာရင်းတိုင်ရ အခန့်မသင့်ရင် စစ်ဆေးမေးမြန်းခံ
ရ တပြည်လုံးအတူတူပါပဲ ကိုယ်တိုင်းပြည် ကိုယ့်နိုင်ငံထဲမှာ လွတ်လပ်စွာ သွားလာခွင့်
တည်းခိုနေထိုင်ခွင့် တကယ်တော့ရကြတာမဟုတ်ပါ။

ကချင်ပြည်နယ်မှာနေထိုင်တဲ့ မှတ်ပုံတင်နဲ့ ကရင်ပြည်နယ်လာရင် သင်္ကာမကင်း မေး
မြန်းခံရ ဟိန်းဟောက်ခံရ နဲ့ ကိုယ့်နိုင်ငံသားဖြစ်တယ်ဆိုတာ မှတ်ပုံတင်ပေါ်မှာ ဆိုသလို
ဖြစ်နေတာပါ။ တကယ်တော့ ကိုချစ်ဖေတို့ သာမာန်အရပ်သားတွေက တတိယတန်းစား
နိုင်ငံသားတွေ ကန့်သတ်ခံ နိုင်ငံသားတွေ နိုင်ငံသားကဒ် မရသူတွေ ဖြစ်နေခဲ့တာကြာပါ
ပြီ နိုင်ငံခြားတိုင်းပြည် တပြည်ပြည်မှာ တရားဝင်နေထိုင်ခွင့် လက်မှတ်ရှိထားခဲ့ရင်
တောင် ကျနော်တို့ သွားချင်တဲ့နေရာကို သွားနိုင်ခွင့်မျိုးရနိုင်ပါသေးတယ်လေ။

တကယ့်တကယ် ကိုယ့်မှာရှိတဲ့ လက်မှတ်လေးနဲ့ ကိုယ့်နိုင်ငံအနှံ့ လွတ်လွတ်လပ်
လပ် နေထိုင်ခွင့် သွားလာခွင့် ဘယ်တော့မှ ရနိုင်လာမှာပါလိမ့် လို့တွေးနေမိတယ်ဗျာ။

ဝမ်းရေး

2011-04-17T15:44:00.000-07:00

ဝမ်းရေး

နို့ဆာတဲ့သား
အမေမျှော်တဲ့
ညနေ။

အမေ..
အမေ..
သားပျောက်တဲ့..အမေ

ဒီတောင်ရိုး
မုဆိုး ပုခုံးပေါ်
သွေး..စက်လက်နဲ့ ပါသွားတယ်။ ။

မိုးစဲနေ

အရင်တုန်းကလို..

2011-04-08T21:20:00.000-07:00

ငယ်ငယ်တုန်းကတော့ အသက် ငါးဆယ်တန်း လူကြီးဆိုတာ အဖိုးကြီးတွေပါလားလို့ ထင်ထား
ခဲ့တာ ကိုယ်ကိုယ်တိုင် ငါးဆယ်နားကို တော်တော်ကြီးကပ်လာတော့ (၃ နှစ်အလို)မှ သြော်..
အသက်ငါးဆယ်ဆိုတာလဲ ငယ်သေးတာပဲ ပြေးနိူင်လွှားနိူင် အလုပ်လုပ်နိုင်သေးတာပဲ လို့ ပဲ ဖြေတွေးပါတယ်။ တကယ်တော့ ဒါဏ်ရာဒါဏ်ချက်ပေါင်းစုံ ကြုံရင်ကြုံသလို စား အိပ် စနစ်တ
ကျရယ် ကျမ်းမာရေးအသိရှိရှိရယ် ကိုယ့်ကိုကိုယ်စောင့်ရှောက်ခဲ့ မဟုတ်လေတော့ ခုအချိန်မှာ
တော်တော်လေး ကျမ်းမာရေး ချို့ယွင်းလာတာတော့ အမှန်ပါပဲ။

တကယ်က သိပ်ငယ်လှတော့တဲ့အရွယ်တော့ မဟုတ်တော့ပါဘူး ဒုတိယအရွယ်ထဲကို ထဲထဲ
ဝင်ဝင် ရောက်ခဲ့ပြီးပြီ တတိယအရွယ်ကို ကူးခါနီးဆိုပါတော့ ကိုချစ်ဖေကို မွေးတော့ ကိုချစ်ဖေ
အဖိုးက ၄၂ နှစ်ပဲရှိသေးဆိုပဲ ခု ကိုချစ်ဖေရဲ့ ညီလေးအရွယ်ပေါ့။ ဘာရယ်တော့လဲ မဟုတ်ပါ
ဘူး နေရင်းထိုင်ရင်း သွားလာလုပ်ကိုင်ရှာဖွေ စားသောက်ရင်း ကြီးလာခဲ့ကြရာက မတွေ့ဖြစ်
တော့တဲ့ မတွေ့ နိုင်တော့တဲ့ ငယ်သူငယ်ချင်းတွေကို သတိယလာမိတာရယ် အချိန်လေးက
ရနေတာရယ် နဲ့ ရေးမိတာပါ။

ကိုချစ်ဖေ ခုတလော သူငယ်ချင်း နှစ်ယောက်ကို သွားသတိယနေမိတယ် ကိုချစ်ဖေ ငါးတန်း
နှစ်မှာ တခန်းထဲ ဘေးချင်းကပ် ရှေ့နောက် အတူထိုင်ခဲ့ရတဲ့ သူငယ်ချင်းတွေပါ။ ကိုချစ်ဖေ ငါး
တန်းဆိုတော့ လွန်ခဲ့တဲ့ နှစ်ပေါင်း ၃၆ နှစ်လောက်က ပေါ့။ တယောက်က မာမွတ်တဲ့ ကျောင်း
နာမည်ကိုက မာမွတ် အရပ်ရှည်ရှည် အသားလတ်လတ် အိန္ဒိယနွယ်ဖွား ဘာသာခြား ကလေး
ဘ၀ထဲက အလွန်းသည်းခံတတ် စိတ်ရှည်တတ်တဲ့သူ အဲ ကလေးဘ၀တုန်းကတော့ ဘယ်သိ
ပါ့မလဲနော။ အသက်ကြီးလာမှ ပြန်တွေးကြည့်မိတာ။

သူက မုန့်စားကျောင်းဆင်းရင် အခြားသော သူငယ်ချင်းတွေလို မုန့်ရောင်းတဲ့ ဈေးတန်းဖက်
သွား မုန့်တခုခု ၀ယ်စား အဲ့ဒီလိုမျိုး မရှိပါဘူး အခန်းထဲက သူထိုင်တဲ့ စာရေးခုန်လေးမှာပဲထိုင်
ဟိုငေးဒီငေး အခြားသူငယ်ချင်းတွေက မုန့်စားဖို့ ခေါ်လဲ မစား လာကြွေးရင်လဲ ပြုံးပြီး ငါမဆာ
လို့ပါ မင်းတို့ မုန့်ပေးတာ ကျေးဇူးတင်ပါတယ် ဆိုတာမျိုး ကလေးဘ၀လေးထဲက ပြောတတ်သူ
တနေ့ နေ့လည် မုန့်စားကျောင်းဆင်း ကျောင်းပြန်တက်ခါနီး ကိုချစ်ဖေနဲ့ ဘေးခြင်းကပ် အတူ
ထိုင် မာမွတ်က သူ့ခုံ်လေးမှာ မထိုင်ပဲ ဗလာစာအုပ်ထဲက စာရွက်ဟောင်းလေးနဲ့ သူ့ ခုံလေး
ကို ထပ်ခါတလဲလဲ သူပွတ်နေတော့ ကိုချစ်ဖေလဲ မနေနိုင်ပဲ “ဟေး..မာမွတ် မင်းခုံက ဘာဖြစ်
လို့လဲ” လို့ မေးဖြစ်တယ်။ သူက “ ဘာမှ မဖြစ်ပါဘူးကွာ ငါလွှတ်ပစ်လိုက်ပါပြီ” တဲ့ အဲ့ဒါနဲ့ ကို
ချစ်ဖေကလဲ “ မင်းဘာဖြစ်လို့ ဘာကို လွှတ်ပစ်ပြီး ဘာလို့ ခုံကို သုတ်နေတာလဲ” လို့ ထပ်မေး
တော့မှ “ ငါမပြောချင်ပါဘူးကွာ” တဲ့ ကိုချစ်ဖေက မရမကမေးတော့မှ “ဟိုကောင်တွေကွာ..
ငါ့ ခုံထဲမှာ ငါမစားတဲ့ အသားကို လာထည့်ထားတယ် ခုံတွေကိုလဲ သုတ်သွားတယ်” တဲ့။

ဘယ်ကောင်တွေလဲ လို့ မေးနေတုန်း “ ဟေ့ကောင် ချစ်ဖေ မင်းက သိရင်ဘာလုပ်မလို့လဲ ငါ
တို့ သုတ်တာ ကွာ” လို့ ကိုချစ်ဖေတို့ထက် အသက်ကြီးတဲ့ အရွယ်လဲကြီးတဲ့ မောင်မောင်က ပြောလာပါတယ် ကိုချစ်ဖေကလဲ တော်တော်ကို ခံပြင်းတယ် သူ့ဘာသာနေတဲ့ ဘာသာခြား သူငယ်ချင်းကို အုပ်စုဖွဲ့ အရွယ်အားကိုးနဲ့ အနိုင်ကျင့်တယ်လို့ ခံစားရတယ် အဲ့ဒါနဲ့ “ မင်းတို့ မ
တရားဘူး မင်းတို့ အနိုင်ကျင့်တာ” လို့ ကိုချစ်ဖေက ပြောလဲပြောရော ဘာပြောကောင်းမလဲ
ကိုချစ်ဖေကို သူတို့ ညီအကိုတွေ ၀ိုင်းထိုးကြိတ် လိုက်တာ ကြယ်တွေလတွေ မြင်သွားတာပါပဲ။

မာမွတ်နဲ့ ဘေးက အခြားသူငယ်ချင်းတွေ ၀ိုင်းမဆွဲရင် ဘယ်လောက်တောင်ခံရမလဲ မသိဘူး
ဒါပေမဲ့ ဘယ်နေမလဲ ရန်ဖြစ်တယ်ဆိုတဲ့ သတင်းက ပြန့်သွားတော့ အတန်းပိုင်ဆရာ ဦးအောင်
မြင့် ရောက်လာပြီး ရန်ဖြစ်တဲ့ကောင်တွေ အကုန် ခုန်ပေါ်တက် လက်ပိုက်နေဆိုလို့ ကိုချစ်ဖေ
လဲ အပစ်ပေးခံရတဲ့ထဲ အဆစ်ပါရသေး။

အဲ့ဒါနဲ့ နောက် ရှစ်တန်းလောက်မှာ မာမွတ်ကျောင်းက ထွက်ပြီး သူ့အဖေပိုင် သံလုပ်ငန်းကို ၀င်လုပ်ပါတယ်။ ကိုချစ်ဖေတို့ ၁၀ တန်းလောက်မှာ သူ့အိမ်က ပေးစားတဲ့ သူနဲ့ ဘာသာတူ ဆွေမကင်း မျိုးမကင်းကောင်မလေးနဲ့ အိမ်ထောင်ကျသွားပါတယ်။ နောက် ကိုချစ်ဖေလဲ မြို့က
နေထွက်ပြီး ၁၉၉၄ အိမ်ပြန်လာတော့ မာမွတ်က အတော်ပဲ စီးပွားဖြစ်နေပါပြီ ကိုချစ်ဖေက
တောမှာ စပါးကြိတ်တဲ့စက်လေးလုပ်တော့ လိုအပ်တဲ့ စက်ပစ္စည်းကို သူ့ဆိုင်မှာပဲ ၀ယ်ရတာ
ပါ မာမွတ်တို့ ဆိုင်က ပစ္စည်းမှန် ဈေးမှန်ဖြစ်ပြီး သူတို့ဆိုင်မှာမရှိရင်လဲ ဈေး မနာရအောင် ပစ္စည်းအမျိုးအစားသိအောင် အမြဲပြောပြပါတယ်။

ကိုချစ်ဖေကတော့ စဉ်းစားတာပေါ့ မာမွတ်က ငယ်ငယ်တုန်းကလဲ စိတ်ရှည်ပြီး သည်းခံတယ်
စိတ်ထားလဲကောင်းတယ် သူ့ဘ၀က ပုံမှန် အေးအေးချမ်းချမ်း လဲရှိပါတယ်ပေါ့ တကယ်တော့
ကိုချစ်ဖေက နောက်မှ သိတာပါ သူက ကိုချစ်ဖေတို့ မြို့က သူတို့ ဘာသာ ဘုရားကျောင်းဂေါ
ပက လူကြီး ဦးမာမွတ် ဦးမာမွတ်နဲ့ အားလုံးက လေးလေးစားစား ရှိကြတာဆိုပဲ။ ကိုချစ်ဖေက
တော့ ဘယ်ဘာသာ မို့ ကောင်းတယ် မကောင်းဘူးရယ် မဆိုလိုချင်ပါဘူး လူပုဂ္ဂိုလ်
အနေနဲ့ ပြောတာပါ။ စိတ်ရှည်သည်းခံတတ်တဲ့ သူငယ်ချင်းက ကြီးလာတော့လဲ သူ့ဘာသာ သူ
ရိုးရိုးအေးအေးနဲ့ သူ့မိသားစု ဘ၀လေးကို တည်ဆောက်နေတာပါပဲ။ နောက် ကိုချစ်ဖေတို့ မြို့
ကနေ ဂေါပကလူကြီးတွေထဲက လူရွေးပြီး ဘုရားဖူး လွှတ်တော့ သူပါသွားပါတယ်။ ကိုချစ်ဖေ
က နောက်တော့ သူပြုံးနေတယ်။ ဟိုး..ငယ်ငယ်တုန်းက ပြုံးတဲ့ အပြုံးမျိုး။ ကိုချစ်ဖေက တော့
ကျွတ်ဆပ်ဆပ် မာကျောကျော မဟုတ်ရင် မတရားရင် မတတ်သာလို့သာ ငြိမ်နေရင် ငြိမ်နေရ
မယ် အခွင့်သာတာနဲ့ ပြန်ပြောဖို့ ပြန်တုန့်ပြန်ဖို့ အမြဲ တွေးမိနေတတ်တော့ ပြဿနာ အလီလီ
နဲ့ သူ။ သြော် တွေးမိတာပါ ဘ၀ဆိုတာ ရိုးရိုး သားသား စိတ်ရှည်ရှည် နဲ့ ဖြတ်သန်းရင်လဲ ရ
ပေသား ကလားပေါ့ဗျာ။

နောက် သူငယ်ချင်းတယောက် ကတော့ အဲ့ဒီငါးတန်းတုန်းက စသိတာပါပဲ။ သူက ပန်းချီသ
မား သူ့ မှာ ပုံဆွဲတဲ့ ဗလာစာအုပ်သက်သက်ရှိတယ် အဲ့ဒီထဲမှာ ပုံလေးတွေ သူအမြဲဆွဲပါတယ်
သူ့ ဆွဲတဲ့ ပုံလေးတွေကို ကိုချစ်ဖေက သဘောကျ အထင်ကြီးရင်း ခင်သွားကြတာ သူက စာ
ရေးရင် လဲ အမြဲ သေသေသပ်သပ် အင်္ကျီအ၀တ်အစား ၀တ်ရင်လဲ သေသေသပ်သပ် သူက
စကားပြောလဲကောင်းတဲ့သူ သူ့ဘေးမှာ သူငယ်ချင်းတွေက အမြဲဝိုင်းပြီး သူပြောတာ နား
ထောင်နေရသူမျိုး အင်္ဂလိပ်ရုပ်ရှင်ကား အတူတူကြည့်ကြတာခြင်း အတူတူ တလုံးမှ နားမ
လည်တာခြင်းလဲ အတူတူ သူပြန်ပြောပြတဲ့ အင်္ဂလိပ်ရုပ်ရှင်ဇတ်ကားကို အားလုံးက နားထောင်
ရလောက်အောင် ပြောတတ်တာမျိုး ကလေးဘ၀ထဲက ဇ က ရှိတာ။ သူ့နာမည်က ဇော်မင်း။

တနေ့တော့ သူက ကျောင်းကို ကျောက်ခဲလို အတုံးလေး တတုံး ယူလာပါတယ် အခြား ဘယ်
သူ့ကိုမှ မပြပဲ ကိုချစ်ဖေကို ပြပါတယ် အဲ့ဒါ မင်းသိလား ဆေးသကြားတုံး ကွ သောက်ရေ အိုး
ထဲကို စိမ်ထားရင် ရေချိုတယ် အဲဒါ ငါတို့ အတန်းထဲက သူတွေ ရေချိုချိုသောက်ရအောင် မင်း
နဲ့ ငါနဲ့ သောက်ရေအိုးထဲကို ထည့်ထားမယ် မင်းဘယ်သူ့မှ မပြောနဲ့ အဲ့ဒါနဲ့ သောက်ရေအိုး နှစ်
အိုး ထဲကို ကိုချစ်ဖေနဲ့ သူနဲ့ အတူ ဆေးသကြားတုံးလေးကို စိမ်ထားလိုက်တယ်။ အိုးနှုတ်ခမ်း
စပ်ကို ဆေးသကြားမြန်မြန်ပျော်အောင် လက်နဲ့ ပွတ်ပေးလိုက်သေး။

နောက် သိပ်မကြာပါဘူး သောက်ရေချို တယ် သောက်ရေချိုတယ်ဆိုပြီးသောက်လိုက်ကြ ခ
ဏနေ အိမ်သာကိုပြေး ဆီးစွန့်လိုက်ကြနဲ့ ဆေးသကြားက ဆီးရွှင်တယ်ဆိုပဲ။ အဲ့ဒီလိုနဲ့ သိပ်မ
ကြာဘူး ဒါဘယ်သူလုပ်တာလဲ ဆိုပြီး နားမလည်ပါးမလည်နဲ့ လုပ်ရလား အားလုံး ဒုက္ခရောက်
ကုန်ရင် ဘယ်လိုလုပ်မလဲ ဆိုပြီး ဆေးသကြားတရားခံကို ရှာပါလေရော မဖေါ်ရင် တတန်းလုံး
ကို ရိုက်မယ် အမှန်အတိုင်း ၀န်ခံရင် အပြစ်ကို လျှော့ပေးမယ် ဆိုတော့ တရားခံ ကိုချစ်ဖေတို့
နှစ်ယောက်လဲ တယောက် သုံးချက်စီ အရိုက်ခံရ ပါလေရော။

ခုတော့ အဲ့ဒီသူငယ်ချင်းက သစ်တောဌါနမှာ တောခေါင်း လုပ်ရတာ သူများ မသထာရေစာပေး
တာကျွေးတာစားရလို့ ဆိုပြီး အလုပ်ကထွက်ပြီး ၀ိပဿနာ အားထုတ်ရင်း ဘုန်းကြီးအပြီးဝတ်
သွားပါပြီ။ တကယ့်ကို အပီအပြင် ဘုန်းကြီးစာလိုက် တရားအားထုတ် ဓမ္မာစရိယတန်းအောင်
အောင်လုပ်ပြီး တောရွာလေးတရွာမှာ ရိပ်သာထောင်မယ်လို့ ရည်ရွယ်ထားတယ် လို့ ကိုချစ်ဖေ
ကို အဲု့ဒီတုန်းက ပြောပြပါတယ်။

ခု..ရက်ထဲကြမှ ငါးတန်းတုန်းက ငယ်သူငယ်ချင်း နှစ်ယောက်ကို သတိယနေမိတာ။ ကိုချစ်ဖေ
နဲ့ ခုချိန် ပြန်တွေ့ ရင် ချစ်ဖေ မင်းကတော့.. အရင်တုန်းက လိုပဲ..အရင်တုန်းကလိုပဲ လို့ ပြောခံ
ရဦးမလားမသိ။

ကြည်ညိုစရာ လွှတ်တော်အမတ်များ

2011-02-15T19:47:00.000-08:00

မပြောချင်ပါဘူးဗျာ

သူများတကာတွေ စိန်ကောင်းကျောက်ကောင်းရောင်းတဲ့ထဲ ဆေးရိုးသယ်က ကန့်လန့် ကန့်လန့် လို့ပြောခံရဦးမယ်

ဒါ့ကြောင့်ပြောတာ ပြည်ပအားကိုး ပုဆိန်ရိုး အဆိုးမြင်ဝါဒီတွေလို့ ထပ်အပြောခံရဦးမယ်

ရာဇပုလ္လင်ဖင်ကပ်ပါလာတယ်လို့ပဲပြောပြော စိုင်ကော်လို့ ခြုံပေါ်ရောက်တယ်ပဲပြောပြော

မိုးပေါ်က ကျလာတဲ့ ကြိုတင်မဲတွေနဲ့ အမတ်ဖြစ်တယ်ပဲပြောပြော အမတ်တော့ အမတ်ဖြစ်တာပဲလေ

ဒီတခေတ်မှာ အမတ်ဖြစ်တယ်ဆိုကတည်းက အမတ်ဖြစ်တယ်လို့ မှတ်ပေါ့ဗျာ

ခုတော့..ထစ်ကနဲဆို ကောင်းတယ်လို့ တခါမှ မပြောကြဘူး လို့ပဲဆိုဆို..

မပြောချင်ပါဘူးဆိုကာမှပဲ မနေနိုင်မထိုင်နိုင်ပြောမိပြန်တယ်ဗျာ

ဟိုစကားပုံလို..

ယိုသူမရှက် မြင်သူရှက် လို့ ဆိုပြန်ရင်လဲ ပြောခံရဦးမယ် ငါ့တို့ အမတ်မင်းဆိုတာ ပြည်သူ့ ကိုယ်စား ကိုယ်စားလှယ်တွေကွ

မင်းလို တိုင်းတပါးကျွန် အဲ ကိုယ့်တိုင်းပြည်မှာ ကိုယ်လုပ်ကိုင်မစားပဲ တိုင်းတပါးမှာ ကျွန်သွားခံတဲ့ သူမဟုတ်ဘူးကွ လို့ အပြော

ခံရမယ် ဆိုရင်လဲ ခံရပေတော့မယ်.

ဒီလိုပါ

ဧရာဝတီက တင်ထားတဲ့ ကြက်ပြေးနေပြည်တော်က အမတ်မင်းတွေရဲ့ ဓါတ်ပုံတွေကိုသာ ရှု့စားပါတော့ဗျာ.

ဘယ်က ဘယ်လို ဥပဓိရုပ်တွေလဲဆိုတာတော့..ဗျာ သိတယ်မှလား..

ကချစ်ဖေတို့က နေရာစုံ လပ်လျှားလပ်လျှား လျှောက်သွားဘူးသူဆိုတော့ ပြောရရင်..အဲ..

ဟို..

ဒီ..က ခေါင်း(ဆောင်)တွေလိုလို ဘာလိုလိုဗျာ.

ဗမာစကားတလုံးမှ မတတ်တဲ့ နိုင်ငံခြားသားတယောက်ယောက်ကို ပြ ကြည့်ရင်လဲ

ဘာပြောမလဲ.

သိကြတယ်မှလား..

မပြောချင်တော့ပါဘူးဗျာ..

လူမှာ အ၀တ် တောင်းမှာအကွပ်တဲ့

နဂိုရှိမှ နကိုင်းထွက် သတဲ့..

သြော်..ကြားလို့မှ မတော်..

ဒီလူတွေက လူထု ကိုယ်စားလှယ်တဲ့ဗျာ.ဘယ်သူဘယ်ဝါရယ်တော့ မသိရပါဘူး ပုဂ္ဂိုရေး တိုက်ခိုက်တာလဲမဟုတ်ပါဘူး
ဒါပေမဲ့ဗျာ.

ရှက်စရာကြီး....

ကြက်ဥနဲ့ အကြော်

2011-02-04T14:41:00.000-08:00

ကြက်ဥနဲ့ အကြော်

(၁)
ဟေ့ကောင် ချစ်ဖေ
ဗျာ
ယောက်ကျားက ယောက်ကျားပီပီ ပြတ်ပြတ်သားသား ရဲရဲ ရင့်ရင့်ပြောစမ်းပါ ဘာပတ်ချွဲ နပ်ချွဲ
လုပ်ပြောနေတာလဲ
ဗျာ..ဟုတ်ကဲ့ ဦးလေး
အေး..မင်းမှတ်ထား ငါဘယ်တော့မှ မဟုတ်တာမလုပ်ဘူး မမှန်တာမပြောဘူး ငါ့ထမင်းကို ငါရိုး
ရိုးသားသားရှာစားတယ် ဘယ်သူ့ဆီကမှ လက်ဖြန့်တောင်းမစားဘူး..
ဗျာ..ဟုတ်ကဲ့ဦးလေး သိပါတယ်ဗျာ
ဟေ့ကောင်..လူကြီးက မင်းတို့ ဘ၀မှာ အဲ့ ၀ထ္ထုဆန်ဆန်ပြောရရင် မင်းတို့ဘ၀ခရီးရှည်ကြီးကို လျှောက်တဲ့နေရာမှာ အလေ့အကျင့်ကောင်းတွေ ရစေချင်လို့ပြောတာကွ ငါ့ကို မငေါ့နဲ့
ဟုတ်ကဲ့ မငေါ့ပါဘူးဦးလေး
ငါ့ကိုကြည့် ငါအကြော်ကျော်တယ် ငါ့ဖောက်သည်တွေ ငါကိုယ်တိုင်ပို့တယ် ငါ့အကြော်ကို သူ
များ အကြော်တွေနဲ့ ယှဉ်လိုက်ရင် မကြီးတောင်မှ မငယ်စေရဘူး အမြတ်အများကြီး ငါ့အတွက်
မကျန်ပေမဲ့ ငါ့အလုပ်ကို ငါဂုဏ်ယူတယ်
ဟုတ်ကဲ့ဦးလေး ဦးလေးအလုပ်ကို ကျနော်လဲ သဘောကျဂုဏ်ယူပါတယ်
ဟေ..ဘာဖြစ်လို့လဲကွ
ဒီလိုပါ ကျနော်က မုန်ဟင်းခါးစားရင် အကြော်မပါပဲ စားရရင် အရသာ မတွေ့ပါဘူး အကြော်ပါမှ အကြော်ကျွတ်ကျွတ်လေးရယ် မုန်ဟင်းခါးရည်လေးရယ် မျှောချပြီးစားရတာ ကို သဘောကျ တော့ ဦးလေးတို့လို အကြော်ကျော်မဲ့သူတွေ မရှိရင် ကျနော်အတွက် အခက်ပါ ဒါ
ကြောင့် ဦးလေးအလုပ်ကို ကျနော်လဲ သဘောကျပါတယ် ဦးလေးရဲ့ ရိုးရိုးသားသား အကြော်ကို စားရလို့လဲ ဂုဏ်ယူပါတယ်
အေး..ချစ်ဖေ..မင်းကတော့ စကားပြောရင် ရိတိတိ ငေါ့တော့တော့နဲ့
ဗျာ မဟုတ်ပါဘူး ဦးလေး ကျနော်မငေါ့ပါဘူး တကယ်ပြောတာပါ
အေး..ဘာဖြစ်ဖြစ် ပြတ်ပြတ်သားသား ပြော ရိုးရိုးသားသားလုပ် ကွ
ဟုတ်ကဲ့ခင်ဗျာ ကျနော် ရိုးမြေကျ ဦးလေးစကားကို မှတ်သားထားပါ့မယ်.
ဟေ့ကောင် လုပ်ပြန်ပြီ..
ဦးလေး ..ကျနော့် အရိုးမြေကျပြီးတော့ ထိမှတ်ထားမယ်လေ. နောက်ပိုင်းတော့ ကျနော်လဲ မ
မှတ်နိုင်တော့ဘူး.ပေါ့..
မင်းကတော့ လုပ်ပြန်ပြီ..အေးအေး..ဘာပဲဖြစ်ဖြစ် ညနေကျောင်းဆင်းရင် ငါတို့ ခြင်းဝိုင်းကိုလာ
ခဲ့ ကိုယ်လက်လှုပ်ရှား တာ ထမင်းစားကောင်း အိပ်ပျော်တယ်ကွ.
ဟုတ်ကဲ့ဦးလေး ကျနော်မှတ်စုထဲမှာ မှတ်ထားလိုက်ပါ့မယ်
ဟာ..ဒီကောင်..သွားသွား..ကျောင်းတက်ချေ.

ဟုတ်ကဲ့ခင်ဗျ..ဟုတ်ကဲ့ခင်ဗျ

ဟေ့ကောင်ချစ်ဖေ
ဟေ
မင်းဘာတွေ ယဉ်ကျေးနေတာလဲ
ဟေ.တင်စိုး တို့ ရပ်ကွက်ထဲက ဦးလေး ဦးထွန်းရင်ကွာ ငါ့ကို ဆုံးမနေတာ သူက ရပ်
ကွက်ထဲမှာ ဘယ်သူနဲ့မှ အဆင်မပြေဘူးကွ သူက သူ့စိတ်ထဲမှာ တွေ့တဲ့အတိုင်းပြော
တော့ လူတွေက သူ့ကို လန့်ကြတယ် သူကတော့ အဲ့ဒီလိုပြောတတ်တာကိုပဲ ယောက်ကျား
ကောင်း လို့ ထင်နေတာကွ ဂုဏ်ယူနေတာ အဲ့ဒါ ငါ့ကို ဆုံးမနေတာ သူ့ယောက်ကျားကောင်း
ကြီးကလဲ မလွယ်ပါဘူးကွာ အရိုက်ခံရကိန်း ဟိုတနေ့က တို့ ရပ်ကွက်ထဲက ယောက်ကျားစိတ်
ပေါက်နေတဲ့ ကောင်မလေးမိညိုကို ပြောနေတာ မိညိုနဲ့ ရန်ဖြစ်ရောကွာ ရိုက်မယ်ပုတ်မယ်
တောင်ဖြစ်တယ်
ဦးလေးဦးထွန်းရင်က မိညိုကို နင်က မိန်းကလေးပဲ မိန်းကလေးလို မနေပဲ ယောက်ကျားလေး
လို ဘာနေစရာလဲတဲ့ နင်ယောက်ကျားလေးလိုနေတော့ကော ရုပ်ရှင်ရုံမှာ အပေါ့သွားရင် မိန်းကလေး အိမ်သာဖက်ကိုပဲ သွားရတာပဲမဟုတ်လားတဲ့ နင် စစ်ထဲဝင်ချင်ရင်ကော စစ်ထဲက
လက်ခံမလားတဲ့ (အဲ့ဒီတုန်းက..ပြောတာနော) အဲ့ဒါနဲ့ မိညိုနဲ့ ရန်ဖြစ်တာ လူကြီးက လူကြီးနေရာ မနေဘူး ကိုယ့်ဘာသာကိုယ်နေတာ ဘာဖြစ်လဲ ဘာညာနဲ့ စကားကို များကြတာ
အေးလေကွာ မှန်တိုင်း ပြတ်ပြတ်သားသားပြောတိုင်း တဖက်သားနဲ့ ရန်ဖြစ်ရရင် ဘယ်ကောင်း
မလဲ
ဟုတ်ဘူးကွ..ဦးလေးဦးထွန်းရင်က အဲ့ဒီလိုပြောလို့ ဘယ်သူနဲ့ ရန်ဖြစ်ရတာ ဘယ်သူက စိတ်ဆိုးသွားတာဆိုပြီး မှတ်ထားပြီး နောက်လူတွေကိုပါ ထပ်ပြောပြနေသေးတာ အဲ့ဒါ ငါ့ကိုလဲ
သူ့လိုမျိုး အမှန်တွေ့ရင် အမှန်အတိုင်းပြော ဘယ်သူ့မှ ဂရုမစိုက်နဲ့ လူချို စိတ်ကောက် လူ
ဖြောင့် စိတ်တို တဲ့ သူနဲ့ တွေ့ရင် သတိထားနေရတယ်.ချိုချိုသာသာပြောတတ်ရင် စိတ်ပုတ် စိတ်ကောက် တတ်တဲ့သူ ဖြောင့်ဖြောင့်ပြောတတ်တဲ့သူက စိတ်တိုသလိုလိုရှိပေမဲ့ တကယ်တော့ ကောင်းတယ်ဆိုပဲကွ..

(၂)
ဟေ..
ကလေး.. ချစ်ဖေ
လာပြီလာပြီ.
သားလေး လာလာ
ဒီမှာထိုင်
ဒေါ်ဒေါ်တို့ မကြားလိုက်လို့ကွယ်. ဘယ်အချိန်ထဲက အော်ခေါ်နေတာလဲ
အော်..ဒေါ်ဒေါ် မကြာသေးပါဘူးခင်ဗျာ ခုပဲ တခွန်းနှစ်ခွန်းပဲ ရှိပါသေးတယ်..
မေမေက ဒေါ်လေးသိန်းဆီမှာ ကြက်ဥ ၀ယ်ခိုင်းလိုက်လို့ပါ
အော်..ကလေးရယ် ရပါတယ်ကွယ်.
ခု..အိမ်ကနေတန်းလာတာလား မြို့ထဲကအပြန်လှည့်ဝင်လာတာလား အမောပြေ အအေးလေး
တခုခုသောက်ပါဦးလား
ဒေါ်ဒေါ် ကျနော်အိမ်ကနေလာတာပါ မသောက်တော့ပါဘူး
အေးအေး ဒါဆို ဒေါ်ဒေါ်တို့ လယ်ထဲမှာ စိုက်တဲ့ မြေပဲလှော်လေး စားရင်း
ဒေါ်ဒေါ်ကြက်ဥသွားယူတာလေး စောင့်နော်
ဟုတ်ကဲ့ ဒေါ်လေးသိန်း
ကလေးက ဘယ်နှစ်လုံးယူမှာလဲကွယ်
ဆယ်လုံးပါဒေါ်ဒေါ်
အေးအေး..ဒေါ်လေးသွားယူလိုက်ဦးမယ် ခွင့်ပြုဦးနော်
ဟုတ်ကဲ့ ဒေါ်လေး.

ဒီမှာ မောင်ချစ်ဖေရေ
ဒေါ်လေး တလုံး အပိုထည့်ပေးလိုက်တယ်နော်
ကြက်ဥက ဖေါက်သယ်သွားသွင်းမဲ့ အထဲက အကြီးဆုံးတွေ ရွေးပေးလိုက်တယ်နော်
ဟုတ်ကဲ့ဒေါ်ဒေါ်
ဦးရာလူ စနစ်ပေါ့ကွယ် သားလေးက အရင်လာဝယ်တော့လဲ သားလေးကို အရင်ပေးရတာ
ပေါ့ နော် တလုံးအပိုပေးတာကတော့ ဖေါက်သည်ဈေးနဲ့ မကွာအောင်ကွဲ့ သားတို့ ဆွမ်းလောင်းတော့လဲ ဒေါ်လေးနဲ့ အတူ ကုသိုလ်ဖြစ်တာပေါ့ကွယ်.
ဟုတ်ကဲ့ ဒေါ်လေး ကျေးဇူးတင်ပါတယ်
အေးအေး သားလေး လမ်းမှာ စက်ဘီးတွေ ကားတွေ ကြည့်သွားနော်
ကလေးမေမေကိုလဲ သတိရနေပါတယ် နေကောင်းလားလို့ မေးတယ်လို့ ပြောလိုက်ပါနော်
ဟုတ်ကဲ့ ဒေါ်လေး ပြောလိုက်ပါ့မယ်..

ဟေ့ကောင်ချစ်ဖေ
ဘာတွေပြောလိုက်ပါမယ် လုပ်နေတာလဲ
ဟာ..ဆန်နီ ဘယ်ကပြန်လာလဲ ငါကြက်ဥလာဝယ်တာကွာ
ဟုတ်လား
အေး အဲ့ဒီအဒေါ်ကြီးက အရမ်းကို ယဉ်ကျေးတာကွာ ငါသူ့အိမ်မှာ ဈေးသွားမ၀ယ်ချင်ဘူး အမေက လွှတ်လို့သာလာရတာ သူ့အိမ်ရောက်ရင် ငါမနေတတ်ဘူးကွာ တအားယဉ်ကျေး
ပြီးဖေါ်ရွေတော့ အားနာသလိုလို ဘာလိုလို ငါအမေ့ကို ပြန်ပြောတိုင်း
အမေကတော့ ရီ(ရယ်)နေတာပဲကွ ငါလဲ အမေ့ကြောက်လို့သာ လာရတာ ဒီအဒေါ်ကြီးဆီ
လာဈေးဝယ်တိုင်း ဘာအားနာနေမှန်းမသိပါဘူးကွာ အဲ ဘယ်လိုနေရမလဲ မသိပါဘူးကွာ
သူက တမင်တကာ ယဉ်ကျေးပြနေတာတော့လဲ မဟုတ်ဘူးကွ အားလုံးကို သူက အဲ့ဒီလိုပဲ
ဆက်ဆံတယ်
အေး..ချစ်ဖေ ငါလဲ အဲ့ဒီလိုပဲ အဲ့ဒီဒေါ်လေးသိန်းဆီမှာ ဈေးသွားမ၀ယ်ချင်ဘူးကွ
ဦးလေး ဦးထွန်းရင်ကြီးစကားနဲ့ဆို ဒေါ်လေးသိန်းက စိတ်ကောက်စိတ်ပုပ် တဲ့သဘောပေါ့ကွာ
ငါတော့ အဲ့ဒီလိုမထင်ဘူးကွ သူဘာသာ နဂိုအတိုင်းပြောတာပဲ ထင်တယ်

အေး..ချစ်ဖေ ငါ့ကိုတော့ ဦးလေး ဦးထွန်းရင်က ပြောဘူးတယ် ဒေါ်လေးသိန်းက နှုတ်ကသာ
ချိုတာပါတဲ့ ရွှေပေါင်တိုးကျတော့ မလျှော့ဘူးဆိုပဲ
ငါထင်တာတော့ ဒေါ်လေးသိန်းက အလှုအတန်းဆိုလဲ လက်မနှေးပါဘူး ရပ်ရေး ရွာရေးဆိုလဲ
ပါတာပါပဲ
မသိတော့ပါဘူးကွာ.ဒေါ်လေးသိန်းကို ငါစသိထဲက ဒီပုံစံပဲ ဦးလေး ဦးထွန်းရင်လဲ ဒီပုံစံပဲကွ
မေမေပြောတာတော့ ဒေါ်လေးသိန်းက သူတို့ ငယ်ငယ်ထဲက ဒီလိုပဲတဲ့ မေမေကတော့ မမသိန်း လို့ ခေါ်တယ်ကွ.
ဦးလေးဦးထွန်းရင်ကတော့ လူဖြောင့် စိတ်တိုပါတဲ့။
အေး..ကွာ မပြောတတ်တော့ပါဘူး။။

တကယ်လဲ မပြောတတ်ခဲ့ပါဘူး
ကိုချစ်ဖေတို့လဲ အသက်တွေကြီးလာ ဦးလေးဦးထွန်းရင်လဲဆုံး ဒေါ်လေးသိန်းလဲ ဆုံးသွားပါပြီ
ဒေါ်လေးသိန်းဆုံးတော့ အသက် ငါးဆယ်မပြည့်သေး ဦးလေးဦးထွန်းရင်ကတော့ အသက်ကြီး
တဲ့အထိကျမ်းမာရေး ကောင်းမှကောင်း ဖျားခြင်းနာခြင်းမရှိ အပေါ်အင်္ကျီလဲ တခါမှမကပ် ဖြစ်မဲ့
ဖြစ်တော့ တခါပဲ ဖျားပါတယ် တခါထဲ ဆုံးရှာပါတယ် ဒေါ်လေးသိန်းကတော့ တရှောင်ရှောင်
ကနေ ဆုံးတာပါ

ကိုချစ်ဖေလဲ တခါဘူးမျှ မတွေးမိခဲ့ပါဘူး အသက်လေးရလာတော့ ကိုယ့်ဘ၀မှာ မိတ်ဆွေတု
တွေ မိတ်ဆွေစစ်ချင်ယောင်ဆောင်သူတွေ ပတ်ဝန်းကျင်ဆိုးတွေနဲ့ နေရတော့မှ ကိုယ့်ကြုံခဲရ
တဲ့ ကိုယ့်အပေါ် ချစ်ခင်သူတွေ သနားဂရုနာသက် ဆုံးမသူတွေ ကြင်ကြင်နာနာ ဆက်ဆံသူ
တွေကို ပိုပိုသတိရလာတာမျိုးလား မသိပါဘူး။ မသိရင်လဲ မဖြစ်တော့ပါဘူး ရွှေရတုမွေးနေ့
တောင်နီးပြီပဲ ချစ်ဖေရယ်နော။

မိုးပေါ်ထောင်ပစ်လိုက်တာပါ ဆိုပေမဲ့

2011-01-25T23:49:00.000-08:00

လွန်ခဲ့တဲ့နှစ်ပေါင်း ငါးဆယ်လောက်က လူငယ်တွေကြားမှာ သဘောကျနှစ်ခြိုက်စွဲလမ်းခဲ့ကြ
တဲ့ အချစ်ဝထ္ထုဇာတ်လမ်းလေးထဲက နာမည်ကြီး စကားလို “မောင်နဲ့ ခိုင်တို့ရဲ့ ဘ၀ဟာ နှစ်
လွှာပေါင်းမှ တရွက်ရယ်ဖြစ်ရတဲ့ စွယ်တော်ရွက်လေးလိုပါ တယောက်မရှိရင် မဖြစ်နိုင်ပါဘူး
မောင်” တဲ့ အဲ့ဒီဝထ္ထုက ကိုချစ်ဖေတို့ ခေတ်မှာတော့ ဂန္တ၀င်အဖြစ်ကျန်ရစ်နေတဲ့ ၀ထ္ထုတပုဒ်
ရယ်ပါ။ ဒါပေမဲ့ အဲ့ဒီ ဇတ်လမ်းထဲက ဇတ်လမ်းကို အဓိက မှတ်မိစေတဲ့ နိမိတ်ပုံတွေထဲက
စွယ်တော်ရွက် က ထင်ထင်ရှားရှားရယ် ဖြစ်ကျန်ခဲ့သလို တခါတလေ ကိုယ့်ကိုကိုယ် ပြန်တွေး
ကြည့်တော့ ပြုံးချင်ချင်ရယ် ကိုယ့်ဘ၀ကလဲ စွယ်တော်ရွက်လို။

ဆိုင်လား မဆိုင်လားတော့မသိပါဘူး ကမ္ဘာလုံးဆိုင်ရာ စီးပွါးပျက်ကပ်ကြီးကလဲ ကိုချစ်ဖေတို့
ကို ဘယ်ချန်ထားပါ့မလဲ အလုပ်တွေက လူကိုလျှော့လိုက်တာ လုံးဝပိတ်လိုက်တာ အလုပ်ချိန်
လျှော့ချလိုက်ရတာတွေကြားထဲမှာ ကိုချစ်ဖေတို့ လူသိုက်တွေလဲ ဘယ်ခံနိုင်ပါ့မလဲ ငှက်က
လေးတွေ အစာလုကောက်ရသလို တနေရာထဲမှာ အစာမရ အစာမ၀တော့ နောက်တနေရာ
မှာ အစာရတယ်ဆို ၀ုန်းဆို ၀ိုင်းတိုးကြ လုကြ တွန်းမိကြ တိုက်မိကြ ဆိပ်မိကြ ဖြစ်ရသကိုး။

ကိုချစ်ဖေလဲ အဲ့ဒီထဲမှာ အလုပ်က အချိန်ပိုင်းလေး တခုနဲ့ မလောက်ငှတော့ အစိုးရဆီကလဲ
တောင်းမစားတတ်တော့ နောက်ထပ်အလုပ်လေးထပ်ရှာ အလုပ်လေး ၂ ခုပေါင်းတော့ အလုပ်
တခု ဖြစ်သွားရတာကို တွေးမိတော့ ငယ်ငယ်တုန်းက စိတ်ကူးယဉ်အချစ်ဝထ္ထုထဲက စွယ်
တော်ရွက်လေးကို သွားသတိရမိတာပါ။ အလုပ်တွေသိပ်များနေလို ပိုက်ဆံတွေ သိပ်ရနေပြီ
လို့တော့ မထင်ပါနဲ့ သူလိုကိုယ်လို အချိန်မှီလေး စားနိုင်အောင် လုံလောက်ရုံပါ။ ဒီကြားထဲမှာ
ကိုယ်ဝါသနာပါတဲ့ ဘလော့လည်တာ စာလိုက်ဖတ်တာ မလုပ်နိုင်တော့ပဲ သတင်းခေါင်းစဉ်
လေး ပြေးကြည့် ပြီး အချိန်လုနား အိပ် စား စားဖို့ သွားဖို့ပြင်နဲ့ တနေ့ပြီးတနေ့ ဖြတ်သန်းနေရ
တာပါ ခုတောင် အိပ်ချိန် မျက်လုံးကြောင်နေတာရယ် နဲ့ ပြောချင်တာလေး စာကောက်ရေးရ
တာပါ။

သနားစရာ မကောင်းလားဗျာ။ မသနားလိုက်ကြပါနဲ့ စစ်မှုထမ်းခွင့်ကနေ အသက် ကကျော်
သွားတော့ ၀မ်းသာလိုက်ကြပါတော့။ မြန်မာနိုင်ငံသားတွေထဲမှာ စစ်မှုထမ်းဖို့ အသက်က
ကျော်သွားတာကို တွေးမိရင်း အသက်ကျော်တဲ့သူတွေလဲ ပျော်နိုင်မယ်တော့မထင်ပါနဲ့ တခု
ခု တော့ လာဦးမှာ။

ကိုချစ်ဖေ တို့ ထောင်ထဲမှာနေရတုန်းက ရဲဘက် ရဲဘက် ရဲဘက်သွားရမယ် လူတိုင်း လူတိုင်း
နိုင်ငံရေးမှု့ကလွဲလို့ ဆိုပြီဆို အကျဉ်းသားတွေ အကုန် မျက်ကလဲဆန်ပြာ ဖြစ်ကြပြီ ရဲဘက်ဆို
တာက မသိတဲ့သူတွေအတွက်က အရေးသိပ်မပါပေမဲ့ သိတဲ့သူအဖို့ကတော့ သေဒါဏ်ကျသ
လို အခန့်မသင့်ရင် တော်တော်များများ က အိမ်ပြန်မရောက်တော့ဘူး ထွက်ပြေးရင် ပစ်သတ်
ပြန်မိရင် ရိုက်သတ် ပစ်သတ် မပြေးပဲနေပြန်တော့ ထမင်းကမ၀ ရာသီဥတုကဆိုးနဲ့ သေ ဆို
တော့ မိသားစုရှိတဲ့သူတွေဆို တွေးကြည့်ပါဗျာ ရှေ့တန်းစစ်မြေပြင်မှာ မိုင်းရှင်းခံရနဲ့။

တချို့ကတော့ပြောမှာ ရာဇ၀တ်သားတွေပဲ သေလဲ နောက်လူတွေ မှတ်သွားတာပေါ့ လို့ ပြော
ကောင်းပြောကြပါမယ် ဒါပေမဲ့လို့ တကယ်လို့ ရာဇ၀တ်သားတွေက တရားသဖြင့် ပြစ်ဒါဏ်ကို ကျခံရတယ်ဆို ခံသာသေးတာပေါ့ဗျာ။ ရပ်ကွက် လူကြီးက ဘီဘီစီနားထောင်တဲ့လူကို ညိုညင်
လို့ ချဲထီပစ်ဖမ်းပြီး ထောင် ၂ နှစ်ကျစေတာတို့ ကြက်တကောင်ခိုးချက်စားမိတာနဲ့ လူကြီးအိမ်
ကကြက်မို့ ထောင်တနှစ်ကျသွားတာတို့ ဆိုရင် အဲ့ဒီလူတွေ ရဲဘက်မှာ သေသွားတယ်ဆို ကိုယ့်မိသားစုထဲကဆိုရင် ဘယ်လို ခံစားရမလဲဗျာ။

တကယ်ပါ ကိုချစ်ဖေလဲ မြန်မာပြည်သားတွေ ဇတ်နာကြောင်း လုပ်ကြံပြောနေတာ မှိုင်းတိုက်
နေတာမျိုး မဟုတ်ရပါဘူး။ အစစအရာရာ အစိုးရမင်းများကို အသိပေးခွင့်ပြုချက်ရယူပြီးမှ လုပ်
ခွင့်ရ နေခွင့်ရတဲ့ အခြေအနေမျိုးမှာ လူကြီးက မကြည်ဖြူရင် “ မင်း စစ်မှုထမ်းခွင့် အဆိုပြုလွှာ
တင်ပြီးပြီလား ရုတ်ရုတ်ရုတ်ရုတ်မလုပ်နဲ့ အန်အယ်လ်ဒီ လိုလို အန်ဂျီအိုလိုလို မလုပ်နဲ့ ရှေ့
ကြည့် သတိအေးစေ သက်သာထဲပါသွားမယ် ခိုင်းတာလုပ် ခံ မပြောနဲ့ ကရင်ပြည်နယ်ကို ပို့
လိုက်မယ်” ဆိုတာမျိုး နဲ့ ချိန်းခြောက် ဗိုလ်ကျတော့မှာပါ။

အဲ့လိုဆိုလဲ တပ်ထဲလိုက်သွားမယ် ဟိုကျမှ သေနတ်ယူပြီးပြေးတာပေါ့ ဆိုတာလဲ တကယ်
တော့ လွယ်ပါ့မလား အရှေ့အနောက် ပထ၀ီမကြေညက်လို့ ပြန်ပြန်အဖမ်းခံရတဲ့ သူတွေ အ
များကြီးပါ။ အဲ့ဒီလို ရှေ့တန်းပို့တယ်ဆိုပြီး တပ်က သေနတ်ယူပြီး ထွက်ပြေးလို့ ပစ်သတ်လိုက်
ရတယ်ဆိုလဲ ရှေ့တန်းတောင် ရောက်မယ်မထင်။ လုပ်မယ်ဆိုရင် လုပ်လို့ ရနေတာကို ပြော
တာပါ လစ်ရင် လစ်သလိုလဲ လုပ်ပါတယ် ရက်စက်သလား ဆိုတာ ကြုံဘူးသူတွေသိပါတယ်။
မေးနေတာကမှ ကြာပါဦးမယ် သူတို့ ဖက်က လုပ်နိုင်ခွင့်တွေနဲ့တော့ ထပ်ချုပ်လိုက်ပါပြီ ကိုယ့်
ဖက်ကလဲ အဲ့ဒီလို အလုပ်ခံရရင် ဘယ်လို ဖေါက်ထွက်မယ် ဆိုတာကို အားလုံးနီးစပ်ရာရာကို
(ကွန်ယက် ခေတ်စားတော့ ကွန်ယက်လိုပေါ့) ပြင်ဆင်ထားကြရင် ကောင်းမယ်ထင်တယ်ဗျ
နော်။ ကိုချစ်ဖေတို့များ ကြောက်တတ်ရန်ကော မိုးဖြင့်မပြိုသေးဘူး ခြေထောက်က တထောင်
ထောင်နဲ့ လို့ ပြောရင်လဲ ခံရတော့မှာပါ။

လူတွေဆိုတာလဲ ကိုယ့်ပြဿနာကို ကိုယ့်နည်း ကိုယ့်ဟန်နဲ့ ကြံဖန်ပြီး ရှင်းတတ်ကြတဲ့သူတွေ
ဆိုတော့ ပြဿနာအသစ်တွေနဲ့ ရင်ဆိုင်ရကိန်း ကြုံရကိန်း ဖြေရှင်းရကိန်းလဲ ဖြစ်လာမယ်ထင်
ပါတယ်။ လူတွေကို ကြက်ကလေး ငှက်ကလေးတွေလိုတော့ လုပ်ချင်တိုင်း လုပ်လို့ အမြဲတမ်း
တော့ ရနိုင်မယ်မထင်ပါဘူး။ လူတွေဖြစ်နေတာကိုး နော။ ရဲဘက် ပို့ပြီး ရိုက်သတ်လိုက်မယ်
လို့ ပြောတာ အုတ်ရိုးလေးဖက်အတွင်းမှာ သာပြောနိုင်တာပါ အပြင်မှာ စစ်ထဲသွင်းပြီး ရှေ့တန်း
ပို့ သတ်လိုက်မယ်ဆိုတာ လွယ်တော့ မလွယ်ပါဘူး။

ချိန်းချောက်လို့ ပိုကောင်းရုံ ညစ်ပတ်လို့ ပိုကောင်းရုံ နဲ့ မသိနားမလည်တဲ့ သူတွေကို စစ်ထဲဆွဲ
သွင်းရင် အဲ့ဒီဥပဒေကြီးနဲ့ အကြောင်းပြ နိုင်ရုံ လုပ်တာဖြစ်ပြီး ထောင်ထဲမှာလို လိုင်းဝင်နိုင်တဲ့
သူတွေ ရဲဘက်မှာ လူတွေကို စည်းရုံးပြီး ထွက်ပြေးနိုင်မဲ့ သူမျိုးတွေကို ရဲဘက်မပို့သလို ရပ်
ကွက်ထဲမှာလဲ လိုတမျိုး မလိုတမျိုး ဥပဒေအလျှော့အတင်းနဲ့ ညစ်ကြဦးမှာပေါ့ဗျာ။ ဒါပေမဲ့ လူ
ကြည့်လုပ်မှာပါ။ ထောင်ထဲမှာလဲ လူကြည့်လုပ်တာပါ။

ဒီတကြိမ် လွှတ်တော်ကတော့ အာဏာ တရားဝင်ဖြစ်အောင်လုပ်လိုက်ပြီး နောက်တကြိမ်
လွှတ်တော်ကတော့ အာဏာ အမြဲတမ်းမြဲအောင်လုပ်တာမျိုး ကော မဖြစ်နိုင်ဘူးလားဗျာ။
တပ်ချုပ်ကြီးက မြောက်ကိုရီးယားကို အားကြနေတာနော။ သူ့မြေးလေးကို စစ်အာဏာအမွေ
ပေးချင်လို့ တပ်ထဲ မ၀င်မနေရ စစ်မှုထမ်းဥပဒေအရ စစ်မှု့ထမ်းခိုင်း နောက် တပ်ကထွက် ကြံ
ဖွတ်မှာ ဥက္ကဌ တင် နိုင်ငံတော်သမ္မတ တင်ရင်ကော မရဘူးလားဗျာ။ တပ်ထဲကနေ့ အမြန်
ရာထူးတိုးနဲ့ တပ်ချုပ်ကြီးအမိန့် နဲ့ ကာကွယ်ရေးဦးစီးချုပ်ကလေးများ ဖြစ်လာလေမလား။

တပ်ချုပ်ကြီးလဲ သူမျိုးဆက်လေးကို သူရှင်သန်အောင်လုပ်ချင်မှာပေါ့ သူဒုက္ခပေးခဲ့တာတွေ
မှန်ကန်ကြောင်း နောက်သူ့မြေးလေးက ဆက်လုပ်သွားပါလိမ့်မယ်ဆိုတာမျိုး ခပ်တည်တည်
နဲ့ လုပ်လာရင် လုပ်လာမှာ။ သူက ဘယ်သူတွေ ဘာဖြစ်ဖြစ် ခပ်တည်တည်ပဲ နဲ့ အတည်ပေါက်
ပဲဗျနော။ ဟော..ခုကြည့် ပြည်သူတရပ်လုံးက တခဲနက် ရွေးကောက်တင်မြှောက်လိုက်တဲ့
လွှတ်တော်အမတ်တွေနဲ့ လွှတ်တော်ခေါ်တော့မယ် တဲ့ဗျားး။ မဲလိမ်တာတွေ မလိမ်ကြောင်း
ရွေးကောက်ပွဲ ကော်မရှင်က ဘက်မလိုက်ကြောင်း သက်သေတွေတောင် ပြနေလိုက်သေး။

ကျနော်တို့ကတော့ကော ရန်ကုန်ပြည်သူ့လွှတ်တော်အဟောင်းကြီးရှေ့က ပြည်သူ့ ရင်ပြင်မှာ ကိုဗဒင်ရဲ့ သီချင်းကိုသာ ပြေးဆိုလိုက်ချင်ပါတော့တယ်..တို့ကတော့ တို့ကတော့..လို့။

ဘုရားစူးပါစေ တကယ့်အဖြစ်လေး

2011-01-10T18:29:00.000-08:00

ကိုချစ်ဖေလဲ ခုရက်ထဲ ဘလော့လဲ မရေးနိုင် ဘလော့လဲ မလည်နိုင် အလုပ်လေးရှိတုန်း ဖိလုပ်
နေတာနဲ့ဗျား ဘလော့ မိတ်ဆွေ ညီအကိုမောင်နှမတွေနဲ့လဲ အဆက်ပြတ်နေပါတယ် တခါတခါ
သတင်းလေးအပြေးဖတ် ဆောင်းပါးတချို့တောင်မဖတ်အားလိုက်တာမျိုး ဆိုတော့ သိပ်တော့
လဲ မကောင်းပါဘူး ဒါပေမဲ့လဲ ကိုယ့်ဝမ်းနာ ကိုယ်သာသိ အလုပ်မရှိ အကိုင်မရှိနဲ့ တနှစ်ကျော်
ကျော်နေလာခဲ့တော့ အလုပ်လေးရတုန်း အပြေးလေးလုပ်နေမိတာပါ။ အဲ့ဒီလိုနဲ့ ဒီနေ့ နေ့သစ်
ဝက်ဆိုက်ကနေ ဆရာမ ခင်ငြိမ်းသစ်ရဲ့ ဆောင်းပါးလေး ဖတ်မိပြီး ကိုယ့် မိဘတွေ အဒေါ်တွေ
ဦးလေးဘကြီးတွေ ဆရာ ဆရာမတွေ ဦးလေး ဘကြီးတွေ အားလုံးကို သတိယတာရော တွေး
ပူမိတာရော အစုံ ခံစားရပါတယ်။ ဘာပဲဖြစ်ဖြစ် ကိုယ့်ဘ၀က လက်လှုပ်ရင် ပါးစပ်လှုပ်ရသေး
တယ် လက်လှုပ်လို့မှ ပါးစပ်မလှုပ်နိုင်သူတွေ ရဲ့ အဖြစ်တွေ ကြားရတိုင်း ငါတတ်နိုင်သလောက်
လုပ်နိုင် လောက်လေးတော့ ပိုလုပ်ရမယ် ဒါမှ ဖြစ်မယ် လို့ပဲ တွေးမိပါတယ် ကိုယ့်နိုင်ငံကို ကိုယ်က လွတ်မြောက်အောင် လွတ်လပ်သွားအောင် အားလုံးအဆင်ပြေ စိတ်ချမ်းသာအောင်
မျိုး ကိုယ်ကလုပ်နိုင်တဲ့ နိုင်ငံရေးသမားမှ မဟုတ်တော့တာကိုးနော.ဒီတော့ ဖတ်ရတဲ့ ဆရာမ
ခင်ငြိမ်းသစ်ရဲ့ ဆောင်းပါးလေးကို ပြန်လည်မျှဝေပေးပါတယ်။ ဖတ်မိပြီး ကိုယ့်မိဘဆွေမျိုးတွေ
ကို တတ်နိုင်သလောက် စောင့်လျှောက်နိုင်ကြပါစေဗျား။

( ခွင့်မတောင်းပဲ ကူးယူဖေါ်ပြမိလို့ ဆရာမခင်ငြိမ်းသစ် နဲ့ နေ့သစ်အဖွဲ့သားများကိုလဲ ကျေးဇူးတင်တောင်းပန်ပါကြောင်း။)

အခုတလော သတင်းတွေမှာ ပင်စင်စားတွေ အသံကို ကြားနေရပါတယ်။ တကယ်ကတော့ ပင်စင်ရငွေကို တိုးပေးသင့် တာ အတော်ကြာနေပါပြီ။ မြန်မာပြည်မှာ ငွေတန်ဖိုး အဆမတန် ဖောင်းပွနေတာက တော်တော် ကြာနေပါပြီ။ ငွေတ ရာ၊ ငွေနှစ်ရာ ဆိုတာက ကလေးမုန့်ဖိုးပဲရှိပါတယ်။

ကျမအဖိုးက သွင်းကုန်ထုတ်ကုန်လုပ်ငန်းက ညွန်မှူးရာထူးနဲ့ ၁၉၈၂ လောက်က ပင်စင်ယူခဲ့ပါတယ်။ အဲဒီ အချိန်က အဖိုးရဲ့ ပင်စင်လစာက ၃၀၀ ကျော်လောက်ရတယ်တဲ့။ အဖွားက ပြည်တွင်းအခွန်ကနေ ပင်စင်ယူလိုက်တော့ ပင်စင် လစာ ၂၀၀ နီးပါးရပါတယ်။ အဖိုးနဲ့ အဖွားက ပင်စင်စားတွေအဖြစ် ဘယ်သားသမီးဆီကမှ လက်ဖြန့်စရာ မလိုဘဲ သူ တို့ဖာသာ နေထိုင်စားသောက်နိုင်ပါတယ်။ အဲဒီခေတ်က နေ့စားတယောက်ကို ၃ ကျပ် ၈၅ ပြား ပေးတဲ့ခေတ်ပါ။ သား သမီးတွေက သိတတ်လို့ ကန်တော့ရင်တော့ ငွေပိုငွေလျံအဖြစ် လှူနိုင်တန်းနိုင်ပါတယ်။

ကျမ ဘကြီး ဘဏ်လုပ်ငန်းကနေ ပင်စင်ယူတော့ ၁၉၉၁ ခုနှစ်မှာပါ။ သူရတဲ့ ပင်စင်လစာ ငွေ ၆၀၀ ရာက သုံးမ လောက်တော့ သူ့ဇနီး စုဆောင်းထားတဲ့ ငွေလေးကို အရင်းအနှီးပြုပြီး အတိုးအများကြီးမယူဘဲ နှစ်ဦး နှစ်ဖက် အလုပ် ဖြစ်ယုံ ဈေးသည်တွေကို ငွေတိုးချရသတဲ့။ အဒီအချိန်က ဆန်တပြည်ကို ၂၅ ကျပ်လောက်ဖြစ်နေပါပြီ။ ထမင်းစားချိန် ဧည့်သည်လာရင် ထမင်းစားခေါ်ဖို့ ဝန်မလေးကြသေးပါဘူး။ ကျမ အဖွား အမြဲပြောပြောနေတတ်တာက ကမ္ဘာမှာ မြန် မာလူမျိုးက ဧည့်ဝတ်ကျေတဲ့ လူမျိုးတွေတဲ့။

ကျမအဖေ ပင်စင်ယူတော့ ၁၉၉၄ ခုနှစ်မှာပါ။ ကျမကျောင်းပြီးတဲ့ နှစ်မှာ အဖေ ပင်စင်ယူလိုက်ပါတယ်။ အဖေ့ ပင်စင် ငွေ ၆၀၀ ကျပ်နဲ့ ဘယ်လိုမှ မရပ်တည်နိုင်တော့ပါဘူး။ ကျမ လည်းကျူရှင်သင်၊ အဖေ လည်းကျူရှင်သင်တော့မှ ကျောင်းနေဆဲ မောင်နဲ့ ညီမ အဆင်ပြေပါတယ်။ လက်ဖက်ရည် တခွက်ကို ၃ ကျပ်လောက် ဖြစ်နေပြီဆိုတော့ လက် ဖက်ရည် အရမ်းကြိုက်တဲ့ ကျမ အမေ လက်ဖက်ရည်လျော့သောက်နေရပါပြီ။

၁၉၉၅ ကနေ ၂၀၀၁ အထိ ကျမက နိုင်ငံရေးအကျဉ်းသား အဖြစ်ထောင်ထဲမှာ ရှိနေစဉ် ၁၉၉၆ မှာ ကျမ အဖေဆုံးပါး သွားပါတယ်။ ဆက်လက်ခံစားပိုင်ခွင့်အဖြစ် ကျမ အမေက လစဉ် ငွေ ၃၀၀ ကျပ် ရရှိပါတယ်။ အမေကံကောင်းတာက ကျမရဲ့မောင်ရော၊ ညီမရော၊ အမကပါ၊ တဦးတည်း ကျန်သောမိခင်ကို စောင့်ရှောက်ကြလေတော့ အမေ မျက်နှာ မ ငယ်ရပေမဲ့၊ အကယ်၍ အဖေ့ ပင်စင်ငွေ ၃၀၀ ကျပ်နဲ့သာ အမေရပ်တည်ရမယ်ဆိုရင် ဘယ်လိုမှ ရပ်တည်နိုင်မှာ မ ဟုတ်ပါဘူး။ ဆန်တပြည်ကို ၅၀ ကျပ်နဲ့ ၆၀ ကျပ် ကြားထဲမှာ ရှိပါတယ်။ ကက အငှားယာဉ်တွေပေါ်ကာစဖြစ်လို့ ခရီး စနဲ့ ခရီးဆုံးကို ငွေ၂၀၀ ကျပ် ကျသင့်တဲ့အချိန်ပါ။

၂၀၀၃ မှာ ကျမ အမေဆုံးတော့ အမေမထုတ်ဖြစ်တဲ့ ပင်စင်လစာ ၆ လစာ ကျန်ခဲ့ပါတယ်။ တကယ်လို့သွားထုတ်မယ် ဆိုရင် ထောက်ခံစာ ယူရမယ်၊ သေစာရင်း အိမ်ထောင်စုစာရင်း ဘာညာလိုအပ်တာတွေနဲ့ မကာမိလို့ ကျမတို့ ညီအမ တွေလဲ ဒီအတိုင်းပဲ ထားလိုက်ပါတယ်။ အဲဒါက ကျမတို့ မိသားစု ရင်ဆိုင်ဘူးတဲ့ ပင်စင်စား ဘဝတွေပါ။ အဲဒီ အချိန် ရောက်တော့ ဆန်တပြည်တောင် ၅၀၀ ကျော်လောက်ရှိပါတယ်။ အမေရတဲ့ ငွေ ၃၀၀ ဟာ ကလေးမုန့်ဖိုးသာသာ ပါ ပဲ။

၂၀၀၈ ခုနှစ် ကျမတို့ မိသားစုလိုက် မြောက်ဒဂုံဘက်ကို ပြောင်းရွေ့ နေထိုင်ခဲ့ ရပါတယ်။ မန္တလေး လမ်းဈေးမှာ ကျမ ကြုံခဲ့ဘူးတဲ့ အကြောင်း ပြောပြချင်မိလို့ပါ။ မန္တလေးလမ်းထိပ်မှာ မနက် ၉ နာရီနဲ့ ၁၀ နာရီ ကြားဆိုရင် အသားခပ်လတ် လတ် အဝတ်အစားနွမ်းပါးပေမဲ့ သန့်သန့်ရှင်းရှင်းနဲ့ အဖွားကြီးတယောက် ဒန်ဖလား ပြောင်ပြောင်လေး ရှေ့ချပြီး ထိုင် နေလေ့ ရှိပါတယ်။ တခြားတောင်းစားသူတွေလို တဂျီဂျီနဲ့ တောင်းတာမျိုးမဟုတ်ဘဲ ငြိမ်ငြိမ်သက်သက် ထိုင်နေတာပါ။ ၁၀ နာရီကျော်လာရင် စစ်ကိုင်းလမ်းမှာရှိတဲ့ ကျမရဲ့ဆိုင်ဘက်ကို အမြဲလမ်းလျောက် လာတတ်ပါတယ်။ တခါကတော့ ကျမဆိုင်ထဲ ဝင်လာပြီး မုန့်ဟင်းခါး ၂၀၀ ဖိုး ရောင်းပါလို့ သူက ပြောပါတယ်။ ကျမဆိုင်က အလုပ်သမားတွေက တပွဲ ၃၀၀ ရောင်းလို့ ၂၀၀ ဖိုးဆိုရင် မရောင်းရဲဘူးလို့ ပြောပါတယ်။ ကျမ ဈေးကပြန်လာတာနဲ့တိုးလို့ ကျမက ရောင်းပေး လိုက်ပါပြောမှ ဆိုင်က ကလေးတွေက ရောင်းပေးလိုက်ပါတယ်။

သူက မုန့်ဟင်းဖတ် မပါလဲရတယ်၊ မုန့်ဟင်းရည် ပိုထဲ့ပါလို့ ပြောပါတယ်။ ကျမက အဲဒီ အဖွားကြီးကို စိတ်ဝင်စား နေ တာ ကြာပြီမို့လို့ အဖွားခဏ ထိုင်ပါလို့ ပြောပြီး မေးလိုက်ပါတယ် “အဖွားက အိမ်မှာ ထမင်းနဲ့စားမလို့လား” ဆိုတော့ အဖွားကြီးက ခေါင်းညိတ် အဖြေပေးပါတယ်။ ကျမကလဲ စိတ်ထဲမှာ အလှူလုပ်ချင်စိတ် ပေါ်လာလို့ ဒီမှာ အဝစားသွား ပါလားလို့ ပြောလိုက်ပါတယ်။ အဖွားက ခေါင်းခါ ငြင်းဆန်ပြီး အိမ်မှာအဖိုးကြီး ဆာနေလိမ့်မယ်တဲ့။ ကျမလဲ ဆိုင်က ကောင်မလေးတွေကို ပိုထည့်ခိုင်းလိုက်ပါတယ်။ အဲဒီ တုန်းက ဆန်တပြည်ကို အညံ့ဆုံး ဆိုရင်တောင် ၉၀၀ လောက် ပေးရပါတယ်။

တရက်မှာတော့ အဖွားကြီးက သူဗိုက်ဆာလွန်းလို့ မုန့်ဟင်းခါး အကြွေးရောင်းဖို့ ပြောပါတယ်။ ကျမလဲ သနားလို့ သူ့ ကို ထည့်ပေးလိုက်ပါတယ်။ ပိုက်ဆံ ပြန်ရဖို့ ကျမ မမျော်လင့်ပါဘူး။ ဒါပေမဲ့ နောက်နေ့မှာ သူက ရာတန်အနွမ်းလေး ၂ ရွက် လာပေးပါတယ်။ ကျမက ပြန်လှူလိုက်လို့ ကျမကို ဆုတွေ တသီချည်းပေးပါတယ်။ လူတော်တော် များများက အ ကြွေးယူသွားရင်တောင်းမှ ပေးပါတယ်။ အဲဒီလို လူမျိုးထဲ အဖွားမပါ ပါဘူး။

သူ့ကို ကျမနေ့တိုင်းတွေ့ပါတယ်။ ကျမဆီမှာ သူဘယ်တော့မှ အလကားမစားပါဘူး။ ၂၀၀ ကျပ်တော့ သူက ပေးပါ တယ်၊ ကျမဆိုင်မှာ ရပ်ကွက်လူကြီးနဲ့ သူ့ကတော်က မကြာခဏ အလကားအားပေးပေမဲ့ အဖွားကတော့ ငွေ ၂၀၀ ကျပ်ကို ပေးသွားတတ်ပါတယ်။

ကျမရဲ့ ဆိုင်နားမှာဘပဲ အသက် ၇၆ နှစ် ရှိနေပြီဖြစ်တဲ့ တပ်မတော်က အနားယူထားတဲ့ အဖိုးကြီးလဲ ရှိပါတယ်။ သူက ပါလီမန်ဒီမိုကရေစီ ခေတ်ကိုလဲ မှီတဲ့လူပါ။ ဗေဒင်ဟောစားပါတယ်။ အဖိုးက သွေးတိုးကြောက်လို့ မုန့်ဟင်းခါးမစားပါ ဘူး၊ သက်ကြီးရွယ်အိုဆိုတော့ ရေနွေးလိုချင်လို့ လာဝယ်တာပါ။ ကျမက ရေနွေး အလကားပေးနေကြပါ။ အဖိုးက ကိုယ်ချင်းစာ စကားပြောရှာပါတယ်။ ညီး လောင်စာဖိုး ကုန်မှာပေါ့တဲ့။ အဖိုးမှာ သားတယောက် ရှိတယ်တဲ့။ သူ့သားက တလကို ငွေ ၂ သောင်း ထောက်ပံတယ်တဲ့။ အဖိုးက သူ့ပိုင်တဲ့အိမ်ကို တခြမ်းခြမ်းပြီး ငှားထားတယ်တဲ့။ အဲဒီကနေ တလကို ငွေ ၂ သောင်းရတယ်။ ဗေဒင်ဟောတာက သိပ်များများစားစား မရပါဘူး။

အဖိုးက နေမကောင်းရင် ဆေးခန်းမပြဘူး။ ကွမ်းယာဆိုင်မှာရောင်းတဲ့ ဆေးတွဲပဲ ဝယ်သောက်တယ်။ ကျမ ကွမ်းယာ ဆိုင်မှာ မုန့်သွားတယ်တုန်း အဖိုးနဲ့တွေ့တော့ ကျမက အဖိုးနေမကောင်းဘူးလား လို့မေးလိုက်တော့ အဖိုးက သွေးတိုး နေလို့တဲ့၊ ကျမက ဆေးခန်းပြပါလားလို့ပြောတော့ အဖိုးက “ဆေးခန်းတခါ သွားရင် ငွေ ၁၅၀၀၊၂၀၀၀ လောက် ကုန် တာ သမီးရဲ့ သွေးတိုးတိုင်း ဆေးခန်းပြေးရရင် အဖိုး ထမင်းတောင် စားရမှာ မဟုတ်ဘူးတဲ့။ ပင်စင်စားတွေရဲ့ ဘဝ ဟာ အတော်ကို အောက်ကျနောက်ကျ နိုင်ကြပါတယ်။ တယောက်ထဲနေတဲ့ အဖိုးက ထမင်းလခ တလကို ၂ သောင်း ၅ ထောင် ပေးနေရပါတယ်။ ချွေတာတဲ့ အနေနဲ့ နေ့တိုင်းလက်ဖက်ရည် မသောက်ဘဲ တထုပ် ၇၅ ကျပ်တန် ကော်ဖီမစ် ကိုပဲ အိမ်မှာ ဝယ်သောက်ပါတယ်။ လက်ဖက်ရည် တခွက်ကို ၂၅၀-၃၀၀ လောက်ပေးရပါတယ်။

ဒီလိုနဲ့ ကျမဟာ အမြဲတန်း ဂရုစိုက်နေမိတဲ့ လူ ၂ ယောက် ရှိလာခဲ့ပါတယ်။ အခုတလော ကျမဆိုင်ရှေ့က အဖွားဖြတ် မသွားတာ သတိပြု နေမိပါတယ်။ ကျမ ရင်ထဲမှာ စိတ်ပူနေမိတာ အမှန်ပါဘဲ။ ဒီလိုနဲ့ အဲဒီရက်တွေ အတွင်းမှာပဲ ကျမ ရဲ့ ကိစ္စတခုရှိလို့ တောင်ဒဂုံဘက်ကို သွားရပါတယ်။ အတော် တိုက်ဆိုင်တယ်လို့ပြော ရမှာပါ။ ကျမသွားတဲ့ လမ်းထဲ က တဲအိမ်တလုံးရဲ့ အိမ်ရှေ့ မျက်နှာစာမှာ ထိုင်နေတဲ့ အဖွားကိုတွေ့ပါတယ်။ ကျမ ထိတ်ကနဲ ဝမ်းသာသွားပါတယ်။ ဒါကြောင့် အဲဒီ ရပ်ကွက်ထဲက အမကို မေးလိုက်မိပါတယ်။

အမက ညီမ… ဖွားမိနဲ့ သိလားတဲ့၊ ကျမက သိတယ်လို့ ပြောတော့ အမက “ဖွားမိက သနားဖို့ကောင်းတယ်တဲ့၊ သူ့ ယောက်ကျားက တောကျောင်းဆရာ၊ သူတို့ခေတ်က ၇ တန်းအောင်ရင် တောပိုင်းမှာ မူလတန်းဆရာလုပ်လို့ ရတယ်လေ။ ပင်စင်စားကြီးပေါ့၊ သားထောက်သမီးခံလဲမရှိဘူး၊ ဖွားမိက ပညာမတတ် ရှာဘူး။ သူ့ခင်ပွန်းကိုပဲ မှီခိုနေရတာ။ အဖိုးကြီး အိပ်ရာထဲ လဲနေတာ၂ နှစ် နီးပါးကြာနေပြီ။ ပင်စင်လခတွေက မလောက်မငှဆိုတော့ နေကောင်းနေတုန်း ကဆိုရင် အဖိုးဂျာနယ်လေးဘာလေး ရောင်းတယ်လေ။ အခုတော့ ဖွားမိဘဲ လုပ်ကိုင်ကျွေးမွေး နေရတာတဲ့၊ အသက် ကြီးမှ ပင်ပင်ပန်းပန်း လုပ်နေရတယ်တဲ့။ အဲဒီ အမက ဖွားမိလုပ်တဲ့ အလုပ်ကို သေချာသိပုံမရလို့ ကျမလဲ ပြောမပြခဲ့ ပါဘူး။

ကျမ ပြန်ခါနီးတော့ ဖွားမိအိမ်ကို ဝင်လိုက်ပါတယ်။ အိမ်လေးက ယိုင်ယိုင်နဲ့နဲ့လေးပါ။ အိမ်မိုးထားတဲ့ ဓနိတွေလဲ ပေါက် ပြဲ နေပါတယ်။ ထရံတွေလဲ ဆွေးမြေ့ နေပါတယ်။ အိမ်မှ တကဲ့ကို အိမ်ဖြစ်တယ်ဆိုရုံလေးပါပဲ။ အဖွား ဘာဖြစ်လို့ ဆိုင်ဘက် မလာတာလဲလို့ ကျမက မေးတော့ အဖွားက “နေမကောင်းဘူး သမီးရယ်တဲ့၊ ကျမ အိမ်ထဲကို လှမ်းကြည့် လိုက်တော့ အိမ်ထဲက အိပ်ယာလေးပေါ်မှာ ပိန်ပိန်လှီလှီ အဖိုးတယောက် အိပ်နေပါတယ်။ ကျမ အိမ်ထဲကို လှမ်း ကြည့်တာကို အဖွားက သိသွားတော့ “အဲဒါ အိမ်သားလေ၊ သူနေမကောင်းတာ ကြာပြီ၊ အရင်ကတော့ ဆေးခန်းမှန် မှန်သွားနိုင်တယ် အခုတော့ ဆရာဝန် မပြနိုင်တာတောင် ကြာသွားပြီ” တဲ့ ။ ကျမက ဘာရောဂါလဲမေးတော့ ကျောင်း ဆရာ ဘဝတုန်းက ရှူခဲ့ရတဲ့ မြေဖြူမှုန့်တွေကြောင့်ရော၊ ဂျာနယ်ရောင်းတုန်းက မနက်စောစောထ ဂျာနယ်တိုက်မှာ ဂျာနယ်သွားယူရတော့ ပင်ပန်းတာတွေရော ပေါင်းသွားတာပေါ့လေ။ သွေးတိုး၊နုလုံး၊ ရင်ကျပ်၊ အို…အစုံဘဲ။ ပိုက်ဆံ ချမ်းသာရင်တော့ သက်သက်သာသာ နေနိုင်မှာပေါ့။ အင်း အခုတော့ သူလဲ ခံစားရတာမသက်သာ၊ အဖွားလဲ သူ့ကို မြင်ရတာ မသက်သာဘူး သမီးရယ်တဲ့။

ကျမ လည်း တတ်နိုင်သလောက် ငွေလေးကို အဖွားလက်ထဲ ထည့်ပေးတော့ အဖွားမျက်လုံးမှာ မျက်ရည်တွေ ဝဲနေပါ တယ်။ ကျမလဲ ချမ်းသာတာ မဟုတ်လေတော့ အများကြီး မပေးနိုင်ပေမဲ့ ကျမ မိဘတွေသာဆိုရင် ဆိုတဲ့ အတွေး ကြောင့် ကျမ ပေးခဲ့မိပါတယ်။ ဒီငွေဟာ သူ့တို့အတွက် တညနေစာ အဟာရကိုသုံးဆောင်နိုင်မယ်လို့ ကျမ ထင်မိပါ တယ်။ ဒါဆို ကျမ အိုမင်းလို့ မစွမ်းနိုင်သူတွေကို လှူရကျိုးနပ်ပါတယ်။ လက်ဖက်ရည်ဖိုးကိုတော့ လျော့ရမှာပေ့ါ။ ကျမ လဖက်ရည် မသောက်ရတာက ပြဿနာတခု မဟုတ်ဘူးလေ။

အခုတော့ ကျမရဲ့ အဖိုးနဲ့ အဖွားလဲ ပင်စင်လခနဲ့ အသက်ရှင်ဖို့ မဖြစ်နိုင်တဲ့ အခါမှာ သားသမီး မြေးမြစ်တွေကို မှီခို နေ ရပါတယ်။ တခါတလေတော့ သားသမီး မြေးမြစ်တွေနဲ့ တစုံတရာ သဘောထားကွဲလွဲခဲ့ရင် ကိုယ့်အခန်းထဲမှာ ကိုယ့်ဖာ သာပဲ ဝမ်းနည်းနေကြရတဲ့ အိုမင်းမစွမ်းတွေ ဖြစ်နေပါပြီ။ ငယ်ဘဝ အတွေ့အကြုံတွေကို စားမြုံပြန်ရင်း ရသေ့ စိတ်ဖြေ နေကြရတဲ့ ဘဝတွေပါ။

ကျမရဲ့ ဘကြီးတွေ ကြီးဒေါ်တွေလည်း ကိုယ်ဖာသာကိုယ် မရပ်တည်နိုင်ကြတော့ သားသမီး မြေးမြစ်တွေကိုပဲ အား ကိုး နေကြပါတယ်။ ကျမရဲ့ ကြီးဒေါ်ကပြောပါတယ် “ အသက်ရှည်တယ်ဆိုတာ လူတွေ လိုချင် တမ်းတ တဲ့ အရာဖြစ် ပေမဲ့ မြန်မာပြည်က အသက်ကြီးရွယ်အိုတွေ ဆိုတာက ဝဋ်ဒုက္ခကြီးတဲ့ လူတွေပဲ ဖြစ်ရမယ်တဲ့လေ။ ကိုယ်တိုင်လဲ မ ချမ်းသာ၊ သားသမီးမြေးမြစ်တွေကိုလည်း ဝန်ထုပ်ဝန်ပိုး ဖြစ်စေပါတယ်။

ကြီးဒေါ်ရဲ့ အယူအဆ အတိုင်းဆိုရင်တော့ အသက် ၅၈ နှစ်နဲ့ လူ့လောက ကိုကျောခိုင်းခဲ့တဲ့ ကျမရဲ့ အဖေနဲ့အမေ က ဝဋ်ဒုက္ခနည်းသူတွေများလား ဆိုတဲ့အတွေးနဲ့ ကျမရင်ထဲမှာ မတင်မကျ ခံစားရပါတယ်။

ခင်ငြိမ်းသစ်
Tags: burma, ခင်ငြိမ်းသစ်

နှုတ်ဆက်ဝမ်းမြောက်ကြောင်း ပိုစ့်ကဒ်တွေ ပို့ကြမယ်

2010-11-14T08:14:00.001-08:00

ဒေါ်စုကို ကြိုဆိုကြ - ပိုစ်စကပ်တွေ ပို့ ကြမယ်။
မိတ်ဆွေများခင်ဗျာ

အမေရိကန်နိုင်ငံ ၁၄ မြို့နယ်က မြန်မာကွန်မြူနီတီတွေအနေနဲ့ ဒေါ်စု လွတ်မြောက်တဲ့ အပေါ် ကြိုဆိုတာနဲ့ အတူ ဒေါ်အောင်ဆန်းစုကြည်ရဲ့နောက်မှာ ကျနော်တို့ အဝေးရောက် တိုင်းရင်းသားပြည်သူအားလုံး အတူတကွရှိနေတယ် ဆိုတာ ပြသရန်အတွက် ပို့စကဒ်တွေ ပေးပို့တဲ့ လှုပ်ရှားမှုလေးတခုလုပ်ရန် တိုက်တွန်းလိုက်ပါတယ်။ ကိုယ်နှစ်သက်ရာ ပို့စကဒ်ပေါ်မှာ တဦးချင်းစီရဲ့ ခံစားမှုပဲဖြစ်ဖြစ် အကြံပေးမှုပဲ ဖြစ်ဖြစ် အတိုချုပ်ရေးသားပြီးတော့

ဒေါ်အောင်ဆန်းစုကြည်
၅၄ တက္ကသိုလ်ရိပ်သာလမ်း
ရန်ကုန်မြို့
မြန်မာပြည်

သို့ ပို့ပေးကြပါမည်။
အမေရိကန်မှာရှိသူများကတော့ ဒေါ်အောင်ဆန်းစုကြည် မြန်မာပြည်လိပ်စာအပြင် အမေရိကန်သံရုံးကို local postage ဖြင့် ဒီအောက်ပါလိပ်စာကိုပါ ပို့ကြပါမည်။
ဒေါ်အောင်ဆန်းစုကြည်
c/o
Box B, APO AP 96546

သို့ဖြစ်ပါသဖြင့် မိမိတို့ရဲ့ Blog, Facebook, Twitter Account များမှတဆင့် တကမ္ဘာလုံးသို့ တပြိုင်နက် သတင်းပါးပေးပါရန် လေးစားစွာဖြင့်တိုက်တွန်းအပ်ပါသည်။ ကျနော်တို့အားလုံးရဲ့ အမျိုးသားခေါင်းဆောင် ဒေါ်အောင်ဆန်းစုကြည်အပေါ် ချစ်ခင်မြတ်နိူးမှု့ကို ပြသကြရအောင်လားခင်ဗျာ။

နေလင်း (ဝါရှင်တန်မက်ထရိုကွန်မြူနတီ)

ကိုချစ်ဖေ ခုပဲ ပို့ကဒ် ၂ ခု ပို့လိုက်ပြီ.ဗျို့ ၀မ်းသာနေရတာပဲဗျာ.ဒေါ်စုလွတ်မြောက်ခြင်းသည် ကျနော်တို့မြန်မာပြည်သူတွေ လွတ်မြောက်မှု့ရဲ့ ရှေ့ပြေး ဖြစ်လာဖို့ ဒေါ်စုနဲ့အတူ ရပ်တည်သွားကြပါစို့

ပြောပါရစေ..
ဒေါ်စုလွတ်လာပြီဆိုတော့ တကယ်ပဲ ၀မ်းသာရပါတယ်ဗျာ အစထဲက မဖမ်းသင့်တဲ့သူကို ဖမ်း
ထားရာကနေ ဘာကြောင့်ညာကြောင့် ဘယ်လိုပဲပြောပြော ပြန်လွှတ်ပေးတယ်ဆိုလဲ ၀မ်းသာ
ရပါတယ်။

ဘယ့်နယ်ဗျာ အသက် ၆၀ ကျော် ၇၀ နားနီး မုဆိုးမကြီးကို အပြစ်မရှိအပြစ်ရှာဖမ်းထား ပြီးမှ သနားသဖြင့် လွှတ်ပေးပါတယ်ဆိုတာမျိုး ဒီပဲယင်းတုန်းကလဲ ကံကောင်းလို့ မသေတာ အသေ
သတ်တာပဲ ခုလဲ ကိုရွှေတို့ ဘာတွေကြိတ်ကြံနေလဲ မသိ။

အဖမ်းခံထားရချိန်မှာလဲ မောင်နှမလေး ၂ ယောက်ရှိတာ သင့်သင့်မြတ်မြတ်ဖြစ်အောင် ရယ်
ဖြန်ဖြေပေးမယ်မရှိဘူး အဖမ်းခံထားရတဲ့ နေရာလေး ကို အကိုဖြစ်သူက ၀င်လုအောင် မြှောက်
ပေး အကိုကလဲ တရားဝင်စွဲသေးတယ် လုပ်ပုံက။ ဒီနေရာလေးမှာ နေနေရတာ ဒီနေရာလေး
မရှိလို့ အင်းစိန်ထောင်ထဲ ထည့်ထားရပါတယ် ဆိုတာမျိုး ပြောစရာဖြစ်နေဦးမယ်။ ခက်ပါ့ ကိုအောင်ဆန်းဦးရာ ကိုယ့်နှမလေး လူချစ်လူခင်များတာ တကမ္ဘာလုံးက လေးစားဂုဏ်ပြုတာ မနာလိုဖြစ်စရာမှတ်လို့ဗျာ။ ကိုယ်ကိုတိုင် အဲ့ဒီလိုနေရာနဲ့ ထိုက်တန်တဲ့ စိတ်ဓါတ် အဆင့်အ
တန်းမရှိလို့ မဖြစ်ရတာပဲ။

ကိုယ်နဲ့ တန်တဲ့ အဆင့်အတန်း ကိုယ့်စိတ်နဲ့ တန်တဲ့ အဆင့်အတန်းကို ကိုယ်ရတာပဲ ဆိုတာ
ကျနော်တော့ ပိုယုံကြည်လာတယ်။ တကယ်လို့များ ခုချိန်မှာ ကိုရွှေ (ဗိုလ်ချုပ်ဒူးကြီးကိုပြော
တာနော) တို့က လွတ်လပ်ပြီးတရားမျှတတဲ့ ရွေးကောက်ပွဲကြီးအောင်မြင်တဲ့ အထိမ်းအမှတ်
အနေနဲ့ ဗိုလ်ချုပ်ကြီးဟောင်း ခင်ညွန့်ကို နေအိမ်အကျယ်ချုပ်မှ ပြစ်ဒါဏ်များအားလုံးမှ ပလ
လိုက်သည်။ ဆိုရင် ကိုခင်ညွန့် အိမ်ရှေ့ကို ယခင်ထောက်လှန်းရေးဟောင်းတွေ သတင်းပေး
ဟောင်းတွေ ရွေးကောက်ပွဲ အနိုင်ရ ကြံဖွတ်တွေက ခု ဒေါ်စုလွတ်လာတာကို ပြည်သူလူထု
ကြီးနဲ့ အန်အယ်ဒီ အဖွဲ့ဝင်တွေက ၀မ်းမြောက်ဝမ်းသာကြိုဆိုတာမျိုး အားကြမခံ ကြိုကြမှာ
လားမသိ။

တကယ်လို့ ကြိုစေချင်တယ်ဆိုရင်လဲ တယောက်ကို နေစား ၂ ထောင် ၃ ထောင်ပေးပြီး ခေါ်
ပြီးရင် ကိုခင်ညွန်ကျမ်းမာပါစေ ကိုခင်ညွန့်ကျမ်းမာပါစေလို့ အော်ခိုင်းရင်တော့ ရမယ်ဗျ။ သေ
နတ်နဲ့ လုပ်ယူလို့ မရတဲ့ ချစ်ခြင်းမေတ္တာပါ။ လူငါးယောက်ထက် ပိုစုလို့မရတဲ့ စုရင် မှီရာပုဒ်မနဲ့
ဖမ်းလို့ ဆီးလို့ ရတဲ့ နိုင်ငံမျိုးမှာ ခုလို လူတွေ ထောင်နဲ့ချီစုဝေးခဲ့တဲ့ ပြည်သူတွေနေတဲ့ တိုင်း
ပြည်ကိုမှ အာဇာနည်တွေ နေတဲ့တိုင်းပြည်လို့ မချီမွမ်းရင် ဘယ်သူ့ကို့ ချီးမွမ်းရမှာလဲဗျာ။(ဟဲ.
တခါတလေတော့ အာဇာနည်တွေလဲ ပြေးရတာလဲ ရှိတာပေါ့ဗျာ ကိုချစ်ဖေဆို ဖုန်မှုန့်လုံးလေး
ပဲ မြင်ရတော့တယ် ပြေးတာ)။

ကိုရွှေတို့ ဖက်ကလဲ ပြန်ပြောရင်တော့ ရသပေါ့ အော်..ဒင်းတို့ လူတွေ မချစ်တော့လဲ ဘာဖြစ်
လဲ ငါမှာ ငါဖြစ်ချင်ရာ ခိုင်းလို့ရတဲ့ သေနတ်သမားတွေရှိနေတာပဲ။ တနိုင်ငံလုံး ငါလိုချင်ရင် အ
ကုန်ရနေတာပဲ ဦးပိုင်တွေ ဘာတွေ အားလုံး စာရင်းမရှိအင်းမရှိ နီးစပ်ရာ တပည့်သားမြေးတွေ
ရဲ့ ကုမ္မဏီတွေ သုံးမကုန် ဖြုံးမကုန် လို့ ပြန်တွေးရင်လဲ တွေးမှာပေါ့။ ဒါပေမဲ့ တယောက်
ယောက် ကများ “ ဗိုလ်ချုပ်မှုးကြီးသန်းရွှေခင်ဗျား ခင်ဗျားမှာ ခုလို ပြည်သူလူထုကြီးက တအိမ်
တယောက်မလာမနေရလို့ မခေါ်ရပဲ ဗိုလ်ချုပ်မှုးကြီးကို လှိုက်လှဲဝမ်းသာစွာ ဗိုလ်ချုပ်မှုးကြီး ကျမ်းမာပါစေ ၀မ်စွေ့ ၀မ်စွေ့ လို့ အော်တာကို ပီတိဖြစ်စွာနဲ့ ၀မ်းမြောက်ဝမ်းသာ ခံစားဖူးပါသ
လားခင်ဗျား”လို့ မေးလာရင် ဗိုလ်ချုပ်မှုးကြီးက တော့ ဘယ်လိုပြန်ဖြေမလဲ မသိပါ။ ဖြေတော့ ဖြေမှာ..ဟဲ။(====+++=----[[--..)

ပုံရိပ်ဟောင်းများ

2010-11-06T13:02:00.001-07:00

ပုံရိပ်ဟောင်းများ

ပုံရိပ်ဟောင်းများဆိုလို ကျနော်မှာလဲ ပုံရိပ်ဟောင်းက သိပ်မရှိလှပါဘူး ကိုယ်က အမြဲ ဓါတ်ပုံ
ရိုက်ပေးရတဲ့သူဆိုတော့ ကျန်ကျန်နေခဲ့တာများပါတယ် ရှိတဲ့ ပုံရိပ်ဟောင်းလေးတွေထဲက တင်ထားပါတယ်။ ပုံရိပ်သစ်ကို တင်ပြန်ရင်လဲ လူတွေ လေးစားသဘောကျ ကုန်မှာစိုးလို့.
(ဟဲ.ကိုယ့်ဘာသာထင်တာပါ) တော်ကြာ တကယ်ရင်းရင်းနှီးနှီး ခင်မင်ချင်သူတွေပါ ရှိန်ကုန်
မှာစိုးလို့ (တကယ်တော့ လန့်မှာစိုးလို့) မတင်တော့ပါဘူး ရှိတဲ့ ပုံရိပ်ဟောင်းတွေက တော်
သေးတယ်လေ ပုံရိပ်သစ်ကတော့ စိတ်နဲ့သာ မှန်းကြည့်ကြပါတော့ အသားက အညိုနုနု နဖူးက ပြောင်နေတဲ့အပြင် ဆံပင်အနုလေးတွေပဲ ပေါက်တော့တဲ့ပေါင် ၁၇၀ ခန့် အရပ် ၅ ပေခွဲ
အသက်ငါးဆယ်နား နီးနီး လူကြီးတယောက်ရဲ့ ပုံကို တွေးကြည့်ကြပါ (သိတဲ့သူတွေကလဲ တိတ်တိတ်နေပေးပါ..ဟဲ)။ပုံရိပ်ဟောင်းတွေထဲက သူငယ်ချင်းတွေထဲမှာ ကိုချစ်ဖေပါ ပါတယ်။

အဲ့ဒီပုံတွေက လွန်ခဲ့တဲ့ ၂၃ နှစ်လောက်က ရန်ကုန်တက္ကသိုလ် သထုံဆောင် ညစာစားပွဲမှာ ဓါတ်ပုံဆရာက ရိုက်ပေးလို့ အဆောင်မှာ ကူးပြီးပြန်လာပေးလို့ အမှတ်တရ အဖြစ်ကျန်နေခဲ့
တာပါ။ ဆယ်တန်းကို ကြိုးစားပမ်းစား ၅ နှစ်လောက်ဖြေပြီးမှအောင် ပြီးတော့ တက်လို့ရတဲ့ပါဠိ
ဘာသာလေး တက်နေတုန်းကပုံပါ။ အဲ့ဒီတုန်းကတော့ ကိုချစ်ဖေက ဘွဲ့ရရင် ဘုန်းကြီးဝတ်မ
လားလို့ပါ။ ၈၈ အရေးတော်ပုံကြီးက ပေါ်လာတော့ ဒုတိယနှစ်နဲ့ မျှောပါသွားလိုက်တာအိမ်ကို
၁၉၉၄ ဖေါ်ဖေါ်ဝါရီမှပဲ ပြန်ရောက်တော့တယ်ဗျာ။

ဆယ်တန်းမှာလဲကြာ ကိုချစ်ဖေကို ဖမ်းတုန်းက မိတဲ့စာအုပ်တွေကလဲ အရောင်က ရဲရဲဆို
တော့ ထောက်လှန်းရေးက ထုလိုက်တာဗျာ အစီအစဉ်ရှိရှိ တောထဲက ညွှန်ကြားမှုနဲ့ ဆယ်
တန်းပြန်ဖြေ ရန်ကုန်တက္ကသိုလ်မှာ မှီရာ မေဂျာနဲ့ ဆူပူမှုဖြစ်အောင်လုပ်ဖို့ မြှုတ်နှံထားတယ်
ဆိုပဲ။ ကိုချစ်ဖေ ကိုယ့်ကို ကိုယ်တောင်မသိပါဘူး သူတို့ပြောမှပဲ အမှုက ကြီးနေတယ် အဲ့ဒီလို
သာမြှုတ်နှံကြေးဆို တက္ကသိုလ်မှာ မြှုတ်နှံမလား သူတို့ တပ်မတော်ကြီးထဲပဲ ၀င်မြှုတ်နေလိုက်
မှာပေါ့.။ သူလျှိုတယောက်ကောင်းရင် ရန်သူ့ တပ်မကြီးတွေကိုတောင် ကြောက်စရာမလိုဘူး
ဘာညာ ဖတ်ဘူးပါရဲ့ အစီအစဉ်ရှိရှိ တော့မဟုတ်ပါဘူး တကယ်တော့ အရေးတော်ပုံကြီးနဲ့
တည့်တည့်သွားတိုးတာပါ။ ပျော်စရာပါ။

တိုးတော့လဲ လုပ်စရာရှိတာလုပ်တာပေါ့ဗျာ ဖမ်းစရာရှိတာတော့လဲ သူတို့က ဖမ်းတာပဲပေါ့ ခု
ပြန်တွေးကြည့်တော့ ကိုယ့်ကို ဖမ်းနှိပ်စက်တဲ့သူတွေလဲ နှစ်ရှည်ထောင်ဒါဏ်တွေ ကျရှာတာပါ
ပဲ စစ်အာဏာရှင်စနစ်အောက်မှာ လူတိုင်း လုံခြုံကြတာမှ မဟုတ်တာပဲ နော။

ဗမာပြည်မှာ နိုင်ငံရေးလုပ်မယ်ဆိုရင် ဓါးပီး ဒုတ်ပီး သေနတ်ပီးဆေး ထိုးထားပြီးမှဝင်လုပ်ရမ
လိုပါပဲဗျာ ထုလိုက်ရိုက်လိုက်ကြတာ နောက်တော့ အဲ့ဒီစစ်ကြောရေးထဲမှာပဲ အရင်တုန်းက
အတူတူလို့ ထင်ထားတဲ့ ညှင်းပမ်း တာနဲ့ နှိပ်စက်တာ ညှင်းပမ်းနှိပ်စက် တာဆိုတဲ့ ဝေါဟာရ
နှစ်ခုဟာ တူသလိုလိုနဲ့ မတူပါလား ညှင်းပမ်းတာက ဘယ်လို နှိပ်စက်တာက ဘယ်ပုံဆိုတာ
ကွဲကွဲပြားပြား သိသွားပါတယ်။ ကဲ မြန်မာထောက်လှန်းရေးတွေ ဘယ်လောက်တော်လဲ။

ဒီတုန်းကလဲ ဒို့ခေတ်ကြမှ ညံ့ကြတော့မှာလား ဆိုပြီး သမိုင်းကပေးတဲ့ တာဝန်ကို လူငယ်တ
ယောက်အနေနဲ့ တိုင်းပြည်နဲ့ ပြည်သူ့အတွက် ကိုယ်ကျိုးစွန့်ပြီး ကျရာနေရာက ၀င်လုပ်လိုက်
တာမျိုးပါ။ ဒိုဗမာအစည်းအရုံးကြီးရဲ့ ကြွေးကြော်သံဖြစ်တဲ့ “နောင်လာနောက်သားများကောင်းး
စားဖို့ရာ ဒို့ကိုယ်ကျိုးလုံးလုံးမပါ” ဆိုတဲ့ ဆောင်ပုဒ်ကိုလဲ သိပ်သဘောကျနေချိန်ပေါ့ဗျာ။ တ
ကယ်တော့ ကိုချစ်ဖေလဲ ဘာမှတော့လဲ ဟုတ်တိပတ်တိ လုပ်နိုင်တာမျိုးလဲ မဟုတ်ခဲ့ပါဘူး။
စိတ်ဓါတ်ရယ်တော့လဲ လူငယ်ပီပီရှိခဲ့ တက်ကြွခဲ့တာပါ။

အဲ့ဒီတုန်းက နောက်နှစ်ခါ ရန်ကုန်တက္ကသိုလ်(ပင်မ)ထဲကိုရောက်ရင် ရည်းစားထားမယ် အဲ့ဒီ
အတွက်ခု ထဲက R.C 2 မှာ ရှာထားကြမယ် ဘာညာလုပ်ခဲ့ကြ တဲ့ သူငယ်ချင်းတွေလဲ နောက်
ပြန် သတင်းရတော့ တောထဲမှာ ကျတဲ့သူက ကျ ကျောင်းကို ပြန်မရောက်တဲ့သူက မရောက်
ကိုယ့်မြို့လေးမှာပဲ အိမ်ထောင်ကျသွားတဲ့သူက ကျနဲ့ အကုန်တကွဲတပြားကို ဖြစ်သွားကြတာ
ပါပဲ။ ခုချိန်ထိပါပဲ ဓါတ်ပုံထဲက သူငယ်ချင်း ၂ ဦးကလွဲလို့ ကျန်တဲ့သူငယ်ချင်းတွေနဲ့တော့ မဆုံတော့ပါဘူး ကိုချစ်ဖေ ကျောင်းထဲကိုပြန်ရောက်တိုင်း တွေ့လိုတွေ့ငြားတော့ ကြည့်ရတာ
ပေါ့။ ကင်န်းတင်းကလူတွေလဲ အကုန်လုံးကိုတော့ ဘယ်မှတ်မိပါ့မလဲ လိပ်စာစာအုပ်လေးကိုလဲ ဆရာ ထောက်လှန်းရေးတွေက မ သွားတော့ ပြန်မရတော့ပါဘူး။
ခုလို နှစ်ပေါင်း ၂၅ နှစ် နီးပါး ၃၀ နှစ်နီးပါးအချိန်မှာတော့ ပြန်တွေ့လိုပါသေးတယ်။

ငယ်ရုပ်တွေကိုတော့ ဖမ်းမိကြမှာပါ နှလုံးသားထဲမှာ စွဲစွဲမြဲမြဲနဲ့ ခင်မင်ခဲ့ကြတာပဲလေ။ သားတွေသမီးတွေ မြေးတွေတောင်ရတဲ့သူ ရကုန်ကြလောက်ပြီ။ မကေ တက်၈် တာရယ် ကျနော်ကလဲ ရေးချင်နေတာရယ်နဲ့ ရေးလိုက်ပါပြီ မကေ။

တယ်လီဖုန်း

2010-11-04T10:50:00.001-07:00

တယ်လီဖုန်း

ကိုချစ်ဖေ ထိုင်းကိုရောက်တော့ တောသားမြို့ရောက် ဒူးယားသောက်ပေါ့ ဟိုဖက်ကမ်းလေးကူး
လိုက်တာနဲ့ အဝေးပြေးလမ်းမကြီးက ဖြူးလို့ ကိုယ့်မြ၀တီနဲ့တော့ကွာပါ့ ပြောပြန်ရင်လဲ မျိူးချစ်
စိတ်မရှိရာကြဦးမယ် ဘာပဲဖြစ်ဖြစ် အမှန်ကတော့ အမှန်ပဲလေ။

သာမာန် အ၀တ်အစား နွမ်းနွမ်းနဲ့ ကိုယ့်မြန်မာတွေလဲ ဟန်းဖုန်းလေးနဲ့ “ အော.သမီးရေ.အမေ
ပြန်လာပြီ တံတားထိပ်ရောက်ပြီ မီးမွှေးထားနော် ကြက်သွန်နွာထားနော်” တဲ့ အားကြစရာ။ ကိုယ့် ဒေသ ရွှေမြို့တော်ကလို လက်ကိုင်ဖုန်းတလုံး ကိုင်ရရင်ပဲ လူကိုဝင်တိုက်သွားတော့မလို
မျိူးမဟုတ် သာမာန် လက်လုပ်လက်စားလဲ အသုံးဝင်တဲ့ ဖုန်းကို အခနည်းနည်းနဲ့ ကိုင်နိုင်ကြ
တော့ ၀မ်းသာစရာ။

အဲ့ဒီနယ်စပ် တောမြို့လေးမှာ လက်ကိုင်ဖုန်းတလုံးရဲ့ အဓိပ္ပါယ်က အသုံးဝင်မှု ပြည့်ပြည့်၀၀ ကဲ
ဘယ်လောက်အားကြစရာကောင်းလဲဗျာ အဖိုးနည်းနည်းနဲ့ သုံးနိုင်ကြတယ်လေ။ အ၀င် ဆို ရင်
ကြိုက်သလောက် လက်ခံပြော မပေးရ။ အထွက်ကိုပဲ ပေးရတာ ပေးရတော့လဲ အများကြီး မ
ဟုတ်ပါဘူး။ ကိုယ်မှာ မီးနစ် ပိုက်ဆံမရှိရင် ဖုန်းလှမ်းခေါ်လိုက် ဖုန်းတောက်လိုက် တဖက်က သူငယ်ချင်းက ပြန်ခေါ်ပါလိမ့်မယ်။ ဟန်ကိုကျလို့။

ကိုချစ်ဖေလဲ ဘယ်နေမလဲ မော်ဒန်ကျနေတဲ့ ဖုန်းအဟောင်းတလုံးကို ဘတ်၁၅၀ နဲ့ ၀ယ်ကိုင်
လိုက်တယ်။ စင်းကဒ်ကတော့ ၅၅ ဘတ်လားမသိ စုစုပေါင်း မြန်မာငွေကျပ် ၇၀၀၀ လောက်ဆို
အဲ့ဒီတုန်းက ဖုန်းရပြီ။ ဖုန်းရပေမဲ့ ကိုချစ်ဖေ က အောက်ခြေ ရဲဘော်ဆိုတော့ကာ အရေးတကြီး
ဆက်စရာ မရှိသလို ပိုက်ဆံလဲ သိပ်မဖြည့်နိုင်ပါဘူး။

ဖြည့်နိုင်နိုင် မဖြည့်နိုင်နိုင် ကိုချစ်ဖေ အသိတွေကိုလဲ ကျနော်ဖုန်းနံပါတ်က …………ဒီ ပါ…..
နောက် ကိစ္စရှိရင် ခေါ်ပါ လို့တော့ ပြောလို့ရပြီပေါ့ တကယ်လဲ ခေါ်မဲ့သူလဲ မရှိလှပါဘူး..သူတို့
ခေါ်ပြန်ရင်လဲ ရှိစုမဲ့စု ပိုက်ဆံလေးထွက်သွား ပြန်ရော။ ဒါပေမဲ့လဲ အလုပ်တော့ဖြစ်ပါတယ် အ
ရေးအကြောင်း ရဲဖမ်းရင် ကိုယ့်မိခင် အဖွဲ့အစည်းကို လှမ်း အကြောင်းတော့ ကြားနိုင်တာပေါ့။
နို့မို့ ဘယ်ရောက်လို့ ဘယ်ပေါက်မှန်း မသိဖြစ်နေဦးမှာ။

ကျောင်းဆင်းကျောင်းတက်တွေဆိုလဲ ထိုင်းကလေးတွေက ဆိုင်ကယ်နဲ့ လက်ကိုင်ဖုန်းနဲ့ ယူနီ
ဖေါင်းအဖြူရောင် သစ်သစ်လွင်လွင် ဘောင်းဘီ စကတ် နက်ပြာရောင်နဲ့ အလယ်တန်းကျောင်း
က ကလေးတွေဆိုရင်တောင် အတော်ကိုယ်ခန္ဓာကြီးထွားနေကြပီ။ သူတို့ အဖြူရောင်အကျီက
အသစ်မဟုတ်ရင်တောင် အရောင်က မလွင့်ဘူး အဲ့ဒီလို ကျောင်းယူနီဖောင်း ၀တ်စုံ ဘယ်
လောက်များများ ရှိထားလဲ မသိ။ ကိုချစ်ဖေတို့ ရွာက ကလေးတွေ ယူနီဖေါင်း အဖြူက အ၀ါ
ရောင်လုနေတာ နွမ်းနေတာ ချူပ်ရိုးပြုတ်နေတာ ဖားဥစွဲနေတာမျိူး မတွေ့ရတော့ ကလေးတွေ
အတွက်ဝမ်းသာရပါတယ်။ အားကြဖွယ်ရာတွေ့ရ ပါတယ်။

ဦးအောင်ဇေယျတို့ ခေတ်က မြန်မာဆိုတာ အရပ် လေးတောင် (၆ပေ) လုံးပတ် နှစ်တောင်ထွာ
(၄၅လက်မ)ရင်အုပ်ရှိပြီး ပေါင်ကနေ ခါးအထိ ဆေးမင်ကြောင်ထိုးကွင်း သတ္တိနဲ့ ယိုးဒယားမြို့
တော် အယုဒ္ဓယ ကို ၀ါးရင်းတုတ်နဲ့ တက်ပြီးလုပ်ကြံသိမ်းပိုက်ခဲ့ တယ်ဆိုတာ နားရှိလိုသာကြား
ရပေတော့တယ် သမိုင်းထဲမှာ စာမေးပွဲအောင်ဖို့ ဖတ်ခဲ့ရလို့သာ ယုံရတယ် ဟုတ်ပါ့မလားလို့။

ကျနော်တို့ မြန်မာကလေးတွေက အသားအရေ မွဲခြောက်ခြောက် မျက်လုံးတွေက ကျီးလန့်စာ
စား စေတနာရှိလို့ဖွင့်ထားတဲ့ မြန်မာကျောင်းလေးတွေမှာ တက်တဲ့ ကလေးလေးတွေ မပြောနဲ့ သိတတ်စ ကလေးလေးတွေတောင် ရဲ လာပြီဆို အငိုတိတ် ကြောက်နေရတဲ့ သူများတိုင်းပြည်
မှာ ကြီးလာရတော့မဲ့ ကလေးလေးတွေရဲ့ အနာဂါတ်က ဘယ်လိုရှိနေတော့မလဲ။

မြန်မာပြည်မှာ ဒီမိုကရေစီမရှိပါဘူး ဆိုတာတော့ ဟုတ်ပါတယ် ထိုင်းနယ်စပ်မြို့လေးမှာကော ဒီ
မိုကရေစီ အခွင့်အလန်းဆိုတာ မြန်မာတွေအတွက် ချွင်းချက် နဲ့ရနေရသလားပဲ ထိုင်းက ဒီမိုက
ရေစီနိုင်ငံလေ မီဒီယာတွေ လွတ်လပ်ခွင့် လူထုကရွေးချယ်တင်မြှောက်ခွင့် အပြည့်ရထားတာ
ဆိုပါတော့။ မြန်မာတွေအတွက်ကတော့ ကန့်သတ်ဒီမိုကရေစီပေါ့ဗျာ။ ရတတ်ရာရာ လုပ်ကိုင်
စားသောက်နေရပေမဲ့ တယ်လီဖုန်းလေးတွေနဲ့ အိမ်နဲ့ မိသားစုနဲ့တော့ ဆက်သွယ်လို့ရသား ။
မြန်မာပြည်ထဲက သူတွေကတော့ အထင်ကြီးကြတော့မယ်။

ကိုချစ်ဖေ သူငယ်ချင်းတောင် ကိုချစ်ဖေကို အားကြပြီး ထိုင်းကိုလိုက်လာတာ ကိုချစ်ဖေကြီးပဲ
ကြီးပွားနေပြီ ဆိုတာမျိူးပေါ့ ခင်ဗျားဘာလို့ လိုက်လာတာလဲဆိုတော့ မသိဘူးလေ ခင်ဗျားလဲ
ဖုန်းနဲ့ ဘာနဲ့ဆိုတော့တဲ့ ကိုချစ်ဖေလဲ ကိုချစ်ဖေရဲ့ ဖုန်းစုတ်ကြီးကို ထုတ်ပြလိုက်တော့ ရယ်
လိုက်တာ။ နောက်တော့ သူလဲ ကိုချစ်ဖေကြီးအခြေအနေမှန်ကို သိသွားရှာတယ် သိတော့လဲ
ပျော်ပျော်ပါးပါးပါပဲ မရှိအတူ ရှိအတူပါပဲ။

ဖုန်းထဲမှာ ပိုက်ဆံမရှိသူချင်း လူစုဖို့ ဖုန်းလှမ်းခေါ် ပြီး ဖုန်းချသွားတယ် ကိုယ်ကလဲ ဖုန်းပြန်
ခေါ်ပြီး ဖုန်းချလိုက်တယ်ဆို သိပြီ ဒါ. အဓိပ္ပါယ်က “ လာခဲ့ပါ..လူစုံနေပြီ သောက်ကြတော့
မယ်” ကိုယ်ကလဲ “ လာခဲ့မယ် ဖုန်းလှမ်းတောက်လိုက်တာ သိတယ် ခဏနေ ရောက်လာခဲ့
မယ်” ဆိုတာမျိူးလေးပေါ့။ ဘာပဲဖြစ်ဖြစ် အဆင်မပြေလား။

ကျနော်တို့ စစ်အစိုးရမင်းများကတော့ အဲ့လို အောက်ခြေ အရပ်သားတွေ ဖုန်းပေါပေါများများ
ကိုင်နိူင်ရင် သူတို့အကြောင်းတွေ များများပေါ်ကုန်မှာ စိုးလို့လားမသိ။ ဒါမှမဟုတ် တယ်လီဖုန်း
ဆိုတာ အထက်လူကြီးများ အတွက်သာ အထက်လူကြီးများရဲ့ တပည့်လက်သားများအတွက်
ဆုတော်လဒ်တော် ပေးစရာ ကရိယာဖြစ်နေလို့လား မသိ။ ကိုချစ်ဖေတွေးကြည့်တာပါ။ ဟုတ်
ချင်မှလဲ ဟုတ်မှာပေါ့နော။

ဘာပဲဖြစ်ဖြစ် တယ်လီဖုန်းလေးတွေကိုယ်စီနဲ့ တယ်လီဖုန်းဆိုတာ လူသုံးပစ္စည်းမို့ လူတိုင်းသုံး
နိုင်တာ ၀မ်းသာစရာ ကိုချစ်ဖေတို့ မြန်မာတွေလဲ အဆင်ပြေစေတာမို့ ထိုင်းနယ်စပ် မြို့လေးမှာ
ရှာကြံ မုဒိတာပွားစရာ ဖြစ်နေတော့တာပေါ့ဗျာ။ ခုတော့ မြန်မာတွေမှာလဲ ဖက်အီးစီ ၂၀ တန်
၅၀ တန်ဖုန်းလေးတွေ သုံးနိုင်ကြပြီဆိုတော့ ဖွံ့ဖြိုးတိုးတက်လာပြီ မှတ်တယ်ဗျာ ဖျက်သိမ်း
တော့မယ်ဆိုတဲ့ သတင်းက ထွက်လာပြန်ပါပကော။ ကိုချစ်ဖေတို့ နိုင်ငံက တိုးတက်လိုက် ထိုး
မည့်ဆင် နောက်တလှမ်းဆုတ်လိုက် ဆိုသလို တိုးတက်နေတယ်ပဲ ထင်ပါတယ်။

ဘကြီးသာဒွန်းဇံ

2010-10-27T10:18:00.001-07:00

ဘကြီးသာဒွန်းဇံ

ကိုချစ်ဖေတို့ရွာ အနီးအနားရွာတွေမှာ ဘကြီးသာဒွန်းဇံဆို မသိတဲ့သူမရှိ ဘကြီးသာဒွန်းဇံဆိုလို့
ရခိုင်လူမျိုးတော့ မဟုတ်ပါဘူး ဘကြီးသာဒွန်းဇံရဲ့ အမေ အဘွားက ရခိုင်လူမျိုးတွေပေးတဲ့ နာ
မည်မျိုးကို ကြိုက်လို့တဲ့ ဘကြီးသာဒွန်းဇံကို ကိုချစ်ဖေစသိတော့ ဘကြီးသာဒွန်းဇံက အသက်
၅၀ ကျော်ပြီ ဘကြီးသာဒွန်းဇံဇနီး အရီးဒေါ်စိန်ချုံနဲ့ ဘကြီးသာဒွန်းဇံနဲ့က ရွယ်တူ မတိမ်း မ
ယိမ်း။

၁၉၈၄ ခုနှစ်နွေရာသီမှာ ကိုချစ်ဖေက ဘကြီးသာဒွန်းဇံတို့ ရွာမှာရှိတဲ့ ဆန်စက်မှာအလုပ်သွား
လုပ်ရင်း ဘကြီးသာဒွန်းဇံနဲ့ ခင်မင်ရင်းနှီးခဲ့ရတာပါ။ ဘကြီးရဲ့ လူပုံပမ်းက အသားညိုညို အရပ်
က ၆ပေခန့် ကိုယ်လုံးကိုယ်ထည်က ထောင်ထောင်မောင်းမောင်း အသံကြီးကလဲ အကျယ်ကြီး
အင်္ကျိင်္ကလဲ တခါမှမ၀တ် ကိုချစ်ဖေက ဘကြီးအင်္ကျိင်္ကသိပ်ကောင်းတာပဲ ကျွန့်တော့်ကို ခဏ
လောက်ငှါးပါလားလို့ အမြဲနောက်နေကြ။ ဘကြီးက ဆောင်းတွင်းဖက်လဲ စောင်သာခြုံရင် ခြုံ
မယ် အင်္ကျီဝတ်တာ တခါလားပဲ မြင်ဘူးပါတယ် ငယ်ငယ်ထဲက အဲ့ဒီလိုပဲ မ၀တ်ဘူး တဲ့ ဖျားလဲ
တခါမှ မဖျားဘူးတဲ့ အင်္ကျီတခါဝတ်တော့ ထူးဆန်းနေရသေးတယ်။ မီးဖိုနားမှာလဲ အမြဲတမ်း
ချွေးတလုံးလုံးနဲ့ ချက်ပြုတ်နေတတ်သူ ဘကြီးနဲ့ ဇနီးမှာ သားသမီး အရင်းက ၁၂ ယောက် မွေး
စားသားက ၂ ယောက် စုစုပေါင်း ၁၄ ယောက်။ အကြီးတွေက အိမ်ထောင်ကျလို့မြေးတွေ
တောင် အတော်ကြီးပြီ။

ဘကြီးရဲ့ အသက်မွေးဝမ်းကြောင်းက ဆန်စက်ကို စပါးလာကြိတ်ခွဲတဲ့ သူတွေကို အစားအ
သောက်ချက်ပြုတ်ရောင်းချတာနဲ့ မိဘလုပ်ငုတ်လယ်လုပ်ငန်းပါ။ ကိုချစ်ဖေတို့ရဲ့ မြစ်ဝကျွန်းပေါ်
ကလဲ သားငါးပုဇွန်ကလဲပေါ အစားအသောက်ကလဲ မရှားတော့ သားသမီးတွေကို အများကြီး
မွေးထားနိုင်တဲ့အပြင် ရွာထဲက မိဘမရှိတော့တဲ့ ယောက်ကျားလေး ၂ ယောက်ကိုလဲ ခေါ်မွေး
ထားသေး၊ ဘကြီးက အဲ့ဒီလို သူ့သားသမီးတွေ အများကြီးနဲ့ တန်းတူ သား ၂ ယောက်ကို မွေး
ထား ကျွေးထားနိုင်တာကိုလဲ ဂုဏ်ယူပါတယ်။ “ငါ့သားကြီးဘယ်သူ ခု အောက်အရပ်သွားရင်း
အိမ်ထောင်ကျနေတာလေ ငါသွားလို့ကတော့ကွာ ပင်လယ်ငါးခူကို ကိုယ်တိုင်ထောင် ငါးဆုပ်
လုပ်ပြီး မကျည်းရည်နဲ့ ချည်ရည်ဟင်းချက် ပုဇွန်တုတ်နဲ့ တ၀စားလာခဲ့တာပဲကွာ” ဆိုတာမျိုး အစားအသောက်နဲ့ ပတ်သက်လို့ ပြောတတ်ပြီး ကိုယ်တိုင်လဲ စားသလို အခြားသူများကိုလဲ စားစေချင် သောက်စေချင်တဲ့ စေတနာရှိသူပါ။ တရွာလုံးကလဲ ဘကြီးသာဒွန်းဇံ အမျိုးတွေလို
လိုချည်းပါပဲ။ ဘကြီးက သားသမီး ၁၄ ယောက်။ ဘကြီးရဲ့ ညီမအလတ် ဒေါ်ခင်သန်းရွှေက က
သားသမီး ၈ ယောက်။ အငယ်ဆုံး ဒေါ်လှသက်နှင်းက ရ ယောက်။ သားသမီးတွေ မြေးတွေနဲ့
ဆိုတော့ တရွာလုံးက အမျိုးလိုလိုချည်းပေါ့ဗျာ။

ဘကြီးသာဒွန်းဇံ ရွာထိပ်က ဆန်စက်ကို အိမ်ကနေ ထွက်လာပြီဆိုကတည်းက ဓါတ်တိုင် နှစ်
တိုင် အကွာလောက် ကတည်းက အသံစကြားရပါတယ်။ အသံကလဲ ကျယ် အသံသြဇာလဲရှိ
ဆိုသလိုပါ။ လူကောင်ကလည်းကြီး အစားအသောက်ကလဲ ၀က်သားအမဲသား တခါချက်ရင် သုံးပိဿာ လေးပိဿာဆိုတာ အနည်းဆုံး။ ချက်ရင်းနဲ့ မြည်းတာက ငါးဆယ်သားလောက်
ကုန်တာပါ သူကိုယ်တိုင်လဲ မြည်းသလို လမ်းသွားလမ်းလာ ဖြတ်သွားသူတွေကို “ဟေ့..ကို
ဘယ်သူ..မဘယ်ဝါ ဘယ်က ပြန်လာကြတာတုန်း ဘယ်သွားမလိုတုန်း ဟင်းကျက်ခါနီးပြီ ထမင်းစားပြီးမှ ဆက်သွားပါလား” ဆိုတာမျိုးပြောတတ်သူပါ ပြောရုံတင်မက ခု “ ကျနော်
ချက်ထားတဲ့ ဟင်းလေးတော့ နည်းနည်းမြည်းသွားဦး” ဆိုပြီး ဟင်းကို အတင်းကျွေးတတ်
ပါသေးတယ်။ ဒါကြောင့် သူဟင်းချက်ရင် ငါးဆယ်သားက အမြည်းအတွက် ထည့်ချက်ထား
တယ် တဲ့။

ကိုချစ်ဖေနဲ့လဲ သိခါစ သူ့အိမ်မှာ လယ်ထဲက ရတဲ့ လင်းမြွေကို စွပ်ပြုတ်လုပ် အသားကို ပြန်
သုတ်စားဖို့ စွပ်ပြုတ်ပြုတ်ထားချိန် ကိုချစ်ဖေကလဲ သူ့အိမ်ရှေ့က ဖြတ်အလျှောက် အတင်းကို ခေါ်ပြီး လင်းမြွေသားကို မြည်းခိုင်းတော့တာပါပဲ ကိုချစ်ဖေက သူ့စေတနာကို သိနေတော့ အား
လဲနာတယ် ခင်လဲခင်တယ် ဆိုပါတော့ မြွေသားကလဲ တခါမှ မစားဘူးတော့ ကြောက်လဲ
ကြောက်တာပေါ့ဗျာ လင်းမြွေသားက ကြက်သားနဲ့ မလဲနိုင်ဘူးလဲ ကြားထားတော့ စားလဲ စားကြည့်ချင်ပေါ့ဗျာ ဒါနဲ့ကြောက်ကြောက်နဲ့ စွပ်ပြုတ်ကော အသုတ်ကော ဗိုက်ကားအောင်
စားခဲ့တာပေါ့ဗျာ မစားခင်ကသာ ကြောက်နေတာဗျ စားမိတော့ သူတို့လယ်ထဲက ယူလာတုန်း
ကမြင်ခဲ့တဲ့ လင်းမြွေကြီးကိုတောင် မျက်စေ့ထဲ မမြင်တော့ဘူး။ နောက်မြွေတွေ့တိုင်း လင်းမြွေ
များလားဆိုတာမျိုးကို ဖြစ်ကရောဗျာ။

ဘကြီးသာဒွန်းဇံကတော့ ပြုံးနေတာပဲဗျာ မြို့ကနေစက်ကို အလုပ်လာလုပ်တဲ့ ကောင်လေးလေ
လင်းမြွေသားကျွေးနေတာ သူလဲ စားတယ်ဗျ ဆိုပြီး အိမ်လာတဲ့ ဧည့်သည်တွေကိုပြောပြနေပြီး
ကျေနပ်နေတာ။ ဘကြီးရဲ့အိမ်က ဒါကြောင့်လဲ လူမပြတ်တာ ဧည့်သည်က အမြဲတမ်း ၀င်ထွက်
စားသောက်နေတာပါ။ ဘကြီးတို့ ဇနီးမောင်နှံကလိုက်ဖက်ညီတယ် အရီးဒေါ်စိန်ချုံကလဲ အ
စားအသောက် အချက်အပြုတ် ဆို မညည်းညူစတမ်းပါပဲ။ ဘကြီးလိုပဲ ကျွေးချင်မွေးချင်သူပါ။

ဘကြီးသာဒွန်းဇံငယ်ငယ် လွတ်လပ်ရေးရပြီးကာစ ပြည်တွင်းစစ်ဖြစ်တော့ ဘကြီးသာဒွန်းဇံက လူပျိုပေါက် အသက် ၁၅၊ ၁၆ နှစ်လောက်ရှိပြီဆိုပဲ။ လယ်သိမ်းပြီးချိန်ဆို သူသေသေချာချာမွေး
ထားတဲ့ နွားထီးလေးစီးပြီး တရွာဝင်တရွာထွက် နွားနဲ့ လျှောက်လည်နေတာ မိုးကျမှပဲ လယ်ထဲ
ဝင်ခါနီးမှ အိမ်ပြန်ကပ်တော့တယ်ဆိုပဲဗျာ။ ပျော်စရာလဲ တော်တော်ကောင်းတယ်ဆိုပဲ။ လူတွေ
က ဆင်းရဲပေမဲ့ လယ်လုပ်ငန်းနဲ့ စားနိုင်သောက်နိုင်ကျသေးတယ်လေ အစားအစာကလဲ ထ
မင်း စားခါနီး ဟင်းရံမရှိလို့ ချောင်းထဲဆင်း ကမ်းဘေးမှာ စမ်းလိုက်တာနဲ့ စားဖို့ ပုဇွန်က လေး
ငါးဆယ်ကောင်ရလာတာ တခါတလေ ပုဇွန်ထုတ်တောင်ရသေး။ အဲ့ဒီအချိန်ကနေ ၁၉၈၄-၈၅ ၀န်းကျင်ထိ ပေါများနေသေးတာပါ။

ဘကြီးက ရွာရိုးကိုးပေါက် လယ်ပြီးချိန်လျှောက်သွားနေတာဆိုတော့ ရွာတော်တော်များများမှာ ကသူ့သူငယ်ချင်းတွေက ရှိသကိုး ဒီတော့ ပြည်တွင်းစစ်ကြီးရယ်ဖြစ်လာတော့ ကွန်မြူနစ်သူပုန်
ထဲမှာရော ကော်သူးလေထဲမှာကော ရဲဘော်ဖြူ အလံနီ ထဲမှာကော အစုံသူငယ်ချင်းတွေရှိတာ
ပါ။ အဲ့ဒီခေတ်တခေတ်လုံး ဘကြီးသာဒွန်းဇံက ဘယ်ထဲမှာမှ မပါဘူးလား ဆိုတော့ မပါပါဘူး
တဲ့ ဘာဖြစ်လို့လဲဆိုတော့ အစိုးရဖက်ကကော သူပုန်ဖက်ကကော လူတွေတော်တော် များများ
ကလဲ သူ့ သူငယ်ချင်းတွေ မကင်းရာမကင်းကြောင်းတွေ ဖြစ်နေလို့တဲ့ သူကတော့ အဲ့ဒီတိုက်
ပွဲတွေကို မဖြစ်စေချင်ဘူးတဲ့။

တိုက်ပွဲတွေရှိနေတော့ သူသွားချင်ရာ စားချင်ရာ ရှာချင်ရာ ရှာလို့မရလို့တဲ့။ နောက် အားလုံး
ကိုယ့်အချင်းချင်းတွေဖြစ်နေလို့ပါတဲ့။ လူမျိုးခြားနဲ့ဆိုရင်တော့ တမျိုးပေါ့ကွာတဲ့ သူပြောပြတဲ့အ
တိုင်းဆို “တခါတုန်းက သူ့ရွာနဲ့ အနားက ရွာမှာ ကရင်ရိုးရာ နတ်စားပွဲရှိလို့ သူငယ်ချင်းတွေ လာခေါ်တာနဲ့ သူလဲ ဘာရယ်မဟုတ်ဘူး လိုက်သွားမိတယ်တဲ့ လာခေါ်တဲ့သူငယ်ချင်းတွေက
ကော်သူးလေက သူငယ်ချင်းတွေ သောက်ဖေါ်စားဖက်တွေ အဲ့ဒီတုန်းက ဘကြီးက အရက်
ကလဲသောက်သေးတယ်တယ်တဲ့ အဲ့ဒါ လမ်းမှာ ကွန်မြူနစ်တွေက စောင့်ပြီးပစ်တာတဲ့ ကံ
ကောင်းလို့ မသေတယ်တဲ့ ရေကလဲ ရေကျချိန် ချောင်းတဖက်ကမ်းက နေပစ်တာတဲ့ သူတို့လဲ လမ်းသွားရင်းနဲ့ တိုးလို့ပစ်တာ ဒီတုန်းက ကရင်နဲ့ ကွန်မြူနစ်နဲ့က မတည့်ဘူးတဲ့ အဲ့ဒါ ပစ်လဲ
ပစ်ကြရော။

အစိုးရတပ်မဟုတ်မှန်းလဲသိတာနဲ့ သူက ထအော်တာပဲတဲ့ “ဟေ့ကောင်တွေ..ငါသာဒွန်းဇံပါ ငါ
ပါလာတယ် မပစ်ကြနဲ့ မပစ်ကြပါနဲ့” အော်တာနဲ့ တိုက်ပွဲက ရပ်သွားတယ်တဲ့ ပြီးတော့မှ သူတို့
က “ယောက်ဖ..မင်းဘယ်သွားမလို့လဲ နတ်စားတဲ့ဆီလား” တဲ့ ဘကြီးက အစားအသောက်နဲ့
ပတ်သက်ရင် နေရောညပါ မရှောင်သွားတာ ဘကြီးအသံကြီးကို မှတ်မိနေတာ ဒီတုန်းက သူ
က ကွန်မြူနစ်တွေလား ရဲဘော်ဖြူလား အလံနီလား မသိပါဘူးတဲ့ ညကလဲမှောင်နေတော့ သူ့
သံကြီးကိုတော့ အကုန်လုံးက မှတ်မိကြပါတယ်။ အဲ့ဒီပစ်ခံရခံနီးမှာ သူက လယ်စပ်က ခြုံထဲမှာ
ခဏ အလေးဝင်သွားနေတော့ ဘကြီးအသံက တိတ်နေလို့ ဘကြီးပါလာမှန်းမသိလို့ ပစ်တာပါ
တဲ့။ သူက ပစ်သံကြားတော့မှ လှမ်းအော်ရတာ။

ဒါတင်ဘယ်ကမလဲ ဟိုဖက်နေ ယောက်ဖ မင်းတို့မှာ ဆေးလိပ်အပိုပါသေးလား ငါတို့ဆေးလိပ်
ကုန်သွားလို့ကွာဆိုလို့ ချောင်းထဲဆင်း တဖက်ကမ်းကို ကူးပြီးသွားပေးသေးတယ် စကားတွေ
တဖေါင်ဖေါင်ပြောနေသေးတယ်။ ပြီးတော့မှ ပြန်ကူးလာပြီး နတ်စားတဲ့ဆီကို ဆက်သွားကြတာ
ဆိုပဲဗျ။ အစိုးရတပ်တွေလာလဲ ငါ့အိမ်မှာပဲ ချက်ပြုတ်စား ဖဲရိုက်ကြ ဘော်လီဘောပုတ်ကြနဲ့ နေကြတာပဲတဲ့။ ငါလဲ ကြားထဲက ပြေလည်ရာပြေလည်ကြောင်းပြောတာပြတာပါပဲကွာတဲ့ ။ ချက်ပြုတ်ကျွေးမွေးတာပါပဲတဲ့။ ဘာဖြစ်လို့ ဘယ်လိုဖြစ်လို့ ချနေကြလဲတော့လဲ ငါလဲမသိပါဘူး
တဲ့ အားလုံးကတော့ ငါ့သူငယ်ချင်း ဆွေနီးမျိုးစပ်တော်ကြတဲ့သူတွေချည်းပဲ အစိုးရတပ်က လာ
တဲ့ ရဲဘော်တွေကလဲ ငါနဲ့ရွယ်တူ သက်တူတွေ တိုက်ပွဲတွေဖြစ်ကြတော့ ငါတို့ ရွာသားတွေပဲ နာတာပေါ့ကွာ။ ဘယ်လိုလုပ်မလဲ။ ငါလဲ စိတ်မကောင်းရုံပေါ့ကွာ အေးအေးဆေးဆေးဖြစ်စေ
ချင်ပါတယ် တဲ့။

ခုမြစ်ဝကျွန်းပေါ်မှာ ပိတ်ဆို့ရေး ဖြတ်လေးဖြတ်တွေလုပ်ပြီးကတည်းက သူပုန်ရယ်တော့ မရှိ
တော့ဘူးပေါ့ကွာ ဒါပေမဲ့လဲ ငါတို့အားလုံးက သူ့ရွာ ငါ့ရွာရယ်မဟုတ်ဘူး ကရင်ရယ်ဗမာရယ်က
ရွာခြင်းကပ် ချောင်းဖျားမှာ ကရင်ဆို ချောင်းဝမှာ ဗမာ ဒီလိုနေကြတာလေ။ သူပုန်ရယ်သာမရှိ
တာ အချိန်မရွေး ပြန်သူပုန်ဖြစ်နိုင်တဲ့ သူတွေချည်းပဲကွ။ ကရင်တွေမှာ ရိုးရာလိုဖြစ်နေတဲ့ စ
ကားတောင်ရှိသေးတယ် “ဒို့ကရင်က နားကပ်မ၀ယ်ဘူး သေနတ်ပဲဝယ်မယ်” သေနတ်တချို့လဲ လက်ကျန်ရှိကောင်းရှိမယ်ကွ ဒီတော့ တကယ်အေးသွားတာမဟုတ်ဘူး ငြိမ်သွားတာလေ အား
လုံး ညှိနှိုင်းပြီးလုပ်မှ တကယ်အေးမှာပေါ့ကွာ ခုလဲ စစ်ပွဲသာမရှိတာ လူတွေက စီးပွားရေးကြပ်
လာတော့ စစ်ပွဲတွေရှိတုန်းကထက်တောင် ဆိုးပါသေးတယ်ကွာ ငါလဲ နိုင်ငံရေးတွေဘာတွေ
နားမလည်ပါဘူးကွာ တဲ့။

ဘကြီးသာဒွန်းဇံရော အရီးဒေါ်စိန်ချုံကော ခုတော့ မရှိတော့ပါ။ အင်္ကျီတခါမှမ၀တ်တဲ့ နှာစေး
ချောင်းဆိုးတောင်မဖြစ်တဲ့ ဘကြီးသာဒွန်းဇံ တခါပဲ နေမကောင်းဖြစ်ပါတယ် တခါပဲဆေးရုံ
တက်ရပါတယ် တခါပဲ ကွယ်လွန်ဆိုတာမျိုးပါပဲ။ ခုတော့ ဘကြီးရဲ့ သားသမီးမြေးမြစ်တွေလဲ
လယ်လုပ်ငန်းနဲ့ မစားလောက်ကြတော့ ရေကြည်ရာ မြက်နုရာကို ပြောင်းရွေ့ကြနဲ့ရွာမှာလဲ
သိပ်မကျန်တော့ပါ။ ကိုယ့်ဇာတိရွာလေးမှာတော့ ဆွေမျိုးသားခြင်း ညီအကို မောင်နှမတွေနဲ့
တည့်တည့်မတည့်တည့် မတည့်လဲခဏ အတူနေချင်ကြမှာပေါ့ဗျာ ကိုယ်ချင်းလဲ စာနာပါတယ်
ကိုချစ်ဖေကိုယ်တိုင်လဲ ရွာပြန်ရတယ် အိပ်မက်ခဏခဏ မက်မက်နေတာကိုး နော။

ငယ်ကျင့်

2010-10-19T20:59:00.000-07:00

လွန်ခဲ့တဲ့ အနှစ်လေးဆယ် အနှစ်လေးဆယ်ဆိုတော့ နည်းနည်းနှောနှောနှစ်တွေရယ်မှ မဟုတ်
ပါပဲလားလို့ တွေးမိတယ် တကယ့်တကယ်တော့လဲ ဟိုလိုလို ဒီလိုလိုနဲ့ပဲ နှစ်တွေတနှစ်ပြီးတ
နှစ် ကုန်လာခဲ့တဲ့ နှစ်တွေရှိသလို တနှစ်နဲ့တနှစ်ကို ခက်ခက်ခဲခဲ ခဲရာခဲဆစ် ဖြတ်ကျော်လာခဲ့ရ
တဲ့ နှစ်တွေလဲရှိရဲ့ ဘာပဲဖြစ်ဖြစ်ပြန်တွေးကြည့်တော့ မှတ်မိနေသေးပါတယ် နှစ်အားဖြင့် တွက်
ကြည့်တော့လဲ နှစ်ပေါင်းများစွာရယ်။

ပထမဆုံး ညီမလေးကို မေမေမွေးတဲ့ ည။ လွန်ခဲ့တဲ့ နှစ်ပေါင်း လေးဆယ်နှစ်နှစ်ကျော် ညတုန်း
က လူကြီးတွေအလုပ်ရှုပ်တာ အရေးကြီးနေတာ ဘာညာမသိပေမဲ့ မိုးလင်းနိုးနိုးချင်း ကျနော်
ထက်အသက် ၁၀ နှစ်ကျော်ကျော် အသက်ကြီးတဲ့ အမကြီးတ၀မ်းကွဲ က ကျနော့်ကို ဆေးရုံကို
သွားဖို့ အင်္ကျီအ၀တ်အစားလဲပေးပြီး မေမေညက ကျနော်အတွက်တဲ့ ညီမလေးမွေးပေးတယ်
တဲ့ အဲ့ဒါ ဆေးရုံကိုသွားပြီး ညီမလေးကို ကြည့်ကြမယ်တဲ့ ကျနော်က ၃ နှစ်နဲ့ လေးလ အရွယ်
ညီမလေးကို ဆေးရုံ ပခက်လေးထဲမှာတွေ့တော့ နီနီရဲရဲလေး မျက်လုံးလေးမှိတ်လို့ လူကြီးတွေ
ကတော့ ကိုချစ်ဖေအဖေနဲ့ တပုံစံထဲတဲ့ သိပ်တူတာပဲတဲ့ ကျနော်ကတော့ ကလေးမို့ ဘယ်လိုမှ
အဖေနဲ့ တူတယ်လို့ မကြည့်တတ် ညီမလေးကိုတော့ ကိုင်ကြည့်ချင်နေတာပဲ။ နီနီရဲရဲလေး
နောက် မေမေဆေးရုံက ဆင်းလာပြီး အိမ်ရှေ့မှာ စောင်ပုခက်လေးနဲ့ သိပ်ထားတုန်း ကျနော်ညီ
မလေးပါးကို ချစ်လို့ ကိုက်ဆွဲလိုက်တာ ညီမလေး အော်ငိုတော့မှ မေမေ မီဖိုထဲက အတင်းပြေး
လာပြီး ကျနော့်ကို မေးရတယ်။ ကိုချစ်ဖေလဲ ငိုပေါ့ ညီမလေး ချစ်လို့ ကိုက်မိတာ သူအော်ငို
တော့ ပြန်ကြောက်သွားပြီး ငိုမိတာဖြစ်မယ်။ မေမေဆူမှာစိုးတာလဲ ပါမှာပေါ့။

အဲ့ဒီအဖြစ်အပျက်လေးကို သေသေချာချာ မှတ်မိနေသေးတယ် ညီမလေးကို မွေးပြီးတဲ့အချိန်
က ပြည်သူ့ဆိုင်ခေတ် အစစအရာရာ ၀ယ်ချင်တိုင်းလဲ မရ အနှီးကအစ နို့မှုန့် နို့ဆီအဆုံးအစစ
ရှားပါးတဲ့အချိန်တဲ့ ညီမလေးက ကိုချစ်ဖေထက် ပိုဒုက္ခရောက်တယ်တဲ့ ဆေးကလဲ ရှားတယ်
စစ်အစိုးရ တက်လာပြီး ၁၀ နှစ်ဝန်းကျင်လောက်ပေါ့ သူ့ကို မေမေက နို့ဖြတ်တော့ ၀ယ်လို့ရသ
မျှလေး ၀ယ်ထားပေးပေမဲ့ သူက ဘာမှမစား ငိုပဲနေတယ် ထမင်းကြမ်းလေးကို ရေနဲ့ဆမ်းပေး
ထားတာလေးပဲ စားရှာတယ်။ ညဖက်ညီမလေး ငိုနေတာ သနားလိုက်တာ။ ခုချိန်ထိ ကျနော်
မျက်စေ့ထဲမှာ မြင်နေမိတယ် ကျနော်လဲ ကလေးပေမဲ့ အိပ်မရဘူး။ နောက်တော့လဲ အိပ်ပျော်
သွားတာပေါ့။

နောက် ကျနော်တို့ ကျောင်းစတက်ရတော့ နေခင်းမုန့်စား ကျောင်းဆင်းလွှတ်ချိန် မေမေက မ
လာဘူး ကျောင်းအပ်သွားတုန်းကထဲက မျက်နှာက ခပ်တည်တည်ပဲ သူများကလေးတွေဆို အ
မေ့ထမိန်စဆွဲထားပြီး ကျောင်းမနေချင်ဘူး အော်ငိုသလို ကိုချစ်ဖေလဲ အော်ငိုချင်တာပါပဲ ကျောင်းမှာ ထားခဲ့မယ်ဆိုတာလဲ သိနေပေမဲ့ ခပ်တည်တည်ဖြစ်နေတဲ့ အမေ့မျက်နှာကြောင့် မ
အော်ငိုရဲဘူး ကျနော်ငိုရင် အမေက စိတ်ဆိုးလိမ့်မယ် အမေမကြိုက်ဘူး အဲ့ဒါကို သိနေလို့ ငိုချင်ပေမဲ့ မငိုရဲဘူး အမေကထားခဲ့တာပါပဲ မုန့်စားကျောင်းဆင်းကိုလဲ “အမေလူကြုံနဲ့ စားစရာ
ထည့်ပေးလိုက်မယ် အမေမလာအားဘူး”တဲ့ ကျနော်ကတော့ မုန့်စားကျောင်းဆင်းတွေ ဘာ
တွေသိလို့ရယ်တော့မဟုတ်ပါဘူး အမေမလာဘူးဆိုတာသိတော့ ၀မ်းတော်တော်နည်းနေမိ
တယ်။

နေ့လည်မုန့်စားကျောင်းဆင်းတော့ အိမ်နားက အသိသူငယ်ချင်းအမနဲ့ စားစရာ ထည့်ပေး
လိုက်ပါတယ် အမေကတော့မလာပါဘူး နောက်တော့လဲ မေ့မေ့ပျောက်ပျောက်ဖြစ်သွားတယ်
မုန့်စားကျောင်းဆင်းချိန်ဆို အမေ့ကို မမျှော်မိတော့ဘူး နောက် အတန်းနည်းနည်းကြီးလာ
တော့ အိမ်နဲ့ကျောင်းနဲ့ သိပ်မဝေးတော့ အမေမှာသလို ကားလမ်းဘေးက ကပ်ပြီးအိမ်ကိုပြန်
လာရတယ်။ အိမ်မှာ ကိုယ့်ဘာသာ ထမင်းပြန်စားတယ်ပေါ့။ နောက်ကိုချစ်ဖေ အသက်ကြီး
လာတော့ အမေက ပြန်ပြောပြတယ် အဲ့ဒီတုန်းက အမေက ကိုချစ်ဖေကို သူများကလေးတွေ
လို အမေရှိမှ ဖြစ်မယ်ဆိုတာမျိုး ဖြစ်မှာစိုးလို့တဲ့ အမေမရှိလဲ ကိုယ့်ဘာသာကိုယ် အားကိုး
တတ်အောင် ထားခဲ့တာတဲ့ တကယ်တော့လဲ ဟုတ်ပါတယ် ၀မ်းနည်းစရာကောင်းသလိုလိုဖြစ်
ပေမဲ့ အမေသင်ပေးတဲ့ တကိုယ်တော် နေထိုင်ခြင်း ရုန်းကန်ခြင်း သင်ခန်းစာကိုပါ တဆက်ထဲ
စသင်ရတာပါ။

ငါ့အမေဟာ သူများအမေတွေလို မလာဘူး သို့သော်လဲ ငါ့ကို ထားခဲ့လို့ ဖြစ်တယ်လို့ အမေက
ပြောတာပဲ ငါနေလို့ ဖြစ်ပါတယ်ဆိုတာကို စပြီးလက်ခံသွားတာပါ။ နောက်စာ ပေါင်းဖတ်တတ်
လာတော့ အမေက “ညည ပုံပြောပြတာလေးတွေ ကနေပုံပြင်လေးတွေဟာ ကာတွန်းစာအုပ်
လေးထဲမှာ ပါတယ် သားစာလုံးပေါင်းဖတ် နားမလည်ရင် မေမေ့ကိုမေး” ဆို ကျနော်လဲ ပေါင်း
ဖတ်တာပဲ နားမလည်တာတွေ အကုန်လုံးကိုလဲ အမေ့ကို မေးတာပါ။

နောက်အတန်းကြီးလာတော့လဲ ကျနော်သိချင်တာတွေကို အားလုံးသူဖြေရင် မပြည့်စုံမှာစိုးလို့
တဲ့ သိချင်တာရှိရင် ကျောင်းက ဆရာတွေ ဆရာမတွေကိုမေးကြည့်တဲ့ အဲ့ဒီက စလို့ အလွန်
အမေးအမြန်းထူတဲ့ ကျနော်လဲ အတန်းထဲမှာ သိချင်တာရှိရင် ဆရာဆရာမတွေကို မေးရဲလာ
ပါတယ် ဆရာဆရာမတွေကလဲ စာဖတ်သူတွေများတော့ ဖတ်စရာ စာအုပ်တွေပါ ပြောပြပေး
ပါတယ်။ အဲ့ဒီလိုနဲ့ စာဖတ်တာကို ၀ါသနာပါလာခဲ့တာပါ ။ ခုပြန်တွေးကြည့်တော့နှစ်ပေါင်း သုံး
ဆယ်ကျော် လေးဆယ်တုန်းက အဖြစ်အပျက်တွေ ဒါပေမဲ့ ကောင်းတဲ့အကျင့်ကို ကောင်းမွန်
တဲ့ ဓလေ့ကို ချပေးခဲ့တဲ့ အမေ့ကို ကျေးဇူးတင်မိနေပါတယ်။

အမေဆိုလို့ အဖေက ငါကောမပါဘူးလားလို့ မေးမှာ အဖေရယ်လဲ အတူတူပါပဲပေါ့ တကယ်ဆို
စာဖတ်ဝါသနာမပါတဲ့ အဖေက ကျနော်ဖတ်ချင်သမျှ သူမအားတဲ့ကြားထဲက အကုန်ရအောင်
ရှာဝယ်ပေးတာပါ။ ကိုချစ်ဖေ ဖတ်တဲ့စာအုပ်တွေက အဖေမကြိုက်တဲ့ စာအုပ်တွေ အဖေက ဒီ
စာအုပ်တွေဖတ်ရင် ဒိဌိဖြစ်လိမ့်မယ် ကွန်မြူနစ်ဖြစ်လိမ့်မယ် မဖတ်နဲ့တဲ့ ကျနော်ကတော့ ဖတ်
တာပါပဲ အဖေက ပြင်းပြင်းထန်ထန်တော့မတားပါ ၀ယ်လဲပေးပါတယ်။ ကျနော်လဲ ဒိဌိမဖြစ်သ
လို ကွန်မြူနစ်လဲ မဖြစ်ခဲ့ပါဘူး အဲ့ဒီလိုဖြစ်ဖို့ဆိုတာ အသဲမာမှ ဖြစ်တာလေ။ ကျနော်က အသဲမ
မာပါ။ ထစ်ကနဲဆို လက်တွန့်တယ် မသေရဲ မသတ်ရဲ အနိုင်မယူရဲ သဘောကျခဲ့တာတော့ရှိပါ
တယ် ကိုယ့်ကိုကိုယ်လဲ မာမယ်ထင်ခဲ့တယ်။ ယုံကြည်ရာတခုအတွက် အကုန်လုပ်ရဲမှလေ စွန့်
လွှတ်ရဲမှ ဆိုတော့ မဖြစ်နိုင်ပါ လို့ ရိုးရိုးသားသား ပဲ တွေးမိခဲ့ပါတယ်။ ဒါပေမဲ့အဲ့ဒီအချိန်တုန်းက
ရရာ စာအုပ်ကို ၀ါးစားသလို ဖတ်ချင်နေတာတော့အမှန်ပါ စာအုပ်တွေကို လိုင်းတလိုင်းထဲ မ
ဖတ်ဖြစ်ခဲ့တာ ကတော့ အမေပြောပြတာကြောင့်ပဲ ဖြစ်မယ်ထင်ပါတယ်။

အမေက ကျနော်ဖတ်ချင်တဲ့ စာအုပ် ဖတ်သင့်တဲ့စာအုပ်ဟူသမျှ အကုန်ပေးဖတ်ပါတယ်။ မ
ဖတ်သင့်တဲ့ အသည်းကွဲ အရက်သမား အချစ်ကိုးကွယ်ရေး စာအုပ်တွေကလွဲလို့ အမေက မ
တားပါဘူး ရှာလဲပေးပါတယ်။ တဖက်မှာ တားမြစ်ထားလို့ ခိုးကြောင်ခိုးဝှက်ဖတ်ရတဲ့ စာအုပ်
ကို ခိုးဖတ်တဲ့အခါ မသိချင်ယောင်ဆောင်နေခဲ့သလို တဖက်ကလဲ သိုက်သမိုင်းစုန်းမှော်က
ဝေ စာအုပ်တွေကအစ ဗဟုသုတ အဖြစ်ဖတ်ခိုင်းတာမျိုးဆိုတော့ စာဖတ်ရတော့မဲ့ ရက်တွေဆို
ပျော်နေခဲ့တာပါ။ သောကြာနေ့ည ကနေ တနင်္ဂနွေနေ့ နေလည်အထိ အပြင်စာအုပ်ဖတ်နိုင်ခွင့် ရခဲ့တာကို ခုပြန်တွေးကြည့်တော့ အလယ်တန်းကျောင်းသား ဘ၀မှာ တကယ့်ပျော်ရွှင်စရာ။

အနှစ်လေးဆယ်ကျော် အတွင်းမှာ ကြည်နူးချမ်းမြေ့စရာ ပြန်ပြန်တွေးကြည့်မိတိုင်း ကျေးဇူး
တင်မဆုံး ဖြစ်မိတာကတော့ စာဖတ်ခြင်းအကျိုးကို ပျော်ရွှင်စရာအဖြစ် တဖြေးဖြေး ပြောင်းပေး
ခဲ့တဲ့ အမေနဲ့ အဖေကိုပါပဲ။ အခြားသော ကျေးဇူးတွေကတော့ များလွန်းလို့ ပြောပြမယ်ဆိုရင်
တောင်တော်တော်များမှာပါ။ ခုအချိန်ထိ မိဘတွေ သက်ရှိထင်ရှားရှိနေသေးပြီး အဝေးမှာနေ
နေရပေမဲ့ ကိုယ့်ကို တယောက်ထဲ နေရဲအောင် သိလိုတာတွေ ကို စာအုပ်တွေထဲက နေသိလာ
အောင် လမ်းပြပေးခဲ့ပါလားလို့ ကြည်နူးမိနေတယ်။

မင်္ဂလာ ကိုကြီးကျောက်

2010-10-10T03:44:00.000-07:00

မင်္ဂလာကိုကြီးကျောက်

မချစ်ကြည်အေးရဲ့ ကိုကြီးကျောက် ကျမ်းမာရေးအခြေအနေကို အားလုံးသိရအောင်သတင်း
ပေးတဲ့ ကိုကြီးကျောက်ရဲ့စာ ပူးတွဲပါတဲ့ ပိုစ့် ကိုဖတ်ရရခြင်း ကိုကြီးကျောက်ဆီကို ဖုန်းဆက်
သတင်းမေး အားပေးစကားပြောဖို့ လုပ်တော့ ကိုကြီးကျောက်တို့ဆီမှာ ည ၁၁နာရီကျော်နေခဲ့
ပြီ ဒါပေမဲ့လဲ ကိုကြီးကျောက်အိပ်ချင်မှ အိပ်ဦးမှာလို့ တွေးမိပြီးဖုန်းဆက် ဖြစ်သွားပါတယ်။

ကိုကြီးကျောက်ဆီက ဖုန်းပြန်ခေါ်လာပါတယ် မအိပ်သေးပါဘူးတဲ့ တရားထိုင်နေတာ ဒီတော့
လဲ အားနာလိုက်တာ ကိုကြီးကျောက်က အရင်အတိုင်း စာထဲက လိုပါပဲ ကိုချစ်ဖေကိုတောင်
ပြန်အားပေးနေသေးတယ် ဒါမျိုးက ဆရာဝန်ကြီးတွေ ထင်ထားတဲ့အတိုင်း ဖြစ်ချင်မှလဲ ဖြစ်တာ
ပါ ဖြစ်တော့လဲ ရင်ဆိုင်ရမှာပေါ့ ဆိုတာမျိုး ပြန်ပြောပြနေတာပါ။

နောက်တော့ ကိုကြီးကျောက်တင်ထားတဲ့ ပိုစ့်ကို ဖတ်ရတော့ အော် ကိုကြီးကျောက်တို့များ တ
ကယ်ပဲ စိတ်ဓါတ်ကြံခိုင်ပါပေတယ် သေခြင်းကို ရင်ဆိုင်ရတာတောင် ရယ်စရာလှောင်ပြောင် စ
နောက်နေနိုင်သေး တကယ်လို့များ သေမင်းက သာ လူပုဂ္ဂိုလ်တဦးအဖြစ်နဲ့ လာခေါ်တယ်ဆို
ရင်တောင် “ အော်..သေမင်းဆိုတာ ခင်ဗျားလား အေးဗျာ ခင်ဗျားကိုတော့ သက်ရှိသတ္တ၀ါ
တိုင်းက ကြောက်ကြရပါတယ် တကယ့်တကယ်တွေ့တော့လဲ ခင်ဗျားက ခန့်ခန့်ချောချောကြီးပဲ
ကြောက်စရာလဲ မကောင်းပါဘူးဗျာ လူတွေများ ကြောက်စရာမရှိ ကြောက်နေကြတယ် ကဲကဲ
သွားကြတာပေါ့ဗျာ ကား ပါလား ဘတ်စ် နဲ့ဆို ဒီအချိန်လူကြပ်တယ်ဗျ” ဘာညာလျှောက်ပြော နေဦးမယ်ထင်ပါရဲ့ဗျာ။

ကျနော် ကိုကြီးကျောက်ကို ဘယ်လိုစခင်မင်မိတယ်ဆိုတာတော့ မမှတ်မိတော့ပါဘူး ရယ်စရာ
မောစရာ ပွင့်ပွင့်လင်းလင်းပြောတတ်တယ် သူများတွေက ကိုယ့် ဘလော့မှာ ဓါတ်ပုံလေးတင်
ဖို့ အကြောင်းကြောင်းနဲ့ မတင်ရဲကြ မတင်ကြချိန် ကိုကြီးကျောက်ကတော့ ဓါတ်ပုံတွေနဲ့ စာ
တွေကလဲ စိတ်ဝင်စားစရာ ရယ်စရာ ကော်မန့်တွေကလဲ ခင်မင်စရာ စနောက် ပေးတတ်သူ ဆို
တော့ လူချင်း အပြင်မှာ မတွေ့ဘူးပေမဲ့ ခင်မင်ရပါတယ် နေမကောင်းဖြစ်ပြီးနောက်ပိုင်း ကို
အောင် (ပျူနိုင်ငံ) ရဲ့ကောင်းမှုကြောင့် ဖုန်းနံပါတ်ရပြီး တခါတခါလဲ ဖုန်းဆက်ပြီးစကားပြောဖြစ်
သွားပါတယ်။ ကိုကြီးကျောက်က ဖုန်းထဲမှာ နေကောင်းသူရဲ့ အသံမျိုး မဖြစ်သေးပေမဲ့ အ
ကြောင်းအရာအားလုံးကတော့ နေကောင်းသူတွေ ထက်တောင် လန်းဆန်းနေပါသေးတယ်။ ခု
လောက်ထိ ကျမ်းမာရေးအခြေအနေ ဆိုးနေမယ်လို့လဲ မထင်မိပါ။ နောက်ဆုံး မချစ်ကြည်အေး
ရဲ့ အသိပေးတဲ့ ပိုစ့် ဖတ်ရတော့မှပဲ သေချာသိရတာပါ။

ကြိုကီးကျောက်ကို တကယ်ပဲ ချစ်ခင်ကြသူတွေများပါတယ် ပျော်ရွှင်ခင်မင်တတ်တဲ့ အကိုတ
ယောက် ဦးလေးတယောက် လိုပါပဲ အားလုံးလဲ ကျနော်လိုပဲ ခံစားမိကြမှာပဲလို့ တွေးမိပါတယ်။
ဘယ်လောက်ပဲ အခြေအနေက ထိန့်လန့်တုန်လှုပ်စရာဖြစ်နေနေ မိသားစုပေါ်မှာ မိတ်ဆွေ သူ
ငယ်ချင်းတွေအပေါ်မှာ တာဝန်ကျေခဲ့သူအနေနဲ့ စိတ်ရှင်းရှင်းထားနိုင်ခဲ့လို့လား မသိ ကိုကြီး
ကျောက်ကတော့ အရင်လိုပါပဲ စိတ်ဓါတ်ကျ အားငယ်မှု့မျိုး မရှိပါ။

ကျနော်အကျဉ်းအကြပ်ထဲမှာ ဒုက္ခသုက္ခပေါင်းစုံ နဲ့နေရတုန်းက ကျနော့်မေမေက မင်္ဂလသုတ်
ထဲက မြတ်စွာဘုရားဟော တရားပုဒ်လေးတပုဒ်ကို အမြဲ နှလုံးသွင်းဖို့ ခံနိုင်ရည်ရှိဖို့ အားပေးရှာ
ပါတယ်။ အဲ့ဒီတရားပုဒ်လေးက “ ဖုဒဿ လောက ဓမ္မေဟိ စိတ္တံယသ နကံပတ္တိ အာသောကံ ၀ိရဇံ ခေမံ ဧတံ မင်္ဂလ မုတ္တမံ” ဆိုတဲ့အပိုဒ်လေးပါ ကျနော့်ဘာသာ မြန်မာလိုနားလည်ထာက
တော့ “လောကဓံတရားဆိုး တရားကောင်း အခြေအနေကောင်းဆိုးတွေနဲ့ ကြုံရတဲ့အခါမှာ စိုး
ရိမ်သောကမရှိခြင်း စိတ်တည်ငြိမ်အေးဆေးစွာနဲ့ ရင်ဆိုင်နိုင်ခြင်းဟာ မင်္ဂလာရှိပါပေတယ်” လို့ ကျနော်နားလည်မိပါတယ် တိတိကျကျတော့ အဓိပါယ်မှန်ချင်မှ မှန်မှာပါ။ ခုလဲ ကိုကြီးကျောက်
ကမင်္ဂလာရှိပါပေတယ်။ ကျနော်တို့ ကိုကြီးကျောက်နဲ့ ခင်မင်ခွင့်ရတာ ၀မ်းသာစရာပါ။ ဂုဏ်ယူ
စရာပါ။ ကိုကြီးကျောက်မှာ လူပုဂ္ဂိုလ်တယောက် ပုထုစဉ်တယောက်အနေနဲ့ အမှားရှိတာမျိုး ရှိ
ရင်လဲ ရှိခဲ့မှာပါ သို့သော်လဲ ကျနော်နဲ့ ဆုံခဲ့ရစဉ်မှာတော့ ကိုကြီးကျောက်ဟာ ခင်မင်ဖွယ် ချစ်
ခင်ဖွယ် အားကျ အတုယူဖွယ်တွေနဲ့ မင်္ဂလာရှိတဲ့ ကိုကြီးကျောက်ပါပဲဗျာ။

ကျနော့်လိုပဲ ကိုကြီးကျောက်ကို ခင်မင်လေးစားသူတွေ အားလုံးကို တိုင်ပင်ချင်တာကတော့ ကျနော်တို့ ရေးတတ်သလို ရေးတတ်သလောက်ရေးခဲ့တဲ့ စာကိုတော့ ကိုကြီးကျောက်က ဖတ်
ရဖူးပါပြီ။ ကျနော်တို့ရဲ့ လှုိ့ဝှက်ထားတဲ့ (ချောလို့ပဲဖြစ်ဖြစ်) ရုပ်မျက်နှာ အသွင်အပြင်ကိုလဲ ကို
ကြီးကျောက်က တွေ့ဖူးချင်မှာပါ ကျနော်တို့ ကိုယ်တိုင်မလာနိုင်ပေမဲ့ ကျနော်တို့ရဲ့ ကိုကြီး
ကျောက်ကို ချစ်ခင်မှု့ကို ပြသတဲ့အနေနဲ့ ပိုစ်ကဒ်လေးတွေ လက်ရေးနဲ့ စာရေးပြီး ဓါတ်ပုံလေး
တွေ ပေးပို့ပြီး အားပေးပြီး နှုတ်ဆက်ရင် ကိုကြီးကျောက် အတော်ပဲ ၀မ်းသာနေမှာပါ ကျနော်
တို့တွေရဲ့ ခင်မင်မှု့ကို ကိုကြီးကျောက်ကလဲ အသိအမှတ်ပြုပေးဖို့ ခု ဒီနေရာကနေ တောင်းပန်
ပါတယ်။ ကျနော်တို့ အမြဲ ဖုန်းမဆက်နိုင်တောင် ကျနော်တို့ ပိုစ့်ကဒ်လေးတွေ က ကိုကြီး
ကျောက်ကို ခင်မင်လေးစား အားကြကြောင်း သက်သေလေး တခုတော့ ဖြစ်နေမှာပါ ။ ကိုကြီး
ကျောက် လိပ်စာကိုလဲ ကူးယူဖေါ်ပြလိုက်ပါတယ်ဗျာ။

Nai Pe
11 Grandin Circle
Rockville MD 20851
USA

ph;(210)7870932

maungnaipe@gmail.com

သဘောပေါက်ပါတယ်

2010-10-07T02:53:00.000-07:00

သဘောပေါက်ပါတယ်။

ရွေးကောက်ပွဲ ရွေးကောက်ပွဲနဲ့ လူပြောသူပြောများနေတော့ ကိုချစ်ဖေလဲ မနေသာဘူးဗျာ ၀င်
ဝင်ပြောချင်တာပေါ့ တကယ်တော့ ကိုချစ်ဖေလဲ အသက်သာ ငါးဆယ်နားနီးလာတာ သုံးနှစ်ပဲ
လိုတော့တယ် ဘယ်ရွေးကောက်ပွဲရယ်မှ မဲထည့်ဖူးခဲ့သူလဲ မဟုတ်ပါဘူး ဘယ်ဖွဲ့ စည်းပုံ အ
ခြေခံ ဥပဒေကိုမှလဲ ထောက်ခံခြင်း ကန့်ကွက်ခြင်း လုပ်ခွင့်လဲ မရခဲ့ပါဘူး။ သို့သော်လဲ အများ
သူငှါလို လွတ်လွတ်လပ်လပ် ပွင့်ပွင့်လင်းလင်း သူမနာ ကိုယ်မနာ အညိုးအတေးမထား ပြော
ခွင့်ဆိုခွင့် တင်ပြခွင့် ညှိနှိုင်းဆောင်ရွက်ခွင့် ရှိတဲ့ ဘ၀မှာ လုံလုံခြုံခြုံ ငြိမ်းငြိမ်းချမ်းချမ်း( ပူညံပူ
ညံမလုပ်ပဲ) နေချင်သပေါ့ဗျာ။

ဒါပေမဲ့လဲ နေခွင့်ကတော့ မရရှာပါဘူး ဒါကတော့ ကိုချစ်ဖေတို့ ကြမှ မရရှာတာမဟုတ်ပါဘူး
ပြောရမယ်ဆိုရင် ကိုချစ်ဖေတို့ ဘိုးဘွား အစဉ်အဆက်မှာ ဘယ်တုန်းကရခဲ့သလဲ ပြောရမယ်
ဆို ခက်ပါ့ ဟိုတုန်းကလဲ ရေမြေ့အရှင် ဘ၀ရှင်မင်းတြားကြီးတွေက သေဆိုသေ ရှင်ဆိုရှင်
နေခဲ့ရ နောက်တော့လဲ ဗြိတိသျှလူကြီးမင်းများ အုပ်ချုပ်တာခံရ နောက်တော့လဲ သူတလူငါတ
မင်းနဲ့ ပြည်တွင်းစစ်ကြီးထဲ မွေးဖွားလာရ နောက်တော့ သိကြတဲ့အတိုင်းပဲ စစ်အာဏာရှင်တွေ
ထားရာနေ စေရာသွား ဘ၀ကိုရောက်လာကြရတာပါပဲ။

တခါတလေတော့လဲ ကိုယ့် အရှေ့က လွတ်လပ်ရေး ဘာရေးညာရေး ရအောင်ယူသွားတဲ့ ဘိုး
ဘွားတွေကိုပဲ ထထ စိတ်ဆိုးချင်ပါတယ် လွတ်လပ်ရေးတွေဘာတွေ ရအောင်ယူမသွားကြရင်
ပြည်တွင်းစစ်ကြီးလဲ ဖြစ်စရာမလို စစ်အာဏာရှင်ကြီးများလဲ ဗိုလ်လုပ်ချင်တိုင်းလုပ်ခွင့် မရနိုင်
တော့မှာလို့ ဘာဖြစ်လို့လဲ ဆိုတော့ တိုင်းတပါးကျွန် ဘာကျွန်ညာကျွန်အဖြစ်ကမှ လွတ်လပ်
နိုင်ပါသေးတယ် ဒို့ဗမာအစည်းအရုံးထောင်ခွင့် ဘာညာရှိပါသေးတယ်။ ဟော နိုင်ငံရေးလုပ်လို့
နေမ၀င်အင်ပါယာကြီးကို ပုပ်ခတ်စော်ကားလို့ ဘာလို့ဆိုရင်လဲ ထောင်ခြောက်လပဲကျသကိုး
ခု ကိုချစ်ဖေတို့ ၈၈မျိုးဆက်ကျောင်းသားတွေ ခေတ်နဲ့တော့ကွာပါ့ဗျာ။ နေမ၀င်အင်ပါယာ အုပ်
ချုပ်ရေးစနစ်ကြီးကို အတုယူပြီး လ နဲ့ နှစ် နားကြားမှားပြီး ၆၅ နှစ်ချလိုက်သလားမသိပါဘူး
ဗျာ။ နေရရ မနေရရ နှစ်စေ့မှ လွတ်မယ်ဆို ထောင်ထဲမှာပဲ သေရရုံပါပဲ ဆိုသလို။ အပြစ်ကလဲ
ကြီးပေသကိုး။

ခုရောဘာထူးသေးတုန်း တိုင်းတပါးမှာ ထွက်အလုပ်လုပ်ရတော့လဲ တိုင်းတပါးကျွန်ဖြစ်တာပါပဲ
မဟုတ်လားဗျာ။

ကိုချစ်ဖေအဲ့လိုပြောရင် ပြည်ပအားကို ပုဆိန်ရိုး ဘာရိုး ညာရိုး ပြောခံရဦးမယ် ဒါနဲ့ပြောချင်တာ
တောင်ဘယ်ရောက် သွားပါလိမ့် ရွေးကောက်ပွဲ ရွေးကောက်ပွဲ ကို ဘယ်တုန်းကမှ စစ်အစိုးရ
အဆက်ဆက်က ယုံကြည်လို့ ပါလဲ ဥပဒေဘောင်ထဲက ၀င်ပူးပြီး ရတဲ့နေရာလေးက ပြောမယ်
မလိမ်မိုးမလိမ်မာ စစ်သားတွေကို စည်းရုံးပြီး ဆရာကြီးတက်လုပ်မယ်ဆိုတဲ့သူတွေကော နောက်ဆုံးမှာ ဘယ်လို အဆုံးသတ်သွားတယ်ဆိုတာလဲ အားလုံးသိကြပါတယ်။

ပြည်သူ့ကိုယ်စားလှယ်တွေနဲ့ ရေးဆွဲထားပါတယ်ဆိုတဲ့ ဖွဲ့စည်းပုံ အခြေခံဥပဒေ တွေကို ခေတ်
အဆက်ဆက် သူတို့ လိုသလို မဖြစ်လာရင် ပယ်ဖျက်တာလဲ စစ်တပ်ပါပဲမဟုတ်လား ၁၉၄၇ ဖွဲ့
စည်းပုံ အခြေခံဥပဒေကို ၁၉၆၄ အာဏာသိမ်းခြင်းနဲ့ ပယ်ဖျက်လိုက်သလို စစ်အစိုးရကိုယ်တိုင်
စိတ်ကြိုက် ရေးဆွဲထားတဲ့ ၁၉၄၇ ဖွဲ့စည်းပုံ အခြေခံ ဥပဒေကိုလဲ ၁၉၈၈ အာဏာသိမ်းခြင်းနဲ့ ပယ်ဖျက်ခဲ့တာပါပဲ ခုလဲ ၂၀၀၈ ဖွဲ့စည်းပုံကိုတော့ ဖျက်စရာမလိုအောင် အစထဲက နည်းနည်း
ပါးပါး ပြောင်းထားတာမျိုးနဲ့ လုပ်ခဲ့တာဆိုတော့ ခုလာမဲ့ ရွေးကောက်ပွဲ ကလဲ ရွေးကောက်ပွဲ ယုံပါပဲ ဆိုတာ ကိုချစ်ဖေတို့ ပြည်သူတရပ်လုံးက သိပါတယ်ဗျာ။

ဘုမသိဘမသိ နဲ့ တောသူတောင်သားတွေလဲ သိပါတယ် ကိုယ့်ပတ်ဝန်းကျင်မှာ ဘယ်လိုလူ
တွေပဲ ချယ်လှယ်တယ် ဘယ်လိုလူတွေပဲ အနိုင်ကျင့်ကြတယ် ဘယ်လိုလူတွေပဲ လူတွင်ကျယ်
လုပ်ကြတယ်ဆိုတာကို သိပါတယ် ဘာပဲဖြစ်ဖြစ် ဒုတ်ကြီးကြီးနဲ့ အရိုက်ခံရတာထက် စာရင် ဒုတ်သေးသေး နဲ့ဆို အရိုက်ခံရတာလဲ တော်သေးသကိုး ဆိုသလိုပဲ သဘောထားကြတာပါ။

ရွေးကောက်ပွဲ မှာ မဲထည့်စရာ မဲထည့်ချင်စရာ လူကြီးလူကောင်းရယ်လို့မှ မရှိသလောက်ဖြစ်
နေရတဲ့ အခြေအနေမှာ မဲထည့်ရင်လဲ ဘယ်လိုလူမျိုးတွေကိုပဲ မဖြစ်မနေထည့်ရမယ်ဆိုတာ သိပါတယ်။ ဗိုလ်ကြီးတို့ သေနတ်ပြောင်းအောက်မှာ ညစ်ပတ်မှု့ မျိုးစုံအောက်မှာ နေလာခဲ့ကြ
တာ အသားကျနေကြပြီကိုး။

ဒီတော့ကာ မဲမထည့်ပဲနေလို့ရတယ်ဆိုလဲ မထည့်ကြပါဘူး ခြေညောင်းခံပြီးသွားမထည့်ကြပါ
ဘူး အဲ မဖြစ်မနေ မထည့်မနေရ မဲထည့်ရမယ်ဆိုလဲ ရှိတဲ့ မဲပုံးထဲ ထည့်ခဲ့ရမှာပါပဲ တခုပါပဲ
ပြောချင်တာက ဘာတွေညာတွေ လုပ်မနေကြပါနဲ့ဗျာ မီဒီယာခေတ်ကြီးမှာ အားလုံးမြန်မြန် မှန်
မှန်ကန်ကန်သိနိုင်တဲ့ ခေတ်ကြီးမှာ “မြန်မာရုပ်မြင်သံကြားကနေ ဗိုလ်ချုပ်မှုးကြီးသန်းရွှေ ကနေ
တိုင်းပြည်ကို မိန့်ခွန်းပြောကြားမှာ ဖြစ်လို့ နီးစပ်ရာ ရုပ်မြင်သံကြားရှိသောအိမ်သို့ မရှိသော
သူများက ည ကိုးနာရီတွင် စုဝေးရမယ် မစုမနေရ မစုရင် နားမထောင်ရင် ပြင်းထန်စွာ အရေး
ယူမည်” လို့ ရယက ကနေ အမိန့်ပေးစုခိုင်း ပြီးရင် မြန်မာရုပ်မြင်သံကြားကနေ ဗိုလ်ချုပ်မှုးကြီးက ထွက်လာ ပရိတ်သတ်ကြီးဖက် မိုက်ကြည့်ကြည့်ပြီး ခါးကြားထဲက သေနတ်ကို ထုတ် “ဘောင်း ဘောင်း ဘောင်း” ဆိုပြီး မိုးပေါ်ထောင်ပစ်လိုက် ပြီးရင် “ကျုပ်နဲ့
ကျုပ်မိသားစု ကျုပ်တပည့်လက်သားတွေပဲ အမြဲအုပ်ချုပ်မယ် မကျေနပ်ရင် ကျုပ်လို စစ်တပ်ထောင်ထား ကျုပ်တို့ လုပ်ချင်ရာလုပ်သွားမယ်” လို့ ပြောလိုက်လဲပြီးတာပါပဲဗျာ။

ရွေးကောက်ပွဲတွေ ဘာတွေလဲ အပိုလုပ် မနေပါနဲ့တော့ ပိုက်ဆံလဲကုန်ပါတယ် ကိုချစ်ဖေတို့လဲ သဘောပေါက်ပါတယ်။

သဘောပေါက်လို့လဲ ပြေးတာ တန်းနေတာပါပဲ သူလိုကိုယ်လို ပြေးလာကြသူတွေထဲ ပြည်
တွင်းမှာ ဟိုလိုလုပ်လိုက် ဒီလိုလုပ်လိုက်တော့လို့လဲ အဝေးထိန်းစနစ်နဲ့ နိုင်ငံရေးလုပ်တယ်ဆို
တဲ့သူတွေကို လဲ သဘောပေါက်ပါတယ်ဗျာ။ ကိုချစ်ဖေလဲ သဘောမပေါက်လို့ ကျောပေါက်ခဲ့ရ
တာတွေလဲ များပြီကိုး ဒီတော့ သဘောပေါက်ပါတယ်ဗျာ။ သဘောပေါက်ပါတယ်။

လူထုသူကြီး

2010-09-18T16:44:00.000-07:00

လူထု သူကြီး
အစိုးရကလည်း လူထု အစိုးရ။ လူထုစည်းဝေးပွဲ၊ လူထု အရေးဆိုပွဲ၊ လူထုတိုက်ပွဲများ ကိုလည်း မကြာခဏ ဆင်ယင်နေကြသည့် သမယ ဖြစ်သည်။ လူထုမိတ်ဆွေ၊ လူထု ရန်သူ၊ လူထု ခေါင်းဆောင် ဟူသော ဝေါဟာရများလည်း ပေါက်ပွား လာခဲ့လေပြီ။
အမှန်စင်စစ်အားဖြင့် ယခုခေတ်တွင် နေရာတကာ၌ လူထုနှင့် ကိုင်ပေါက် နေကြလေတော့သည်။ လူထုတည်းဟူသော နာမဝိသေသနကို ရေလဲနှင့် ပေါပေါကြီး သုံးစွဲနေကြသည့် ခေတ်ပေတကား။
လူထု လက်ဖက်ရည်ဆိုင်၊ လူထု ပင်မင်း၊ လူထု သတင်းစာ၊ လူထုပျော်ပွဲစားရုံ၊ လုထု ကိတ်မုန့်၊ လူထု မြေပဲလှော်၊ လူထုဘာ လူထုညာဟာ မရေ မတွက် နိုင်တော့ပြီ။ နေရာတကာမှာ လူထု။ ဟိုမှာလည်း လူထု၊သည်မှာလည်း လူထု ။ရှေ့မှ နာမဝိသေသန အမျိုးမျိုး တပ်၍ လူထုကိ သုံးစွဲကြသေးသည်။ လယ်သမားလူထု၊ အလုပ်သမား လူထု၊ ကုလားလူထု၊ မြန်မာ လူထု၊ အင်္ဂလိပ် လူထု၊ လူထု စုံလို့။ ဟောလာပြန်ချေပြီ။
မောင်ပြုံးချိုတို့ နယ်တွင် "လူထု သူကြီး" ရွေးပွဲတွေကျင်းပရပေဦးတော့မည်။ လူထုက တင်မြှောက်သော သူကြီးကို လူထုသူကြီးဟု ခေါ်ပါသည်။ ယခု ရှိရင်းစွဲ သူကြီးတွေကော လူထုကတင်မြှောက်သည့် သူကြီးမင်းများ ဖြစ်ကြပေသည်။ သို့သော်လည်း ထိုအိုမင်းဟောင်းနွမ်း နေသော သူကြီးများကို သစ်လွင်နေသော ယခုလူထုက မကြိုက်နိုင်တော့ ပြီဟု ဆိုသည်။ ထိုကဲ့သို့ ခေတ်မမီသည့် သူကြီးများကို ယခုမျက်စိကျယ်သော တက်လူများက မလိုချင်တော့ပြီ။ မျက်စိကျယ်သော လူထုသည် မျက်စိကျဉ်းသော သူကြီးကိုမကြည့်လိုတော့ပြီ။
"ဒီသူကြီးတွေဟာ ဗြူလိုကလား နက်စိတ် ဝင်နေပြီး။ ပြုပြင်လို့ မရတော့ဘူး။ ခေတ်မမီတော့ဘူး။ ဖြုတ်ပစ်ဖို့ပဲ ကောင်းတော့တယ်"
"သူကြီး ရွေးတင်တဲ့ အခါမှာလည်း ငယ်ငယ်ရွယ်ရွယ်ဖျတ်ဖျတ်လတ်လတ် လူကို တင်ဖို့ လိုတယ်။ အဘိုကြီးတွေ တင်လို့ မဟန်ဘူး။ ဘုန်းကြီးအို ကျောင်းပေါ် တင်သလိုပေါ့ကွ။ ခဏခဏဘုန်းကြီးပျံ လုပ်နေရမယ်။
ဤ အသံများကား ခေတ်၏ ကြွေကြော်သံများ ဖြစ်လေသည်။ သို့နှင့်ရှိရင်းစွဲ သူကြီးများကို ရာထူးမှရပ်စဲကာ လူထုသူကြီးများကို ပြန်လည်ရွေးကောက်ရန် လျှောက် လွှာများ ခေါ်ရလေသည်။
မောင်ပြုံးချို၏ ရုံးတွင် လျှောက်လွှာတွေ ဟီးတိုက်၍ ဝင်လာလေသည်။ အချို့ သူကြီးလူပါးများကမှု ရွာထဲ၌ ကြော်ငြာခြင်း မရှိဘဲ တိတ်တဆိတ်ပြိုင်သူမရှိသကဲ့သို့ တစ်ယောက်တည်းလာ၍ လျှောက်လွှာတင်ကြသည်။
သည်အချိန်တွင် မြို့ပိုင်တွေ အခက်အခဲနှင့် အတွေ့ရဆုံး အချိန်ဖြစ်သည်။ အသက်ငါးဆယ့် ငါးနှစ် ကျော်၍ပြန်လည် လျှောက်ထားခွင့် ရတော့မည် မဟုတ်သော သူကြီးကိစ္စကိုလည်း သူ ဂရုမစိုက်၊ အခွန်ကောက်ရန်ကိုလည်း သူမမှု၊ ရုံးအမိန့်ကိုလည်း မနာခံ၊ ထင်ရာကြဲလေတော့သည်။ ပြုတ်မဲ့တူတူမထူးတော့ပါဘူးဆိုကာ ကြက်ဝိုင်းကလေးများလည်း တိတ်တိတ်ပုန်း ထောင်လိုက်သေးသည်။ အရက်ကလေးများလည်း ချက်လိုက်သေးသည်။
ပြန်လည် အရွေးခံမည့် သူကြီးများမှာတော့ မဲ အရေးမို့ကြိုးစားပါ ကျွန်တော်တို့မှာ ချွေးတလုံးလုံး ဖြစ်နေကြလေတော့သည်။ တစ်နှစ်ကြာလို့မှရုံးသို့ခြေဦးမလှည့်ဖူးသည့် သူကြီးပေ သူကြီးကပ်များလည်း သူတို့အိမ်နှင့်ရုံးအိမ်ဦး နှင့် ကြမ်းပြင် ဖြစ်နေလေသည်။ ရွာသားတွေအတွက် အမတော်ကြေး လျှောက်ပေးရသည်မှာလည်း အမော။ သူ့ရွာတွင် လူအများ အလုပ်အကိုင်မဲ့၍ စားရမဲ့ သောက်ရမဲ့ဖြစ်နေပါသည်ဟု ဆိုကာ အငတ်စာရင်းတွေကိုလည်း တပြုံတခေါင်းကြီး လာပေးလိုက်သေးသည်။ သူ့အားမဲပေးမည့်သူတွေကို အကုန်လုံး စာရင်းတွင် ထည့်လာလေတော့သည်။
တစ်ပွဲတစ်လမ်း အကဲစမ်း ကြမည့် သူကြီးလောင်းတွေကလည်း လူထု အတွက် ပျာပျာသလဲ တအားခဲပြီး အလုပ်လုပ်နေကြလေသည်။ဟိုမှာလည်း သူတို့ ၊ သည်မှာလည်း သူတို့ကိုပဲ ရှောင်၍ပင် မလွတ်။ အချို့လည်း ရိုးရိုးသားသားပင် မိမိ သဘောကျသလို နိုင်ငံရေး ပါတီ များ၏ လက်မှတ်ကို ယူထားကြလေသည်။
အချို့လည်း မဲရရုံလောက်သာ ရည်ရွယ်လျက် အရေ အမျိုးမျိုး ကို ခြုံထားကြလေသည်။ မောင်ပြုံးချို၏ နယ်တွင် ဂွချောင်းရွာသည် နာမည်အကြီးဆုံး ဖြစ်သည်။ နွားခိုးတို့၏ ပုန်းအောင်းရာ ဒေသ ဖြစ်သည်။အရက်သမား တို့၏ မှီခိုရာလည်း မည်သည်။ ဓားပြ၊ သူခိုး ၊ ကိုလူဆိုးတို့၏စံပျော်ရာလည်း ဟူ၏ ။ ထိုကျေးရွာကို လွန်ခဲ့သော နှစ်ပေါင်းဆယ့်ငါးနှစ် လောက်ကတည်းက စိုးမိုးအုပ်ချုပ်ခဲ့သော သူကြီးမင်း ဦးဘချစ်သည် သူ၏ရာဇပလ္လင် မငြိမ်မသက်ရှိ နေသည်ကို တုန်လှုပ်သောအမူအရာဖြင့် အကဲခတ် လျက် ရှိသည်။ သူနှင့် ယှဉ်ပြိုင်လျှောက်ထား အရွေးခံမည့်သူသုံးဦး ပေါ်ပေါက်နေပါသည်။
မောင်ပြုံးချိုက သူ့သူကြီးမင်းကို ဤသို့မေး၏။
" ဘယ်နှယ့်လဲ သူကြီးမင်း၊ဟန်ပါ့မလား"
"ဟဲ ဟဲ ဟဲ ဟန်ရမပေါ့မြို့အုပ်မင်းရာ"
သူပြောလို့သာကြားလိုက်ရသည်။ မောင်ပြုံးချိုကတော့ ဘယ်နည်း နဲ့မှ သူရမည်မထင်။
နောက်သုံးရက်ကြာသော အခါ သူနှင့် ယှဉ်ပြိုင် အရွေးခံမည့်သူသုံးဦး အနက်မှ တစ်ဦးဖြစ်သူ ဦးဖိုးထောင်သည် အရွေးမခံတော့ပါဆို၍ သူ့လျှောက်လွှာကို ပြန်လည်ရုပ်သိမ်းသွားလေသည်။
ဦးဘချစ် ဘယ်လို ခြေထိုးလိုက်သည် မသိ။ သူနှင့် ယှဉ်ပြိုင်အရွေးခံရန် ဦးသာထွန်းနှင့် ကိုဖိုးမြစ်နှစ်ဦးသာ ကျန်တော့သည်။ ဦးသာထွန်းနှင့် ကိုဖိုးမြစ်တို့လည်း တလှုပ်လှုပ် တရွရွ ဖြစ်ကာ မြို့မှ မိမိတို့ အဖွဲ့ခေါင်းဆောင် များကို ဖိတ်ကြား၍ ရွာထဲတွင် တရားပွဲများ ကျင်းပလျက် ရှိလေသည်။ "သူကြီးဟာကျုပ်တို့ကို အုပ်ချုပ်လာတာ ဆယ်ငါးနှစ်ရှိပြီ။ ဘာတစ်ခုမှ ကောင်းတာ မလုပ်ခဲ့ဘူး။ဗြူလိုကလား နက်တွေနဲ့ ပေါင်းပြီး မဟုတ်တာချည်း လုပ်တယ်။ ဟိုတစ်နှစ်က အမတော်ကြေး ထုတ်တုန်းကလည်း ကျုပ်တို့ဆီက တစ်ယောက်တစ်မတ် တောင်းတယ်။ ဘာကောင်းသလဲ။ အုပ်ချုပ်မှုလည်း သိပ်ညံ့ဖျင်း တာပဲ။ ရွာထဲမယ် နွားခိုးတွေ၊အရက်သမား တွေ၊ ဘိန်းပုန်းစားတွေ သိပ်ပေါတယ်။ ဒီရွာဟာ နာမယ် ပျက်နေတယ်။ အခုဖြစ်နေတာက ဒီရွာသားဆိုရင် ဘယ်သူကမှလူကောင်းလို့ မထင်ဘူး ။ လူဆိုးနဲ့ သူခိုးချည်း ထင်တာပဲ။ ဒါကြောင့် သည်လိုမသမာမှုတွေကို ပပျောက်အောင် လူထု သူကြီးတင်ပြီး လုပ်ရမယ်။"
ဦးသာထွန်း ဘက်မှလူတွေက ဟောကြပြောကြ၏ ။ ကိုဖိုးမြစ် ဘက်ကလူများကလည်း ဤ နည်းဖြင့် သူကြီးကို ရှုတ်ချ၍ ပြောဟာက မဲဆွယ် ကြလေသည်။ သူကြီးမင်း ဦးဘချစ်ကား အပြုံးပင် မပျက်။ လသာသော ညတစ်ညတွင် သူကြီးမင်းက အရပ်ထဲမှ သြဇာတိက္ကမ ရှိသူများကိုသူ့အိမ်သို့ ဖိတ်ကြားထားလေသည်။ ရွာဦး ဘုန်တော်ကြီး ကျောင်းမှ ဝတ်တတ်ကြေး စည်းသံကို နာခံရင်း လူကြီးမင်း များ သူကြီးမင်းထံသို့ ရောက်လာကြလေသည်။ သူကြီးမင်းသည် သူ၏ ခြံဝင်းအတွင်း ရှိမြေကွက်လပ်တွင် ခုံတန်းရှည်များ၊ ကုလားထိုင်များကို ချထာလေသည်။ လူပေါင်းငါးဆယ်ခန့် ဖိတ်မန္တက ပြုထားလေရာ လူစုံလျှင် ပေါင်းမှ ချခါစ အရက်ဖြူကို လက်ဖက်ရည် ပန်းကန်လုံးများတွင် ထည့်၍ တစ်လှည့် စီလိုက်ပေးလေသည်။ သူကြီးမင်း၏သား အာလူးသည် သည်နေရာတွင် အတော်ဖျတ်လတ်သည်။ ဖခင်၏ အဖော်အားကို ရာဖြစ်၏ ။
လမင်းသည် ထိန်ထိန်ပနေလေသည်။ လရောင်ထိုးနေသော သူကြီးမင်း၏ အိမ်မှ သွပ်မိုးကို အဝေးမှပင်အထင်သား မြင်နေရသည်။ ဧည့်ပရိတ်သတ်များသည် အရက်ဖြူ တစ်ပန်းကန်လောက် ဝင်မိလျှင်လျှာသွက်အာသွက် ဖြစ်လာကြ လေသည်။ သည်အချိန်တွင် သူကြီးသား အာလူးက ပန်းကန်ပြားကြီးနှင့် အမဲသား နှပ်တွေကို ယူလာပြန်သည်။
" ကဲ ကဲ စားကြဗျ၊ အမဲသားနုနုလေး နှပ်ထားတာဗျ "
ဧည့်သည် အပေါင်းတို့သည်လည်း အားနာသော အားဖြင့် အတုံးခပ်ကြီးကြီးများကို ရွေးကာ သုံးဆောင်ကြကုန်သည်။
" ဟေမောင်ဘချစ်တဲ့၊ မင်းအမဲနှပ်က ကောင်းသဟေ့"
နှုတ်ခမ်းမွေးဖြူဖြူကြီးနှင့် အဘိုးကြီးတစ်ယောက်က ဆို၏ ။
" လတ်လတ်ဆက်ဆက်ကိုဘကြီးအောင်ရဲ့"
" အေး ဒါတော့ ဟုတ်ပါရဲ့၊ မင်းဟာ က တစ်ခွက်တည်းနဲ့ ပြီးရတော့မှာလား။ အာတောင် မစွတ်ဘူး"
" ရပါတယ် ၊ ရပါတယ် ၊လိုသလောက် ရပါတယ်၊ သုံးပေါင်းတောင် တည်ထားတာ။ ဒါနဲ့မှ မလောက်ရင် ဆယ်အိမ်ခေါင်းအိမ်က ယူပေးပါမယ်။
"အေးကွယ်၊ ဒီလို အခါတော့ ငါ့သားလေးအောက်မေ့သကွယ်" လောကနီတိ အဆိုအားဖြင့် အရသာ နှင့်ပြည်စုံသော အာဟာရကို သုံးဆောင်ရသော အခါ ချစ်ခင်ရင်းနှီး သူကိုသတိရမြဲတည်း။
"လွတ်လုပါပြီ ။ ရှေ့လမယ် ထင်တယ်"
" အဲဒါ သာထွန်းတို့လက်ချက်ပေါ့၊ ကျွန်တော်က မသိချင်ယောင် ဆောင်နေတာ ။ဒီကောင်က သွားတို့တာ၊ ခိုးတဲ့နွားရော တစ်ခါတည်း မိတော့ မကယ်နိုင်တော့ဘူး၊" သူကြီးက ခြေတစ်ချောင်းထိုးလိုက်လေသည်။
"အေးပေါ့ကွ၊ ဒါတောင်ဒီကောင်က သူကြီးလုပ်ဦးမတဲ့။ ဟင် ခွေးမသား။ ငါ့သား ထောင်ချတဲ့ကောင်"
အဘိုးကြီးသည် အရက်တစ်ခွက်ကိုမော့ချလိုက်ပြီးလျှင် တံတွေးကို ပျစ်ခနဲ ထွေးလိုက်ကာ အမဲသားတုံးကို ကိုက်လိုက်လေသည်။
" ဟုတ်တယ်၊ ဒီကောင်သာသူကြီးဖြစ်ရင် ကျုပ်တို့ ဒုက္ခပဲ၊ ကျုပ်တို့ ဒီရွာမှာတောင် နေနိုင်မှာ မဟုတ်ဘူး"
မကြာသေမီက အရက်ချက်မှုနှင့် ထောင်ကျပြီးလွတ်လာသူ ဖိုးထူးက အရက်သံနှင့် ပြောပြန်လေသည်။ သည် အချိန်တွင် အခါခွင့်ကိုစောင့်မျှော်လျက် ရှိသော သူကြီးမင်းက စကားစလေတော့သည်။
" အခု ကျွန်တော်ခေါ်ပြီး ကျွေးမွေးတာက သူကြီးကိစ္စနှင့် ဘာမှ မဆိုင်ဘူးဗျ။ သက်သက်မဲ့ အလှုလုပ်တာ။ သူကြီး ကိစ္စတော့ ခင်ဗျားတို့စလာလို့သာ ပြောရဦးမယ်"
ဤသို့ နိဒါန်းသွယ်ကာ ရပ်လိုက်ပြန်သည်။
လူတွေက ငြိမ်းပြီး နားထောင်နေလေရာ တစ်ခါတစ်ရံ တံတွေးထွေးသံနှင့် လေချဉ်တက်သံ များကို သာကြားရသည်။ သူကြီးမင်းစကား ဆက်ပြန်လေသည်။ "ကျွန်တော် အခြေအနေလည်း ခင်ဗျားတို့ အတွက် လုပ်နေတာပါ။ ခင်ဗျားတို့ အပေါ်များ ကျွန်တော် မတရားတာ ဘာလုပ်ဖူးလို့တုံး။ ကဲ ပြောကြစမ်းပါ"
မည်သူမျှ မဖြေကြချေ။ သူကြီးက စကားဆက်ပြန်လေသည်။
" သူတို့က ဟိုအမတော်ကြေး ထုတ်တုန်းက တစ်မတ်စီတောင်းတာပြောနေတယ်။ အဲဒါ မြို့အုပ်က တောင်းခိုင်းလို့ တောင်းရတာဗျ။ ကျွန်တော် ရတာမဟုတ်ဘူး ။ ပြီးတော့ ကျွန်တော့ကိုအုပ်ချုပ်မှု မကောင်းဘူးတဲ့။ ဒီရွာမယ် အရက်ချက်တဲ့ လူတွေပေါတယ် ၊ နွားသတ်တဲ့ လူတွေပေါသတဲ့။ ဘုရားဒကာ တွေကလေ။ ကျွန်တော့ ထွက်ပေးလိုက်ပါမယ်။ သူတို့ဒါလောက်တောင် သူကြီးလုပ်ချင်ရင် လုပ်ကြစမ်းပါစေ"
လူတွေ လှုပ်လှုပ်ရွရွ ဖြစ်သွားလေသည် ။ တံတွေးထွေးသံ ၊ အာမေဋိတ်သံတွေ ထွက်ပေါ်လာလေသည်။
" ဟာ မထွက်ပါနဲ့"
"ထွက်သွားလို့ဘာဖြစ်မလဲ"
"ဟိုကောင်တွေနဲ့ကျုပ်တို့နဲ့ မဖြစ်ပါဘူး" ဟူသော အသံများ ထွက်ပေါ်လာရာ ဦးဘချစ်သည် အတော် ပီတိသောမနဿဖြစ်သွားလေသည်။ သို့သော် ငြားလည်း သူက ထပ်၍ မှုလိုက်ပြန်သည်။ " မဟုတ်ဘူး။ ကျွန်တော့ရွာသားတွေကကျွန်တော့ကို မလိုချင်ဘူးဆိုရင် ထွက်ရုံပေါ့။ လုပ်ချင်တဲ့လူ တက်လုပ်ပါစေ။ ကျွန်တော် ဒီသူကြီး အလုပ်ကို မမက်မောပါဘူး"
အဘိုးကြီးသည် ဒယီးဒယိုင် နှင့် လက်တစ်ဖက်မှာ အမဲသားတုံး၊အခြားလက်တစ်ဖက်မှ အရက်ပန်းကန် ကို ကိုင်ကာ နေရာမှ ထလေသည်။ ပေါတယ်။ ဒါကြောင့် မတတ်သာလို့ အရက်ချက် ရောင်းကြရတယ်" လူ တစ်ယောက်က လျှာလေးလေးနှင့် ပြောလေသည်။
" ကျွန်တော် ဘယ်တော့ဖမ်းဖူးသလဲ" သူကြီးမင်းက ဂုဏ်ဖော်လိုက်သည်။
"ဟုတ်တယ်၊ သူကြီးမင်းဆီတစ်လုံး ပို့လိုက်ရင် ပြီးတာပဲ" အသံတစ်သံ ထွက်လာလေသည်။
" ဟုတ်တယ်၊ ကျွန်တော်ကလည်း ကြိုက်တတ်သကိုး ဟဲဟဲ၊ ပြီးတော့ နွားသတ်တယ်။ ကျွန်တော် ဘာလုပ်ဖူးသလဲ"
"သူကြီးမင်းဆီ အူစုံသည်းစုံ ပို့လိုက်ရင်ကိစ္စပြီးတာပါပဲ"
"ဟဲ ဟဲ ကျွန်တော် ကလည်း ကြိုက်တတ်သကိုး"
သူကြီးကိုယ်တိုင် အတန်ထွေနေသည့် အထဲ တစ်ခွက်မော့လိုက်ပြန်သည်။ အမဲသားတုံးကို ခဲလိုက်ပြန်သည်။နောက် စကားဆက်ပြန်သည်။ " အဲဒီတော့ ကိုယ့်သူကြီးနဲ့ ကိုယ်ရွာသား ဘယ်လောက် ဟန်သလဲ။ ဖိုးဗြူလား ဓားပြတိုက်တုန်းကလည်း ပုလိပ်မမိအောင် ကျွန်တော်ကိုယ်တိုင် ဝှက်ထားတယ် မဟုတ်လား။ဒီထက်တော့ ကျွန်တော် ခင်ဗျား တို့အတွက် မလုပ်နိုင်တော့ဘူး၊။ ဒါလောက်တောင် ခင်ဗျားတို့ အတွက် ဆောင်ရွက်နေတဲ့ အထဲ ကျွန်တော့ကို မကြိုက်ဘူးဆိုရင်လည်း ခင်ဗျားတို့ သဘောပေါ့"
" ဟိုး ဟိုး ၊ ဟေ့မောင်ဘချစ် ၊ မင်းကို ဘယ်သူက မကြိုက်ဘူးပြောသတုံး။ မကြိုက်ဘူးပြောတဲ့ ကောင် ငါနွားသတ်တဲ့ ဓားနဲ့ ခုတ်မယ်" အဘိုးကြီး တစ်ယောက်က ထ၍ ဆူပြန်သည်။
"ကဲ ဦးလေးဘချစ်"
လူငယ် တစ်ယောက်က ထ၍ပြောသည်။
"ဦးလေးဟာ ကျွန်တော်တို့ ကျေးဇူးရှင်ကြီးပဲ။ အရက်ချက်လည်းမဖမ်းဘူး။ နွားခိုးလည်း မမြင်ချင်ယောင်ဆောင်တယ်။ ဓားပြတွေလည်း ဝှက်ပေးတယ်။ နည်းနည်းပါးပါးဝေစုပေးရတာ ဘာအရေးကြီးလဲဗျာနော်။ အမတော်တို့၊ အခွန်တော်တို့၊လည်း ဘယ်တော့မှ အတင်းအကျပ် မတောင်းဖူးဘူး။ဦးလေးဘချစ်ဟာ ကျွန်တော်တို့ လူထု အကျိုးကို အကြည့်ဆုံးပဲ။ ဒါကြောင့် ဦးလေးဘချစ်ပြန်အရွေးခံပါ။ ကျွန်တော်ရအောင် ဆောင်ရွက် ပေးပါမယ်"
ထိုစကားကို ကြားသော အရက်ချက်သမားလူထု ၊ နွားခိုးလူထု နှင့်ဓားပြ လူထုက သာဓု သုံးကြိမ်ခေါ်ကြကုန်သည်။ကောင်းချီသြဘာ ပေးကြသည် ။ အနုမောဒနာ ပြုကြကုန်သည်။
" ကဲ ဒီလိုဆိုရင် အများက တောင်ပန်းလည်း လုပ်ရတာပေါ့" ဟု ဦးဘချစ်က အာမဝန်တာ ခံလိုက်ရလေသည်။မဲရွေးပွဲနေ့တွင် ဦးသာထွန်နှင့် မောင်ဖိုးမြစ်တို့မှ မြို့က အဖွဲ့အသီးသီး ကိုယ်စားလှယ် များရောက်လာ၍ပါးစပ်ပြဲအောင် အော်ကာဟစ်ကာ တရားဟောကာ အားပေးနေကြသော်လည်း မဲရေတွက်လိုက်သောအခါဦးဘချစ် အများဆုံး ရရှိနေသည်ကို တွေ့ရလေသည်။
ထို့ကြောင့် ဦးဘချစ်သည် လူထု သူကြီး ဖြစ်ရပြန်လေသည်။
ကိုချစ်ဖေ ထိုကဲ့သို့သောစာရေးတတ်လိုပါသည် သို့သော်ကိုချစ်ဖေ ကိုအဂ္ဂဘလော့မှ ကူးယူဖေါ်ပြခြင်းသာဖြစ်ပါသည်။
မူရင်းစာရေးသူ မပါရှိပါချေ မတွေ့ပါ။ ကျနော်တို့ ရွေးကောက်ပွဲနှင့် ဆင်ဆင်တူ၍ သဘောကျမိပါသည်။ သဘောမတွေ့သော်
ခွင့်လွှတ်ကြပါကုန်။ ကိုကျောက်(ရွှေရတုမှတ်တမ်းကြီး)ပြောပြချက်အရ စာရေးသူမှာ ဆရာ မန်းတင် ဖြစ်နိုင်ပါကြောင်း သိရပါသည်။
(ဂျာနယ်ကျော်၁၉၄၇ ဒီဇင်ဘာ ၁)

ကိုဖိုးလုံးတို့ပြာနေသည်

2010-09-14T22:49:00.000-07:00

“ ဒီမယ် ကိုဖိုးလုံး ခင်ဗျားဟာ အနီလား အဖြူလား အ၀ါလား ပြောစမ်း ခင်ဗျားဘာလဲ ဗျာ.”
“ဗိုလ်ကြီးတို့ရယ် ကျနော် အဖြူ အနီ အ၀ါ ဘာမှမဟုတ်ပါဘူးဗျာ ဗိုလ်ကြီးတို့ အားလုံးကို ပြာ
နေအောင်ကြောက်ရတဲ့ အပြာပါ”

ဆရာမန်းတင်ရဲ့ ကိုဖိုးလုံး ၀ထ္ထုထဲက စာပိုဒ်တပိုဒ်ပါ ဒုတိယကမ္ဘာစစ်ကြီးအပြီး မြန်မာနိုင်ငံ
ပြည်တွင်းစစ်ကြီးနောက်ခံ လယ်သမားဘ၀ တစိတ်တဒေသ ဘ၀သရုပ်ဖေါ်ဝထ္ထုဖြစ်သည်။ အ
ခြားသူများလည်း ကျနော်ကဲ့သို့ ကိုဖိုးလုံး ၀ထ္ထုများကို ဖတ်ဖူးကြပေလိမ့်မည်။ ဖတ်ဖူးခဲ့ပြီး နှစ်
သက်ရာ လယ်သမားဘ၀နောက်ခံ ၀ထ္ထု နှစ်ပုဒ်ထဲမှ မှတ်မှတ်ရရ ကျနော်မှတ်မိနေသည့် တပုဒ်ဖြစ်သည့် ဆရာ မန်းတင်ဝထ္ထုထဲက စာပိုဒ် မြန်မာလယ်သမားကိုဖိုးလုံးရဲ့ ဘ၀အမြင်ပါ။

ကျနော်တို့ နိုင်ငံကား ဗိုလ်ကြီးတွေပေါလှသည် ရဲဘော်ဖြူ ရဲဘော်ဝါ အလံနီ အလံဖြူ စသည်
ဖြင့် ပြည်တွင်းစစ်မီးကြီး တောက်လောင်ခဲ့ရာ လက်နက်ကိုင်အဖွဲ့များ ပေါ်ပေါက်လာမှု့နှင့်ထပ်
တူ ဗိုလ်ကြီးများပေါ်လာခဲ့သည်။ သေနတ်ရှိရာ သေနတ်ကိုင်ရာလူကို အရပ်သူအရပ်သားများ
က ဘယ်အဖွဲ့ ညာအဖွဲ့ရယ်မသိ။ အားလုံးကြောက်ကြရသည် ဟိုဖက်ဒီဖက်အနေမတတ်လျှင်
ကြားညှပ်ပြီး အသတ်ခံရသည်လည်းမနည်း။ ထို့ကြောင့် သေနတ်ကိုင်ထားလျှင် ဗိုလ်ကြီးဟု
သာခေါ် မမှားပေ။ ဤသည်ကို ဆရာမန်းတင်က သရုပ်ဖေါ်ထားသည်။ ခုတော့ သေနတ်မ
ကိုင်သည့် ကိုင်စရာမလိုသည့် ဒုက္ခပေးနိုင်သည့် ဗိုလ်ကြီးများ ပိုမိုများပြားလာတော့သည်။

ပြည်တွင်းစစ်ကြီးနှင့်အတူပါလာသော ဆိုးကျိုးအပေါင်းပါတည်း သို့သော် ကျနော်တို့ အောက်
ခြေပြည်သူပြည်သား လယ်သမားများ နှစ်ပေါင်းခြောက်ဆယ်ဝန်းကျင် ထိုကဲ့သို့သော ဒုက္ခများ
ကလွတ်မြောက်ကြပြီလားဆိုတော့ မလွတ်မြောက်နိုင်သေး။ ခုရက်ထဲ အင်တာနက်စာမျက်နှာ
မှ သတင်းတချို့ကိုဖတ်ရသည်။ ကိုဖိုးလုံးသာရှိနေသေး၍ ထိုသတင်းတွေကိုကြားရရင် ၀မ်းပဲ
သာနေမလား မ၀ံ့မရဲနဲ့ အားလုံးအတူတူပါပဲလို့ပဲ တွေးနေမလား။ မဲမရသေးခင်တော့ ဒီလိုပေါ့
နောက်တော့လဲ ရွာကိုပေါ်မလာကြတော့ ရွာကိုလာတုန်းက စည်းရုံးရေးခရီးထွက်လာတုန်းက
ကိုဖိုးလုံးတို့က မရှိရှိတာလေး အိမ်ကကြက်ကလေးချက်ရ တောအရက်ကောင်းကောင်းလေး
လိုက်ရှာတိုက်ကြရ။ ဟော.မြို့ပေါ်ရောက်လို့ လက်ဖက်ရည်ဆိုင်ရှေ့မှာ ထိုလူကြီးလူကောင်း မဲ
ဆွယ်သမားများကိုတွေ့လို့ ကိုဖိုးလုံးတို့ကို ခေါ်မတိုက် မမှတ်မိ အလုပ်များကြသကိုး။

ခုလဲ နာရေးကူညီမှု့ကို ကူညီကြသည်တဲ့ တသက်လုံးယောင်လို့တောင် မကူကြသူတွေ ဘာ
မျှော်လင့်ချက်မှမပါပဲ ကူညီသူတွေကိုတောင် နည်းအမျိုးမျိုးနဲ့ နှောက်ယှက်သူတွေ ခုတော့ နာ
ရေးကူညီကြသတဲ့ ငွေသုံးသောင်းတောင် ကူညီသေးဆိုပဲ။ အမြဲတန်းကူညီသွားသော်ကိုဖိုးလုံး
တို့မပူပင်ရတော့ မဲရွေးပြီးတဲ့အထိဆိုရင်တော့မကောင်းလှသေး။ ဘာပဲဖြစ်ဖြစ် ခုလိုအပြိုင်အ
ဆိုင် နာရေးမှာ ကူညီသည်ဆိုတော့ ကောင်းသား တသက်လုံးပြိုင်ကြပါစေပဲ ဆုတောင်းရမည်။

သက်ကြီးရွယ်အိုများကိုလဲ ရိုသေသမှုပြုဂါရ၀ပြုကြသည်ဆိုပဲ သက်ကြီးအင်အားများ၍ အ
သက်ကို ပိုကြီးတဲ့ စာရင်းထပ်ပြုပြီးဂါဝရပြုကြသည် နို့မို့ အထက်ကချပေးသောငွေမလောက်
အသက် ၇၀ တန်းကန်တော့ရန် စာရင်ပြုစုပြီးမှာ ရ၅ နှစ်ကိုထပ်တိုးလိုက်ရသည်ဆိုပဲ။ ကောင်း
လေစွ။ ရွေးကောက်ပွဲပြီးလျှင် အသက် ၁၀၀ ကျော်များကိုသာ ကန်တော့တော့မည်။ ခုနေခါ
တော့ အတိုးနှုန်းနည်းနည်းနှင့်လဲ ငွေထုတ်ချေးသည် မျက်မှန်များကိုလဲ ဝေငှပေးသည်။ စာ
သင်ကျောင်းကိုလဲငွေလှုသည်။ ရွာဘောလုံးအသင်းတောင်ငွေလှုသည် မဲဆွယ်သူများမဆိုး သဘောထားမဆိုးလှ ကိုဖိုးလုံးတို့လဲပျော်သည်။

သို့သော် မဲထည့်ကြရတော့မည်။ မဲမထည့်သူများစာရင်းမှတ်ထားပြီးလယ်သိမ်းလျှင် ဒုက္ခ သိမ်း
သည့်နေရာတွေလဲသိမ်းလေသည်။ မဲကို ကြောက်ကြောက်နှင့်ထည့်လျှင် ဘယ်သူဘယ်ဝါကို
ထည့်ရပါ့။ ဟိုတုန်းက လေသံကျယ်ကျယ်နှင့် အစိုးရပြုတ်များကိုပဲထည့်ရမလား။ နီးရဓါး
အသင်း အဲ ပါတီကိုပဲ မဲထည့်ရမလား။ ကိုဖိုးလုံးတို့အတွက် ထူးတော့မထူး ဟိုတုန်းက ပင်နီ
တိုက်ပုံနှင့် ကချင်လုံချည်နှင့် ခမောက်အဖွဲ့အတွက် မဲလာဆွယ်တဲ့ ကောင်လေး ကောင်မလေး
များလဲ မတွေ့တော့။ ဘာပဲဖြစ်ဖြစ် ကိုဖိုးလုံးတို့အတွက်တော့မထူး။ လူညီလို့ ထချကြကြေးဆို
လျှင်တော့ အနီးကပ်ဆုံးရန်သူတွေကိုသာ ချဖို့ရှိသည်။ ကိုဖိုးလုံးတို့အတွက် အနီးကပ်ဆုံး ရန်
သူဆိုတာ ဘယ်အဖွဲ့ ညာအဖွဲ့ရယ်တော့မသိ။ ဒုက္ခပေါင်းစုံပေးတတ်သူတို့သည်သာ ကိုဖိုးလုံး
တို့ရန်သူ ကိုဖိုးလုံးတို့ ခွဲခြားတတ်သည်။ မခွဲခြားတတ်မှာမပူနှင့် သို့သော် ခုနေခါတော့ ကိုဖိုး
လုံးတို့ ပြာနေအောင်ကြောက်နေရသည်။ ကိုဖိုးလုံးတို့ကို အထင်အမြင်သေးနေသော နိုင်ငံရေး
ဝါရင့်သမ္ဘာရင့် အဝေးကြီးက အားပေးနေသူများလဲမရှား ကိုဖိုးလုံးတို့လဲ လူညီအောင်ဆု
တောင်းနေသည်။ လူညီသည့် ခေတ်အဆက်ဆက် ကိုဖိုးလုံးတို့ နောက်ကျန်မနေခဲ့။ ကိုဖိုးလုံး
တို့ ခုတော့ ပြာနေရသေးသည်။

ဆိုကြမယ် ကကြမယ် ပြည်သူအတွက် သို့မဟုတ်

2010-09-03T04:14:00.000-07:00

ဆိုကြမယ် ကကြမယ် ပြည်သူ့အတွက် သို့မဟုတ်

ကိုချစ်ဖေ ခုတလောတော်တော်စဉ်းစားမိနေတဲ့ အကြောင်းတခုရှိပါတယ် အဲ့ဒါကတော့ အခြား
သူတွေတော့ ဘယ်လိုတွေးမိကြမလဲ မသိပါဘူးဗျာ ဒီလိုပါ “ တကယ်လို့များ ကိုချစ်ဖေသာ မြန်မာပြည်တွင်းမှာနေထိုင်တဲ့ သူတယောက်လဲဖြစ်မယ် အနုပညာသမားတယောက်လဲ ဖြစ်
မယ်ဆို စစ်အစိုးရရဲ့ ၀ါဒဖြန့် ရုပ်ရှင်တွေ သီချင်းတွေကို စစ်အစိုးရ သဘောကျ ဆိုမှာလား ရေး
မှာလား မရေးမနေရ မဆိုမနေရ ရုပ်ရှင်ဗွီဒီယို မရိုက်မနေရ ဆိုရင်ကော ဘယ်လိုလုပ်မလဲ” လို့ပါ။

အရာရာကို စစ်တပ်က ချုပ်ကိုင်ထားပြီး သူတို့အလိုကျ လိုက်မလုပ်တဲ့သူတွေကို နည်းအမျိုး
မျိုးနဲ့ ချိန်းခြောက် ဒုက္ခပေးလေ့ရှိတာကိုတော့ အများပြည်သူအားလုံးသိသလို အနုပညာရှင်
တွေလည်းသိကြပါတယ်။ ဒီတော့ကာ ကြောက်ရွံရလို့ မိမိရဲ့ ဥစ္စာပစ္စည်းဓန နာမည်ဆုံးရှုံးမှာ စိုး
လို့ စစ်အစိုးရရဲ့အလိုကျ (ပေါ်တာဆွဲတဲ့အခါ ပါသွားသလို) ဆိုကြရ ကကြရပါတယ် လို့ ဆိုလာ
ပါတယ်။

ကိုချစ်ဖေသာ နာမည်ကြီးသရုပ်ဆောင်မင်းသားဖြစ်မယ် နာမည်ကြီးအဆိုတော်ကြီး ဖြစ်မယ်
ဆိုရင်ကော ဆိုမလား ကမလား မဆိုရင် ဒုက္ခတွေ့တော့မယ် အဲ့ဒီတော့ ဘယ်လိုလုပ်မလဲ ကိုယ်က နာမည်ကြီးသရုပ်ဆောင် နာမည်ကြီးအဆိုတော် တေးရေးဆရာမဖြစ်လို့ “စစ်အာဏာ
ရှင်တွေကိုတော့ ဆန့်ကို ဆန့်ကျင်ရမှာပဲဗျာ” လို့ ပြောတယ်လို့ လဲ အထင်မရောက်ကြပါနဲ့။ ကို
ချစ်ဖေသာဆို ဘယ်လိုရပ်တည်မလဲ ဆိုရမလား ရိုက်ရမလား ရေးပေးရမလား တီးမှုတ်ပေးရမ
လား မပေးရင် ရပ်ကွက်ထဲအထိဆင်း ဒုက္ခပေးနေတဲ့ ထောက်လှမ်းရေး အမျိုးမျိုးရဲ့ ဒုက္ခပေး
ခြင်းကို ခံရမလား တွေးမိနေတာပါ။

ဒီလိုဗျာ ဟိုအရင်ကျနော်တို့ မမှီလိုက်ပေမဲ့ သမိုင်းကြောင်းအရ အထင်အရှားရှိနေတဲ့ အဖြစ်အ
ပျက်တွေထဲက ကိုလိုနီခေတ်မှာ နေမ၀င်အင်ပါယာပိုင်ရှင် အုပ်ချုပ်သူတွေကို သရော်တဲ့စာ မိမိ
အမျိုးသားတွေရဲ့ ဇာတိမာန် တက်ကြွစေတဲ့ သီချင်းတွေကို ရေးခဲ့တဲ့သူတွေ ဆိုခဲ့ ကခဲ့တဲ့သူ
တွေ ကိုကော အင်္ဂလိပ်အစိုးရမင်းများနဲ့ အလိုတော်ရိတွေက ကြိုက်ပါ့မလား။ ကြိုက်ကြိုက်မ
ကြိုက်ကြိုက် အနုပညာရှင်တွေအနေနဲ့ စဉ်းစားကြည့်စေချင်တာကတော့ ဒို့ဗမာသီချင်း န
ဂါးနီသီချင်း မီးဒုတ် သီချင်း အစရှိတဲ့ ကိုချစ်ဖေမသိတဲ့ သီချင်းတွေရောဟာ ခုလွတ်လပ်ရေးရ
ပြီး နှစ်ပေါင်း (၆၀) ကျော်အထိ မူလရည်ရွယ်ချက် အမျိုးဂုဏ်ဇာတိဂုဏ်ကို ထင်ဟပ်တက်ကြွ
စေနိုင်တုန်းပါ ကိုလိုနီနယ်ချဲ့ အစိုးရအလိုတော်ကျ ပေါ်လစီသီချင်းတွေ ဂျော့ဘုရင်မင်းမြတ်ရဲ့ ဘုန်းတော်ဖွဲ့သီချင်းတွေကတော့ ကြားတောင်မကြားဖူးတော့ပါဘူး ဘယ်သူတွေရေးလို့ ဘယ်
သူတွေဆိုခဲ့တယ်ဆိုတာလဲ မသိကြတော့ပါဘူး။ တကယ်လွတ်လပ်ရေးရပြီးခေတ်မှာကော မ
ရှက်မကြောက်ပြောရဲ ရေးရဲပါ့မလား ဆိုရဲပါ့မလား အဲ့ဒီတုန်းက ငါက ငါ့အဖေက ငါ့အဖိုးက အဲ့ဒီပေါ်လစီသီချင်းတွေ ဘုန်းတော်ဘွဲ့သီချင်းတွေရေးခဲ့သူ ဆိုခဲ့သူပါရယ်လို့ ကြေငြာရဲပါ့မ
လား။

အဲ့ဒီတုန်းကတော့ နယ်ချဲ့အစိုးရဆိုပေမဲ့ ခုစစ်အစိုးရလောက်ဖိနှိပ်မှု့မရှိလို့ သီဆိုခဲ့ကြတာ ထင်
ရှားပြီး တမျိုးသားလုံးအသဲစွဲ ဖြစ်ခဲ့ရတာလို့ပြောရင်လဲ ပြောပါ။ ကိုချစ်ဖေထင်တာတော့ စစ်အ
စိုးရရဲ့ ပေါ်လစီကားကို မရိုက်မနေရဆိုရင်လဲ မရိုက်ဘူးကွာ ဘာဖြစ်ဖြစ်ဆိုတဲ့ သဘောထားမျိုး
မထားနိုင်တာကြောင့်၇ယ် ဆိုလိုက်ရေးလိုက်လဲ ပြီးတာပါပဲကွာ ကိုယ်ကနိုင်တာမှမဟုတ်
တာ နမ်းတစေ့နဲ့ ဆီမဖြစ်ပါဘူး အများမိုးခါးရေသောက် ကိုယ်လဲသောက်လိုက်ပေါ့ ကိုယ့်ဒုက္ခ
မပေးရင် ကိုယ့်မိသားစု ဒုက္ခမပေးရင်တော်ပီ ဆိုတဲ့သူတွေက အများစုဖြစ်နေလို့ထင်ပါတယ် အဲ့ဒီသူတွေကို ဦးဆောင်တာကတော့ တက်လာတဲ့အစိုးရ ဒို့အစိုးရ တက်တက်ကြွကြွနဲ့ကို
လုပ်မယ်ဆိုတဲ့ အခွင့်အရေးရှေ့တန်းတင် အနုပညာသမားတွေက ဦးဆောင်ပါဝင်တာပါ။

ဒီတော့ကာ ကိုယ်ကိုယ်တိုင်က စစ်အစိုးရဆိုတာ မတရားတဲ့အစိုးရ နိုင်ထက်စီးနင်းအစိုးရ ပြည်သူလူထုကြီးကို ဆင်းရဲတွင်းထဲ ဆွဲချတဲ့အစိုးရ ဘယ်သူသေသေ ငရွှေမာရင်ပြီးရောအစိုး
ရ ဒီအစိုးရကို နမ်းတစေ့နဲ့ဆီမဖြစ်သော်လဲ နမ်းဆိုတာ ဆီဖြစ်တတ်တဲ့အမျိုး မတရာမှု့မမျှတမှု့
ကို ငါ့အခွင့်အရေးဆုံးပါစေ ဆန့်ကျင်သွားမယ် ဆိုတဲ့စိတ်ဓါတ်မျိုး မထားနိုင်ရင်တောင်မှ မီး
လောင်ရာလေမပင့်ဘူး အဆိပ်ပင်ရေမလောင်းဘူးဆိုတဲ့ သဘောထားမျိုးထားနိုင်ရင် ရှောင်လို့
ရမယ်ထင်ပါတယ်။ ပါးပါးနပ်နပ်ရှောင်တဲ့သူတွေလဲရှိတာပါပဲ။

နောက်ဆုံးကိုယ့်အနုပညာကို အနိုင်ကျင့်ပြီး မီဒီယာတွေကနေပိတ်ပင်ထားရင်တောင် အခြား
သော ရရာနည်းလမ်းတွေနဲ့ ဖေါ်ထုတ်နိုင်တာပါပဲ ကိုဇာဂနာတို့ ကိုကျော်သူတို့လို စစ်အစိုး
ကြိုက်ကြိုက်မကြိုက်ကြိုက် ကိုယ်လုပ်နိုင်တဲ့ဘောင်ထဲကနေ ရသလောက် မိမိရပ်တည်ချက်
အတိုင်း လုပ်သွားရင်ကော မရဘူးလားဗျာ။

သြ ..ကိုချစ်ဖေတို့က ကျည်ကွယ်မျက်ကွယ်ကနေပြီး အဝေးကနေပြီး လက်သီးလက်မောင်း
တန်းနေတယ်လဲ ထင်ခံရပါဦးမယ် ကိုချစ်ဖေလဲ မြန်မာ့အမျိုးသား မြန်မာနိုင်ငံသား မတရား
မှု့ကို နည်းနည်းမှ မကြိုက်သူမို့ စစ်အစိုးရကို အားပေးကူညီသူတွေကိုလည်း မကြိုက်ပါ။ မ
ကြိုက်တဲ့အတွက် ကိုယ့်နည်းနဲ့ကိုယ် ဆန့်ကျင်ပါတယ် စစ်အစိုးရ ဘက်တော်သားတွေလို့ ယူဆရတဲ့ အနုပညာရှင်တွေကို အားမပေးပါဘူး သူတို့သီချင်းဘယ်လောက်ကြိုက်ကြိုက် နား
မထောင်ချင်တော့ပါဘူး။ ဒါကိုချစ်ဖေတို့ ပရိတ်သတ်အခွင့်အရေးပါ။

ကိုချစ်ဖေတို့ ငယ်ငယ်က အသည်းစွဲ တိုင်းရင်းသားအဆိုတော်တယောက်ဆို ကိုချစ်ဖေ စိတ်
ထဲ မတွေ့တာနဲ့ သူ့ သီချင်းကောင်းလေးတွေတောင် နားမထောင်ချင်တော့ပါဘူး ဟိုတုန်းက
တော့ တော်တော်ကြီးကို လေးစားမိ သဘောကျမိတဲ့သူပါ။ သူရပ်တည်ချက်ပြောင်းသွားတာ
ကို ကြည့်ပြီးစိတ်ပျက်သွားမိလို့ပါ။ အဲ့ဒီနည်းနဲ့ ဆန့်ကျင်ပါတယ် ဒါပရိသတ်တယောက်ရဲ့ အခွင့်
အရေးပါ ကိုယ်နဲ့ မဆိုင်ဘူးရယ်လို့ မခံယူပါဘူး။

ပုဂ္ဂိုလ်ရေး အညိုးအတေး အာဃာတရယ်တော့ မရှိပါဘူး သို့သော်လဲ သူ့ကိုအားပေးမှု့ကို
လျှော့ချခြင်းဖြင့် စစ်အစိုးရကို ဆန့်ကျင်ရမယ်လို့ထင်ပါတယ်။ စစ်အစိုးရရဲ့ ပေါ်လစီကားတွေ
သီချင်းတွေကို ကြောက်လို့ပဲဖြစ်ဖြစ် အတင်းခေါ်လို့ပဲဖြစ်ဖြစ် သီဆိုရတယ်ဆိုလဲ သီဆိုပါ။ သူ့
အနုပညာကို အသုံးချပြီး စစ်အစိုးရအတွက်လုပ်ပေးတယ် အထောက်အကူပြုတယ်ဆိုရင် ကို
ချစ်ဖေတို့ကလဲ သူ့အနုပညာအားလုံးကို အားမပေးရုံပါပဲ အားပေးဖို့ ရှေ့ဆောင်ရှေ့ရွက်လုပ်သူ
တွေကိုလဲ ဆန့်ကျင်ရုံပါပဲ။ ပြည်သူတွေဖက်က အမြဲရပ်တည်ပြီး အနုပညာဖန်တီးသူတွေကို
တော့ အမြဲအားပေးရမှာပေါ့ဗျာ။( ဒီကြားထဲ ဗိုလ်ချုပ်မှုးကြီးက သီချင်းရေးဆိုပဲ)

ရုပ်ရှင်သရုပ်ဆောင် နေတိုးတို့ မင်းမော်ကွန်းတို့ ထွန်းထွန်းတို့ ဆိုလဲပုဂ္ဂိုလ်ရေးအရ မုန်းတီးစ
ရာမရှိပါဘူး ၀ိုင်းစုခိုင်သိန်းတို့ ရဲလေးတို့ဆိုလဲ မုန်းတဲ့စိတ်မဖြစ်မိပါဘူး ဒါပေမဲ့လဲ သူတို့ရဲ့ အနု
ပညာစွမ်းပကားနဲ့ စစ်အစိုးရကို ထောက်ပံ့ခဲ့မှု့ကိုတော့ ဆန့်ကျင်ရမယ်လို့ တွေးမိနေတယ်ဗျာ။
လူသားချင်းအနေနဲ့တော့ နားလည်စာနာနိုင်ပါတယ် သူတို့ရဲ့ အခက်အခဲကို သို့သော်လဲ တနိုင်
တပိုင်ဆန္ဒပြမှုပဲဖြစ်ဖြစ် တယောက်ထဲ ဆန္ဒပြမှုပဲဖြစ်ဖြစ် ဆန့်ကျင်ကြောင်း အလိုမရှိကြောင်း
တော့ မိမိတို့ရဲ့ လွတ်လပ်မှု့ကို အသုံးချပြီး ဆန့်ကျင်ရမှာပါပဲ။(ဆန့်သာ ဆန့်ကျင်ရတယ် ၀ိုင်းစု
ခိုင်သိမ်း လေးကိုတော့ အားအနာဆုံးပါပဲ) သူတို့ကို ပုဂ္ဂိုလ်ရေးလုံးဝ မုန်းတီးမှု့မရှိပဲ
သူတို့ရဲ့ အနုပညာအားလုံးကိုတော့ ပြန်ဆန့်ကျင်သင့်တယ်လို့ ထင်နေတွေးမိနေပါတယ်။

ကိုချစ်ဖေ စိတ်ကြီးနေတာလဲ ဖြစ်ရင်ဖြစ်မှာပေါ့ဗျာ။

ပြန်ပေး

2010-07-24T12:41:00.001-07:00

ပြန်ပေး

ဘာမှမဟုတ်ပါဘူး.
၂၀၁၀
ရွေးကောက်ပွဲ
ရွေးကောက်ပွဲနဲ့
မုဆိုးရာသီ
တိမ်တောက်ချိန်မှ
လှတဲ့ အကျဉ်းတန်မပါ။

တဆောင်းဝင် တဆောင်းထွက်
ခေတ်အဆက်ဆက်
နိုင်ငံရေးမှာ
လင်ကောင်မပေါ်ပဲ
သားလျှောမွေးတဲ့ကောင်မ
ခု..
ဒီမိုကရေစီပြုံး ပြုံးတယ်
အရပ်တကာလည် ကြာပစ်တယ်
အမြီးမကျက်ခင် အမြီးစားတယ်
သရေပေါ်အိပ် သရေနားစားတယ်
မုဆိုးနားမနီးပဲ တောလည်ထွက်တယ်
မသူတော်ချင်းချင်း သတင်းမွေ့တယ်
အဲ့ဒီအရပ်ပျက်မ
အဲ့ဒီစစ်အစိုးရ
အယုတ်တမာမ.
ခေတ်ပျက် သူဌေးမ

အပျိုရည်ပျက်သွားတဲ့ ငါတို့ရဲ့တောင်ယာခင်းလေးပြန်ပေး
ကလေးစစ်သားလေးရဲ့ ပြတ်သွားတဲ့ ခြေတဖက်ပြန်ပေး
မိသားစုအတူ ညစာစားခွင့်တွေကို ပြန်ပေး
တက္ကသိုလ်ကျောင်းက ငွေလမင်းကို ပြန်ပေး
နိုင်ငံရေးအကျဉ်းသားလေးရဲ့ အမေကိုပြန်ပေး
နွမ်းလျအိမ်ပြန်လမ်းတွေကိုပြန်ပေး
ရွှေ့ပြောင်းအလုပ်သမ ဖြစ်သွားတဲ့
မူလတန်းဆရာမလေးကိုပြန်ပေး
မီးတောက်အရက်တလုံးနဲ့ ကောက်သစ်စားပွဲတွေကိုပြန်ပေး

ပြန်မပေးမှု့များအားလုံးကို ပြန်ပေးပါ.
ခင်ဗျားလုယူသွားတဲ့
လောကပါလနတ်မင်းကြီးကိုလဲပြန်ပေးပါ

ဒါဟာ
တိုင်းပြည်ကြီးတပြည်လုံးလုံးနာဖျားတာ
ခြေသလုံးအိမ်တိုင်သမားတယောက်
အဆုပ်အအေးမိတာမဟုတ်လို့.
ပြန်ပေးပါ.

ပြန်မရနိုင်တဲ့ ညနေခင်းတွေထဲ
ခင်ဗျားခင်းတဲ့ ဇာတ်က နာလွန်းတယ်
၂၀၁၀
ရွေးကောက်ပွဲတွေအစား

ပြန်ပေးပါ..

မိုးစဲနေ..

သဘောကျမိတဲ့ ကာတွန်းအတွေး

2010-06-14T20:25:00.000-07:00

သဘောကျမိတဲ့ ကာတွန်းအတွေး

ကိုချစ်ဖေ မနက်စောစောသတင်းဖတ်လိုက်ရတာ တော်တော်ပဲမင်္ဂလာရှိပါတယ် အမြဲတမ်းပဲ
မီးမလာ မီးမလာလို့ ရေပြတ် မီးမလာလို့မီးစက်မောင်း အသံဆူ လေထုညစ်ညမ်း မီးပွိုင့်များလဲ
မီးမလာ မီးလာခဲ့တယ်ဆိုတာကိုက အထူးအဆန်းသတင်းရယ် ဖြစ်နေခဲ့တာလဲကြာပါပြီ ဗိုလ်
သန်းရွှေတို့ရဲ့ ကြပ်ပြေးနေပြည်တော်ကြီးမှာတော့ မီးတွေတထိန်ထိန်ဖြစ်လို့ဆိုပဲ မြန်မာပြည်
သူတွေအတွက် မီးဒုက္ခရေဒုက္ခနဲ့ နောက်ဆက်တွဲဒုက္ခတွေကို သတင်းထဲမှာ ဖတ်နေခဲ့ရတာ
လဲကြာပါပြီ။

ကိုယ်ကိုတိုင် မီး၂၄ နာရီမပြတ်တဲ့အရပ်မှာနေရပေမဲ့ မီးပြတ်တဲ့ ပြည်သူတွေ မီးကိုမရနိုင်တဲ့
ပြည်သူတွေအတွက် စားဝတ်နေရေးအခက်အခဲတွေကြားထဲက ဆင့်ပိုးတဲ့ဒုက္ခအဖြစ် အမြဲပဲ
စိတ်မကောင်းဖြစ်ရပါတယ်။ ဘာမှလဲမတတ်နိုင်တဲ့အခြေအနေမျိုးပါ။ အားလုံးကတော့မီး
ပြတ်တာကိုပဲ ဓလေ့ထုံးတမ်းစဉ်လာလိုလဲဖြစ်လို့ပေါ့ဗျာ။

ဒီနေ့တော့ သတင်းဝက်ဆိုဒ်တခုဖြစ်တဲ့ ခေတ်ပြိုင်ဝက်ဆိုဒ်ကိုဖတ်လိုက်ရတဲ့အခါ ရန်ကုန်မြို့
ကြီးမှာ မီးမလာ လာပြန်တော့လဲ နာရီပိုင်းဖြစ်နေရတဲ့အခြေအနေမှာ မီးတွေ ၁၂ နာရီလောက်
လာနေတာကို ဖတ်ရတော့ တော်တော်ပဲစိတ်ချမ်းသာပါတယ်။ ကိုရီးယားကားကြိုက်တဲ့အမေ
တော့တော်တော်ဝမ်းသာတော့မှာပဲလဲတွေးမိပါတယ်။ အခြားသော မီးကြောင့်ဖြစ်ရတဲ့ ဒုက္ခသု
က္ခတွေလဲ နည်းသွားတော့မှာမို့ အမြဲတမ်းမီးမှန်ပါစေ ရေလာပါစေလို့ ဆုတောင်းနေမိရင်း ကို
ချစ်ဖေ ၀မ်းသာနေမိပါတယ်။

အဲ့ဒီလိုမီးလာနေတာကို ၀မ်းသာမိနေတုန်း ဗြုံးဆို ကိုချစ်ဖေသဘောကျခဲ့တဲ့ ဆရာအော်ပီ
ကျယ်ရဲ့ ကာတွန်းလေးကို သွားပြေးသတိရမိတယ် အော်..ငါလဲအဲ့ဒီလိုဖြစ်နေပါလား တို့မြန်
မာပြည်သူပြည်သားတွေဆိုလဲ အဲ့ဒီလိုပဲ ဖြစ်ကြမှာ လို့ တွေးမိပါတယ်။ တော်တော်များများလဲ
အဲ့ဒီကာတွန်းလေးကို သိကြမှာပါ။ ဒီနေရာမှာ ကိုချစ်ဖေထံမှာလဲ မိတ္တူ ကာတွန်းကွက်လေးက
မရှိ ပြန်လဲမဆွဲပြတတ်လို့ ရေးပဲပြရတော့မှာ။

ကာတွန်းက လူတယောက်က ကျောက်တုံး(သို့) အထုတ်တထုတ်ကို ပင်ပင်ပမ်းပမ်း ထမ်းလာ
တဲ့ပုံဗျာ “လေးလိုက်တာ လေးလိုက်တာ” လို့လဲ ညီးညူနေသေးတယ် အဲ့ဒီလူရဲ့ကျေက်တုံးပေါ်
ကိုနောက်လူတယောက်က နောက်ထပ် ကျောက်တုံး တခုကို တင်ပေးလိုက်တယ်။ အဲ့ဒီအခါ အဲ့ဒီလူက “ဟာ..ပိုလေးသွားပြီ ပိုလေးသွားပြီ” လို့ အော်နေတယ် ပိုပင်ပမ်းသွားတဲ့ပုံကိုလဲ ဆွဲ
ထားတယ်ပေါ့ နောက် တပုံမှာတော့ ထပ်တင်ထားတဲ့ ကျောက်တုံးကို ပြန်ချပေးလိုက်တဲ့အခါ
ကျမှ “အင်း..ခုမှပဲပေါ့သွားတော့တယ်” တဲ့ ကျောက်တုံးကတော့ အစတုန်းထဲက ပင်ပင်ပမ်း
ပမ်း ထမ်းလာတဲ့ကျောက်တုံးကို ထမ်းထားတုန်းပါပဲ။

ကိုချစ်ဖေတို့ မြန်မာပြည်သူပြည်သားတွေလဲ အခက်အခဲမျိုးစုံကြားက ခုလို မီးလေးပြန်လာ
တာကိုပဲ တော်တော်ကြီးကို အဆင်ပြေသွား ၀မ်းသာသွားကြ ကျေးဇူးတင်သွားကြနေမှာပါ ကျ
နော်တို့လူမျိုးကလဲ သူများတွေလို ပါးစပ်ကလေးနဲ့ပဲ ကျေးဇူးတင်တတ်တဲ့လူမျိုးမဟုတ်တော့ တကယ့်ကိုပဲကျေးဇူးတင်မိကြမှာပါ သြ..ဒီလောက်သဘောကောင်းတဲ့ အကောင်းမြင်တတ်တဲ့
ကူညီရိုင်းပင်းချင်ကြတဲ့ တို့ မြန်မာလူမျိုးတိုင်းရင်းသားအားလုံးကိုမှ ဘာဝဋ်ကြွေးကြောင့် လူသ
ဘာဝ ရှက်ရမဲ့ အရာတွေမရှက် ကြောက်ရမဲ့အရာတွေကို မကြောက်တဲ့ လူနည်းစု လူတစုက ထင်သလို ချယ်လှယ်ခွင့်ရနေရပါလိမ့် လို့လဲ စိတ်မကောင်းဖြစ်နေမိပါတယ်။

ဘာပဲဖြစ်ဖြစ် မြန်မာပြည်သူတွေဆိုတာ ခံနိုင်ရည်ရှိတယ် အခက်အခဲကြားထဲက ရုန်းကန်ရှင်
သန်တတ်ပါပေတကား လို့လဲ တွေးနေမိပါတယ်။

သရေလုံးပွဲ

2010-06-03T19:01:00.000-07:00

သရေလုံးပွဲ

ညီလေး ကိုအောင်(ပျူနိုင်ငံ)က ကမ္ဘာ့ဖလားဘောလုံးပွဲနဲ့ပတ်သက်ပြီး ဘောလုံးစကားဝိုင်းထဲ
ခေါ်လာပါတယ် တကယ်တော့ ကိုအောင်က ကိုချစ်ဖေကို ကမ္ဘာ့ဖလားပွဲနဲ့ ပတ်သက်ပြီး ဒီနှစ်
မှာ ဘယ်နိုင်ငံ ဘယ်အသင်းကနေ ဗိုလ်စွဲမယ် ကန်ကြတဲ့အခါ ဘယ်အသင်းနဲ့ ဘယ်အသင်း
ဖက်ကဘယ်သူတွေပါတယ် ဒါ့ကြောင့် ဘယ်လိုအားသာတယ် ဘယ်လိုအားနည်းတယ် ဘာ
ညာပြောကြဖို့ ၀ိုင်းစကားပြောဖို့စလိုက်တာပါပဲ။

ကိုချစ်ဖေကို ဘောလုံးစကားဝိုင်းထဲခေါ်လိုက်တော့ ၀မ်းသာပါတယ်ညီလေးကိုအောင် တ
ကယ်ဆို အပြင်မှာ ဟိုစပ်စပ် ဒီစပ်စပ် နိုင်ငံရေးလိုလို ရပ်ရေးရွာရေးလိုလို ဟိုလိုလိုဒီလိုလိုနဲ့
တိတိကျကျမသိသော်လဲ ကိုချစ်ဖေစိတ်ဝင်စားရာကိုတော့ မှတ်မှတ်ထားပြီး ကလေးတွေဝိုင်း
မှာဆို အသံအော်ကျယ်အော်ကျယ်နဲ့ ကိုချစ်ဖေ တတ်သမျှမှတ်သမျှ ၀င်ဝင်ပြီးပြောနေကျ နိုင်
ငံရေးရာနဲ့ပတ်သက်လို့ အစ္စရေးနဲ့ ပါလက်စတိုင်းအရေးဆို အိမ်နီးချင်းနိုင်ငံတွေဖြစ်တဲ့ ဆီးရီး
ယားတို့ အီတလီတို့ တောင်အာဖရိကတို့ အီဂျစ်တို့ကလဲ ပါလက်စတိုင်းဘက်ကရှိတယ်လို့
ရောချတာမျိုးပေါ့ဗျာ။ နည်းပညာနဲ့ပတ်သက်ရင်လဲ ဂြိုလ်တုကနေ ရွာထဲက ဒိုးထိုးတာကို လှမ်း
ကြည့်ရင်တောင်မြင်ရတယ် အကုန်မဟုတ်တရုပ်တော့မလုပ်ကြနဲ့ ရွာနောက်ဖက်မှာ တောတိုး
တာ ကြည့်တိုးကြသင့်တယ် ဘာညာပေါ့ဗျာ။

ကျမ်းမာရေးနဲ့ပတ်သက်ရင်လဲ ငရုတ်သီထောင်းရင်း မျက်စေ့ထဲ ငရုတ်သီးဝင်ရင်ခြေမကို ရေ
လောင်းရင် မပျောက်သလော ငါးရိုးစူးရင် ရေတခွက်ကို ဥုံ ၃၇ ခါ ရွတ်ပြီး ဖနောင့်ဆောက်ပြီး
တိုက်ရင်မပျောက်သလော ဆိုတာမျိုးပေါ့ဗျာ။ အသံကျယ်ကျယ် အငြင်းသန်သန်နဲ့ဆိုတော့
တော်ရုံလူလဲ ကိုချစ်ဖေကို ပြိုင်မငြင်းပါဘူး။ ဒါလဲအခွင့်ကောင်းတခုဖြစ်နေတာပေါ့။ ဒါပေမဲ့ ကို
ချစ်ဖေရှေ့မှာ ဘောလုံးနဲ့ပတ်သက်ပြီးလာပြောဝိုင်းဖွဲ့ကြရင်တော့ ကိုချစ်ဖေလဲ မျက်စေ့သူငယ်
နားသူငယ်နဲ့ ဖြစ်နေရောဗျ ဘောလုံးဆို ကိုချစ်ဖေစိတ်ထဲမှာ သရေလုံးလေးတလုံးကို ဟိုဖက်
ကန်လိုက် ဒီဖက်ကန်လိုက် လူတွေက လိုက်လုလိုက် နဲ့ ကြည့်ရတာအရသာကို မပါတာဗျာ ဘောလုံးဝါသနာအိုးတွေနဲ့ တွေ့ရင် အသာလေးငြိမ်နေရတယ် ကိုချစ်ဖေက စိတ်မပါတဲ့အ
ကြောင်းကို ၀င်ပြောလို့မိတ်ပျက်တာတွေလဲ မနည်းပေါ့ဗျာ။

တကယ်ပါ တခါတုန်းက တွတ်ပီကာတွန်းထဲမှာ ပါတဲ့ဟာသလိုပါပဲ ဘောလုံးလေးတလုံးကို လိုက်လုမကန်ကြပဲ တယောက်တလုံးစီကန်နိုင်အောင် လုပ်ပေးသွားပါမယ် ဆိုတဲ့ဟာသလို
ပါပဲ ကိုချစ်ဖေစိတ်ထဲမှာ အဲ့လိုပဲဖြစ်ဖြစ်နေတယ် ဒေးဘစ်ဘက်ခမ်း နာမည်ကြီးတော့ နာမည်
သာမှတ်မိတာ ဘယ်အသင်းက ဘယ်နိုင်ငံကမှန်းမသိ ရုပ်ပုံမြင်တော့လဲ မမှတ်မိ။ အခြားနာ
မည်ကြီးတွေဆိုလဲ ဒီလိုပါပဲဗျာ။ တခါတခါတော့အထီးကျန်သား တကယ်ပဲ ယောက်ကျားလေး
အများစု အမျိုးသားအများစုက စိတ်ဝင်တစားနဲ့ ကိုယ်တိုင်မကန်ရင်တောင် ဘောလုံးပွဲသွား
ကြည့်ကြ အားပေးကြရှိကြတာမဟုတ်လား။

လူပြောသူပြောတွေသိပ်များတော့ ၂၀၀၂ ခုနှစ် ကမ္ဘာ့ဖလားပွဲ နောက်ဆုံးဖိုင်နယ်လ်ပွဲနေ့ပေါ့
ကိုချစ်ဖေတို့ရွာမှာက ခုလို ဂြိုလ်တုစလောင်းတွေဘာတွေက မရှိသေးတော့ ဂြိုလ်တုစလောင်း
ရှိတဲ့ ဈေးမြို့လေးကို စက်လှေနဲ့အပြည့် တစီးပြီးတစီးသွားသွားကြည့်ကြတာဗျာ။ ကိုချစ်ဖေလဲ
စဉ်းစားပါတယ် ဒီလောက်တရွာလုံးက ယောက်ကျားတွေနဲ့ မိန်းမတချို့တောင်အားပေးကြ
ကြည့်ကြသေးတာ ငါလဲသွားကြည့်ဦးမယ်ဆိုပြီး စက်လှေနဲ့တက်လိုက်သွားတာပေါ့ဗျာ သွားပြီ
ဆိုထဲက ဘယ် အေးအေးလူလူသွားကြမလဲ လူတိုင်းနီးပါး တောအရက်လေးရေသန့်ဘူးထဲ
ထည့်လာကြပြီး အာစွတ်ရုံသောက်သောက်နေတာလေ ဘောလုံးပွဲပြတဲ့ဗွီဒီယိုရုံလေးထဲဝင်
တော့ နေရာမရတော့ဘူး အခြားရုံတွေလဲပြည့်နေပြီဆိုတော့ တိုးတိုးခွေ့ခွေ့ပဲ ကြည့်ရတော့တာ
ပေါ့။

လူက သာမာန်ချိန်ထက်များတော့ ဗွီဒီယိုရုံလေးထဲလှောင်ပိတ်နေတာပေါ့ဗျာဘောလုံးပွဲစတဲ့အ
ထိတော့ သည်းခံပြီးကြည့်ပါသေးတယ် နောက်တော့လဲ ဘောလုံးလေးတလုံး ကိုဝိုင်းလုနေကြ
တာပဲ ကိုယ်အားပေးတဲ့ဘက်က ရသွားရင် ၀မ်းသာလိုက် မရရင်ဝိုင်းဆဲလိုက် အားမလိုအားမရ
ဖြစ်လိုက် အံ့အားသင့်သွားလိုက် ဒိုင်လူကြီးကိုဆဲလိုက်နဲ့ လူတွေအားလုံးက ရသအပြည့်နဲ့
ကြည့်ကြတာဗျ။ ကိုချစ်ဖေစိတ်ထဲမှာတော့ အဲ့ဒီလို သရေလုံးလေးကို လိုက်လုနေတာကိုပဲ မ
ကြိုက်တာဆိုတော့ ရုံကလဲအိုက်နေတော့ ပွဲစပြီး ၁၅ မီးနစ်ထက်ကို ပို မကြည့်နိုင်တော့ပါဘူး
ဗျာ။ ကိုချစ်ဖေလဲ ဗွီဒီယိုရုံထဲကနေထွက်လာခဲ့ရော တကယ်။

ကိုယ်ထိုင်နေကျ လက်ဖက်ရည်ဆိုင်လေးသွားထိုင်တော့လဲ အဖျော်ဆရာတောင် ဘောလုံးပွဲ
သွားကြည့်နေလို့ စားပွဲထိုးကောင်လေးကပဲ ကိုချစ်ဖေကိုဖျော်ပေးရသေး ပွဲမပြီးမချင်းထိုင်
စောင့်နေရတော့တာပေါ့ဗျာ။ စောင့်ပါတယ်ဆိုမှ ဘောလုံးပွဲကလဲ မပြီးနိုင်ဘူးဗျာ ကြာနေလိုက်
တာ။ ပြီးသွားလို့ပြန်လာကြတော့ မြို့က အရက်ဆိုင်လေးထဲ ဆက်ဝိုင်းကြ သောက်ကြ ဟိုအ
သင်း ဒီအသင်း ဟိုအသင်းက တကယ်ဆို နိုင်မှာ ဟိုအသင်းအချောင်နိုင်သွားတာ ဘာညာ
ဆက်ပြောကြတာပေါ့ဗျာ အဲ့ဒီလိုနေ့မျိုးဆို ကိုချစ်ဖေ ဘောသမားတွေကြားထဲမှာ ကလေး
လေးလိုဖြစ်နေတာပေါ့ဗျာ။ မေးရအောင် မေးခွန်းတောင်မထုတ်တတ် မေးမိပြန်ရင်လဲ ဒါလေး
တောင်မသိဘူးလား လို့ အားလုံးကပြောဦးမယ် ဟိုတုန်းက အငြင်းသန်သန်နဲ့ ငြင်းခဲ့တာတွေ
ကို အဲ့ဒီအချိန်မှာ ဂလဲ့စားဝိုင်းချေကြဦးမှာမို့ ငြိမ်ငြိမ်လေးထိုင်နေရတာပေါ့ဗျာ။

ကိုအောင်(ပျူနိုင်ငံ) က တော့ ကိုချစ်ဖေကြီးလဲ ဘောလုံးဝါသနာအိုးကြီးလားဆိုပြီး ဘောလုံး
စကားဝိုင်းထဲကို ခေါ်တာပါပဲ တကယ်တော့ ကိုချစ်ဖေက အားကစားဆို ကျားတိုးတာကလွဲလို့
ဘာမှ မကစားတတ်ပါဘူးဗျာ အခြားသူတွေ ဘောလုံးပွဲအကြောင်းပြောတာကိုပဲ မျက်စေ့သူ
ငယ်နဲ့ နားထောင်ရတာပေါ့ဗျာ။

ကိုယ်ထူကိုယ်ထ

2010-05-26T16:19:00.000-07:00

ကိုယ်ထူကိုယ်ထ
ကိုချစ်ဖေ ငယ်ငယ်ထဲက ကိုယ်ထူကိုယ်ထ ကိုယ်ထူကိုယ်ထ ကိုယ့်အားကိုယ်ကိုး အများစု
ပေါင်း စကားလုံးကို ကြားဖူးလာတာခဲ့တာပါ မြန်မာဆိုရှယ်လစ်လမ်းစဉ်ပါတီ(စစ်တပ်ပါတီ)
ခေတ်မှာ မွေးလာခဲ့သကိုး အစိုးရက လုပ်ပေးရမဲ့အလုပ်တွေကို မလုပ်ပေးနိုင်တဲ့အခါ ကိုယ်
ပြည်သူပြည်သားတွေသာ စုပေါင်းပြီးအမြဲလုပ်ရသကိုးဗျာ။

ခုတော့ ကိုချစ်ဖေတို့လဲ ကိုယ်အားကိုယ်ကိုး စကားလုံးအဓိပါယ်ကို တော်တော်သဘော
ပေါက်နေကြပီလေ။ အဲ့ဒီတော့တွေးကြည့်မိတာပါ အစစကိုယ့်အားကိုယ်ကိုးနေကြရတဲ့
သူတွေဆိုတော့ အားလုံးကိုယ့်အားကိုယ်ကိုးကြရင်ဘယ်လိုနေမလဲလို့ပါ ကိုချစ်ဖေ ဥာဏ်
မှီသလောက်လေးနဲ့တွေးကြည့်တာပါ မြန်မာပြည်သူပြည်သားတွေအနေနဲ့ အလုပ်အကိုင် ခက်
ခဲလာတဲ့အခါ အလုပ်အကိုင်တည်ရှိရာက်ို ကိုယ်ထူကိုယ်ထပဲ သွားလုပ်ကြရတာပဲ လမ်းပမ်း
ဆက်သွယ်ရေးမကောင်းတဲ့အခါလဲ ကိုယ်ထူကိုယ်ထပဲ လမ်းဖေါက်ကြရတာပဲ စာသင်ကျောင်း
တွေမှာလဲ ကိုယ်ထူကိုယ်ထပဲ အစိုးရဆေးရုံတွေမှာလဲ ကိုယ့်ဆေးနဲ့ကိုယ်ပဲ ဆေးရုံဆရာ ဆ
ရာမတွေ ကိုယ်ထူကိုယ်ထ မလုပ်ရတာပဲကျေးဇူးတင်ရသေး။

ဟော ဟိုတလောက ပြည်ပရောက် အဝေးရောက်မြန်မာပြည်သားတွေက အများစုပေါင်းပြီး
ကိုယ်ထူကိုယ်ထ မြန်မာနိုင်ငံသားတွေကို အကူအညီပေးနေတဲ့သူတွေကို “ပြည်သူဂုဏ်ရည်”
ဆိုပြီး ဆုပေးကြ ဂုဏ်ပြုကြရသေး အစိုးရက အသိအမှတ်မှမပြုတာကိုး ဒီတော့လဲ မြန်မာပြည်
သားတွေထဲက စုပေါင်းပြီးအသိအမှတ်ပြု အားပေးကြရတာကိုးဗျာ။ ဒီတော့ အစစ အစိုးရနဲ့အ
ပြိုင်လုပ်ကြရတာမဟုတ်လား ဟို အဝေးရောက်ညွန့်ပေါင်းအစိုးရ ဆိုပြီး အစိုးရတောင် အပြိုင်
ရှိသေး အဝေးရောက်ညွန့်ပေါင်းအစိုးရက လဲ ကိုချစ်ဖေတို့ ပြည်သူပြည်သားတွေကို ဘာမှထိ
ထိရောက်ရောက် အကူအညီပေးနိုင်တာမျိုးမရှိတော့လဲ မထူးခြားလှပါဘူး မနေနိုင်တဲ့သူတွေ
က အစိုးရလုပ်ရမဲ့အလုပ်တွေကို လိုက်လုပ်ကြရတာပေါ့ဗျာ။

ဒီကြားထဲ မြို့ထဲမှာတမျိုး နယ်စပ်တွေမှာတသွယ် အမျိုးမျိုးနှိပ်စက်နေတဲ့ တပ်မတော်ဆိုတာ
ကြီးကိုလဲ အပြိုင်ကိုယ်ထူကိုယ်ထ စစ်တပ်တခုလုပ်ပြီး နှိပ်စက်မှုတွေလျှော့သွားအောင် နှိပ်
စက်မှုတွေရပ်သွားအောင် ကိုယ်ထူကိုယ်ထပဲ အံတုကြ လုပ်ကြရတော့မလိုပါပဲဗျာ (ပြောသာ
ပြောရတာကိုချစ်ဖေကိုလဲ ကိုယ်ထူကိုယ်ထအကြမ်းဖက်သမား စာရင်းသွင်းလိုက်ရင်ဒုက္ခ)
ကိုချစ်ဖေကတွေးကြည့်တာပါ ခုတော့ လက်ခံခံမခံခံ မြန်မာနိုင်ငံသားတွေအနေနဲ့ ကိုယ်ထူ
ကိုယ်ထပဲလုပ်နေကြရတာဆိုတော့ ဆက်ပြီးတော့ ကျယ်ကျယ်ပြန့်ပြန့်ပဲ ကိုယ့်အားပဲကိုယ်ကိုး
ရတော့မှာပဲထင်ပါတယ် အစိုးရဆိုတာတွေကိုမှ အားကိုးလို့မရပဲနော။

ဒီတော့ အစိုးရမလုပ်နိုင်တာတွေကို ကိုယ့်ဘာသာ ကိုယ်ထူကိုယ်ထလုပ်ကြရတော့ ပြည်သူ
ပြည်သားတွေအနေနဲ့ အစိုးရဆိုတာကြီးတောင် တကယ်ဆိုသိပ်မလိုတော့သလိုပဲ သူတို့မလုပ်
ပေးရင်လဲ ကိုယ်ထူကိုယ်ထ ရဲတို့ မီးသတ်တို့ လုပ်ကြရတော့မဲ့ပုံပါပဲ ဘယ်တတ်နိုင်မလဲပေါ့
အားလုံးလုပ်နေကြရမှပဲ ခုတလော ရေရှားတော့လဲ မနေနိုင်တဲ့သူတွေကပဲ လုပ်ကြရတာပဲမ
ဟုတ်လား အသုဘစရိတ်စက ကြီးမားလာတော့လဲ ကိုကျော်သူတို့ပဲ ကိုယ်ထူကိုယ်ထ အလှု
ငွေတွေနဲ့ သင်္ဂြိုလ်ကြရတာပဲမဟုတ်လား။ တချို့ကတော့ ဒါတွေက လူမှုရေးလုပ်ငန်းတွေပါ ဘာညာပြောကြတာပဲ ပြည်ပမှာလဲ အလုပ်သမားအခွင့်အရေးအတွက် အခြင်းခြင်းကိုယ်ထူ
ကိုယ်ထရိုင်းပင်းကြတော့လဲ အဝေးရောက်အစိုးရမင်းများက ဘာများကူညီလို့လဲဗျာ အလုပ်
သမားဝန်ကြီးဆိုတာကြီးတော့ရှိတာပေါ့။

သြ.ကိုချစ်ဖေလဲ ပြောချင်တာတွေ ဘယ်ရောက်သွားပါလိမ့် ဒီလို အားလုံးကိုယ့်ဘာသာကိုယ်
လုပ်ကြရတဲ့အတူတူ ဟိုမျှော်ဒီမျှော်မမျှော်ပဲ အစစအရာရာ ကိုယ်အားကိုယ်ကိုးကြမှပဲ အောင်
မြင်တော့မယ်ထင်ပါတယ်။ ဒေါ်အောင်ဆန်းစုကြည်ကို ဖမ်းထားတော့ ဒေါ်အောင်ဆန်းစုကြည်
လွတ်မြောက်ရေး ဒို့အရေး လုပ်ကြရပြန်ကော ဒေါ်အောင်ဆန်းစုကြည်မလွတ်သော်လဲ ဒေါ်
အောင်ဆန်းစုကြည်လုပ်သွားတဲ့ ဒေါ်အောင်ဆန်းစုကြည်နှစ်သက်တဲ့ အရာတွေ ဆက်လုပ်ကြ
ရင်ပိုကောင်းမလားလို့ပါ။ အဘဦးဝင်းတင်တို့လို ဆရာကြီးလူထုစိန်ဝင်းတို့လို လမ်းပြကြယ်ဦး
အေးမြင့်တို့လို ကိုမင်းကိုနိုင်တို့ ၈၈ကျောင်းသားတွေလို မစုစုနွေးလို မဖြူဖြူသင်းတို့လို ပြည်
တွင်းမှာလုပ်နိုင်သူတွေ များလာရင် ပိုကောင်းသွားမယ် တဖက်ကလဲ ကိုယ်ထူကိုယ်ထ တပ်မ
တော်တခုလဲတည်ထောင်ကြ မြန်မာပြည်သူတွေကို ဒုက္ခပေးတဲ့သူတွေကို ပညာပေးကြရင် တ
နေ့နေ့တော့ ကိုချစ်ဖေတို့ ပြည်သူပြည်သားတွေ အတွက် ပိုမိုကောင်းမွန်တဲ့ ပိုမိုလွတ်လပ်တဲ့
ပိုမိုတရားမျှတတဲ့ လူ့အဖွဲ့စည်းတခုတော့ဖြစ်လာမလားလို့ တွေးမိတာပါ။

ဒါနဲ့ ကိုချစ်ဖေလဲ သူငယ်ချင်းတယောက်ကို ပြောပြတော့ သူက အင်တာနက်ကြီးကိုကောတဲ့
မြန်မာမှာဘယ်လိုလုပ်မလဲတဲ့ ကိုယ်ထူကိုယ်ထ ဂြိုလ်တုတခုငှါးကြရမလား ဘာလား ကိုချစ်
ဖေလဲ လက်လှမ်းမမှီတော့ သိတဲ့သူတွေလဲ ပြောပြပါဦး တဖက်က နည်းပညာကို သူတို့တွေ
လဲ အကုန်မပိတ်နိုင်တော့ သတင်းတွေဘာတွေဆို ခုတော်တော်များများ မြန်မာပြည်သူတွေက
သိနိုင်လာကြတာတော့အမှန်ပါပဲ။ အဲ့ဒီလို သူတို့ အစိုးရမင်းများ မပိတ်ပင်နိုင်တဲ့ အံတုနိုင်တဲ့ အလုပ်တွေ သူတို့ အမိန့်နဲ့ အာဏာနဲ့ ဖိအားနဲ့ လုပ်လို့မရတဲ့အလုပ်တွေများလာရင်တော့ တ
နေ့နေ့မှာ သူတို့ထက်အားကောင်းတဲ့ ကိုယ်ထူကိုယ်ထ အစိုးရတခု ဖြစ်လာမလားပဲဗျာ။ တွေး
ကြည့်တာပါ။ ကိုချစ်ဖေဥာဏ်တထွာတမိုက်ကယ်ရယ်နဲ့ပေါ့ဗျာ။

ကိုချစ်ဖေအတွေး

2010-05-20T13:58:00.001-07:00

ကိုချစ်ဖေအတွေး

ကိုချစ်ဖေခုတလောမှ စဉ်းစားမိနေတာပါ ကိုယ်က တောသားဆိုတော့ တောသားလိုတွေးမိ
နေတာလဲ ဖြစ်ရင်ဖြစ်မှာပေါ့ဗျာ သဘောချင်းမကိုက်ရင် မကိုက်တာရှိမှာပေါ့ ဒီလိုပါ ကိုချစ်
ဖေ တို့ မွေးထဲက မဆလ စစ်အစိုးရခေတ်မှာ မွေးလာခဲ့တော့ စစ်အစိုးရရဲ့ မတရားမှုမမျှတမှု့
တွေကို တဆင့်ကြားရော မျက်မြင်ရောနဲ့ စုံနေအောင်တွေ့တာပေါ့ဗျာ ဒါပေမဲ့လဲ အဲ့ဒီတုန်းက
အပူက သိပ်မပူသေးပေမဲ့ အေးရာကနေပူလာတာဆိုတော့ ပူသပေါ့ဗျာ စစ်အစိုးရတွေ မ
ကောင်းကြောင်းပြောကြတာဆိုကြတာ အိမ်မှာ ရပ်ကွက်ထဲမှာ ကြုံရင်ကြုံသလို လူကြီးတွေ
ပြောတာကြားနေရတာပေါ့။ အဲ့ဒီတုန်းက ပူကြောင်းပြောနိုင်ကြသေးတယ်ဗျ ခုတော့ ပြောဖို့နေ
နေသာသာဗျာ အားလုံးက အပူဆိုတာရိုးရာထုံးစံလို ကျနော်တို့ မြန်မာနိုင်ငံသားတွေက ဖြစ်
လို့။

အားလုံးက တညီတညွတ်ထဲ တအိမ်တယောက်ထွက် သူများနိုင်ငံမှာ သူများခိုင်းရာမျက်နှာ
ငယ်လေးနဲ့သွားလုပ်ကြရတာကိုပဲ ဂုဏ်လေးတခုလိုဖြစ်နေသလားလို့လဲ တွေးမိပါတယ်။ ဘာ
ဖြစ်လို့လဲတော့ ကိုချစ်ဖေလဲမသိ ကျိန်းသေတာကတော့ အရပ်ဒေသကို စွန့်ခွာကြရသူတွေ
သန်းနဲ့ချီရှိလာတာပါ နည်းနည်းနောနောလူအုပ်ကြီးမှတ်လို့ အဲ့ဒီလူအုပ်ကြီးထဲ ကိုချစ်ဖေလဲပါ
လာခဲ့တာပေါ့.ဒီတော့ဗျာ အများနည်းတူ အိမ်ကိုလွမ်းတာ မြို့လေးကိုလွမ်းတာ ရွာကိုလွမ်းတာ
ဘာညာသာဓကာတွေလဲ ရှိလာရတာပေါ့ဗျာ။ တနေ့တနေ့ သန်းနဲ့ချီတဲ့ လူအုပ်ကြီးက ကိုယ့်
ဇာတိမြေကို သတိရနေကြတယ်(ချွင်းချက် တချို့ကတော့ အဝေးမှာပိုကောင်းတဲ့နေရာမှာပျော်
ပါတယ် အစထဲကလဲ ဇာတိမြေရဲ့ တန်ဘိုးကို နားမလည်ကြလို့ပဲ သဘောထားပါတယ် ဒါမှမ
ဟုတ် ကိုချစ်ဖေ တုံးတာအတာလဲ ဖြစ်ရင်ဖြစ်မှာပေါ့ဗျာ) ဆိုရင် အဲ့ဒီအလွမ်းဟာ အကြီးကြီးပါ။

အိမ်ကနေ သားရှိရာ သမီးရှိရာကို ချို့ချို့ငဲ့ငဲ့နဲ့ လွမ်းနေကြတဲ့ မိဘတွေကလဲ သိန်းချီနေမှာပါပဲ
လူဆိုတာ တန်ဘိုးရှိရှိမရှိရှိ ကိုယ်တန်ဘိုးထားရာဟာ ကိုယ့်အတွက် အရေးပါတာ အရေးကြီး
တာပါပဲ။ ကိုချစ်ဖေ ရွာမှာတုန်းက မိုးတွင်းညနေဖက် ရွက်လှေလေးနဲ့မြစ်ရိုးမှာ လှိုင်းစီးရင်း
တောအရက်လေးနဲ့ သူငယ်ချင်းတယောက် ၂ယောက်နဲ့ စကားစမြည်ပြော လတ်လတ်ဆပ်
ဆပ်အမြည်းလေးနဲ့ ဇိမ်ကိုကျနေတာဟာ ကိုချစ်ဖေအတွက် တန်ဘိုးကြီးတာပါပဲ။ အသွားရေ
စီးနဲ့မျှောချင်ရာမျှော အပြန်မုတ်သုန်လေနဲ့ ရွက်တိုက်ပြန် ရွာနားကဈေးမြို့လေးမှာ ဈေးဝယ်ပြန်
လို့ရသေးသပေါ့ဗျာ။

အော ဘယ်ရောက်သွားပါလိမ့် ဒီလိုပါ တပြည်လုံးက လူတွေ စီးပွားရေးမပြေလည်တော့ ပြေ
လည်ရာပြေလည်ကြောင်းရိုးရိုးပါပဲ နီးစပ်ရာ နိုင်ငံတွေမှာ ထွက်အလုပ်လုပ်ကြရတာကိုပြောပါ
တယ် တော်တော်များများကတော့ မသွားချင်ပဲသွားကြရတယ်ထင်ပါတယ်ဗျာ အဲ့ဒီလို ထွက်ခွါ
ရသူတွေ တနေ့ထက်တနေ့လဲ များများလာနေဆဲပါ။ အားလုံးသိကြတဲ့အတိုင်း စစ်အစိုးရအ
ဆက်ဆက်က ပြည်သူတွေကိုဒုက္ခပေးခဲ့တာကို ပြောတာပါ။

ကိုချစ်ဖေတို့ ငယ်ငယ်က ရှစ်လေးလုံးအရေးတော်ပုံကြီးနဲ့ မဆလ စစ်အစိုးရကို တခဲနက်တ
ပြည်လုံးကနေ ဆန့်ကျင်ကြတော့ အော်ကြတာပေါ့ဗျာ “ဒီမိုကရေစီရရှိရေး ဒို့အရေး ဒို့အရေး”
လို့ အားရပါးရကိုအော်ခဲ့ကြတာ မြို့တိုင်းမြို့တိုင်း တပြည်လုံးအုံးအုံးကျွက်ကျွက် ကိုဖြစ်လို့ လွတ်လွတ်လပ်လပ်မနေကြရသူတွေဆိုတော့ ဒီမိုကရေစီဆိုတာ လွတ်လပ်စွာ ပြောဆိုခွင့်
ရေးသားခွင့် စုရုံးခွင့် စီတန်းဆန္ဒပြခွင့် အစိုးရကိုလဲဝေဖန်ခွင့် (ကိုချစ်ဖေကတော့ ရပ်ကွက်လူ
ကြီးတွေကို ခံပြောနိုင်ခွင့်)ရှိတယ်ဆိုတော့ သဘောကျလို့အော်ခဲ့တာပါ အော်တာမှ ထောင်
တွေတန်းတွေပါကျလို့..။ အဲ့ဒီလွတ်လပ်ခွင့်တွေလဲ ကျနော်တို့ရွာမှာ မရခဲ့ပါဘူးဗျာ။ ဒါပေမဲ့လဲ
ရလိုရငြားတော့ တခါတခါထထတောင်းကျတာပဲဗျ ကိုချစ်ဖေလဲ အားပေးပါတယ် အားလဲရပါ
တယ်။ ဒါပေမဲ့လဲ အဲ့ဒီ ဒီမိုကရေစီကြီးက မရခဲ့ပါဘူးဗျာ။

အဲ့ဒီတော့ ကိုချစ်ဖေစဉ်းစားလာမိတာက ဒီမိုကရေစီဆိုတာ စာရွက်နဲ့ ကြေငြာချက်ထုတ်ပြီး
တောင်းတောင်း ပါးစပ်နဲ့ လူသိရှင်ကြားထွက်အော်တောင်းတောင်း ရပါ့မလားလို့ အဲ့ဒီလို
တောင်းတိုင်းပေးပါ့မလားလို့ စဉ်းစားမိတာပါ။ ဒီမိုကရေစီဆိုတာ တောင်းယူရတဲ့ ဟာမျိုးလား
ဘာညာစဉ်းစားမိတာပါ။ တချို့ကတော့ ကျင့်စဉ်တဲ့ ဘာညာတဲ့ပြောကြတာပဲဗျ။ အဲ့ဒါများဟုတ်
လေသလားလဲ စဉ်းစားပါတယ်။ နီးတော့နီးစပ်သား ဒီလိုဗျ ကိုချစ်ဖေ ဒီမိုကရေစီအတောင်း
လွန်သွားတော့ အိမ်ကို ၅ နှစ်ကြာမှပြန်ရောက်တယ်ဗျာ။ အိမ်ပြန်ရောက်တော့ အမျိုးတွေ သူ
ငယ်ချင်းတွေ ဆရာဆရာမတွေနဲ့ ကိုယ့်ရွာသူရွာသားတွေကို နှုတ်ဆက် တချို့ ကိုယ့်ထက်အ
သက်ဝါကြီးသူတွေ လိုက်တွေ့နှုတ်ဆက်တာပေါ့။ အဲ့ဒီမှာ ကိုချစ်ဖေရဲ့အမေဘက်က အမေ့အ
ကိုအကြီးဆုံး (ခုတော့ကွယ်လွန်သွားပါပြီ) က ငယ်ငယ်တုန်းက ကိုချစ်ဖေလိုပဲ စပ်စပ်စပ်စပ်
ဟိုပါဒီပါထင်ပါတယ် သူက တောတွေဘာတွေလဲခိုဘူးသဗျာ နောက်ဖဆပလအစိုးရက အရှင်
မိလို့ ထောင်ကျခဲ့သေး။

ဒါပေမဲ့ ဦးလေးက ဒီဖက် ခေတ်မှာ မဆလ န၀တခေတ်မှာ ဘယ်အဖွဲ့အစည်း ဘယ်နေရာမှမ
ပါတော့ဘူးဗျ သူတို့ခေတ်က တပ်ကနေတောခိုကြတာ ရဲဘော်သုံးကျိတ်ဝင် ဗိုလ်ဇေယျ (အခု
ကလေးတွေသိတဲ့ ရာဇာနေ၀င်းတို့ ဟေမာနေ၀င်းတို့ အိန္ဒြာကျော်ဇင်တို့ရဲ့ အဖိုး)တပ်နဲ့ပါသွား
တာ။ တောခိုမှန်းလဲမသိဘူးဆိုပဲ တောထဲရောက်မှ “ငါတို့တောခိုလာပီ အစိုးရကို လက်နက်
ကိုင်ပြန်တိုက်မယ် မင်းတို့နေချင်လဲနေနိုင်တယ် ပြန်ချင်ရင်လဲ ကိုယ့်သေနတ်နဲ့ကိုယ် ပြန်နိုင်
တယ်” ဆိုတော့ သူက သူခင်တဲ့လေးစားတဲ့ တပ်ရင်းမှုးဗိုလ်ဇေယျနဲ့ပဲ နေခဲ့တာဆိုပဲ။ သူနိုင်ငံ
ရေးတွေ ဘာတွေလဲမသိပါဘူးတဲ့ စစ်တပ်ဆိုတာပြည်သူတွေကို အကာအကွယ်ပေးတာ သေ
နတ်ကိုင်ရတာ သဘောကျလို့ တပ်ထဲဝင်ခဲ့တာတဲ့ သူချစ်ခင်တဲ့ တပ်ရင်းမှုးက အစိုးရက မ
ကောင်းဘူး ပြည်သူတွေအတွက်တိုက်ကြရမယ်ဆိုလို့ တိုက်ခဲ့တာပါပဲတဲ့ အဲ့ဒီတုန်းက တကယ်
တော့ စစ်တိုက်ချင်နေတာပဲသိတယ်ဆိုပဲ။

အဲ့ဒီဘကြီးပေါ့ဗျာ ကိုချစ်ဖေသွားနှုတ်ဆက်တာ သူက ကိုချစ်ဖေတို့ “ဒီမိုကရေစီကြီးဆိုတာ တော်တော်လိုချင်တယ်ဆိုတာ သူသိတယ်တဲ့ သူလဲလိုချင်တယ်တဲ့ အဲ့ဒီဒီမိုကရေစီကြီးကို မင်းအစိုးရဆီက မရပေမဲ့ ငါ့အိမ်မှာတော့ မင်းရတယ်ကွာ ငါပေးတယ် မင်းကြိုက်တာပြော ကြိုက်သလို လွတ်လွတ်လပ်လပ်နေ ရပ်ကွက်လူကြီးတွေကလဲ ငါ့ကိုမဖမ်းဘူး ဒီကောင်တွေ မင်းကိုလဲ မဖမ်းစေရဘူးကွာ” တဲ့ ။

သူအဲ့ဒီလိုပြောတုန်းကတော့ ပေါ့ပေါ့ပါးပါးပါပဲ ငါ့ဦးလေး ဘကြီးက ငါ့ကိုချစ်ရှာသားပဲလို့ပဲ တွေးမိတာပါ။ ခုပြန်စဉ်းစားမိတော့ ဟုတ်တာပဲ ငါဘကြီးပြောတဲ့ ဒီမိုကရေစီကို သူပေးတယ်
ဆိုတာ သူပေးနိုင်သားပဲ သူအိမ် သူ့သားကျနော်အကိုအိမ် အမကြီးတွေအိမ်မှာ သူပေးတယ်
တဲ့ သူပေးနိုင်တာပေါ့ အဲ့ဒီအိမ်တွေမှာ သူက အာဏာပိုင်ပဲ သူ့သဘောနဲ့သူ့သြဇာနဲ့ သူက ဒီမို
ကရေစီကို ထူထောင်ထားတာကိုး ဒီမိုကရေစီလွတ်မြောက်နယ်မြေလေးတွေဖြစ်နေတာကိုး အဲ့
ဒီလိုဖြစ်ဖို့တော့ ဘကြီးက ရွာမှာ အင်အားပြရတာ ဘာညာတော့ရှိမှာပေါ့ဗျာ။ ဒီတော့ ဒီမိုကရေ
စီဆိုတာကြီးကို အစိုးရတွေကပေးပေး မပေးပေး ကိုယ့်ရွာမှာ အိမ်မှာ ကိုယ့်ဘာသာထူထောင်
မယ်ဆိုဖြစ်တာပဲ။ တရားတွေ များလာရင် မတရားတာတွေ ချဲသွားမှာပေါ့။

စစ်အာဏာရှင်တွေကို တိုက်ရိုက်မဖယ်ရှားနိုင်သော်လဲ ကျောက်တောင်ကြီးဖြိုသလို တနေ့
နည်းနည်း အားလုံးဝိုင်းဖြိုနိုင်ရင် တနေ့ စစ်အာဏာရှင်တွေ ကျရှုံးမှာပဲ ကိုယ်လုပ်နိုင်တာသေး
သေးလေးဖြစ်ချင်လဲဖြစ်မယ်ဗျာ စစ်အာဏာရှင်တွေကို ထိခိုက်အောင် သူ့ကို အားပေးထောက်
ကူနေတဲ့ ကြံဖွတ်တို့ စွမ်းအားရှင်တို့ကို ဒုက္ခပေးရပ်သွားအောင် အနည်းဆုံး လုပ်နိုင်တာလေး
တွေကနေလုပ်မယ် ကိုယ့်ရပ်ဝန်းဒေသကို ပိုမိုလွတ်လပ်အောင်တိုးချဲ့သွားမယ်ဆိုတာမျိုးပေါ့
ဗျာ။သူ့ဖက်ကလို တပ်ကြီးမရှိပေမဲ့ သိတယ်မှလား။ ဒုက္ခပေးတဲ့သူတွေ တန့်သွားအောင်အဲ့ဒါ
ကို ကိုချစ်ဖေတွေးမိသွားတယ်။ နို့မို့ သူတို့ကချည်းပဲ နှိပ်စက်နေတာမဟုတ်လား ကိုယ်ကလဲ
ခုခံပိုင်ခွင့် တွန်းလှန်ပိုင်ခွင့်ရှိတာပေါ့ တွန်းလှန်သင့်တာပေါ့ဗျာ တွန်းလှန်မှုတွေများလာရင်
ကျောက်တောင်ကြီးပြိုသလိုပေါ့။ သူတို့ကမှ ကျောက်တောင်ကြီးမဟုတ်တာဗျာ။ မဟုတ်လား
ကိုချစ်ဖေစဉ်းစားမိတာပါ။ သဘောမညီရင်လဲ လွတ်လပ်စွာသဘောကွဲလွဲကြတာပေါ့။

တကယ်ချစ်တာလား

2010-05-09T07:45:00.000-07:00

တကယ်ချစ်တာလား

အဲဒီအချိန်တုန်းက စီးပွားရေးကြပ်တည်းမှုက ခုအချိန်ခုအနေလောက်မဆိုးသေး ခုအချိန်
လောက်မဆိုးသေးဆိုသော်လဲ တော်တော်ကြီးတော့ဆိုးဝါးနေပြီ မနက်မိုးလင်းနံနက်စာစားဖို့
လူအများစုက ကလေးတွေအဆာပြေစားနိုင်ဖို့ ထမင်းကြမ်းတောင်မထာားနိုင်ကြတော့ ဒါပေ
မဲ့လဲ ဗမာနည်းဗမာဟန်နဲ့တော့ ဇွဲရှိရှိ ချီတက်နေရတဲ့အချိန်ပါ။

အဲ့ဒီအချိန်မှာ ကိုချစ်ဖေရောက်လေ့ရောက်ထရှိတဲ့ ရွာကနေဈေးတက်ဝယ်လေ့ရှိတဲ့ မြို့လေး
မှာ ငယ်သူငယ်ချင်းတွေလို ရင်းနှီးလှတဲ့သူတွေ ဆရာသမားလိုချစ်ခင်ရတဲ့သူတွေနေတဲ့မြို့
ကိုချစ်ဖေရွာနဲ့ဆို ၉ မိုင် ၆ ဖါလုံ တခါတလေလိုင်းသင်္ဘော မမှီတဲ့အခါ လက်နှိပ်ဓါတ်မီးဆွဲပြီး
ကိုယ်ထူကိုယ်ထ ကားလမ်းတာကြီးအတိုင်းလမ်းလျှောက် ပြန်နေကြမြို့လဲဖြစ်တော့ အိမ်ဦး
နဲ့ကြမ်းပြင် တလတခေါက် ၂ခေါက် ၃ခေါက်ရောက်နေကြမြို့ မြို့ခံတွေကိုယ်တိုင်က ငယ်သူ
ချင်းတွေ လက်ဖက်ရည်ဆိုင်မှာ အချိန်အားကြတဲ့အခါ လူစုနေကြ သူ့အိမ်ကိုယ့်အိမ်ထမင်း
လိုက်စားနေကြတဲ့မြို့ သာရေးနာရေးရှိရင် ၀ိုင်းဝန်းကြတဲ့မြို့လေးလဲဖြစ် ရန်ကုန်ကအသစ်
ထွက်သမျှစာအုပ် မဂ္ဂဇင်းတော်တော်များများ ချက်ချင်းရောက်တဲ့မြို့ ဆိုတော့ ကိုယ်ချစ်ဖေ
လဲ ခဏခဏ အားတဲ့အခါ ဈေးတက်ဝယ်တဲ့အခါ လမ်းကြုံတဲ့အခါ သူငယ်ချင်းတွေရှိရာ ထို
မြို့လေးကို ရောက်ဖြစ်ပါတယ်။

အဲ့ဒီအချိန်ပိုင်းက ကိုချစ်ဖေလဲ မရောက်ဖြစ်တာ တလခွဲ နှစ်လလောက်ကြာသွားတော့ မြို့
လေးနဲ့အဆက်ပြတ်သွားတဲ့အချိန်မှာ ကိုချစ်ဖေရောက်သွားတော့ သူငယ်ချင်းတွေနဲ့လဲ ဆုံ
ဖြစ်တော့ သူငယ်ချင်းတွေက လက်ဖက်ရည်ဆိုင်မှာ ၀မ်းသာအားရ တိုးတိုး တိုးတိုးပြန်ပြော
ပြလို့သိရတာ ၀မ်းသာအားရအဖြစ်အပျက်ကို ဘာလို့ တိုးတိုး တိုးတိုးပြောရတာလဲဆိုတော့
ကိုချစ်ဖေမရောက်လာတဲ့ရက်မှာ ကိုချစ်ဖေဆရာ မြို့လေးရဲ့ ကျောင်းဆရာဟောင်း ကျူရှင်
ဆရာကြီးနဲ့ တပည့်တွေကနေစုပြီး လက်တလော ကိုယ်လုပ်နိုင်တာ လုပ်သင့်တာထဲကနေ
အလှုလုပ်ကြတာပါ။

ဆန်ရေစပါး သားငါးပုဇွန်ပေါတဲ့မြို့လေးမှာ ခုလိုမျိုးအလှုလုပ်ရတယ်ဆိုတော့ ရှေးရှေးတုန်းက
လူကြီးတွေသာ အသက်ပြန်ရှင်လာရင် မင်းတို့ကလဲကွာ ငါတို့မြို့လေးမှာ လူတွေစားနိုင်ပါသေး
တယ်ကွာ အခါကြီးရက်ကြီးကြမှ ကောင်းကောင်းလှုကြတန်းကြပါလားလို့ပြောကြမှာ ဒါပေမဲ့ မ
နေနိုင်တဲ့သူတွေ ကိုယ်ချင်းစာတရားရှိတဲ့သူတွေကတော့ လတ်တလောအခြေအနေမှာ ကိုယ်
လုပ်ပေးနိုင်တာလေးကနေစကြတာပါ။ ဘယ်လိုပဲဖြစ်ဖြစ်မင်္ဂလာလဲရှိပါတယ်။ ၀မ်းသာစရာလဲ
ကောင်းပါတယ် မျှဝေစာနာရာလဲရောက်ပါတယ်။

အဲ့ဒီအလှုကတော့ ကြီးကြီးကျယ်ကျယ်လုပ်နိုင်တာမျိုးတော့လဲမဟုတ်ပါဘူး ဒါပေမဲ့ စစ်အာ
ဏာရှင်တွေကတော့ မကြိုက်ဘူးဗျ လုပ်နိုင်သလောက်ရယ် လုပ်နိုင်တဲ့သူတွေရယ်စုပြီး လုပ်
တဲ့ ဆန်ပြုတ်အလှုပါ ပထမတော့ ကလေးတွေ တော်တော်များများ လာစားကြပါတယ် နောက်
တော့ တဖြေးဖြေး မိုးပြဲဒယ် ၆ လုံး ရလုံးလောက်လဲဖြစ်လာတယ် ဆန်ပြုတ်ကလဲစုံလာတယ်
ဘဲသား ကြက်သား နွားနို့ အုန်းနို့ နဲ့ အစုံချက်နိုင်လာတယ် လာစားတဲ့ လူစုလူဝေးနဲ့အလှုငွေ
ထည့်ဝင်တဲ့သူတွေကလဲရှိလာတယ် လုပ်အားအကူ ငွေအကူ အကြံဥာဏ်အကူအစုံနဲ့လုပ်နိုင်
လာတယ် ဆန်ပြုတ်ဆိုပေမဲ့ကောင်းကောင်းချက်တာပါ ဘုန်းကြီးကျောင်းဘေးကွက်လပ်မှာ
သေသေချာချာကောင်းကောင်းမွန်မွန် ကျွေးမွေးတာပါ အိမ်ကိုပါဆယ်သယ်ချင်တဲ့သူတွေကို
လဲ ထည့်ပေးပါတယ်။ စားနိုင်သောက်နိုင်လှုနိုင်တဲ့အလှုရှင်တွေကိုယ်တိုင်ကလဲ သွားစားသွား
ဝိုင်းကူလုပ်ပေးကြတော့ လာစားတဲ့သူတွေ ပါဆယ်ယူသွားဖို့ တန်းစီတဲ့သူတွေ များလာပါ
တယ်။

အဲ့ဒီတော့ ထုံးစံအတိုင်းပေါ့ဗျာ လူစုစုဖြစ်လာတာကို မြို့နယ်ဗိုလ်ခင်ညွန့်ထောက်လှမ်းရေးအ
ရာရှိတွေက ရွှေစိတ်တော်ညိုလာတာပေါ့ ညိုဆို ရှစ်လေးလုံးအရေးအခင်းကြီးတုန်းက တက်
တက်ကြွကြွပါဝင်ခဲ့တဲ့သူတွေ အမျိုးသားဒီမိုကရေစီအဖွဲ့ချူပ်ကအလံမလှဲတဲ့သူတွေက ဦး
ဆောင်တာကိုး ဘာပဲဖြစ်ဖြစ် ဘယ်သူပဲလှုလှု မရှိတဲ့သူတွေအဖို့တော့ အဆာတော့ပြေသွား
ရတာပေါ့ဗျာ ဒါပေမဲ့မရဘူးခင်ဗျ ဦးဆောင်တဲ့သူတွေကို ခေါ်ပြီး ခင်ဗျားတို့လှုတာရပ်မလား
ကျနော်တို့ အကြောင်းတခုခုနဲ့ဖမ်းရမလား ဆိုပြီးပြောတော့ ရပ်ပေးလိုက်ရပါတယ်။ အဲ့ဒီအ
လှုမှာ နိုင်ငံရေးနောက်ခံ မရှိတဲ့ ရိုးရိုးစီးပွားရေးသမားတွေ အများကြီးအကူအညီပေးပါတယ်။
တကယ်ဆို သူတို့မလုပ်နိုင်တဲ့အလုပ် ပြည်သူတွေအတွက်လဲ အကျိုးရှိတဲ့အလုပ်ပေမဲ့ သူတို့
အာဏာကို ထိပါးမယ်လို့ယူဆတယ်ဆို သည်းမခံပါဘူး။ ခုတော့ သည်းမခံတဲ့ အာဏာရှင်
ဒေါက်တိုင်တွေလဲ ထောင်နန်းစံရတော့ သဘောတော့ပေါက်တဲ့သူတွေလဲပေါက်ကြမှာပေါ့ဗျာ။

တချို့ကတော့ လူမှုရေးအလုပ်ဆိုတာ သေးသေးမွှားမွှားပါ နိုင်ငံရေးမှ နိုင်ငံရေးအာဏာရမှ အများကြီး ထိထိရောက်ရောက်လုပ်နိုင်မှာပါဆိုပြီး လူမှုရေးအလုပ်တွေကို သိပ်အထင်မကြီး
ကြဘူးဗျ လူမှုရေးဆိုတာ နိုင်ငံရေးရဲ့ လက်အောက်ခံပါ ဘာညာပြောကြသေး ဟုတ်ပါတယ်
နိုင်ငံရေးကတော့ခေါင်ပေါ့ဗျာ ဒါပေမဲ့လဲ နိုင်ငံရေးဆိုတာ လဲကိုယ့်ပြည်သူတွေအတွက်လုပ်
တာပဲမဟုတ်လား များများမလုပ်နိုင်ခင်မှာ နည်းနည်းလုပ်နိုင်သလောက်လုပ်တော့လဲ ကောင်း
တာပါပဲ ကန္တာရကြီးထဲက အိုအေစစ်လေးတွေ များလာရင်လဲ ကန္တာရကြီးဆိုတာ ဘယ်ရှိတော့
မလဲမဟုတ်လား။

နောက်နိုင်ငံရေးအဓိကလုပ်မယ်လို့ အော်နေတဲ့ နိုင်ငံရေးသမားရင့်မကြီးတွေကလဲ လူမှုရေး
အလုပ်သမားလယ်သမားရေးတွေကို သူတို့ဖြစ်ချင်တာဖြစ်ဖို့ လောက်သာစည်းရုံးတာ သူတို့
မဲရရေးအတွက်သာ စည်းရုံးတာဖြစ်ပြီး တကယ်စိတ်ပါဝင်စားပြီးကိုယ်တိုင်ကိုယ်ကြ ကူညီပါ
ဝင်သူတွေက နည်းပါတယ် ရွာမှာဆို အစိုးရပါတီ အတိုက်အခံပါတီ ဘယ်ပါတီပဲလာလာ အိမ်
ကကြက်လေးရိုက်သတ် မရှိရှိတာလေးချက်ကျွေး မစားရ၀ခမန်းနိုင်ငံရေးစကားတွေနားထောင်
ပြီးပြန်သွားကြ မြို့မှာတွေ့တော့ လက်ဖက်ရည်လေးတောင်ပြန်မတိုက်ချင်ကြတဲ့သူတွေများပါ
တယ်။

ကိုချစ်ဖေစဉ်းစားတာကတော့ အဲ့ဒီအလုပ်သမား လယ်သမား ခေါင်းရွက်ဗျတ်ထိုးဈေးသည် ဆိုက်ကားသမား ပွဲစား ကုန်သည် ၀န်ထမ်းအားလုံးက မိုးပေါ်ကကျလာကြတာမဟုတ်ပါဘူး
သူတို့ရဲ့အရေးကို လက်တွေ့ကျကျ ကူညီလုပ်ကိုင်ပေးမှ စည်းရုံးရေးလုပ်မှ သူတို့ကလဲ ကိုယ်နဲ့
အတူပူးပေါင်းပါဝင်လာမှာပါ။ ၁၀ တန်းအောင်ဖို့အဓိကဆိုပေမဲ့ သူငယ်တန်းကနေ စသင်ကြရ
တာပဲ မဟုတ်လား။ ခု စစ်အစိုးရရဲ့ အခြေခံဥပဒေကို သဘောမတူတဲ့ လက်မခံတဲ့ နိုင်ငံရေး
ပါတီကြီးဖြစ်တဲ့ အမျိုးသားဒီမိုကရေစီ အဖွဲ့ချူပ်ကြီးကနေ လူထုကိုမျက်နှာမူတဲ့ လူထုအကျိုးကို
ရှေးရှု့တဲ့ လူထုကို ကူညီတဲ့ လူထုနဲ့တသားထဲဖြစ်တဲ့ နိုင်ငံရေးကို ဆက်လုပ်ကြမယ် ပါတီရှိရှိ
မရှိရှိ နိုင်ငံရေးတော့ရှိတယ် ဆက်လုပ်နိုင်တာတွေ နက်ဝက်တွေဖွဲ့ စုစည်း ပေါင်းစပ်လုပ်ကြ
မယ်ဆိုတော့ ၀မ်းသာစရာဗျာ။

နို့မို့ နိုင်ငံရေးပါတီဆိုတာဗျာ စစ်အာဏာရှင်တွေ ခွင့်ပြုသလောက်လေးပဲ လုပ်ကြတာပါ ယူနီ
ဖေါင်းလေးဝတ်လမ်းသလား(ဒါတောင်ပြည်တွင်းမှာ မလွယ်ကူဘူးနော တော်ရုံသတ္တိဗျတ္တိနဲ့မ
လုပ်ရဲ) ပြည်ပမှာဆို လက်တော့လေးတွေရှေ့ချ လခရတဲ့သူတွေလဲရကြလို့နောက်လာနောက်
သားတွေက ထင်သွားရင်မခက်လား စစ်ကျွန်ဘ၀က သက်ဆိုးဆက်ရှည်နေရတော့မှာပေါ့။
ကိုချစ်ဖေဥာဏ်လေးနဲ့ ကိုချစ်ဖေထင်တာပြောတာပါ မှားရင်လဲမှားနေမှာပေါ့။

လူထုကို တကယ်ချစ်တဲ့ သူတွေလုပ်တဲ့အနစ်နာခံမှုမျိုးကိုတော့ သူတို့လိုက်မလုပ်နိုင်ကြပါဘူး
ကိုကျော်သူရဲ့ နာရေးကူညီမှုအသင်းလိုမျိုး ကို ကြံဖွံက အံတုလို့မှ မရပဲဗျာ။ လူထုကိုတကယ်
ချစ်တယ်ဆို လုပ်ကြပေါ့နော။ မဟော်သဓါသားတရားစီရင်ခန်းလို အမေအစစ်က ဘယ်သူလဲ
ပြည်သူတွေကိုတကယ်ချစ်တာလား မချစ်ဘူးလားဆိုတာဆိုတာ လက်တွေ့ကပဲ ပြည်သူတွေ
အတွက် အဆုံးအဖြတ်ပေးနိုင်မှာပါ။ ကိုယ့်လူရော သူ့လူရောပေါ့။

ရှင်ကွဲ

2010-05-02T07:04:00.000-07:00

ရှင်ကွဲ

တောင်တန်းကြီးရဲ့ကျောပေါ်မှာ
တင်ထားတဲ့ ရထားသံလမ်းလေးဟာ
ဂီတာကြိုးဆိုရင်
ရထားဥသြသံလေးက ဂီတာသံပေါ့မေမေ။

စက္ကူစွန်တွေ တိမ်စားတဲ့ကစားပွဲမှာ
သားမပါခဲ့ဘူး။
(သားကိုသား လွှတ်တင်ဖို့ ကြိုးတချောင်းမရှိခဲ့တာလဲပါမှာပေါ့)

အဲ့ဒီည

အိမ်ခြေယာမဲ့တယောက်ရဲ့ ညမှာမှ
လှိုင်းတွေက
သားကိုလာလာစီးတယ်
သားကတော့ ပင်လယ်ကိုမေမေ့ရင်ခွင်လို
တိုးဝှေ့ခဲ့ပေါ့။

မိုးစဲနေ

ကိုယ်ရေးကိုယ်တာ

2010-04-13T02:00:00.000-07:00

ကိုယ်ရေးကိုယ်တာ

ဘာမှမရှိဘူး
လွင်တီးခေါင်သက်သက်
သွားလမ်းသာလို့ ပြန်လမ်းမဖြောင့်ဘူး
ကိုယ့်ကိုကိုယ် ပစ်စလက်ခတ် တိုက်ပိတ်ထားတယ်
ကျွန်းချထားတယ်
အဲ့ဒီနေ့များ ခင်တန်းလဲမရှိ ပန်းလဲမပွင့်
မျက်ရည်နဲ့ကြိုတာတော့မရှိ
တောသင်္ဘောဆိပ်မြို့လေးမရှိ
ဘာမှမရှိဘူး
ဘာမှမရှိရင်တောင်မှ
ကျကျနနအရှုံးတွေတော့ရှိတယ်
အရှုံးကို အရှုံးနဲ့နမ်းရှိုက်
အရှုံးကို အရှုံးနဲ့ပစ်ပေါက်
အရှုံးကို အရှုံးလိုသိမ်းခေါက်
ဘာပဲဖြစ်ဖြစ် ဖြစ်ချင်သလိုသာဖြစ်
အဲ့ဒီမြေမှာ ကျနော်အောင်လံစိုက်ခဲ့တယ်မေမေ။

မိုးစဲနေ

ခရီး

2010-03-25T14:52:00.001-07:00

ခရီး

ဝပ်ကျင်းလေးရဲ့ခေါင်မိုးပေါ်
လောကဓံ မိုးတွေ တဗြုံးဗြုံးရွာချချိန်
ကမ်းကပ်ခွင့်မရတဲ့လှေကလေးပါ။

မေမေရေ..
ရှည်ရှည်လျားလျားနေ့တွေထဲ
အနွေးထည်အဟောင်းလေးနဲ့
သား..
ခရီး..ဆက်ခဲ့ပြီ။ ။

မိုးစဲနေ

ဗိုလ်ပြူး နဲ့ ကိုချစ်ဖေ

2010-03-09T17:56:00.000-08:00

ဗိုလ်ပြူး နဲ့ ကိုချစ်ဖေ

မေ၀တ်ရည်သောင်းနဲ့ ထက်ဝေယံကို ကိုချစ်ဖေအွန်လိုင်းမှာ စပြီးသိလာတာလေ မေ၀တ်
ရည်သောင်းလေးက ကိုချစ်ဖေတို့နဲ့ တမြို့ထဲသား သူ့ချစ်သူလေး ထက်ဝေယံကလဲ ကိုချစ်ဖေ
တို့ မြစ်ဝကျွန်းပေါ်သားလေ ဒါကြောင့် အဝေးမှာ အင်တာနက်ကြီးပေါ်မှာ တွေ့တော့သူများ
တွေထက်ခင်တာပေါ့ဗျာ နာမည်တွေလား ဘယ်နာမည်အရင်းဟုတ်ပါ့မလဲ ကောင်မလေးက
အေးဝတ်ရည်သောင်းတို့ နှင်းဝတ်ရည်သောင်းတို့ရဲ့ ညီမလေးလားမှတ်ရတယ် ဒါ့ကြောင့် သူ့
ကို မေ၀တ်ရည်သောင်းလို့ခေါ်တယ် သူ့ချစ်သူကောင်လေး ထက်ဝေယံကိုတော့ ရုပ်ရှင်မင်း
သား ရီဝေယံနဲ့ ခပ်ဆင်ဆင် ဆိုတော့ ထက်ဝေယံလို့ပဲခေါ်လိုက်တယ်ဆိုပါတော့။ တကယ်
တော့ သူတို့ နှစ်ယောက်စလုံးက သူတို့ပင်ကိုယ်ရုပ်ရည်ချောမော တင့်တယ်သူတွေပါ အနီး
စပ်ဆုံး တူတဲ့သူတွေနဲ့ သရုပ်ဖေါ်လိုက်တာပါ သူတို့ကိုယ်တိုင်သာ ရုပ်ရှင်လောကနဲ့ နီးစပ်လို့
ရုပ်ရှင် ဗွီဒီယို ရိုက်ရရင် ဟိုမင်းသားမင်းသမီးတွေထက်တောင်ကျော်နိူင်သေး။

ထက်ဝေယံက ကိုချစ်ဖေကို “အကို အကိုနဲ့ ဗိုလ်ပြူးနဲ့ ဘယ်လိုလုပ်သိသွားတာလဲတဲ့ ကျနော်
တို့မြို့မှာ ဗိုလ်ပြူးဆိုအားလုံးသိတယ် တပြူးထဲရှိတယ်လေ အကိုလဲ ဒါမျိူးတွေ ၀ါသနာပါလို့
လားတဲ့” ကိုချစ်ဖေလဲ အဲ့ဒီတော့မှ ကမန်းကတမ်းရှင်းရတာပေါ့ “မဟုတ်ပါဘူး ထက်ဝေယံ အ
ကို ဒါမျိူးတွေ ၀ါသနာမပါ ပါဘူး ဗိုလ်ပြူးနဲ့ လူချင်းကိုခင်မင်လို့ပါ” ဆိုလေ ထက်ဝေယံက ရယ်
လေပဲ “အကိုကလဲ ၀ါသနာမပါဘူးသာဆိုတယ် ဗိုလ်ပြူးနဲ့သူငယ်ချင်း လူချင်းခင်မင်လို့ဆို
တော့ ကျနော်နားမလည်တော့ဘူး” တဲ့ အဲ့ဒါနဲ့ ထက်ဝေယံကို ရှင်းပြရတာပေါ့ ဒို့အရေးပြီးကာ
စ ဗိုလ်ပြူးနဲ့ ကိုချစ်ဖေနဲ့က ဘ၀တက္ကသိုလ်ကြီးမှာ မတက်ချင်တက်ချင်နဲ့ မတက်မနေရ တက်
လာခဲ့ရသူတွေလေ ဒီတော့ သိတာပါ အပြင်မှာတော့ တခါမှ သူ့အိမ်မရောက်ခဲ့ပါဘူးပေါ့။

ကိုချစ်ဖေ ကျောင်းထဲမှာရှိတုန်းက ဗိုလ်ပြူးတို့ ကျသစ်တွေ ရောက်လာတယ် ထောင်ပုံစံသင်
နေတုန်းပါ ဗိုလ်ပြူးကို တဖုန်းဖုန်းနဲ့ ရိုက်နေတော့ ဘာဖြစ်တာလဲလို့ ကိုချစ်ဖေလဲ ကြည့်မိတာ အဲ့ဒီတုန်းကတော့ ဗိုလ်ပြူးမှန်းဘယ်သိဦးမလဲ ပုံစံသင်တဲ့သူက တော်တော်ကို စိတ်မရှည်ဖြစ်
နေပြီ “ခင်ဗျားကို ဘယ်နှစ်ခါ သင်ပေးရဦးမလဲ ထောင်ထဲမှာ အဲ့ဒီလိုပဲ သုံးရတယ် သေသေချာ
ချာလိုက်ဆို မရရင် နာမယ် ဘာမှုဖြစ်လဲဆို…တရွာထဲနေ မိန်းကလေးသုံးဦးအား ပြည့်တန်ဆာ
ခေါင်းလုပ်မှု..လို့ ဖြေရမယ် တရွာထဲနေ မိန်းကလေးသုံးဦးအား -ါ ခေါင်းလုပ်မှုလို့ မဖြေရဘူး
ဒါရုံးမှာဖြေရမှာ” တဲ့ သင်တဲ့သူက သင်ပေမဲ့ ဗိုလ်ပြူးကလဲ သူအလုပ်ကို သူစိတ်စွဲနေလို့ထင်ပါ
တယ် နောက်ကြောက်တာလဲပါမှာပေါ့ သူဖြေတိုင်း “ တရွာထဲနေ မိန်းကလေးသုံးဦးအား -ါ
ခေါင်းလုပ်မှု” လို့ပဲဖြေဖြေနေတယ် ပြည့်တန်ဆာလို့ အစားထိုးဖြေရမှာကို မှားနေတာ
တော်တော်အရိုက်ခံရပြီးမှ မှန်သွားတယ်။

နောက် ဗိုလ်ပြူးက စီမံချက်နဲ့ ထောင်သုံးနှစ်ကျပြီး ကိုချစ်ဖေတို့ အခန်းကိုရောက်လာတယ် လူ
ပုံပမ်းက ဖြူဖြူသေးသေး ကွမ်းစားတယ် ပြုံးပြုံး ပြုံးပြုံး တွံတေးသိန်းတန် ဟင်္သတထွန်းရင်တို့ရဲ့
သီချင်းတွေ တန်းပိတ်ရင် အမြဲဆိုတယ် ကျန်တဲ့အချိန်မှာလဲ သူက သီချင်းလေးတအေးအေးနဲ့
ဆိုတော့ ကိုချစ်ဖေတို့လဲခင်တာပေါ့။ ညဖက်ဆိုတန်းပိတ်ချိန် ကိုချစ်ဖေတို့ ၀ိုင်းကိုလဲ စကား
လာလာပြောတတ်တယ် သူပြောပြတာက “ကိုချစ်ဖေရယ် တကယ်ကကျနော်ခုလိုဒီကိုရောက်
လာတာ ရောက်ချင်လို့ကို ရောက်လာတာပါ ကျနော့်ကို ဒီတခါတော့ စီမံချက် လိုင်းကြေးပေး
လို့ကို မရတော့ဘူး ခင်ဗျားနာမည်က တိုင်းအထိပေါက်နေပြီး ကျနော်တို့လဲ ကာလို့မရတော့
ဘူး ဒီတော့ခင်ဗျားကို ဖမ်းရလိမ့်မယ် လို့ နယ်ထိမ်းကိုယ်တိုင်က လာပြောတာပါဗျာ ကျနော်တို့
လဲ လိုင်းကြေးမှန်မှန်ပေးပါတယ်” တဲ့။

သူ့ကိုသူများတွေက ဗိုလ်ပြူးလို့ခေါ်တာ ဘာဖြစ်လို့ ခေါ်တာလဲ လို့မေးကြည့်တော့“သိဘာဘူး
ဗျာ အဲ့ဒီလိုခေါ်ကြတာပဲ ခင်လို့ပဲ နေမှာပေါ့တဲ့ဒါ့ကြောင့် ကျနော်လဲ ဒီနာမည်ကြိုက်တယ် ” တဲ့
အဲ့ဒီတော့မှပဲ သူငယ်ချင်းတွေကို ပြန်သတိယလာတယ် တိုက်တိုက်ဆိုင်ဆိုင် ပဲခူးက ကျနော့်
သူငယ်ချင်းသုံးလေးယောက်က ကျနော့် ကို ဗိုလ်ချစ် ဗိုလ်ချစ်ခေါ်တယ် ကျောင်းတွေပိတ် ခါနီး
တော့ လိပ်စာတွေအပြန်အလှန်ပေးကြရင်း ကျနော့်စာအုပ်ထဲမှာ ဗိုလ်ချစ်ဘာညာရေးကြတယ်
ဗျာ အပြင်မှာလဲ အဲ့ဒီလိုပဲခေါ်တာပါပဲ ဖြစ်ချင်တော့ ကိုခင်ညွန့်တို့ ထမင်းစားဖိတ်တော့ အဲ့ဒီစာ
အုပ်ကိုသိမ်းသွားတယ် စစ်ကြောရေးထဲမှာ မင်းကို သူများတွေက ဘာလို့ ဗိုလ်ချစ်လို့ခေါ်တာ
လဲ ဘယ်တုန်းကခေါ်တာလဲဆိုပြီး ထုနေလို့ဗျာ မနည်းရှင်းရတယ် အဲ့ဒီလိုနဲ့လဲ ဗိုလ်တွေနဲ့ ရေ
စက်မှာ ဆုံတယ်ဗျာ။

ဗိုလ်ပြူးနဲ့တော့ တော်တော်ကိုခင်ပါတယ် ကျနော်တို့က “ခင်ဗျားကို ခု အဲ့ဒီအမှုနဲ့ ဖမ်းလာပြီဆို
တော့ ခင်ဗျားအလုပ်ကိုရပ်ထားရတယ်ပေါ့” လို့မေးတော့ “ဘယ်ကလာရပ်ရမှာလဲဗျာ ကျနော့်
မိန်းမကဆက်ပြီးလုပ်နေလို့ ထောင်ဝင်စာလေးမှန်နေတာပေါ့ ခုအဖမ်းခံရတဲ့ကောင်မလေးတွေ
ကလဲဖြစ်ချင်တော့ ဝေးဝေးကိုမပြေးလို့ကို ရဲကဖမ်းမိသွားတာ ဒီတော့ ကျနော်ကိုသက်သေခံပ
စ္စည်းနဲ့ကကွ မိတယ်ဆိုတာမျိူးလုပ်တာပေါ့ ခုလဲ လိုင်းကြေးပေးပြီးဆက်လုပ်နေတာပါပဲဗျာ” တဲ့ ဗိုလ်ပြူးက သီချင်းလေးညည်းညည်းနေတတ် သီချင်းဆို ၀ါသနာပါတော့ ကျနော်တို့က သူသီချင်းဆိုနေတာတွေ့တိုင်း ကွမ်းယာကို ခါးကြားထဲထည့်ထားပြီး သူ့ရှေ့မှာ ထုတ် “ ရော့…
ဗိုလ်ပြူး ဒီကွမ်းယာကိုစား ပြီးရင် နားထဲသာထွေးချလိုက်” လို့စတိုင်း သူသီချင်းဆိုတာရပ်ပြီး တဟားဟားနဲ့ကို အော်ရယ်တာ။

နောက်ကျနော်တို့ရှေ့မှာဆို ဘယ်တော့မှသီချင်းမဆိုတော့ဘူး ဒါပေမဲ့လဲ တခါတော့ လက်
ဖက် ရေနွေးကြမ်းပါ အဆောင်ထဲရှာဖွေလုပ်ထားတယ် အဆောင်ပိတ်တော့ တယောက်က
မျက်နှာသေလေးနဲ့ ဗိုလ်ပြူးကိုသွားဖိတ်တယ် “ဗိုလ်ပြူး လက်ဖက် ရေနွေးကွမ်း ဆေးလိပ်အကုန်
ရှိတယ် ထောင်ဝင်စာလာထားတယ် ကျနော်တို့နဲ့ စကားလာပြောပါဦးဆိုပြီး သီးသန့်သွားဖိတ်
တယ်။ဗိုလ်ပြူးကလဲ လိုက်လာတာပါပဲ ကျနော်တို့နဲ့ ဟိုပြောဒီပြောပေါ့ “အသစ်ကလေးဆိုတာ ကိုယ့်ဆီကို ခုမှရောက်တာဆို အသစ်ကလေးပဲဗျ ဘယ်လောက်ဒီအလုပ် လုပ်ခဲ့လုပ်ခဲ့ ခင်ဗျား
တို့ ဘယ်တော့မှ မယုံနဲ့” “ကျနော်တို့က တကယ်တော့ ကြားကပွဲစားပါဗျာ”ဘာညာဆိုတာမျိူးပေါ့ ။

ကျနော်တို့ကလဲ သူသီချင်းဆိုတာ နားထောင်လို့ကောင်းကြောင်း အိမ်မှာရော ဒီလိုပဲ အမြဲဆို
နေတာပဲလား ဆိုပါဦး ဆိုတော့ မဆိုတော့ဘူး ကျနော်တို့ သူသီချင်းဆိုတိုင်း ကွမ်းယာနဲ့ နောက်နေကြဆိုတော့ မဆိုတော့ဘူး ကျနော်တို့ အားလုံးကလဲ အလကားစတာပါ ဗိုလ်ပြူးရယ်တကယ်ကောင်းတာပါ ခင်ဗျားကဟင်္သာတ
နားမှာ နေလို့လားမသိဘူး ဟင်္သာတထွန်းရင် သီချင်းဆိုရင် ပိုတူတယ် ဘာညာ လျှောက်ပြော
ရတာပေါ့ အဲ့ဒီလို အားလုံးက အတည်ပေါက်နဲ့ တကယ်ပြောနေတော့ သူယုံတာပေါ့ သူက
“ဒါဆိုလဲ ကျနော်ဆိုမယ်ဗျာ” ဆိုပြီးဆိုတော့တာပါပဲ သူတကယ်သီချင်းအပေါ်မျာ ဈာဉ်ဝင်တဲ့အချိန်ကြမှ အသင့်ယာပြီး
ခါးကြားထဲဖွက်ထားတဲ့ ကွမ်းယာထုတ်လေးကို သူ့ရှေ့ထိုးပေး ခေါင်းကိုလဲ စောင်းပေးစားပြီး
နားထဲကိုသာ ကွမ်းတံတွေး ထွေးထည့်ပေတော့လို့ အမူအယာနဲ့ လုပ်ပြတယ်ဆို တဟားဟား
ရယ် တာမဆုံးတော့ဘူး “ခင်ဗျားတို့ကို သတိထားနေရက်နဲ့ ခံရပြန်ပြီ” လို့လဲပြောသေး။

နောက် သူရဲဘက်စခန်း ပါသွားခါနီး သူမသေလို့ သူ့မြို့လေးကို ပြန်ရောက်တဲ့အခါ ဘူတာမှာ
ထဲက သူ့နာမည် ဗိုလ်ပြူးကိုပြောပြီးမေးလိုက်ပါ ကြိုက်တဲ့ဆိုက်ကားသမားကို ပို့ခိုင်းလို့ရပါ
တယ် ဆိုက်ကားခပါ ဆီးပေးမယ်ဗျာ ခင်ဗျားတို့သာလာမယ်ဆိုရင် ကြိုက်သလောက်နေ ဧည့်
စာရင်းပါ တိုင်စရာမလိုဘူး ကျနော်ဆီမှာ အမြဲ ကောင်မလေးတွေ ၁၀ ယောက်အထက်ရှိတယ်

ရ၀တလဲ ကျနော်ပိုင်တယ် နယ်ထိမ်းလဲ ကျနော်ပိုင်တယ် ကျနော့်တော့ ဧည့်ခံစရာ ဒါပဲရှိတယ်
တဲ့ကျနော်တို့ကလဲ ဗဟုသုတအလို့ငှါမေးမြန်းတာပါ နောက် ထောင်ကျခြင်း ဘ၀တူခြင်း ချစ်
ချစ်ခင်ခင်နေတာပါ ဗိုလ်ပြူးဆီကိုတော့ တခါမှ မရောက်ခဲ့ပါဘူး သူ့ရှိတဲ့ တောမြို့လေးရဲ့ဘူတာ
ကိုတော့ ခဏဖြတ်သွားရင်းရပ်ခဲ့သေးတယ်။

သူအိမ်ကိုပြန်ရောက်မရောက်တော့ မသိတော့ပါဘူး နောက် ထက်ဝေယံနဲ့ တွေ့တော့ မေး
ကြည့်တော့ ဗိုလ်ပြူးက ခုထိရှိတုန်းပဲတဲ့ သူကတော့မရောက်ပါဘူးတဲ့ ကျနော်ကလဲ သတိယ
လို့သာ တကယ်က အဝေးမှာ နောက်ပြန်တွေ့ရင် ကျနော့်ကို မှတ်မိမယ်တော့ ထင်ပါတယ်။
ဘယ်လိုပဲဖြစ်ဖြစ် ဗိုလ်ပြူးအသက်ရှင်လျှက် ရှိနေသေးတယ်ဆိုတော့ ၀မ်းသာရပါတယ် လေး
လုံးရောဂါတွေကလဲများနေတော့ ကျမ်းတော့ကျမ်းမာပါ့မလား မသိ။

ဝေးခဲ့ရင်

2010-03-04T06:16:00.000-08:00

“ဟားဟား..ဟားဟား..
ဟေ့ကောင်..ကျော်ဌေး..မင်း မင်္ဂလာဦးညက တယ်မိုက်ပါလားကွာ..
ခုနတန်းပိတ်ပြီးတော့ ဟိုကောင်တွေအုပ်စုက ဆိုနေတဲ့သီချင်းက မင်းမင်္ဂလာဆောင်ကဖွင့်
နေတာကိုး..
တော်တော်ရယ်ရတဲ့ကောင်ကွာ
ကိုယ်ကိုယ်တိုင်တောင် ကျရက်မသိသေးတဲ့ကောင်က ရုံးထွက်ရင်း တရားရုံးမှာ လက်မှတ်ထိုး
ပြီးမိန်းမယူလာရတယ်လို့…
ဟိုကောင်မလေးကကော..လွတ်ပြီးမှ ထောင်ဝင်စာလိုက်
တွေ့ ချင်နေတယ်ထင်တယ်..ဟင်း..
မရှိလို့ ခိုးဝှက်စားနေရတဲ့ ကောင်မကများ အမှုသေးလို့ လွတ်ရက်နီးတာနဲ့ လင်ယူချင်ရသေး..”

“ဆရာ..ကျနော့်ကို ပြောချင်ပြောပါဆရာရယ်..
ကျနော့်ကောင်မလေးကိုတော့ မပြောပါနဲ့ သူလဲစားစရာမရှိလို့ ခိုးတယ် တခါခိုး တခါမိတယ်.
ကျနော့်ကသာ ငယ်ငယ်ထဲက ခဏခဏ ခိုး မှုနဲ့ဝင်နေတာပါ..ကျနော့်ကိုပြောပါဆရာ..
ကျနော်တို့ ခုလို ရုံးထွက်ရင်း လက်မှတ်ထိုးယူလိုက်တာ ခုအတူမနေရပေမဲ့ ..သူနဲ့ကျနော်
လွတ်လာတဲ့အခါ အတူနေကြရမှာပဲ ဆရာ..”

“ဟား..ဟား..တော်တော်ရူးတဲ့ကောင်ကွာ..ထောင်ထဲရောက်လို့ ဒုက္ခရောက်နေလို့ ချစ်တာ
ကြိုက်တာတွေ မေ့ထားတယ်မှတ်တယ် အံ့ရောကွာ..မင်းကရော ဘယ်တော့လွတ်မှာလဲ..
ခိုးမှုက ၄ မှု ဖေါက်ထွင်းမှုက ၂ မှု လေ..”

“ဆရာ..ကျနော်တရားရုံးမှာ ၀န်ခံပြီးပြီဆရာ အမြန်ထောင်ချမှာပါ။ ကျမှာမထူးတော့ မြန်မြန်ကျ
မြန်မြန်လျှော့ရက်ရ မြန်မြန်လွတ်အောင်ပေါ့ဆရာ..ကျနော်ရဲဘက်ပါသွားလဲ ကောင်မလေးလိုက်လာတွေ့လို့ ရတယ်လေဆရာ..”

“အေးအေး..ကျော်ဌေး မင်းစိတ်ကူးနဲ့မင်းတော့ ဟုတ်နေတာပဲ..ရဲဘက်မှာ ဂိပြီး မသေရင်တော့
ပေါင်းရမှာပေါ့ကွာ မသေအောင်ကြည့်နေပေါ့ကွာ..ငါတော့ ဒါပဲလက်ဖွဲ့နိူင်တယ်..မင်းကလဲ ဘာမှ မကျွေးတာပဲကွာ..”

“ဆရာ..ကျနော်တို့ မနက်က အချူပ်ခန်းထဲက ချူပ်သစ် ကျသစ်တွေအားလုံး လက်ဖက်ရည်တိုက်ပါတယ်ဆရာ ကျနော်တို့ လက်မှတ်ထိုးတဲ့ရုံးက ၀န်ထမ်းတွေလဲ လက်ဖက်ရည်တိုက်ပါတယ်ဆရာ..ဟဲဟဲ..ကျနော်လဲ ပိုက်ဆံအကုန်ပါပဲ..”

“အေးကွာ..မင်းစိတ်ချမ်းသာရင်ပြီးရော..စာခိုးရေးတဲ့ကောင်တွေ သတိထား နိူင်ငံရေးတွေ တိုင်စာတွေ မိလို့ကတော့ ချီးထွက်သွားအောင်ရိုက်ပစ်မယ်..ရည်းစားစာလဲ မရေးကြနဲ့ အရူးမထကြနဲ့…သိလား..”

“ဟုတ်ကဲ့ပါ..ဆရာ..”

သူခိုးကျော်ဌေး(အခြားကျော်ဌေးများလဲရှိ၍ အများကထိုသို့ ခွဲခေါ်ခြင်းသာဖြစ်ပါသည်)နဲ့ ထောင်မှုးတယောက် ကျော်ဌေးတို့ ချစ်သူနှစ်ဦး တရားရုံးမှာ လက်မှတ်ထိုးပြီးသောညမှာ ထောင်မှုးက ကင်းလှည့်လာရင်း ကျော်ဌေးသတင်းကြား၍ အပြန်အလှန်ပြောနေကြခြင်း ဖြစ်သည်။ ကျော်ဌေးက အမှု ၆ မှု တချိူ့ထောင်ကျပြီး တချိူ့ကျန်နေသေး၍ရုံးဆက်ထွက်နေရ
သည်။

အသားညိုညို ထောင်ထောင်မောင်းမောင်း ထောင်ထဲကို ငယ်ငယ်ထဲက ၀င်လိုက်
ထွက်လိုက် ထောင်ကပြန်ထွက်တာနဲ့ ပြန် ခိုး ပြန် ခါးပိုက်နှိုက် သံသရာလည်နေခဲ့ရင်း အရွယ်
ရောက်လာသူ ရုံးထွက်ရင်း မိန်းကလေးထောင်က ခိုးမှုအချူပ်ကျကောင်မလေးနဲ့ မျက်လုံးချင်း
ဆုံ ရင်ခုန်ခဲ့ကြသည်တဲ့ သူကလဲ စာကိုဖတ်တတ်ရုံ ကောင်မလေးက မဖတ်တတ် အချူပ်ကား
တကားထဲ ရှေ့နောက်သံတိုင်ခြားစီးကြရင်း ချစ်သွားကြသည် အပြန်အလှန်စာပေးစာယူခဲ့ကြ
သည်။ ရုံးချိန်းအတူကျအောင် တရားသူကြီးကိုတောင်းပန်ခဲ့ကြသည်။

မိန်းမထောင် ထမင်းပုံးထမ်းသူငယ်ချင်းများဆီက ရင်ခုန်စရာ လက်ရေးလှလှလေးများ
နှင့်ပြန်စာတွေရခဲ့သည်။ ကျော်ဌေးက ကျနော်နဲ့ခင်သည် ကျနော်က ကျော်ဌေးရဲ့ ရုန်းကန်နေ
ထိုင်ရမှုကို စိတ်ဝင်စားသည် ကျနော့်ဆေးလိတ်လေးကို ဖဲ့တိုက်ရင်း ရင်းနှီးခဲ့ကြသည်။ ရင်းနှီး
၍လဲ ကျနော့်ကို သူ့အချစ်ဇာတ်လမ်းကို ရင်ဖွင့်သည်။ စာကောင်းမွန်စွာမတတ်ကြသူခြင်း ဘယ်လိုစာပေးစာယူဖြစ်သွားကြသည်လဲ ဆိုတော့ စာရေးပေးတဲ့သူကရေးပေးသည်။ စာဖတ်
ပြီးပြန်စာရေးပေးသူက ပေးသည် စာတစောင်နှင့်တစောင် လက်ရေးမတူတတ် နီးရာလူကို အ
ကူအညီတောင်းပြီး စာရေးကြသည်။ စာပြန်ကြရသည်။ မဖတ်တတ်တဲ့စာလေးကို ခဏခဏ
ထုတ်ကြည့်ရင်း အလွမ်းဖြေကြရသည်။ ရရာစာရွက်ပေါ်မှာ အဆင်ပြေသလိုရေးရတော့ စာ
ရွက်က မျိူးစုံသည် ဆေးလိတ်ထုတ်တံဆိပ်နောက်ကျော စီးကရက်ဗူးခွံ ဗမာပြည်လုပ် အိမ်
သာသုံး စက္ကူထူ စာအကုန်လက်ရေးစုံ သိမ်းထားသည်။ နောက်သူတို့လက်ထပ်ရန် တသက်လုံး မခွဲအတူနေကြရန် သဘောတူ လိုက်ကြသည်။

လက်ဖက်ရည်တိုက်ဖို့ ထောင်ထဲမှာပဲငွေရှာ အမှုအကုန် ထောင်မြန်မြန်ကျ ရဲဘက်မြန်မြန်ပါရင် ရဲဘက်မှာ ချစ်သူနှင့် အတူနေထိုင်ခွင့်ကို ရင်ခုန်နေရသည် ကောင်မလေးက အသားဖြူဖြူတစ်
တစ်ရစ်ရစ် နှာတံပေါ်ပေါ် ရောဂါသည်အဖေနှင့် မောင်နှမများကို ရပ်ကွက်ထဲ အ၀တ်လျှော်ရေ
ခပ် အမှိုက်ရှင်း လိုရာလုပ်ပေးရင်းရှာကျွေးမွေး နောက်ခိုးမှုနှင့်ထောင်ထဲရောက်လာသူ ရုံးချိန်း
ထွက်ရင်း ကျော်ဌေးနှင့် ချစ်သွားသည်။ ကျော်ဌေးက ခိုးမှုသမား ခါးပိုက်နှိုက်ပေမဲ့ အချူပ်ခန်း
ထဲမှာ ရိုက်ရဲ ချင်းရဲ ခွာရဲ ချွတ်ရဲသည်။ ထိုနည်းနှင့်ထောင်ထဲမှာ ပိုက်ဆံရှာသည်။ကောင်မ
လေးက ထောင်ထဲမှာ ၃(ခ)အမှုသည်များနှင့်တွေ့ရင်း ထောင်ကအလွတ်မှာ လိုင်းထဲကို ရောက် သွားနိူင်လို့ ကျော်ဌေးက လက်ထပ်လိုက်ရတာဟု ပြောသည်။ ဘာပဲဖြစ်ဖြစ် ကျနော်
တို့အားလုံးအတွက်ထူးခြားနေသည် ကျော်ဌေးက သူဖွက်ယူလာသော စီးကရက်ဗူးထဲက စီးက
ရက်ကို ထုတ်ပေးရင်း သူတို့ တနေ့ပြန်ဆုံမှာလို့ ကျနော့်ကိုပြောပြနေသေးသည်။

အသက် ၂၀ အရွယ် ကောင်မလေး စာမတတ် အရှေ့အနောက်ရယ်လို့ သူမသိ ကျော်ဌေးပါ
သွားမည့် ရဲဘက်စခန်းကို လိုက်တွေ့ဖို့ ငွေကြေးမပြည့်စုံ ရုပ်ရည်သနားကမားနှင့် ထိုကောင်မ
လေး ကျော်ဌေးကို လိုက်ကောတွေ့နိူင်ခဲ့သည်လား ခိုးမှုနှင့်ထောင်ကလွတ်လာသော ထိုကောင်မလေးကို ရပ်ကွက်ထဲကကော အလုပ်ပေးကြပါဦးမည်လား။ ကျနော်မသိတော့ ကျနော်ထောင်ထဲမှာ ရှိနေတုန်း ကောင်မလေး ထောင်ကမလွတ်မီ ကျော်ဌေး ရဲဘက်ပါသွား
သည်။ ကောင်မလေးနှင့် အတွင်းထောင်ဝင်စာတွေ့ခွင့်ခဏရသွားသည်။ ကျော်ဌေးရဲဘက်မှာ သေဆုံးထွက်ပြေးစာရင်းသံကို ကျနော်နားစွင့်ထားမိသည်။ သူ့ထောင်ကျနှစ် ၄ နှစ်ခွဲ အပြီး သူ့မြို့လေးကို ပြန်ရောက်ရင် စက်ဘီးပြင်ဆိုင်လေးဖွင့်မည် သူစက်ဘီးပြင်တတ်သည် ဟုဆိုသည် ရပ်ကွက်ထဲ အေးအေးဆေးဆေးလုပ်ကိုင်စားတော့မည်လို့တော့ ပြောသွားသည်။

ထိုသို့ပြောသွားရင်း ပြန်ရောက်လာသူတွေလဲ မနည်းတော့ ကျနော်လွတ်လာခဲ့ပြီး အချိန်ထိ
ကျော်ဌေးသေဆုံးစာရင်း ထွက်ပြေးစာရင်းထဲမပါပါစေနဲ့လို့ ဆုတောင်းပေးခဲ့သည်။ ကျနော့်ဆုတောင်းကော ပြည့်နိူင်ပါ့မလား ထိုစာရင်းဇယားကို ကျနော့်ကိုကော ဘယ်သူက ရှာပေးမှာလဲ ရဲဘက်ပြေးများပြန်ရောက်လာသူများကို စမ်းတ၀ါးဝါးမေးကြည့်ရုံသာ။

အစစ အရာရာ အဆင်ပြေ ချောမွေ့ခဲ့သူများရဲ့ တက္ကသိုလ်အချစ်ဇာတ်လမ်းတွေက အားကြ
ဖွယ်ရာပါ ကြည်နူးဖွယ်ရာပါ အဆင်မပြေခဲ့ရသူတွေကကော လူသားတွေပဲမို့ ထောင်ထဲမို့လို့
မချစ်ကြရတော့ဘူးလား ။

ကျော်ဌေးတို့လဲ လူသားတွေပဲနော။

လမ်းပေါ်က ဘာမှမဟုတ်တဲ့ ကဗျာ

2010-03-01T01:56:00.000-08:00

လမ်းပေါ်က ဘာမှမဟုတ်တဲ့ ကဗျာ

လက်ဖြောင့်သေနတ်သမားရဲ့
ကြယ်တွေကိုချိန်တွယ်ပစ်ခတ်မှုတိုင်းကို
(ရူးရူးမိုက်မိုက်.ဗျာ)
အဲ့ဒီတုန်းက
တေလေလူငယ်လေး တယောက်က
လှောင်ပြောင်ရယ်မောခဲ့တာပါ။
ဘာမှမဟုတ်ပါဘူး။

ခင်ဗျားပြောတဲ့
လူကြီးလူကောင်းတွေက
ညစာကို တခန်းတနားစားတယ်
ယဉ်ယဉ်ကျေးကျေးစကားဆိုတယ်
ကျောသပ်ပြီးပြုံးတတ်တယ်
အကျိူးအမြတ်တခုတွက်
အရာရာလုပ်ရဲတယ်
မေ့လွယ်ပျောက်လွယ်ရှိတယ်
ကျောကသားနဲ့ ရင်ကသားခွဲချစ်တတ်တယ်။

ကျနော်က
အနှစ်သုံးဆယ်လောက်က
ဘ၀မှာမဆိုဖြစ်လိုက်တဲ့
ခေတ်ဟောင်းသီချင်းတပုဒ်ကို
အခုပြန်ဆိုချင်တယ်
“ကြိုက်တာရမယ် သူ့တန်ရာတန်ကြေး
ဘရာသာရေဇေပါတယ် ငွေသာအရင်မစပါ” *
ဒါဏ်ရာအနာတရပေါ်တိုင်း မဆိုဖြစ်ခဲ့ပါဘူး။

ခင်ဗျားကိုလား
ခင်ဗျားကို ဘာမှပြန်ပြောစရာလဲ မရှိပါဘူး
ခင်ဗျားလဲ ခင်ဗျားတောနဲ့ ခင်ဗျားရာသီ
ကျနော်လဲ ကျနော့်တလင်းနဲ့ ကျနော်ကွင်းနဲ့
ကျနော်မြက်ခင်းနဲ့
ထိုးခန်းကြိတ်ခန်းတွေပါတဲ့ရုပ်ရှင် ကျနော်လဲ မကြိုက်ပါဘူး
ခင်ဗျားကြိုက်တဲ့ ရာသီစာအပြုံးလှလှတွေလဲ မပြုံးတတ်ပါဘူး
ဒါနဲ့များ
တနွေစာ အလွမ်းတွေ ခူးလာခဲ့သေးတယ် ခင်ဗျားပြောသေးတယ်။

ကဲ..
သွေးရိုးသားရိုးပဲ
ကျနော်တို့ဝေးကြရအောင်။

ခင်ဗျားကို ကျနော်ပြောသားပဲ
အဲ့ဒီတုန်းက
တေလေလူငယ်လေးတယောက် ရယ်မောခဲ့တာပါ
ဘာမှမဟုတ်ပါဘူးလို့။

မိုးစဲနေ
* ဆရာစိုင်းခမ်းလိတ် ပလက်ဖေါင်းမင်းသား မှ စာသား

Type the rest of your post here.